【7 Course Chef’s Tasting Menu集齊人氣菜式】

平時餐廳都係普通播吓歌，點諗到呢間位於銅鑼灣嘅人氣餐廳“The Musicbox Grill House & Bar”會咁揼本，用晒市場上頂級嘅專業音響器材，音色絕非一般餐廳可以媲美，而且佢地仲不時會請DJ嚟打碟，之前就請嚟Pyro Music 全國No.1 DJ Spider到場獻技，氣氛非常熱鬧，冇諗過食飯都可以咁High。據知佢哋6月份開始，每個星期五六晚上都會延長營業時間到凌晨兩點，想食個Late Dinner或者宵夜，以後又多個好地方。

食飯聽歌係種享受，呢度全場用上頂級嘅專業器材，其他地方絕對係閒人止步嘅禁區，但“The Musicbox”唔止展示俾你睇，仲俾你地打卡影相。

【香港唯一】駐場DJ大玩Video Mixing！

最近“The Musicbox”更為餐廳加入了影像元素，除音樂播放之外，更大玩Music Video，亦因此添加了不少設備。第一波係逢星期二晚大玩Video Mixing，老闆話會播放80至2000年嘅歐美音樂，而且係用黑膠唱片嚟打Video，在香港肯定絕無僅有，用上古老傳統嘅音樂載體，控制最新嘅視頻設備，你話點可以錯過呢，老闆更笑言全世界都應該唔會有好多地方咁做。音樂 x MV同步混搭雙重震撼，原來食飯聽歌都有更高層次，好啱約會同gathering。

逢星期二有DJ大玩歐美流行音樂，仲有全港唯一Video Mixing。

地道美國菜　Lunch任食沙律吧

“The Musicbox”主廚兼老闆之一嘅Godwine，自細鍾意入廚，同時喺美國學廚多年。而家Godwine都係照返美國煮法，所以好有地道風味㗎，特別係肉眼牛扒、BBQ豬肋骨、烤羊架全部都大大件。

Baby back ribs份量足料，半份都有成7支骨。

星期一至四任食沙律吧！Green Monday再平$18

如果你喺附近返工，嚟食lunch set CP值都幾高。$88起有燒香草雞胸沙律、澳洲肉眼扒(8oz)、燒烤醬豬肋骨、美國牛肉漢堡等。逢星期一至四更可追加任食沙律吧～

任食沙律吧好多新鮮蔬菜，Green Monday優惠價+$18/位，星期二至四$28/位。

美國菜都有海鮮食！一試靈魂調味料Cajun

平時美國菜嘅海鮮唔算突出，但恰好Godwine最擅長係控制溫度，因此當地出名嘅海鮮料理，佢都會烹調得恰到好處。因此“The Musicbox”都有幾多海鮮料理，仲會加埋自家秘製靈魂調味料Cajun(卡真)，配合Old Bay同大量香料做出獨特香辣味。嗰種辣味係慢慢滲出嚟，中間又會夾雜微微香料層次，唔會搶咗海鮮fo又惹味，最近新推嘅“7 Course Chef’s Tasting Menu”都可以食到㗎。

【7 Course Chef’s Tasting Menu】

夜晚約朋友食飯聽歌，呢個7 Course Menu集合咗“The Musicbox”最人氣嘅料理—阿根廷肉眼扒、海鮮拼盤、黑松露意大利雲吞等，唔使左揀右揀已經好豐富，每位只係$388包咖啡或茶，仲有優惠價追加生啤、紅白酒、Cocktail等。