聖誕鋸扒最有儀式感，今年要去埋高級扒房鋸「牛扒界天花板」—阿根廷牛扒啊！當地牛扒咁出名，因為特別有肉感咬口，係會越咬越有肉味，如果鍾意原始肉味嘅話就啱晒喇。
呢間阿根廷扒房「La Parrilla Steakhouse」直接由阿根廷引入正宗牛扒(份量都係外國Size 超大件！)，並用最正統嘅阿根廷炭火傳統+頂級食材，高溫鎖住肉汁，切開依然好粉嫩。
高溫扒爐瞬間鎖住肉汁，切開有種獨特嘅牛油風味。
「La Parrilla Steakhouse」中環同北角都有分店，2間分店都木系歐洲裝潢都好有聖誕Vibe㗎。中環店可以坐大窗邊眺望紅磚大館，嚟拍拖飲酒望靚景就啱晒。而北角店就有超大半圓梳化位，好啱一班人聖誕飯局。順帶一提， 佢哋最近開多一間響蘇豪區，叫La Parrilla Steakhouse Xpress，都係阿根廷牛扒為主打，以簡單，省錢但食落美味滿足為概念。
中環店裝潢好有歐洲氣氛。
中環店可以坐大窗邊眺望紅磚大館。
北角店座位寬敞，適合一班人飯聚。
蘇豪分店門口及裝修簡約舒適。
蘇豪分店設計好Chill。
【今冬限定！2款聖誕套餐】
今年外籍主廚為你度身打造節慶盛宴，每道菜都係驚喜！中環及北角餐廳推出不同聖誕套餐「FESTIVE MENU」分別有$988/人、$888/人選擇(最少2人同行)。2款套餐都有肉眼扒、和⽜⽜裙⾁、斧頭扒1.2公斤(+$298) 選擇，完全係牛控天堂！
「FESTIVE MENU」$888/人
「FESTIVE MENU」$988/人
$988/人套餐會有烤卡⾨⾙爾起司配葡萄奶油蛋捲、油醋汁北海道帶⼦揀，北海道帶子幾啱想食埋海鮮鮮味嘅人，而且呢個套餐獨家有巧克力慕絲。而$888/人套餐就有烤焗波芙隆芝⼠、⽜⻣髓揀，鍾意牛味超濃嘅話，真係唔好錯過佢哋嘅⽜⻣髓啊。即刻睇詳情啦～
「La Parrilla Steakhouse」聖誕套餐好豐富，一齊Share歡樂氣氛啦。
【開胃湯品】
南⽠和⽺⾁湯
2款套餐都飲到呢碗絲滑綿密南瓜湯！將新鮮南瓜慢火熬製，再撒上烤到香脆嘅南瓜籽，加埋軟爛入味嘅紅燒羊肉絲，最後滴幾滴新鮮香草油。一啖入口，先係暖笠笠嘅南瓜甜，再有羊肉濃香同香草清新。第一道菜，就由呢種溫暖味道同阿根廷深層風味撞擊味蕾！（不吃羊的朋友，可以提前跟餐廳同事說明）
絲滑綿密南瓜湯。
前菜(每人選1款)
魷⿂沙律佐阿根廷⻘醬油醋汁
魷魚圈配上阿根廷經典青醬油醋醬，清新中帶微微煙燻味，係一道向傳統海岸開胃菜致敬嘅菜式。
清新帶微微煙燻味。
阿根廷⾃家製餡餃 (請向員工詢問可供選擇⼝味)
難得嚟到阿根廷餐廳，一定要試吓當地地道餡餃(Argentinian Empanadas)。正宗手藝製作嘅經典酥皮餡餅，內餡係時令餡料，嚟到可以即場問員工有咩口味㗎。
正宗手藝製作經典酥皮餡餅。
烤卡⾨⾙爾起司配葡萄奶油蛋捲($988/人套餐限定)
$988/人套餐先有嘅原個法國Camembert芝士，高溫烤到芝士中間融化，一刀切開即刻拉絲爆漿！配埋香甜美提子、雪莉酒醋汁同熱辣辣布里歐，濃郁奶香撞上果酸清新，味道奢華又開胃。
高溫烤原個法國Camembert芝士。
油醋汁北海道帶⼦($988/人套餐限定)
另一道套餐限定嘅帶子料理，將新鮮北海道帶子薄切，配埋鮮辣油醋汁(Aguachile)，完美結合拉丁美洲香料同細膩日式風味。
新鮮北海道帶子薄切。
【主菜精選(4選1)】
套餐有3款牛扒揀，全部牛扒均採用120天草飼安格斯 或 極致雪花和牛。經濕式熟成，確保最佳風味同嫩度🥩。
店內特設乾式熟成櫃，天然分解過程令牛扒更濃肉味及嫩滑。
頂級草飼安格斯斧頭扒1.2kg(+$298)
經典巨型戰斧，好啱同朋友一齊Share。大廚用炭火燒到外層焦香，有種令人上癮嘅外焦內爆肉汁嘅奢華味道!! 跟配阿根廷青醬、烤番茄、慢烤蒜頭、紅酒汁。
經典巨型戰斧，外焦內爆肉汁。
草飼⾁眼排 / 和⽜⽜裙⾁
草飼肉眼扒口感厚實，好食到阿根廷燒牛扒風味!! 配埋慢烤蒜頭、自家燒烤醬同青醬，可以試多幾款味道。
套餐有草飼⾁眼排 / 和⽜⽜裙⾁選擇。
另外有和⽜⽜裙⾁選擇，呢個肉位有好濃肉味，而且雪花分佈均勻，高溫燒烤逼出油花，肉質仲Kepp到好嫩。搭配阿根廷風味醬汁，會更加突出肉味㗎。
什錦烤海鮮
如果唔想鋸扒，又想嚟感受吓阿根廷氣氛，可以揀呢個海鮮拼盤。有燒烤綠比目魚、八爪魚、虎蝦，未食已經聞到好香!! 跟配克里奧爾莎莎醬同烤檸檬，食之前加啲檸檬汁仲清爽啊。
海鮮拼盤依然豐富。
【配菜(每⼈選2款)】
松露⾺鈴薯泥
澱粉控一定要食嘅經典薯蓉，軟綿綿口感好吸引!! 特別加咗黑松露同慢煮蒜頭，香味奢華。
奢華香味松露⾺鈴薯泥。
⾹炒蘆筍
清炒蘆筍望落簡單，但撒上巴馬臣麵包碎後，獨特酥脆鹹香味道好上癮。
酥脆鹹香巴馬臣麵包碎係精華！
⾹蒜炸薯條
食牛扒點少得炸薯條，即叫即炸外脆內粉，微微蒜香幾輕盈惹味。
即叫即炸薯條。
奶油忌亷菠菜
傳統做法嘅奶油忌亷菠菜，一入口已經好有奶香。濃郁順滑暖笠笠，真係好啱冬天食。
傳統做法，濃郁順滑好啱冬天食。
燒烤抱⼦⽢藍椰菜仔
高溫烤至焦糖化，撒上新鮮百里香，苦苦甜甜有種獨特吸引力。
獨特苦苦甜甜味道。
⽥園沙拉
配料靈感嚟自阿根廷鄉村風味，有石榴、核桃、藍紋芝士同阿根廷青醬油醋汁，每啖都有香甜水果、堅果同藍紋芝士嘅味道，融合多種口感味道好豐富。
阿根廷鄉村風味沙律。
【甜品】
今次有多款甜品選擇。焦香芝士蛋糕會配熱情果芒果醬，酸甜平衡；提拉米蘇就係意大利經典變奏版，使用馬黛茶浸Savoiardi指餅，點綴金箔好唯美。
最後有多款甜品或芝士拼盤選擇。
而$988/人套餐獨家嘅巧克力慕絲就用上黑朱古力，加埋Cappuccino泡沫，餘韻悠長。食飽都想坐夜啲，飲酒傾吓偈推薦+$98升級主廚精選3種優質起司。
La Parrilla Steakhouse
中環分店
地址: 中環雲咸街77號嘉兆商業大廈1樓
電話: 26378555
北角分店
地址:北角堡壘街19號地下 (入口面向北景街)
電話: 26223000
La Parrilla Steakhouse Express (蘇豪分店)
地址: 中環蘇豪伊利近街26-30號萬城閣地下3號舖
電話: 26366626