聖誕想去郊區唞吓氣,東涌海傍有間黎巴嫩人開嘅“Maison Du Mezze”。香港已經好少地方食地道黎巴嫩菜,呢度仲特設炭爐烤肉,肉扒、串燒都有種獨特炭香超正~食飽仲可以去海邊靜靜地睇夜景呀。
![](https://www.openrice.com/userphoto/CMSContent/0/7O/001ILNF0CFDC7D7EA6FD97j.jpg)
海邊餐廳“Maison Du Mezze”有酒吧位、炭爐燒烤,勁有氣氛。
店內以木系為主,懸吊乾花、籐燈好有異國浪漫感覺。最重要係全部料理擺盤都好唯美,襯埋靚景可以瘋狂打卡。
![](https://www.openrice.com/userphoto/CMSContent/0/7O/001ILOB20C1FB2167EAADBj.jpg)
店內懸掛乾花、籐燈充滿異國浪漫感覺。
【地道黎巴嫩菜】崇尚天然食材
黎巴嫩菜有好多海鮮、肉扒同蔬菜,主要用天然香料調味,少有味道豐富又健康嘅料理。大廚亦堅持外國直送高質食材,真係食到食材原始味!!
冬季節日套餐
想食生蠔、穀飼牛等可以揀聖誕套餐;除夕夜就有松露羊肉、帶子等。2款套餐都有蛋糕甜品㗎,滿滿幸福感~
- 聖誕套餐 日期: 12月24至25日 價錢: $588
- 除夕套餐 日期: 12月31日 價錢: $638 |
【聖誕套餐】生蠔·鋸扒有儀式感
聖誕套餐有生蠔、荷蘭龍脷魚、120日穀飼烤牛柳,加埋前菜、甜品勁豐富。
![](https://www.openrice.com/userphoto/CMSContent/0/7O/001ILPA30149EB718002E7j.jpg)
聖誕套餐$588
前菜·熱湯//
呢度全部醬汁都係自家製,率先上枱嘅前菜Gillardeau生蠔,就配特調士多啤梨木樨草醬;另一前菜就以天然蔬菜入饌,有烤花椰菜配無花果。
![](https://www.openrice.com/userphoto/CMSContent/0/7O/001ILQA269921D286C1990j.jpg)
![](https://www.openrice.com/userphoto/CMSContent/0/7O/001ILR5469D6AA72EB2030j.jpg)
(上)Gillardeau Oyster,即開生蠔 配士多啤梨木樨草醬。
(下)Roasted Cauliflower,烤花椰菜 配青瓜乳酪醬及有機無花果。
![](https://www.openrice.com/userphoto/CMSContent/0/7O/001ILS40F031DFF61051D4j.jpg)
Duck Consommé,鴨肉清湯湯身清徹,但又有濃郁鴨香。
主菜//
2道主菜有荷蘭龍脷魚、120日穀飼牛柳,本身食材新鮮已經好有肉味,配埋黎巴嫩醬香濃唔膩。
![](https://www.openrice.com/userphoto/CMSContent/0/7O/001ILTA73768B0A22E18FEj.jpg)
![](https://www.openrice.com/userphoto/CMSContent/0/7O/001ILU74B80C561050D347j.jpg)
(上)Sole Meunière,荷蘭龍脷魚配檸檬牛油。
(下)Chargrilled Tenderloin Bil Laban,炭燒12日穀飼牛柳,配黎巴嫩乳酪醬及獅子唐辛子。
甜品//
最後有經典法國甜品—歌劇院蛋糕,層層疊上蛋糕、忌廉同黑巧克力,超濃郁呀~
![](https://www.openrice.com/userphoto/CMSContent/0/7O/001ILVEA28DDF0C75FAE8Cj.jpg)
Chocolate Opera
【除夕套餐】必食羊肉&海鮮
黎巴嫩菜嘅羊料理好出名,除夕套餐可以一試喇~仲有幾款海鮮料理㗎。
![](https://www.openrice.com/userphoto/CMSContent/0/7O/001ILWAFC85AE5D58D8665j.jpg)
除夕套餐$638
前菜·沙律·熱湯//
一開始有海鮮、Mozzarella Cheese等,配埋好多蔬菜水果,清新得嚟幾滿足。
![](https://www.openrice.com/userphoto/CMSContent/0/7O/001ILXA3CC464E67395254j.jpg)
![](https://www.openrice.com/userphoto/CMSContent/0/7O/001ILY37367C1759858BE5j.jpg)
(上)Scallop Ceviche,帶子配波斯青瓜汁、鮮橙及紫蘇葉。
(下)Buffalo Mozzarella and Tomato Carpaccio,芝士配埋地中海醃番茄同風乾牛肉,飲紅酒好夾。
![](https://www.openrice.com/userphoto/CMSContent/0/7O/001ILZ9DD5E7E6C31E7D5Dj.jpg)
Lobster Bisque,龍蝦濃湯滲出鮮甜味,唔會死鹹。
主菜//
地中海經典料理Bouillabaisse,食到多種海鮮如虎蝦、荷蘭龍脷魚;仲有黎巴嫩慢煮羊肩肉,配即刨松露勁香!
![](https://www.openrice.com/userphoto/CMSContent/0/7O/001IM0FAB455A15AA204EDj.jpg)
![](https://www.openrice.com/userphoto/CMSContent/0/7O/001IM14496A4D4B8541794j.jpg)
(上)Bouillabaisse,多種海鮮配普羅旺斯海鮮醬,香濃又鮮得清爽。
(下)黎巴嫩菜嘅羊肉好出名,配埋紅酒汁、黑松露勁嫩香。
甜品//
最後有芒果栗子蛋糕,微酸解膩~
![](https://www.openrice.com/userphoto/CMSContent/0/7O/001IM2E37D87C5BF84ABDFj.jpg)
Mango Chestnut Log
【同場加映】午市套餐$208/人
除咗節日有CP值高套餐,平時都有午市套餐㗎。可以食到傳統Cold Mezze,主菜都有必食炭烤肉/鯛魚/素意大利麵揀,最後食埋甜品米布甸幾滿足。
前菜//
黎巴嫩人平時都會食Cold Mezze或Hot Mezze,其實好似我哋平時食嘅前菜,但主要用天然蔬菜、豆類為主,好健康開胃㗎。今次午市套餐有Cold Mezze拼盤外,另可3選1 Mezze。
![](https://www.openrice.com/userphoto/CMSContent/0/7O/001IM39D4A9334883637D5j.jpg)
(上)Hummus Kawarma(+$20)
(左起)Beet Tartare、Halloumi Watermelon Salad
(下)Sharing Mix Cold Mezze
主菜//
主菜選擇照顧晒所有口味,炭烤肉串/羊/魚/素都有得揀,同晚餐質素一樣,好值得試。
![](https://www.openrice.com/userphoto/CMSContent/0/7O/001IM44684CF0C3AD43325j.jpg)
(左)Pesto Linguine,香蒜醬扁意大利麵。
(右)Lamb Ouzi,正宗阿拉伯慢煮羊肩肉。
![](https://www.openrice.com/userphoto/CMSContent/0/7O/001IM5642138C3E3E4DFFEj.jpg)
(左)Seared sea bream,香煎鯛魚配白腰豆、番茄乾等。
(右)Mashawy(+$38),呢度必食炭烤肉串。
甜品//
![](https://www.openrice.com/userphoto/CMSContent/0/7O/001IM68A3199C6FA22552Aj.jpg)
Creamy Rice pudding
Maison Du Mezze
地址: 東涌怡東路9號香港東涌世茂喜來登酒店地下G10號舖
電話: 23300131