原來喺香港都可以帶媽媽一嚐皇宮廚師手藝!! 杜拜、阿布扎比皇宮嘅廚師Balram Yadav 移居香港，喺尖沙咀開設自己嘅印度餐廳“Spice Bazaar”。Balram Yadav 擁有超過30年印度菜經驗，亦曾於印度五大酒店集團及香港人氣印度餐廳掌廚，擅於用多種香料煮製香港人鍾意嘅印度菜。
Balram Yadav曾任杜拜、阿布扎比皇宮廚師。最近於尖沙咀開設自己嘅印度餐廳“Spice Bazaar”。
一出𨋢就見到法國畫家Eric手繪壁畫，呈現印度文化。
“Spice Bazaar”環境精緻，提供室內及露台座位。
【母親節套餐】素食 / 非素食 媽媽都啱！
如果你有位素食媽媽，“Spice Bazaar” 都係好選擇，因為呢度係香港少有提供 素食 / 非素食 菜單嘅印度餐廳。今次母親節套餐都有唔少素食選擇，好似素食嘅伊朗三角餃(Irani Samosa)、酸辣醬芝士烤串(Chutney Paneer Tikka)、蘑菇豌豆咖喱(Kumb Mutter Masala)、茄子咖喱(Bagara Baigan) 等，以蔬菜、豆類同印度香料煮製，就算素食都好有印度風味㗎。
當然，母親節套餐都有窯烤大蝦(Tandoori Prawn)、馬薩拉羊肉(Masala Lamb)、香草奶油雞(Murgh Methi Malai) 等非素食選擇。“Spice Bazaar” 廚房特設印度傳統窯爐Tandoor，高達400°C嘅圓柱形大窯爐，keep住新鮮出爐印度烤餅、海鮮、肉扒、羊架!!
“Spice Bazaar” 母親節套餐$298。
Balram Yada擅於用多種香料煮出層次，唔會死辣。
店內設有印度傳統窯爐Tandoor，高達400°C 新鮮出爐印度烤餅、海鮮、肉扒、羊架。
“Spice Bazaar” 母親節套餐$298
【開胃菜】 扁豆湯(Dal Ka Shorba)
【前菜】 素食: 伊朗三角餃(Irani Samosa)、酸辣醬芝士烤串(Chutney Paneer Tikka)、窯烤花椰菜(Tandoori Phool)
非素食: 黑椒雞肉烤串(Murg Kali Mirchi Tikka)、窯烤大蝦(Tandoori Prawn)、羊肉串燒(Sheek Kebab)
【主菜(任選一款)】 馬薩拉羊肉(Masala Lamb) 香草奶油雞(Murgh Methi Malai) 蘑菇豌豆咖喱(Kumb Mutter Masala) (素) 茄子咖喱(Bagara Baigan) (素) 果阿魚咖喱(Goan Fish Curry)
主菜跟配: 扁豆咖喱(Dal)、香料飯(Pulao)、乳酪(Raita)、印度烤餅(Naan)
【甜品】 奶油糖雪糕(Butterscotch Ice Cream) 甜奶球(Rasmalai) |
【開胃菜】
扁豆湯(Dal Ka Shorba)
好多媽媽都鍾意飯前飲碗熱湯暖胃，呢道印度扁豆湯就將扁豆煮到柔軟，逼出天然豆香。
【前菜】
素食: 伊朗三角餃 · 酸辣醬芝士烤串 · 窯烤花椰菜
套餐前菜有素食同非素食，當中3款素食前菜都好香口。伊朗三角餃炸到好酥脆，內餡就軟綿微辛。而酸辣醬芝士烤串就用酸辣醬醃製印度芝士，外面再烤到微焦，食落混合炭香同芝士奶香。
就算你平時好少食花椰菜，都一定要試吓用印度窯爐Tandoor 新鮮出爐嘅窯烤花椰菜！外層微脆，咬開又有清爽口感，加埋少少炭香同辛香好好食。
非素食: 黑椒雞肉烤串 · 窯烤大蝦 · 羊肉串燒
另外3款非素食前菜都幾豐富，黑椒雞肉烤串外層燒到金黃焦香，雞肉依然好嫩；用印度窯爐整嘅窯烤大蝦，高溫熱力鎖住鮮味，蝦肉仲好彈牙啊。
羊肉串燒就將羊肉混入各種香料後燒製，同平時食嘅普通燒羊肉好唔同。
【主菜(任選一款)】
馬薩拉羊肉(Masala Lamb)
呢道印度主菜好濃郁！慢煮羊肉過程中，吸收馬薩拉香料嘅辛香同溫暖氣息。羊肉煮到好軟腍，肉味略帶酸甜微辣層次，配烤餅或香料飯都好夾。
馬薩拉羊肉好軟腍，羊肉吸收馬薩拉香料嘅辛香氣息。
香草奶油雞(Murgh Methi Malai)
如果你鍾意奶香醬汁，一定會鍾意呢道主菜!! 大廚用奶油醬汁慢燉雞肉，醬汁滑潤辛辣又有少少甜味。味道幾柔和，媽媽一定啱食。
香草奶油雞味道柔和，滑潤辛辣又有少少甜味。
蘑菇豌豆咖喱(Kumb Mutter Masala) (素)
其中一款素食主菜，將鮮嫩蘑菇、甜豌豆浸泡於濃郁咖喱中煮製。蘑菇吸滿湯汁，撈飯一流。
素食主菜之一嘅蘑菇豌豆咖喱，撈飯一流。
茄子咖喱(Bagara Baigan) (素)
茄子吸汁力強，配搭咖喱真係一絕!! 啖啖爆出咖喱汁好正。微辣咖喱亦多咗層茄子嘅天然甜味，好有南印度風味。
果阿魚咖喱(Goan Fish Curry)
如果想食海鮮類，可以揀呢道魚咖喱。果阿地區咖喱有種獨特酸辣感，配烤餅或香料飯都幾夾，唔知你又鍾唔鍾意呢?
Spice bazaar
地址: 尖沙咀寶勒巷10號4樓