每年得9至11月食到大閘蟹，梗係想零包袱瘋狂吸入啦！大閘蟹放題就可以食幾多都唔怕貴喇。香港麗駿酒店內嘅「中華小館」，新推大閘蟹任食放題$488/位，坐低即享妙齡脆乳鴿、鮑魚扣鵝掌，兩款矜貴菜式單點已經價值二百幾蚊啦！仲可以任食新鮮江蘇大閘蟹、花膠粟米羹、蟹粉春卷、蟹粉小籠包、蟹粉扒菜苗、黑金流沙包，一定回到本呀！
大閘蟹任食放題$488/位。任食大閘蟹、多款蟹粉料理；每位另享妙齡脆乳鴿、鮑魚扣鵝掌各一份。
【大閘蟹任食放題】無限大閘蟹+蟹粉料理
饗宴兩式 | 每位一份 妙齡脆乳鴿 鮑魚扣鵝掌
無限添加! 食到飽 大閘蟹 花膠粟米羹 蟹粉春卷 蟹粉小籠包 蟹粉扒菜苗 黑金流沙包
每位奉送薑茶 優惠價$98追加花雕酒一壺
供應時間: 5:30pm/7:30pm | 入座起計2小時任食 價錢: $488/位(2人起) | 逢星期五至日 及 公眾假期加收$30/位
(套餐只接受預訂。因大閘蟹每日新鮮訂製，保證食物質素) |
放題無限任食嘅江蘇大閘蟹，出名蟹膏爆滿。一打開蟹蓋即見到軟綿綿金黃蟹膏！最後更會貼心送上薑茶；亦可優惠價$98追加花雕酒一壺更有儀式感。
真·無限任食大閘蟹！一定可以食回本。
江蘇大閘蟹出名蟹膏爆滿，一打開就見到金黃蟹膏啦。
「中華小館」大閘蟹放題走奢華路線，一坐低先食妙齡脆乳鴿、鮑魚扣鵝掌熱身。呢度燒味全部自家燒製，脆乳鴿當然都係師傅用滾油炸啦。呢種傳統做法可以逼出乳鴿多餘油份，做到外脆內嫩。
鮑魚扣鵝掌亦依傳統用鮑魚汁燘煮5小時以上。鮑魚入味濃厚；鵝掌則保留滿滿骨膠原。
就算懶得剥蟹都食得盡興。放題套餐仲有多款蟹粉料理。師傅親手包製蟹粉春卷，脆卜卜飲酒一流呀；蟹粉小籠包就做到皮薄餡靚，一咬開即刻湧出豐腴鮮甜蟹湯。仲有花膠粟米羹、蟹粉扒菜苗都好啱秋冬食。
鹹食料理食到一半，可以食吓黑金流沙包中場休息。一摵開流沙奶黃內餡即刻爆出，最後當作甜品又得，全部都係無限追加㗎。
(右)蟹粉春卷，每日自家包製，真材實料。
(左)蟹粉小籠包，每隻都有鮮甜蟹湯。
(右)蟹粉扒菜苗，細嫩菜苗掛滿蟹粉。
(左)花膠粟米羹，滋補養顏。
黑金流沙包，滿滿流沙奶黃內餡。
【大閘蟹宴$538/位】專享6両大閘蟹
想尊享高級大閘蟹，可揀華麗大閘蟹宴。每位享6両時令大閘蟹、濃湯雞煲翅、蠔皇鮑魚扣花膠、鮮拆蟹肉粉絲煲、蟹粉扒菜苗；同時一嚐自家燒製、新鮮出爐燒味雙拼，平時好多熟客都為咗佢哋嘅燒味而嚟㗎。
燒味雙拼 濃湯雞煲翅(位上) 時令大閘蟹1隻(6両)/位 蠔皇鮑魚扣花膠(位上) 鮮拆蟹肉粉絲煲 蟹粉扒菜苗
每位奉送薑茶 優惠價$98追加花雕酒一壺
價錢: $538/位(2人起) (套餐需提前一天預訂。因大閘蟹每日新鮮訂製，保證食物質素) |
【片皮鴨任食放題$498/位】
「中華小館」仲有片皮鴨放題！每隻烤鴨都係即叫即烤，鴨皮烤到好酥脆，包住嚟食都feel到鴨油喺口中滲出嚟。片皮鴨唔係太薄，每片都食到鴨肉，直接單食都好好味。仲有其他一系列任食小菜，500蚊有找絕對滿足。
饗宴 | 每位一份 鮑魚花菇扣鴨掌
無限添加! 食到飽 片皮鴨 粟米花膠羹 鴨崧生菜包 白灼時蔬 燒味飯 泡椒鮮魚皮 桂花鮮淮山
供應時間: 5:30pm/7:30pm | 入座起計2小時任食 價錢: $498/位(2人起) |
片皮鴨任食放題$498/位，烤鴨即叫即燒㗎。
滋補原樽燉湯
同場可以買埋原樽燉湯返屋企飲，每日中午就開始燉煮，足料零味精好滋補。優惠價$68 CP值好高！
外賣原樽燉湯 五指毛桃 松草花 天麻燉魚頭 石崇魚(或需另加錢)
外賣燉湯優惠價: $68
*原樽燉湯款式僅作參考，會視乎當日食材供應改變 |
原隻脆皮炸雞，返到屋企雞皮仲好脆。
原隻玫瑰豉油雞，香甜豉油汁一家大細都啱食。
特製外賣盒，輕鬆拎原雞返屋企食。
「中華小館」於香港麗駿酒店地下，門口具氣派。
用餐環境充滿中式古典韻味。
電梯直到2樓私人包廂，方便同行長輩。
中華小館
地址: 灣仔駱克道128號地下及1樓
電話: 28800112 ; WhatsApp 54980106