近年香港掀起omakase風潮，吸引唔少日本fans一嚐高級日本料理，呢間「花晨月夕」就係其中之一喇。
每日由日本直送魚材，坊間罕見嘅矜貴魚生都有機會食到。
「花晨月夕」貫徹oamakse店嘅高質，料理擺盤講究唯美。而呢度有別一般拘束氣氛，環境大走工業風，有種日本漫畫《深夜食堂》感覺，係香港難得氣氛輕鬆嘅oamakse店，所以當初一開業已經好爆場喇。
店內走工業風，氣氛年輕輕鬆。
設日式VIP房，聚餐隱私度高。
最近踏入開業3周年，為答謝一眾食客支持推出「3周年優惠」—3人同行·1人免費！
【3周年優惠詳情】
即日起，凡提早2日經網上預約，即享3人同行·1人免費優惠。 |
日本Omakase最講究「不時不食」理念，所以師傅每季都會依時令食材推出新套餐。最近正值夏末初秋，即引入肥美鮫鰈魚、鰤魚入饌，並配合一系列日本食材創作多款料理。
【前菜】酒煮鮑魚水前寺菜 胡麻酢啫喱
以酒香鮑魚掀起序幕，並配上清新秋意嘅海老旨煮、粟米、枝豆、銀杏。
【炸物】甘鯛立鱗白蝦配日本茄子
甘鯛立鱗燒常見於日本懷石料理，師傅以滾油淋上帶鱗甘鯛，令魚鱗微翹香脆；今次配以白蝦、日本茄子清爽解膩，加上師傅獨家調製蕪菁蝦汁，味道更豐富。
【湯】真鯛魚
熱湯則以日本魚王之一—鯛魚入饌，魚味濃而不油。於料理中段暖胃，為品嚐刺身作準備。
【刺身5品】
踏入秋冬，主嚐油脂豐富嘅深海魚，今次食到嘅鮫鰈魚、鰤魚就係其中之一喇。
師傅於刺身料理亦相當花心思，鮫鰈魚肉質較細嫩，配上魚子醬更香濃；鰤魚油脂豐腴，煙燻後不膩又有層次。同時仲有三文魚子配海膽、慢煮八爪魚、粒貝刺身。
煙燻鰤魚
魚子醬配鮫鰈魚
(左)三文魚子配海膽、(右)慢煮八爪魚
粒貝刺身
【甜品】金箔水玄信餅配白桃啫喱
呢度每道料理都好IGable，甜品當然都好夢幻唯美。今次食到嘅金箔水玄信餅Q彈，並透出淡淡金箔。每日甜品都有唔同驚喜，值得期待呀。
花晨月夕
地址: 尖沙咀赫德道2號金麟商業中心2樓
電話: 29555288