最近行過赫德道會發現一間藍白主調，並掛滿螢幕營造天空飛翔感覺嘅酒吧「基地貳」，氣氛悠閒。但估唔到上到2樓完全系另一世界，180度無邊際螢幕展示 迷幻太空、水母、藍天白雲…加埋鏡面天花構成無限延伸嘅異空間，有種逃離現實嘅浪漫。
留意返呢度依餐廳防疫措施，晚市堂食至12點，唔使出示24小時內陰性快測結果㗎。
而家仲有Early Bird全單8折優惠 (18:00-19:45前埋單離席)!
每晚螢幕座位供應有限，先到先得，預約時可提出要求螢幕座位，但需待餐廳回覆確認作實，敬希見諒。
下層藍白主調，多個天空螢幕做出悠閒氣氛。
上到2樓估唔到咁夢幻！180度無邊際螢幕同鏡面無限延伸異世界。
店主: 光影主題，好玩之餘又fancy啲、藝術啲
本身以為光影主題系行藝術浪漫路線，估唔到一班90後老闆即刻笑指系好玩為主：「呢度不嬲都sell好玩㗎，我哋兄弟幫咁一齊搞呢間餐廳酒吧，梗系想自己都覺得個地方好玩啦。其實一早已經好想玩呢種螢幕效果，香港好少呢個主題嘅酒吧，好玩之餘又fancy啲、藝術啲。」當問到會點形容呢度? 最估唔到佢哋爽快地答道：「眼睛想旅行啦！真系可以睇到好多景嘛(笑)。」
仿如置身歐洲中，打卡一流。
2樓特設平臺，螢光Graffiti喺夜晚發光好靚。
【激罕泰菜酒吧】食飯、飲嘢直落
除咗大玩光影，呢度都好重視料理，因為想大家可以食嘢、飲嘢直落，老闆提到：「而家堂食時間已經短啦，食完仲要轉場飲嘢真系好少時間玩，所以我哋用咗好多誠意心機整嘢食，仲特別請嚟正宗泰國人兼前酒店大廚主理泰國fusion菜，喺度飲酒唔使凈系食薯條、意粉，而真系有高質嘢食可以坐成晚。」
超豐富泰菜同fusion菜，可以一個地方食嘢、飲嘢直落。
泰國打卡菜 火山排骨
當年泰國一齣即成打卡菜，排骨要用多種泰國香料慢煮至入味，啖啖肉又松軟。
仙氣泰式生蝦
大廚即日親揀九節蝦再手剝，只只新鮮游水勁彈牙，一咬有種彈牙膠質，包住指天椒、蒜頭一齊食辣得過癮。
新鮮龍躉 酸菜魚
點估到酸菜魚都可以泰式，一改平時酸菜魚多油特點，用泰國香料煮微辣清爽。重點系新鮮龍躉勁彈牙，一食就feel到海魚嘅鮮甜。
勁震撼斧頭扒！
足足1300g-1400g好厚肉，慢煮再焗keep住肉汁，外層亦烤得香口。大廚特製泰國酸子汁，有別平時西式醬汁，酸辣突出肉味更正。
原只龍蝦！基地炒飯
呢度嘅海鮮值得一讚，系大廚即日親揀新鮮貨，保證大隻鮮甜。原只波士頓龍蝦好搶眼！配埋自家調醬汁，輕甜突出鮮味。炒飯則炒得乾身香口、粒粒分明。
大玩fusion 冬蔭功卡邦尼意粉
呢款泰西fusion幾玩嘢，食到悶嘅卡邦尼意粉即刻有返新鮮感。大廚將多種泰國香料打碎，再加入乾酪、奶油煮制，食落系卡邦尼意粉嘅creamy，但又有冬蔭功嗰種香辣。
無骨黃油雞 海南雞
油飯用雞油煲好香，黃油雞系以雞汁慢慢淋熟，肉質夠嫩，而且無骨食得方便。
解酒暖胃一流！泰式船面
船面系泰國菜經典之一，湯底特用牛骨、香料熬煮6至7小時，飲落勁香濃，飲酒中途叫碗嚟解酒暖胃真系幾正。配料則有安格斯肥牛片、泰式牛丸同地道炸豬皮等。
爆餡！香蕉煎餅
超高人氣香蕉煎餅，依地道做法煎得薄脆輕韌，包住滿滿香蕉、朱古力醬、煉奶，每啖都好爆餡。
芒果班蘭糯米飯
傳統糯米飯只有芒果同椰汁，甜得略為單調。呢度就加埋班蘭中和甜味並更有層次，男士都會鐘意食。
【駐場調酒師】特調多款Cocktail
呢度有多款打卡Cocktail，當然都有紅白酒、威士忌、生啤、Mocktail等選擇啦。
Siam Nuts飄出仙氣勁唯美，上層蛋白做出綿滑口感。
(左上) Miss Lady(伏特加、蔓越莓、蛋白)
(右上) BASE Colada(湄公河椰子、菠蘿糖漿、奶油)
(左下/右下) Thai & BASE，酒盃會依性別使用，幾特別(冧酒、奶茶、朱古力、雲呢拿糖漿等)
(左) BASE Kiss(Gin、復盆子、蛋白)
(中) Ga-Fee-Yen(Mekhong Chambord、Kahlu咖啡、羅勒葉)
(右) Thai Fashion(Mekhong bitters、泰國香料)
基地貳
地址: 尖沙咀赫德道17號海信大廈地下及1樓
電話: 37952445
IG:BA2E.852
WhatsApp: 55969823