召喚一眾燒肉達人～又有新燒肉店試喇!! 日韓燒肉店「燒肉屋」有極罕A5宮崎和牛牛眼蓋。同場A5宮崎和牛雪花肉眼扒(100g)，新店優惠只係$299 (原價$427)咋!! 呢個價錢想喺超市買都難啊。
A5宮崎和牛雪花肉眼扒(100g)
7折優惠$299 (原價$427)
牛肉又點止兩款～多款人氣牛位如A5宮崎雪花和牛粒、厚切角牛五花、厚切牛舌、封門柳、日式三角胸腹肉等都有㗎。
「燒肉屋」新店優惠(只限6月)一覽
優惠1: 晚市單點餐牌低至78折 五點半後入座, 單點餐牌88折 九點後入座, 單點餐牌78折 (九點後不設訂位, 歡迎walk in)
*星期五及假期前夕, 專享晚市9折 * 父親節除外
優惠3: Tiger生啤第2杯半價 *不設上限
優惠4: 午市單點餐牌85折 午市單點餐牌85折
*午市定食、所有套餐、已折扣產品 及 飲品除外 |
【牛魔王攻略】
A5宮崎和牛稀有牛眼蓋寶盒
7折優惠$359 (原價$486)
平時真係好少見牛眼蓋呀，大家都知每隻牛嘅牛眼蓋肉位真係好有限。原來牛眼蓋口感好細膩柔軟，甚至去到如絲滑嫩嘅地步，，咬都唔使咬㗎。呢個寶盒仲有日本爆紅牛舌袋，將厚切牛舌切成中空，再放滿香蔥，有種入口爆汁又Q彈嘅雙重口感。寶盒有埋牛五花包乳酪芝士、日式牛仔骨、烤野菜拼盤，優惠期間只係$359好抵。
厚切A5和牛粒三拼
7折優惠$388 (原價$536)
如果你為咗牛眼蓋而嚟，仲可以揀呢款和牛三拼。有肉感重嘅A5宮崎雪花和牛粒、滑嫩如絲嘅和牛稀有牛眼蓋、QQ彈彈嘅厚切牛舌，可謂一次過食勻三種極端口感呀。
燒肉屋合家歡拼盤
7折優惠$289 (原價$413)
選擇困難症必揀嘅合家歡拼盤，有醬汁牛五花、日式三角胸腹肉、封門柳、豬頸肉、雜錦香腸。全部都好惹味啱飲酒，可以順便用埋Tiger生啤第2杯半價優惠啊。
牛味濃上等封門柳桶
追求牛味濃郁嘅話，一定係封門柳fans。平時嘅封門柳份量都好少，呢個放到滿嘅封門柳桶真係心心眼，終於可以瘋狂掃食啦!!
【油花爆滿！五花肉推介】
除咗一眾靚牛，估唔到連五花肉款式都幾驚喜～
荔枝五花肉
將包住荔枝嘅五花肉放上烤爐，即刻爆出油花燒到沙沙聲，真係好香呀!! 一定要一啖食晒，率先有種鹹香肉味；再爆出清甜爽脆口感，好令人上癮。
四味五花肉
真係未試過有咁多口味嘅五花肉—黑椒鹽、韓式醬汁、蔥蒜、果味醬汁。個人鍾意韓式醬同蔥蒜口味，辣辣哋幾夾五花肉。而果味醬汁都幾香甜，有女仔同行一定要試啊。
【創意燒肉】
「燒肉屋」唔只一般燒肉，仲有好多出面食唔到嘅創意烤肉。好似菠蘿配原條橫隔膜、檸檬蒜泥薄切牛舌、牛五花包乳酪芝士，將水果同芝士完美融入燒肉，撞出驚喜。
檸檬蒜泥薄切牛舌
頭先試咗幾款都係厚切牛舌，其實薄切牛舌嘅軟嫩輕韌都好過癮㗎。燒之前可以夾起檸檬片，為牛舌抹上檸檬汁後更加清新有層次。
菠蘿配原條橫隔膜
菠蘿絕對係燒肉嘅黑馬，好多人都鍾意燒肉嗰陣瘋狂燒菠蘿。今次菠蘿終於成為主角，將原個菠蘿起肉放入原條橫隔膜，肉味輕甜幾香口。菠蘿份量多，絕對可以一啖烤肉；一啖清甜菠蘿。
牛五花包乳酪芝士
原來牛味+柔軟綿密嘅芝士咁好食!! 乳酪芝士比想像中大件，食嗰陣芝士已經溶溶哋，獨特奶香可以中和五花肉油膩感。
【日韓燒海鮮】
爽脆白鱔片/燒鰻魚 (配浦燒醬汁)
呢度仲可以燒製生猛海鮮—生蠔、大蝦、扇貝等。店家嘅燒白鱔特地配上自家製浦燒醬汁，有種燒鰻魚嘅香甜味，可以包住紫菜食㗎。
【打卡熊仔冰茶】
差唔多每枱客都見到有杯熊仔冰茶，有紅火龍佛手柑熊茶、藍蝶花佛手柑熊茶選擇。熊仔冰係用茶雪製，所以融冰後都唔會淡味㗎。
【午市食燒肉抵呀！】
下晝心血來潮想食燒肉都得!! 果汁豬扒$88、醬汁牛五花$108完全唔會out budget，仲有三味牛仔骨豚肉燒拼盤7折優惠$188添, 午市套餐更會配送任飲任食麵豉湯及時令前菜三點。
3款肉品都醃到甜甜哋—日式牛仔骨 、厚切角牛五花、果味醬汁五花肉，小朋友都會好鍾意。
下晝想食個快飯，可以揀流心熔岩蛋三文魚飯$88。流心蛋漿+三文魚真係佐飯王牌，絕對會瞬間清碗呀。
燒肉屋 (天后清風街)
地址: 天后清風街10號清風大廈地舖
電話: 26606373