嚟到尖沙咀棉登徑，你會見到呢間居酒屋風格嘅日式餐廳。1樓設有吧檯座位，畀你邊食邊睇師傅整壽司；而2樓嘅VIP房採用落地玻璃設計，感覺好開揚。呢度嘅菜式選擇豐富，有刺身、壽司、燒物等選擇，而且價錢豐儉由人，好啱同三五知己嚟飲飽食醉。
日本鮮魚直運到港
餐廳採用日本直送鮮魚，製作鮮甜嘅刺身同壽司，拼盤包括指定同時令款式，即使再次惠顧，都有機會試到唔同食材。
大大份刺身拼盤
鍾意食刺身嘅朋友，呢份極上刺身盛集合7款魚鮮同貝類，而且每款都好足料！固定款式有大拖羅4切、日本牡丹蝦4隻、油甘魚4切、鯛魚4切、粒貝1份同海膽1份，另配時令魚薄切12片。除咗時令魚係薄切之外，其他都厚肉大件，海膽更加鮮味十足。
極上刺身盛
時令魚薄切12片：拍攝當日為鮫鰈魚
粒貝表面灑上竹炭鹽提味
壽司控必食足料拼盤
店內最大份嘅壽司拼盤，有10款固定款式同2款時令白身魚。前者有中拖羅、赤身、油甘魚、深海池魚、帆立貝、火炙平目魚邊（即左口魚）、日本牡丹蝦、赤貝、三文魚籽同日本海膽；而後者喺拍攝當日有平靖同石鯛，既集合大眾化嘅口味，又可以一次過品嚐唔同嘅鮮味。
壽司盛12點
拖羅肉質肥美
牡丹蝦、赤貝好爽口
本地鮮馬友製作一夜干
餐廳除咗製作喜之次一夜干，更特別提供多一個抵食選擇畀大家～ 師傅將每日來貨嘅新鮮本地馬友，用鹽水同少少煮食酒浸泡，再用一晚時間吊乾，收到客人落單再燒至外皮香脆，內裡軟嫩。
馬友一夜干
蘸豉油更惹味
佐酒必備
同朋友啤一啤又點少得炸物呢～薩摩唐揚炸雞選用大大塊雞扒，而且火候啱啱好，咬落皮脆有肉汁，加埋微酸嘅沙律醬好開胃。
薩摩唐揚炸雞
暖胃一品料理
鍾意食清少少嘅朋友，關東煮盛合就啱晒你喇。昆布清湯只係加咗少少日本豉油調味，浸住日本雞蛋、日本白蘿蔔、椰菜豚肉卷、竹輪、黑蒟蒻、准山魚卷同炸魚餅，餸料款式幾多，其中椰菜豚肉卷同蘿蔔口感最清爽。
關東煮盛合配黃芥末
即日起至2022年8月31日，凡於星期日至三，經OpenRice訂座晚市時段，消費滿$700（未計加一服務費並以原價計算）即享全單85折優惠。
2樓設有4間VIP房，座位都好寬敞
嵐橋日本料理
地址：尖沙咀棉登徑白蘭軒道2號富峰行M層及1/F
訂座享折扣優惠：（按此）
*每間指定餐廳支援的付款方式有所不同，詳情請向有關餐廳查詢。餐廳保留最終決定權。
