夏天想hea住呼吸吓新鮮空氣，唔一定要上山下海嘅。將軍澳海濱長廊有大海景，沿海仲有單車徑玩樂，玩到攰嗰陣又可以入餐廳High Tea休息吓。今次就介紹附近打卡一流嘅日式夢幻下午茶—Deluxe 版「花楽Deluxe Afternoon Tea HK$498」有厚切拖羅；CP值極高嘅「花樂經典日式下午茶HK$298」，並可以優惠價HK$88(原價$168) 追加清酒一壺。
凡惠顧下午茶，均優惠價HK$88(原價$168) 追加清酒一壺。
花楽Deluxe Afternoon Tea HK$498（2人）
日本料理店「花樂」嘅下午茶一直好高人氣，最新推出嘅兩款下午茶都有滿滿嘅拖羅蓉。呢款Deluxe 版上層有多款刺身，開動前先食Cocktail蠔，將時令蠔、順菜、啫喱配埋日本三杯醋同柚子酸汁，開胃清味蕾。跟住就係主角—厚切藍鰭拖羅、牡丹蝦刺身、海膽杯。
仲有造型搶眼嘅香蔥吞拿魚蓉配黑糖多士、中華風燒賣壽司，兩款都放滿拖羅蓉，難得一見咁奢華豐富嘅日式下午茶。
「花楽Deluxe Afternoon Tea HK$498」有新鮮藍鯨拖羅，仲有多款刺身大滿足。
海膽Creamy厚肉。
中華風燒賣壽司以拖羅蓉打造「燒賣」，相當玩味。
除咗上層嘅刺身外，下層放滿日式甜點。最鍾意軟綿綿嘅士多啤梨奶油窩夫、日本人大愛嘅十勝紅豆蕨餅，最後可以奶油忌廉伴士多啤梨同黑糖甘薯片解膩。
軟綿綿嘅士多啤梨奶油窩夫，充滿少女心。
日本人大愛嘅十勝紅豆蕨餅。
最後以日本士多啤梨解膩，伴上忌廉更香。
佐酒三層塔 放滿日本小食
除咗典雅嘅雙層鳥籠，仲有三層塔放上磯煮鮑魚、柚子海葡萄沙律配沢蟹、燒味醂魚乾。個人最鍾意沢蟹，呢種生活喺宮崎河川嘅蟹仔，原隻炸香後外脆內嫩，蟹仔細細但有好多蟹膏蟹肉㗎。
三層塔有多款佐酒小食，好啱用優惠價加配清酒。
原隻炸日本沢蟹，外脆內有超多蟹膏蟹肉。
CP值高 花樂經典日式下午茶HK$298 (2人)
雖然呢款CP值高嘅下午茶價錢平一截，但係鹹點甜品絕對唔失色。上層刺身有辛口山芋吞拿魚腩蓉配米通依然放滿拖羅蓉；香脆軟綿嘅銀鱈魚乾夾餅壽司，外層炸脆嘅銀鱈魚乾夾住立魚壽司，好似壽司三文治夾餅般，玩味十足。
「花樂經典日式下午茶HK$298」同樣有多款刺身，CP值極高。
辛口山芋吞拿魚腩蓉配米通放滿拖羅蓉。
銀鱈魚乾夾餅壽司以脆炸銀鱈魚乾夾住立魚壽司，好似三文治夾餅咁，好特別。
仲有三文魚迷實鍾意嘅鹽水紫菜葉秋葵三文魚配花餅，輕脆日本花餅配清新秋葵、紫蘇葉，多重口感沙律好突出三文魚香。同層仲有水戶冷菜配秋葵、香蔥厚玉子味噌燒。
鹽水紫菜葉秋葵三文魚配花餅係多重口感嘅三文魚沙律。
下層甜品則有日本人氣打卡甜品水信玄餅配黑糖、傳統經典十勝紅豆厥餅、輕甜焦糖蛋糕同清爽時令水果。
有多款日本甜品，兩個人Share都好滿足。
晶凝通透嘅水信玄餅，影相打卡好靚。
三層塔香口小食 大愛吉列蠔配黑松露醬
呢款下午茶同樣有3款小食，磯煮東風螺輕甜彈牙、燒鱈魚乾好鬆脆，個人最深刻係吉列炸蠔伴黑松露醬，炸漿厚薄啱啱好，脆得嚟唔會太乾，原隻蠔仲好Juicy。
三層塔集合3款香口小食，吉列蠔好高質。
同場加映 多款必試晚市料理
呢度嘅晚市料理都有好多選擇，蠔迷必試呢道花楽六味真蠔，可以一次過食列6款口味蠔，熟廣島蠔有蒜蓉、車打芝士、岩鹽等口味，岩鹽味道最能突出蠔味。
另外2款Cocktail 生蠔則選用日本時令生蠔，每隻約150g更多肉厚身。配上微酸Q彈嘅啫喱同酸汁，以日式做法突出生蠔味。
Cocktail 生蠔，每隻約150g更多肉厚身。
花樂卷以炸鱈魚片夾住夾住拖羅蓉、日本甘蝦、日本長芋、三文魚籽、薯蓉同壽司飯等，一啖入口味道好豐富，咬落又脆又Creamy，係一款食完有幸福感嘅新派壽司。
新派壽司花樂卷集合多重味道口感。
仲有放滿海膽、魚籽、炸魚仔等嘅海膽杯，同樣集合多重口感，成日心思思咩都想食吓嘅話就啱喇。
口感豐富嘅海膽杯。
最後不得不提呢道慢煮紅酒煮鵝肝，師傅將原件鵝肝浸於紅酒兩日，令鵝肝變得軟滑綿密，仲有濃濃紅酒香。
製作多時，令鵝肝吸滿紅酒香。
「花樂」係由一班80後年青人夥拍日本人開設，所以不時推出日本傳統手作品，推廣當地飲食文化。今次就由日本人教路，親手製作日本傳統梅醬，好啱在家配乳酪或麵包。
而家只要登記成為會員就可以免費獲得，費用全免，更可以收到餐廳最新優惠通知。
免費成為會員，即可獲得手作梅醬。
花楽
地址: 將軍澳唐俊街21號翩滙坊地下G23號舖
電話: 23892628
