平時食飯、飲嘢直落都要轉場咁麻煩，幾位90後深受其煩索性喺尖沙咀開咗呢間「基地」，並請嚟法國菜大廚煮製高質料理；同場又有調酒師即調Cocktail、紅酒、白酒同一系列生啤，一個場直落慢慢chill。
留意返呢度依餐廳防疫措施，晚市堂食至12點，唔使出示24小時內陰性快測結果㗎。
而家仲有Early Bird全單8折優惠 (15:00-19:45前埋單離席)!
螢光Graffiti 好有氣氛，細節位好多玩味元素
法國菜大廚主理 飲酒食歐洲嘢
呢度嘅法式雞飯一向勁有人氣～用法國傳統煮法，要反覆焗製再慢煮，雞肉勁嫩又有法國黃酒香。最近大廚陸續引入多款歐洲料理，私心好鍾意西班牙人飲酒必食嘅Tapas 呀。
人氣法式雞飯
喺度飲酒食嘢可以好casual 咁食法國菜同歐洲菜，成枱放滿小食、主菜share 慢食勁有氣氛。
佐酒必食: 西班牙帕德龍辣椒
西班牙人咁鍾意Tapas，因為全部細細件又香口，好啱飲酒食。呢道帕德龍辣椒就係由西班牙直送，係當地傳統小食。食落完全唔辣，主要係食佢嘅香味嚟佐酒。
西班牙直送帕德龍辣椒，唔辣好香口。
有料! 慢煮西班八爪魚炒辣肉腸
另一西班牙料理有呢道慢煮八爪魚，口感好Q彈，加埋西班牙辣肉腸炒香好正。
好鍾意八爪魚嘅Q彈口感。
超驚喜打卡位！火焰焗海螺
呢道焗海螺真係影相位～上枱時用紙包住，專人一點火即變出大海螺。最驚喜係一閃而過嘅火真係燒得勁高，估佢唔到呀。大海螺內則放滿螺肉，有濃郁芝士忌廉包住，食落彈牙又creamy。
一閃而過勁大火，好驚喜。
法式紅酒燴牛面
個人覺得必試人氣法式雞飯外，另一大推法式料理就有呢道燴牛面，傳統法式煮法，肉質好軟腍㗎。
好少食到燴牛面咁軟腍。
軟殼蟹扁意粉紅花忌廉汁
軟殼蟹好大隻吸睛，大廚更特意將蟹膏炒乾，好似蟹籽咁撈落意粉中，蟹味特濃。
意粉加咗乾炒蟹膏特別香口。
焗原隻龍蝦忌廉薯蓉
原隻龍蝦好大隻～醬汁係用龍蝦頭煮製，最後加忌廉一齊焗，相比平時只加芝士做法更juicy 鮮甜。
龍蝦好大隻多肉，好鍾意個龍蝦醬汁咁鮮甜。
芝士菠菜意大利雲吞 配牛肝菌忌廉汁
飲酒都有健康素食，呢道意大利雲吞餡料有芝士、菠菜，配以牛肝菌忌廉汁，好香菌味。
一啖一隻勁方便，濃郁芝士好佐酒。
美國豬仔肋骨
有別一般豬仔骨又乾又韌，大廚先慢煮再烤焗做到一咬離骨，肉質又軟腍彈牙，係難得香甜鬆軟嘅高質豬仔骨。
豬仔骨肉一咬離骨，肉質又keep 到鬆軟彈牙。
【Cocktail】
Base Star Matini
一戳開泡泡球即飄出仙氣，打卡好靚。Vodka 底調加入菠蘿汁、青檸汁等，味道輕甜fruity。
滿滿仙氣嘅Cocktail。
My Girlfriend's Favourite
夢幻紫色係來自蝶豆花同檸檬汁，加埋玫瑰花、綠茶清爽帶花香。
夢幻紫色好啱girl talk 氣氛。
【Mocktail】
Bambi
蛋白泡沫鋪滿花瓣，下層則以香桃、西柚汁、柑橘汁等調製，軟滑香甜。
鋪滿花瓣嘅Mocktail，好啱哄女仔㗎。
Blue Lagoon
以Blue Curacao syrup 為主調，加埋檸檬汁、Lemonade 等，相對refreshing ，好啱飯後直落飲住傾計。
味道偏甜，好啱飯後慢慢摸酒杯傾計。
基地 Base Bar
地址: 尖沙咀山林道29-31號廣利樓地下A號舖
電話: 23613118
WhatsApp訂座電話 : 97132703
IG :BASE.852