大閘蟹季已經開始咗一半喇！嚟緊10月至11月係食公蟹嘅月份，呢個時節公蟹蟹膏特別金黃軟滑，一打開隻蟹已經爆晒蟹膏出嚟啦。去炒蟹專門店食大閘蟹就最穩陣，「喜記避風塘炒辣蟹」由香港老字號大閘蟹供應商入貨，講明專揀爆膏陽澄湖大閘蟹，每日來貨好新鮮。
陽澄湖大閘蟹蟹膏爆多、金黃軟滑。
而家4個人嚟食大閘蟹最抵，「大閘蟹+辣蟹宴4人餐」優惠期間即減$1,000，有清蒸江蘇大閘蟹(4隻)、招牌避風塘炒辣蟹(原隻)、招牌醉鮑魚(4隻)；同埋一系列油鹽水浸蜆、椒鹽九肚魚拼白飯魚、菠蘿咕嚕肉等等，總共9道菜超抵食！
「大閘蟹+辣蟹宴4人餐」總共9道菜，有齊大閘蟹+招牌避風塘炒辣蟹(原隻) 超豐富。
想2個人靜靜地食蟹傾計都得，「大閘蟹豪華2人餐」亦有即減$300優惠！同樣有清蒸江蘇大閘蟹(4隻)；連同招牌醉鮑魚(2隻)、馳名紅燒BB乳鴿(原隻)、油鹽水浸蜆、椒鹽九肚魚拼白飯魚等等總共7道菜。呢度有好多梳化卡位坐得舒服，2人套餐每人起碼食到2隻大閘蟹，就算開支紅/白酒只係$198至$598/支，好啱慢食傾計㗎。
銅鑼灣分店樓高兩層，有好多梳化位坐得舒服。
「大閘蟹+辣蟹宴4人餐」激減$1,000！
食埋原隻避風塘炒辣蟹
大閘蟹+辣蟹宴4人餐 - 蟹油拍青瓜／涼拌木耳 - 清蒸江蘇大閘蟹(4隻) - 招牌避風塘炒辣蟹(原隻) - 招牌醉鮑魚(4隻) - 豉油皇蝦／黃金蝦／椒鹽九肚魚拼白飯魚 - 豉椒炒蜆／豉椒炒青口／油鹽水浸蜆 - 美味雞煲／柱候牛腩煲／菠蘿咕嚕肉 - 招牌蟹油炒麵／牛河/揚州炒飯 - 金銀蛋浸白菜仔
HK$1,688 (原價2,688, 加一服務費以原價計算) |
「大閘蟹豪華2人餐」減$300！
每人起碼食2隻大閘蟹
清蒸江蘇大閘蟹(4隻) - 蟹油拍青瓜／涼拌木耳 - 招牌醉鮑魚(2隻) - 馳名紅燒BB乳鴿(原隻) - 豉椒炒蜆／豉椒炒青口／油鹽水浸蜆 - 椒鹽九肚魚拼白飯魚／魷魚拼白飯魚 - 招牌蟹油炒麵／炒河／蒜蓉炒時菜
$888(原價$1,188, 加一服務費以原價計算) |
【4人餐激減$1,000】即睇有咩食！
爆膏清蒸江蘇大閘蟹
今次最抵食一定係4人餐，一次過食到清蒸江蘇大閘蟹、招牌避風塘炒辣蟹(原隻)。如果想食多幾隻大閘蟹，仲可以優惠價追加$68/隻(原價$138/隻)㗎！
陽澄湖大閘蟹，全部即日來貨好新鮮。
招牌避風塘炒辣蟹(原隻)
避風塘炒辣蟹完全係套餐回本位，平時原隻蟹都要$780，而家包埋大閘蟹同其他7道小菜只係$1,688(原價$2,688)，點計都好划算。「喜記避風塘炒辣蟹」仲係避風塘炒辣蟹嘅始祖，繼續沿用60年代古祖秘方，用大量辣椒、炸蒜爆炒逼出蟹肉鮮味，真正做到蟹肉有蒜香；炸蒜又有蟹鮮。
避風塘炒辣蟹沿用60年代古祖秘方，用大量辣椒、炸蒜爆炒好惹味。
食蟹之前，仲有2款前菜—蟹油拍青瓜／涼拌木耳選擇，酸甜開胃。
招牌醉鮑魚(2隻)
全店均用游水海鮮，所以鮑魚都特別Q彈㗎。大廚用上海糟鹵酒浸鮑魚一晚夠晒入味，一咬開已經滲出酒味，酒香帶甘幾有層次。
游水鮑魚特別Q彈，酒香濃郁。
豉油皇蝦／黃金蝦／椒鹽九肚魚拼白飯魚
3選1海鮮小菜中，豉油皇蝦炒得掛汁惹味，係人人都會鍾意嘅百搭口味，佐飯一流。另外2款都好香口，黃金蝦外層有滿滿鹹蛋黃，外脆內嫩；椒鹽九肚魚拼白飯魚就滿足兩個願望，脆得嚟又唔膩，特別鍾意九肚魚又滑又啖啖肉。
豉油皇蝦好掛汁，游水蝦蝦肉亦新鮮紮實。
豉椒炒蜆／豉椒炒青口／油鹽水浸蜆
而呢道3選1嘅海鮮小菜，平時都好高人氣㗎！豉椒炒蜆好有鑊氣，食嗰陣舔埋貝殼上面嘅豉椒汁係最正。難得有游水海鮮，油鹽水浸蜆就最keep到海水鮮味。
油鹽水浸蜆好鮮味，湯汁則充滿海鮮精華。
美味雞煲／柱候牛腩煲／菠蘿咕嚕肉
好鍾意呢個套餐唔只有海鮮，仲有肉類小炒夠滿足飽肚。好推薦秋冬食個美味雞煲，熱辣辣砂鍋上枱已經好正！自己用匙羹兜勻雞煲嗰陣，香蔥醬汁香味湧埋嚟，雞肉又夠厚嫩，飲酒一流。
招牌蟹油炒麵／牛河／揚州炒飯
傳統中菜套餐，當然唔少得炒粉麵啦。招牌蟹油炒麵真係自家用新鮮蟹提取蟹油，天然蟹香係一般來貨難以媲美㗎。而呢度廚房爐頭係專業爆炒避風塘辣蟹，炒粉麵當然有鑊氣啦。所以牛河、揚州炒飯都好好食，揚州炒飯仲有好多蝦仁夠足料。
傳統中菜爐頭，炒出鑊氣揚州炒飯。
喜記避風塘炒辣蟹
地址: 銅鑼灣謝斐道477-481號肇明大廈地下及1樓A室
電話: 24886665
