韓燒放題最緊要CP值高，一次過有齊燒肉、海鮮、韓式料理、雪糕任飲任食，諗起都興奮～旺角同將軍澳都有分店嘅「Running燒」，似乎聽到大家嘅心聲，引入勁多高質食材之外，多個時段都有7折優惠！
7折優惠詳情！
將軍澳分店 - 午市、晚市19:00前離座 或 21:00後入座，即享7折優惠
旺角分店 - 午市放題、晚市19:20前離座 或 21:30後入座，即享全單7折優惠
條款細則 - 另收加一服務費。歡迎訂座，惟逾時10分鐘視作放棄留座，須重新輪候。 - 放題時間110分鐘，以本公司電腦單顯示時間為準，完結前30分鐘截單。 - 小童: 3-11歲 / 長者: 須出示長者咭 - 所有優惠、價目及餐牌會不定期更新而不作另行通知，Running燒持有最終決定權。如有疑問請向職員查詢。 - 所有優惠不能同時使用。 |
【爆食回本放題！】即睇2間分店有咩食～
韓燒一定要燒肉～望住烤肉慢慢燒出油花最正。2間分店都有牛五花、烤肥牛、一口牛柳粒、雪花牛仔肉、牛肋骨等，滿足一眾肉控呀！
2間分店都有勁多牛肉揀。
牛肉之外，仲有韓劇常出現嘅特選五花腩，係特選肥瘦均勻嘅黑豚肉，肉邊燒到微焦最正，食落仲好有肉汁油香。當然仲有豚肉、雞翼等選擇啦。
牛肉以外，亦有好多選擇。
海鮮方面就有生蠔、大蜆、帶子、扇貝、大蝦等。韓燒梗係唔少得拉絲啦，蒜蓉芝士生蠔鋪滿芝士，望住芝士慢慢燒溶好療癒，濃郁拉絲加埋爆汁生蠔好正。
生猛海鮮。
【將軍澳限定】流水蝦+生猛海鮮
有咩新鮮得過直接喺魚缸夾上嚟燒～將軍澳分店限定嘅流水蝦，放題套餐已經包咗任食喇！每朝新鮮運到流水蝦勁生猛，隻隻都喺大魚缸游緊水㗎，即捉即燒勁鮮甜。
流水蝦區好大，放題任食好抵。
游水蝦好生猛。
將軍澳分店限定新引入大頭蝦、鮑魚、蟶子、沙白蜆、美國灰蜆、魷魚串，幾款新鮮海鮮都大大隻，輕鬆食回本。
將軍澳分店限定時令海鮮。
燒魷魚串好有風味。
自助蔬菜吧
自助區仲有多款蔬菜，女生唔怕淨係食肉喇。最貼心係有埋鍚紙兜同牛油畀你，想自製牛油粟米、牛油雜菇都得！
自助區好豐富，自製牛油粟米、牛油雜菇都得。
【旺角限定】鹿兒島和牛 任食回本！
旺角分店就主打靚牛～除咗頭先提到嘅多款牛肉、五花腩同海鮮任食。
牛控更可升級和牛放題，任食最新引入鹿兒島A5和牛、原塊頂級T骨牛扒、美國牛頸脊、美國特選封門柳，輕鬆食回本呀！
旺角店好有韓國地道氣氛。
旺角店限定任食鹿兒島A5和牛。
油花分佈平均，食落勁juicy。
超大件呀！
【記住食埋】韓國直送飲品＆雪條
2間分店都有超過20款飲品任飲，韓國直送就有果汁、乳酸梳打等。
超過20款飲品任飲。
韓國直送雪條都有好多口味，果汁、榴槤、紅豆、椰子等都有。
多款韓國直送雪條任食。
Running 燒
地址: 將軍澳唐賢街9號Popcorn商場2樓PopFood 4號舖
電話: 23361331
Running 燒 (旺角)
地址: 旺角彌敦道726號9樓
電話: 25060380