香港越嚟越少手工點心食喇，隨住點心老店接連消失，真係要把握時光食多幾次。開業超過20年嘅「海洋超級漁港 (深海龍躉專門店)」，點心師傅依然堅持每日手工製作，人貴租貴下難得價錢親民。
「海洋超級漁港 (深海龍躉專門店)」開業超過20年，依然堅持每日手工製作點心。
熟客一定知最抵食係細點心拼盤(8件)$63、大點心拼盤(16件)$113。拼盤本身包咗蝦餃、燒賣，可以再自選其他點心，除開$8/件都唔使！
晚市優惠就有上湯西澳洲龍蝦伊麵$237(原價$468)、脆皮南乳吊燒雞優惠價$68/隻(原價$218)等，CP值極高啊。
特色自選點心拼盤優惠！
【點心時段】 早茶: 7am-2pm 下午茶: 2pm-4pm
【激抵自選拼盤詳情】 - 細點心拼盤(8件)$63 包括蝦餃、燒賣各2件；另自選以下2款點心(各2件)
- 大點心拼盤(16件)$113 包括蝦餃、燒賣各4件；另自選以下4款點心(各2件)
自選點心: 養顏紅棗糕、田園菜肉包、鮮蝦菜苗餃、潮州蒸粉果、健康粗糧糕、黑松露野菌餃 |
細點心拼盤(8件)$63。基本包括手工蝦餃、燒賣各2件；另自選2款點心各2件，完全抵食之選!!
(左)蝦餃晶瑩皮薄，新鮮蝦肉餡好足料。
(右)即日手製燒賣，召喚一眾燒賣fans!!
全場點心由師傅每日即場手製，燒賣、蝦餃全部足料飽滿。新鮮出爐叉燒包鬆軟輕甜，炸春卷、鹹水角就炸到金黃香脆，完全無油膱味，真係比現成來貨點心吸引好多呀。
點心師傅每日即場手製點心，新鮮出爐特別好食。
燒賣皇雙拼(牛肉燒賣及鮮蝦燒賣)。坊間少見，蘸辣椒油食好正。
叉燒包鬆軟多餡。
晚市優惠2選1
1) 上湯西澳洲龍蝦伊麵 優惠價$238/約1斤(原價$468) (芝士+$30)
2) 脆皮南乳吊燒雞 優惠價$68/隻(原價$218)、$38/半隻(原價$118)
*2位起供應晚市優惠 |
西澳洲龍蝦原隻開邊只係$238/約1斤(原價$468)。
龍蝦幾肥美，輕鬆離殼啖啖肉。
原隻脆皮南乳吊燒雞好大隻啊！現場用燒味爐燒到脆卜卜。
平時係切開上，咁大碟只係$68/隻咋!!
睇吓幾皮薄肉厚。
仲有多款小菜·小食～
把握優惠之外，呢度都有好多實惠套餐、小菜揀。一坐低想飲酒傾吓偈先，必食酸酸甜甜嘅話梅涼瓜。飲啤酒一定要食啲炸物先過癮，天婦羅鳳尾蝦、避風塘茄子都好金黃酥脆。
秋風氣，好啱食酸酸甜甜話梅涼瓜。
天婦羅鳳尾蝦，金黃酥脆飲酒一流。
避風塘茄子，外脆內爆汁。
【超優惠食龍蝦·龍躉！】
中秋一班人想包個半圍、一圍，「海洋超級漁港 (深海龍躉專門店)」環境坐得好舒服。即日起至2024年9月15日，中秋節套餐「龍蝦龍躉全包宴」只係$1,488/半席6位、$2,888/全席12位，10道菜包指定啤酒或汽水共12罐(半席6罐)啊。
超優惠「龍蝦龍躉全包宴」8月起供應。
「海洋超級漁港 (深海龍躉專門店)」座位闊落舒服。
店內特設酒櫃，提供多款美酒選擇。
惠顧其他指定套餐，可享VIP房麻雀耍樂，可以向餐廳查詢book定位。
海洋超級漁港 (深海龍躉專門店)
地址: 佐敦佐敦道23-29號新寶廣場3樓
電話: 23858863