49
3
0
港鐵佐敦站 D 出口, 步行約4分鐘 繼續閱讀
電話號碼
23613118
營業時間
今日營業
15:00 - 22:00
星期一至五
15:00 - 22:00
星期六至日
13:00 - 22:00
付款方式
現金
其他資料
加一服務費
食評 (52)
香港人壓力大 禮拜六日放鬆吓去吓酒吧係一大樂事😆呢間新開係山林道勁eye catching‼️ 好多霓虹燈牌 仔細睇仲係遊戲主題🤖 而且高台設計+大窗口 超級有空間感 夜晚有風好舒服🌬食物飲品都有特色 配搭新鮮又靚୧⃛(๑⃙⃘◡̈︎๑⃙⃘)୨⃛❣️西班牙魷魚仔沙律 $98抵嗌喎‼️ 沙律好新鮮 黑醋汁好開胃👅魷魚仔份量好多 仲有salami 係比較少見嘅配搭但係好食的😛 食食下都有啲飽😂❣️焗日本海螺(紅花忌廉汁) $158呢個賣相真係滿分💯 想知係邊度搵到咁大隻海螺🐚海螺切左片 連同洋蔥 椒 芝士去焗😆唔會偷工減料 海螺片食極都仲有🥳汁有啲似葡汁 偏甜同creamy 幾特別*ˊᵕˋ)੭比較搞笑嘅係我哋諗咗好耐下面嘅薯蓉食唔食得😂❣️義式肉丸意大利麵 $138係食開嘅味道 肉丸網球咁大粒 幾有肉味🍝面頭仲刨咗好多芝士 睇得又食得🧀意粉同醬嘅比例幾好 剛好食曬一滴不留🤣❣️Red lip $88可惜嘅係未有酒牌 不過呢度飲品係靚到癲😱有個鹿嘅架 底盤仲有燈💡 睇到都醉😂Cranberry elderflower同蛋白 令到杯野香味好濃偏甜 比較啱女仔🍹❣️Crazy juice $88pineapple 加orange 係熟悉嘅 fruit punch味~飲到新鮮果汁味 清爽之選🍸 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-01
223 瀏覽
今日同朋友睇完戲由尖沙咀閑逛見到間裝修特別,好多霓虹燈做格局 走酒吧風格既餐廳決左入去,唸住食個light dinner算,誰知食物充滿驚喜叫左兩杯mocktail,一杯以cranberry同elderflower 做主題既深深吸引住我既配搭果然冇失望🥰好合適女仔飲 唔太甜唔藥水,莓咪重但唔會太酸,仲浸浸既花香味 超讚🏻而朋友叫左一杯以佢地自家制既菠蘿汁做底,加柑桔等等citrus 類既水果調配,好開胃 好清新兩樣都好正 係有心機做既mocktail🏻野食方面,我地叫左個明太子釀雞翼雖然係小食,但係份量都唔吝嗇🏻雞翼整得恰到好處,唔會太油🏻個人覺得明太子味道唔太出,但係冇骨嘅雞翼 加上會餐廳自家制嘅酸辣汁夠開胃醒神好滿足,可以一試!另外,我哋仲叫咗個烤鴨酥皮紙卷,幾特別既小食用黎係呢種風格既餐廳享受(其實係有啲想吃北京填鴨所以試下)不過黎到之後,其實係今晚既亮點!!好好食,皮如所講既紙甘薄,脆卜卜 有幾分似炸春卷既皮甘出色🥰🥰實在驚喜!入面既鴨肉好足料,成個卷好飽和,裡面八成肉夾埋左一啲芹菜類似既蔬菜喺入面,爽爽脆脆既口感既清新但又滿足到想食少量肉既需求🏻🏻🏻十分欣賞🥰🥰🥰最後,我地都叫左個risotto,係海膽同帶子做主角加上勁量芝士真係食甘多間既risotto 都未遇過甘滿足🥰帶子幾大隻,唔會過熟🏻海膽同芝士撈勻成餐都簡直係罪惡,好彩果晚係早左食餐牌上選擇仲有啲其實想試,但下次黎食埋都應該要咁安排先得🥲 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-21
288 瀏覽
限聚令終於放寬,可以4人一桌,馬上約了好久不見的朋友來到這間無論野食、環境、服務都十分不錯的餐廳。這間名叫基地的餐廳,新開沒多久,但已經很旺場。而且很喜歡餐廳的環境,有特色之餘也相當型格!食物選擇也不少,而且意想不到的是這裏食物的presentation也很有心思。還有幾款特別mocktail,用多款水果作base,又清新又好喝。食物方面最有視覺效果的一定是哈哈蝦蝦。 上桌之後會在食客面前點火營造火焰的感覺,味道也很不錯!蝦很新鮮又爽口,十分鮮甜, 蝦頭還有很多蝦膏,整體味道惹味又香口!另一個視覺效果滿分的是「搏大霧」, 即是煙燻油甘魚刺身。一打開就煙霧彌漫,聞到煙燻香氣。 油甘魚和三文魚籽都很新鮮肥美,煙熏的味道很突出! 烤鴨酥皮紙卷我們也很喜歡。裏面的烤鴨餡很飽滿,而且酥皮紙卷那層酥皮做得出色,很酥脆。主食方面點了烤西班牙豬架。份量好足!而且豬架肉質好嫩好軟,還肉味香濃。海膽帶子意大利飯則是鮮味之選。risotto夠creamy,口感是我中意的生熟度,帶點靭勁。有海膽和帶子,當然好吃。焗日本海螺充滿驚喜!海螺殼入面除了有很多海螺肉之外,還有一些雜菜和焗到金黃色的芝士, 味道非常豐富。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-18
239 瀏覽
妹妹生日,去山林道新開嘅『基地』Base Bar & Restaurant慶祝!餐廳環境好靚,好多打卡位,啱晒鍾意相機食先嘅妹妹,而食物質素亦好有驚喜,每道菜都有水準,連媽咪都大讚呢!呢度難得前菜選擇好多,款款都好吸引!烤鴨酥皮紙卷($88)好有驚喜,鴨肉份量好足,調味唔會好濃,反而食到肉味,最impressed嘅係個酥皮做得又薄又香脆!搏大霧($138)呢個要睇英文名先知係煙燻油甘魚刺身,上碟時煙霧彌漫,夠晒gimmick!油甘魚刺身新鮮,食到陣陣煙燻香氣,令味道提鮮,配搭三文魚子嘅爽脆同鹹鮮,呢個絕對值得一試。焗日本海螺配紅花忌廉汁($138)原個海螺上枱,非常吸睛嘅一道前菜。面層係焗至金黃嘅芝士,紅花忌廉汁有D似葡汁,一啖同時食到忌廉汁嘅creamy同芝士嘅鹹香,味道豐富,海螺片份量亦慷慨!海膽帶子意大利飯($148)冇諗過可以喺酒吧餐廳食到咁好食嘅Risotto,意大利飯煮到剛熟,帶有嚼口,口感又creamy,出色!海膽雖然份量唔算多,但難得地完全唔腥仲有少許鮮甜。帶子煎至表面金黃,半熟口感,鮮甜好味!呢度嘅Mocktail亦好好飲,賣相勁靚!呢4杯都係水果based,果香十足!Cosmo Night($78)Crazy Juice($78)Red Lip($88)Refresher ($88)可惜無甜品,如果唔係真係perfect啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-01
435 瀏覽
聽朋友講天文臺道開咗間餐廳有好多打卡位,為咗激勵下自己努力度過呢個冇紅日嘅三月,收工一於過嚟打下卡,食下嘢。一入門口已經見到佢有好多霓虹燈牌,成個場嘅空間感好足夠,仲有好大個窗台,夜晚坐喺度食嘢真係好有feel。睇佢個餐牌都見到佢哋對於菜式設計好有心思,無論係啲名定係款式都好特別。小食我就揀咗個明太子釀雞翼配秘製辣汁,我好鍾意食明太子雞翼,但係其實唔係度度都真係整到好好食。因為好容易將中間讓左嘅明太子炸到乾咗。但係呢度絕對比我有好大嘅驚喜,一咬開好多汁,雞翼亦都好嫩滑,呢樣係我估唔到係西餐廳可以食到咁好味嘅明太子雞翼。而且$88來講佢有五隻都幾抵食。而佢個秘製辣汁亦都好特別,辣汁唔係真係辣但係就好酸,配埋一齊感覺好開胃。然後因為見到佢個餐牌有一個好特別嘅名「哈哈蝦蝦」。煮好左之後職員擺上台嘅時候會幫你點火,在燒一燒香佢。而佢啲蝦真係好爽好彈牙,證明真係好新鮮。最貼心嘅係佢已經幫你開咗邊,令你可以好輕易咁將個蝦肉攞出嚟,就算冇24孝男友喺隔離絕對都可以好優雅地咁解決食海鮮嘅煩惱。而main course我哋揀咗個烤西班牙豬架,一般食豬扒類嘅嘢都好驚啲肉會好實同埋好乾,因為食豬肉是必須要全熟的。但係佢呢度嘅豬架一切開好Juicy,而且啲肉絕對唔會硬到實的的,保持豬肉嘅口感之餘又夠嫩。飲品方面我嗌左杯Refresher,佢係以士多啤梨同埋橙做base,所以成個感覺係酸酸甜甜,好啱女仔飲。另外一杯揀咗fruit punch,甜度酸度啱啱好,俾人好清新嘅感覺。佢呢個份量食到好飽,但係價錢來講我覺得性價比好高,因為佢個環境攞到分之外,食物質素更加唔使講。而最令人意外嘅係佢哋嘅職員真係好着緊自己嘅食物質素,因為三個職員不時都會上前問吓你對食物嘅意見,比佢哋有改進嘅空間。 繼續閱讀
(以上食評乃用戶個人意見 , 並不代表OpenRice之觀點。)