呢間中日火鍋「不倒翁中日火鍋料理」開業20年,有零味精手工湯底打邊爐;又有小菜、海鮮刺身。可以滿足長輩食中菜嘅心,又可以打埋邊爐真係一舉兩得呀。
零味精手工湯底好健康,人氣之選有羊肚菌文昌雞鍋、川芎白芷大魚頭鍋(新鮮)、銀杏枝竹胡椒豬肚鍋、香茜皮蛋鍋等。打邊爐前飲啖靚湯,長輩一定鍾意。
![](https://www.openrice.com/userphoto/CMSContent/0/8I/001OK840E0D8270E05B4ABj.jpg)
零味精手工湯底好健康,長輩一定鍾意。
【打邊爐推介】激多海鮮·刺身
打邊爐除咗個爐重要,食材都好緊要㗎。呢度會於全球引入高質食材,加拿大深水蚌、西澳龍蝦、美國安格斯牛頸脊、蘇格蘭蟶子等都係必食之選。
想抵價食好嘢,可以揀海鮮套餐只係$1,818有齊東星斑(原價$688)、加拿大象拔蚌刺身(原價$800/斤)、西澳龍蝦(原價$688)啦。游水東星斑原條厚切,用嚟打邊爐結實彈牙,深海魚真係唔同啲!!
成本價海鮮套餐!
原條東星斑用嚟打邊爐,再食埋象拔蚌同龍蝦刺身只需$1,818咋~ - 東星斑(原價$688) - 加拿大象拔蚌刺身($800/斤) - 西澳龍蝦(原價$688) |
![](https://www.openrice.com/userphoto/CMSContent/0/8I/001OK9A732A6FBB49C55F2j.jpg)
店內魚缸好多游水海鮮。
![](https://www.openrice.com/userphoto/CMSContent/0/8I/001OKACECCC8ACFBEF7347j.jpg)
成本價海鮮套餐$1,818有東星斑、加拿大象拔蚌刺身、西澳龍蝦,CP值好高!! 母親節哄吓媽媽就啱晒啦。
![](https://www.openrice.com/userphoto/CMSContent/0/8I/001OKBEF68A85387FB22E3j.jpg)
加拿大象拔蚌刺身,爽彈又重海水味。
![](https://www.openrice.com/userphoto/CMSContent/0/8I/001OKCD1720104A1566F83j.jpg)
西澳龍蝦刺身新鮮粉嫩,蘸啲Wasabi食好正。
「不倒翁中日火鍋料理」嘅肥牛係美國安格斯牛頸脊,大理石紋好靚~淥一淥趁熱食,真係有種化出油香嘅感覺,肉味仲好濃𠻹。
肥牛單點係手切安格斯肥牛船,大大碟一出場已經好有霸氣啦。平時揀「海鮮火鍋2人套餐$688」或「椰青文昌雞鍋2人套餐$888」都有碟安格斯手切肥牛(細),份量唔少都幾抵食㗎。
![](https://www.openrice.com/userphoto/CMSContent/0/8I/001OKDD1D4670E1E476D19j.jpg)
美國安格斯牛頸脊船,大大碟一出場已經好有霸氣。
![](https://www.openrice.com/userphoto/CMSContent/0/8I/001OKEC8CB081EF0401DEDj.jpg)
「海鮮火鍋2人套餐$688」或「椰青文昌雞鍋2人套餐$888」套餐均有美國安格斯牛頸脊(細),其實份量都好多。
![](https://www.openrice.com/userphoto/CMSContent/0/8I/001OKF4E02727C6CD455A1j.jpg)
睇吓牛頸脊啲紋幾靚。
女士必食!大龍躉背鰭
原來大龍躉背鰭用嚟打邊爐好正!! 厚肉肥美,仲有豐富骨膠原順便滋補養顏呀。
![](https://www.openrice.com/userphoto/CMSContent/0/8I/001OKGEAD2C7363E9F3A21j.jpg)
大龍躉背鰭有豐富骨膠原,嗌畀媽媽養顏好貼心。
多款高質火鍋配料!
喺度打邊爐唔只有豐富海鮮,全店火鍋配料都好新鮮㗎,特別係牛骨髓、黃沙靚豬潤、鮮鵝腸等,出面好少火鍋店食到咁新鮮高質。仲有其他鮮甜海產—順德大魚頭(新鮮)、脆肉鯇骨腩片、桶蠔、咸淡水鱔片、桂花蚌拼珊瑚蚌等。
手打丸滑都好Q彈,推薦爽滑蟹籽蝦丸、手打魚滑、秘製靚蝦滑等。
![](https://www.openrice.com/userphoto/CMSContent/0/8I/001OKHDF8EDE914BF5BB09j.jpg)
多款火鍋配料、刺身,母親節飯局絕對有睇頭。
![](https://www.openrice.com/userphoto/CMSContent/0/8I/001OKIB3BA2D296BEABE2Bj.jpg)
爽脆黑柏葉一啲都唔韌,有驚喜。
每日人手包嘅鎮店水餃皇,隻隻飽滿脹卜卜。餡料係滿滿鮮蝦、豬肉、木耳、粉絲,一咬落去真係爆餡。
![](https://www.openrice.com/userphoto/CMSContent/0/8I/001OKRAD1713A1EACFE42Bj.jpg)
每日人手包製鎮店水餃皇,每隻爆餡脹卜卜。
![](https://www.openrice.com/userphoto/CMSContent/0/8I/001OKS24FB6DCDD140F97Bj.jpg)
餡料係用新鮮蝦肉,皮薄彈牙。
【VIP房麻雀耍樂】
「不倒翁中日火鍋料理」係靚裝酒樓環境,好啱親朋好友傾偈耍樂。場內有2間12人VIP房、3間36人VIP房,4:00pm就可以畀房大家麻雀耍樂,有啲房仲係落地玻璃好開揚舒服㗎。
![](https://www.openrice.com/userphoto/CMSContent/0/8I/001OKT388825971E080343j.jpg)
靚裝酒樓環境,好啱親朋好友傾偈耍樂。
![](https://www.openrice.com/userphoto/CMSContent/0/8I/001OKU9F4022D771424A72j.jpg)
有啲VIP房係落地玻璃,開揚舒服。4:00pm就可以畀房大家麻雀耍樂。
【即製手工點心】
「不倒翁中日火鍋料理」交通好方便,離佐敦港鐵站僅3分鐘路程;香港西九龍高鐵站都只係步行10分鐘,就算內地親友嚟飲茶、食飯都唔怕舟車勞頓。
11:00am-4:00pm係點心時段;下午茶由2:00pm開始。由點心師傅每日即場手製,燒賣、蝦餃全部足料飽滿。新鮮出爐叉燒包鬆軟輕甜,炸春卷、鹹水角炸到金黃香脆,完全無油膱味,真係比現成來貨點心吸引好多呀。
![](https://www.openrice.com/userphoto/CMSContent/0/8I/001OKVB1CE8DAD9F260445j.jpg)
點心師傅每日即場手製點心,新鮮出爐特別好食。
![](https://www.openrice.com/userphoto/CMSContent/0/8I/001OKW243A93965E7E2050j.jpg)
蝦餃晶瑩皮薄,新鮮蝦肉好大隻。
![](https://www.openrice.com/userphoto/CMSContent/0/8I/001OKX4D9319A44BF3B3A9j.jpg)
即日手製燒賣,召喚一眾燒賣fans!!
![](https://www.openrice.com/userphoto/CMSContent/0/8I/001OKYFE1989592D1929A2j.jpg)
叉燒包鬆軟多餡。
不倒翁中日火鍋料理
地址: 佐敦佐敦道23-29號新寶廣場2樓
電話: 35260918