257
13
7
港鐵將軍澳站 C 出口 繼續閱讀
所有分店 (2)
電話號碼
23361331
98861056 ((whatsapp))
開飯介紹
韓式燒肉放題店,餐廳名字靈感來自韓國綜藝節目《Running Man》,肉類及韓式料理均有水準。 繼續閱讀
附加資料
泊車優惠只適用於將軍澳中心,請到將軍澳中心L1既客服中心辦理,兌換時間是10a.m.-10p.m.
營業時間
今日營業
12:00 - 15:30
17:00 - 23:00
星期一至日
12:00 - 15:30
17:00 - 23:00
付款方式
Visa Master AlipayHK 支付寶 現金 AE Apple Pay Google Pay 微信支付 OpenRice Pay
其他資料
網上訂座
Wi-Fi
泊車 詳細介紹
電話訂座
賞訂座積分
加一服務費
當面支付
以上資料只供參考, 請與餐廳確認詳情
有關獎賞計劃
食評 (296)
等級4 2022-08-10
2102 瀏覽
一直都好想食流水蝦,但係響市區搵唔到有黃店有🥲最近男朋友響網上睇到Running燒將軍澳店岩岩出流水蝦任食,我地就趁呢晚收工去左試😋平日夜晚任食110分鐘係$348,比較驚喜係海鮮都幾多款式,有生蠔、扇貝、青口、帶子、咖哩魷魚鬚、魷魚圈、龍利魚片等等,而且仲好貼心地準備左錫紙兜,唔洗擔心成日燒燶😂>大頭蝦:D蝦好生猛、游得幾快,放左落冰桶度都仲響度彈🤣大隻果D都幾難夾,我太廢只夾到細既,惟有靠男友出馬👏🏻蝦肉新鮮清甜,爽口彈牙,仲要冇乜蝦屎,我地食左20+隻,回哂本😙>蒜蓉芝士生蠔:生蠔都幾大隻,洗得幾乾淨,配上熱溶芝士+蒜蓉香味,好食!>扇貝:D肉仲係痴住個殻,味道爽口鮮嫩。>牛舌及西施牛肉片:薄切幾易燒,牛肉質素唔錯,顏色仲係粉紅色,即係唔係擺左好耐,肉味都幾濃,>柚子味炸雞:好開心有炸雞食,不過怕肥+留肚食海鮮就點左一碟咋,炸雞甜甜地有柚子清香,炸粉算薄,雞肉幾滑。>紫菜溫泉蛋飯:好多紫菜,撈住蛋汁食幾惹味,如果可以加多D汁就仲好! 繼續閱讀
(以上食評乃用戶個人意見 , 並不代表OpenRice之觀點。)
等級3 2022-09-20
0 瀏覽
今日朋友生日,我哋決定去食韓燒,上網search過,決定食呢間將軍澳嘅Running 燒,主打韓式料理、燒肉放題,喺旺角都有分店架❤️一入到去就比左張好大嘅卡位我哋,舖頭地方亦都非常闊落,疫情下我最怕坐到勁迫人,呢度用餐環境十分良好😀舖頭亦都播緊好多香港流行曲,有我最鍾意嘅Collar 同MC😆食都食得開心啲🥳呢度係用QR code點餐,menu入面除咗有生嘅肉類可以order之外,亦都可以嗌啲熟食,例如水冷麵🍜、紫菜飯🍚、炸餃子🥟等等。另外出面都有啲蔬菜俾人拎返埋位燒,仲有好多種類嘅雪糕、雪條 、韓式飲品任攞!我最鍾意飲個款柑桔蜜😍🥤飲咗好多罐!肉類方面都好多選擇,我最鍾意食佢嘅「牛五花肉」同埋「豬頸肉」,醃得好入味。海鮮類亦都令我好驚喜,大家必定要嗌「芝士生蠔」同埋「扇貝」,仲有「咖喱魷魚鬚」,不斷order咗三次🍤食到停唔到口!最後我以一條caramel脆皮雪條作結😊總括嚟講呢一餐令我十分滿意,我朋友都食得好開心,大家捧住個肚返屋企🤰🏼有機會想再試埋旺角嗰間😘 繼續閱讀
(以上食評乃用戶個人意見 , 並不代表OpenRice之觀點。)
等級3 2022-09-17
0 瀏覽
#79用家感受,不是打手!經openrice訂座9️⃣0️⃣CP值,平日午餐時段,轉營咗做流水蝦放題,加左鮑魚、蟶子、大蜆,所以加左價,每位$258連加一,兩人合共$568,平均每人$284,都食得開心,坐得舒服,服務友善,全程都係食唔停。已經變左飯堂,全家都係燒肉及海鮮控,好啱食,一星期都會幫襯兩三次。9️⃣0️⃣至愛炸魷魚鬚,太好味。9️⃣0️⃣鮑魚好新鮮,洗得好乾淨。7️⃣0️⃣大蜆就細隻咗啲。8️⃣0️⃣自己夾蝦即燒,明顯多左小朋友客,有得玩有得食。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-09-15
0 瀏覽
前排喺IG story見到朋友po左佢去呢間位於將軍澳Popcorn商場嘅燒肉餐廳「Running 燒」用餐嘅相好似好吸引,就inbox 問佢用餐體驗係點。雖然同呢位朋友唔算好熟,但平時見佢ig成日po食好西嘅相就知道佢係吃貨。朋友對餐廳嘅feedback非常正面,原來佢係回頭客,除左大讚肉類同海鮮選擇多同埋餐廳服務好之外,仲話之前都未有流水蝦缸!講到咁好,就一於book位試試佢!當晚去到餐廳,店員好有禮貌咁幫我地安排座位。餐廳幾闊落,而且油煙味唔會好重。另外,落單係用qr code嘅,個落單介面分類都好清晰,食物選擇好多!值得一讚嘅係餐廳係用食物件數黎計嘅,方便我地預每次下單嘅分量!至於蔬菜類就喺外面自助區任攞,選擇都幾多架。喺我地落單之際,店員攞左個冰桶同夾,原來係for我地捉啲流水大頭蝦用嘅!流水大頭蝦最近好流行,一直想試都未有機會,今次梗係要食返夠本!啲蝦喺個缸裏面仲游緊水,梗係新鮮啦!不過好似我呢啲新手捉嘅蝦時候要小心,因為啲蝦會跳架!用啲咁新鮮嘅蝦黎燒烤,味道梗係一流啦!俾大家睇下幾正~除左流水蝦呢個亮點,Running燒其他食物都好幾唔錯。我地牛肉、豬肉、雞肉、羊肉同海鮮全部都叫左少少黎試。肉類醃得幾入味,我特別推薦牛舌、西施牛同埋豬頸肉呢三樣!至於海鮮更加係回本位,因為除左有燒蠔任食之外,更加有原隻鮑魚!甜品同飲品選擇都頗多,雪條居然有dryers!總括而言,Running 燒性價比非常高,食物質素好,服務殷勤。下次會再來! 繼續閱讀
(以上食評乃用戶個人意見 , 並不代表OpenRice之觀點。)
入到去員工詳細講解內容,例如釣蝦工具、點餐方法、數量等等。食物速度快,海鮮類好新鮮,肉類好好味😋由於顧住食所以冇影相。#中間發生小插曲,由於阿女M痛,中間有段時間完成食唔到嘢。員工體貼問喉及補多小小時間🤗🤗非常感謝🙏🏻 繼續閱讀
(以上食評乃用戶個人意見 , 並不代表OpenRice之觀點。)