131
12
14
港鐵尖沙咀/尖東站 N3 出口, 步行約3分鐘
繼續閱讀
電話號碼
37952445
開飯介紹
兩層樓的西餐廳，還設有露天座位；二樓的特大LED幕牆會不時轉換光影圖案，打卡一流。菜餚有泰式及西式口味，酒類飲品也有不少選擇。
繼續閱讀
營業時間
今日營業
15:00 - 02:00
星期一至五
15:00 - 02:00
星期六
13:00 - 02:00
星期日
13:00 - 00:00
以上資料只供參考, 請與餐廳確認詳情
-
網上訂座服務暫停
招牌菜
食家推介
之前去過Base 3，喜歡他們嘅裝修同燈光帶出嘅氛圍，今次去他們的姊妹店Base 2，更驚喜係那幅LED牆，好大好狀觀好吸睛，太喜歡了。Base 2主打泰式fusion菜，那種泰式特有酸甜辣味道確實好開胃好吸引，今次叫咗幾道菜，有齊這幾種味道，好滿足。◇ 生蝦刺身上枱一陣煙霧好吸睛，生蝦新鮮，少少微辣有提鮮作用◇ 軟殼蟹柚子沙律兩隻大大軟殼蟹，表面炸得酥脆，內裏蟹肉保持鮮美，配上份量極多的柚子，加上少許辣椒碎，比起一般沙律菜為主嘅沙律更開胃更吸引◇ 冬䕃功卡邦尼意粉明顯係泰意fusion，將泰菜獨有冬䕃功風味放在意粉上，結果好夾冇一點違和感，味道特出反而令隻蝦變咗配角，必食◇ 芒果班蘭糯米飯另一吸睛菜式，賣相似西式他他，底層糯米飯黏黏的，中層芒果甜滑清爽，上層班蘭味糯米飯，一口咬落，享受三重不同口感同味道，滿足極了◇ Base CoreSignature cocktail之一，用香檳杯顯高貴，入口前香濃荔枝氣味已經吸引，入口後延續荔枝味道，清新可口◇ Ms Beauty紅莓為主西柚為副嘅Mocktail，味道有層次，紅色為主調漸變到透明，賣相美麗
繼續閱讀
泰式生菜包肉碎比較辣🔥但整體惹味好食.泰式串燒其實都幾大串😦但還好燒得唔乾.鵝肝冬陰公炒飯呢個真係好好食😜有冬陰公既味酸酸辣辣，同時有鵝肝油香整體嚟講啲食物都幾好食
繼續閱讀
早排碌IG發現咗呢間星夜酒吧，呢晚就約咗朋友仔一齊去試，上層有個180°巨型屏幕可以睇到星空景緻，座位闊落坐得好舒服，靜靜地吹一晚水都OK，而且野食味道都唔錯🥰❀軟殼蟹柚子沙律❀軟殼蟹炸到好酥脆，食到入面有蟹膏，配上酸酸甜甜帶點微辣嘅柚子沙律，惹味得黎又夠哂開胃。❀生蝦刺身❀每次食泰國野都要點😝海蝦冰鎮後，肉質緊緻又有彈性，味道鮮甜兼有口感。❀冬陰功卡邦尼意粉❀估唔到冬陰功醬汁同卡邦尼意粉幾夾，意粉好有咬口又掛汁，冬陰功汁酸酸辣辣咁，撈埋蛋汁食好香口，虎蝦大大隻又彈牙，唔錯！❀芒果斑蘭糯米飯❀芒果糯米飯幾靚，食落甜甜地，加咗斑蘭落去，同椰奶香味配合得相得益彰，重點食完都唔會好膩。
繼續閱讀
本身見到環境幾好嘢食正常都好滿意，但結果衰收尾，嬲到要出差評警世！ Openrice booking 19:30 , 成個openrice根本唔見有講限時90分鐘！最後check返係email有勁細隻字寫用餐時間90分鐘。ok, 如果真係90分鐘又其實無問題，最弊唔係呀嘛！ 一開始得一個人早到攞位，19:16就直接帶我上1/F，完全無提過用餐時間入座起計90分鐘，都無問我幾點人齊，咁我自然唔覺得間餐廳係要快速食。 之後食食下加咗單，嘢食係20:07上齊，但20:22就出單叫我哋俾錢，呢個時候都係無人講要我哋幾點走架喎！雖然未食完，仲帶一杯完整嘅嘢飲未飲，但見佢出咗單就諗住埋咗前再繼續食埋飲埋就走人。 點知俾完錢20:35就第一次俾人趕走，一嚟無唔好意思無唔該，淨係一句有booking到咗就想叫我哋走，但我哋嘢都未食完… 問佢就話有限時90分鐘，但一睇見到8點半左右先食咗1個鐘….真心o晒咀！咁同佢講等我哋食埋先啦…走咗第一個又嚟第二個女侍應催我哋交枱！真係煩到一個點！之後仲有第三個著藍色裇衫，態度差到核爆嘅人走嚟趕我哋走！我哋講完一大輪嗰陣只係20:44，根本成個過程都未夠90分鐘就逼我哋交枱！第三次交涉係最精彩：一係我哋幫你哋轉枱啦下？其實你哋唔催我哋都就嚟食完架啦，咁點解有枱轉俾我哋但無枱入新一枱客？佢哋係幾多個人啊？佢哋6個人下？咁我哋5人枱點坐6個人？如果得嘅話點解你宜家張新枱俾唔到佢哋坐？你加張凳俾佢哋咪得！？？？我哋無多餘凳啊咁點解隔離兩枱7/8個人都早過我哋入，又唔見你哋見佢哋走？佢哋有打電話嚟延時咁即係你唔主動同我哋講有限時，又唔主動問我哋需唔需要延時… （心諗你淨係想做熟客就貼大紙報講聲啦！）覺得我哋好蝦啲？將心比心，如果你係客遇到啲咁嘅服務咁嘅對待你o唔ok啊！？ 我ok啊（當時真係可以原地爆炸！宜家係作為消費者嘅我唔OK啊！我理得你！！！點會仲死撐唱反調！？？？）嬲到淨係：下！？？ 跟住就有個黑色衫肥佬出嚟話：算啦，由佢哋坐到9點啦！個肥佬態度又係差到好似係施捨俾我哋咁！？？？ 問心，我去過咁多間餐廳，如果一早睇到係有限時，去到亦都有提示嘅話，其實一定會跟足，又或者你態度好友善咁樣希望我哋配合，其實都會盡量配合，但呢間餐廳係全世界都西！所以真係不可一不必再！大家唔好俾啲KOL好評呃咗！以免中伏！ 原本真係可以20:45前食完嘅，但佢哋態度惡劣到我哋決定坐足去到21:00走！因為佢哋所講嘅有booking根本就係5個同佢哋有傾有講有笑嘅女仔，一開始就係想大細超逼我哋讓中間枱俾佢哋打卡，大話連篇！！！建議想貼錢買難受嘅先至好去試！
繼續閱讀
8月初時揀咗呢間餐廳同朋友慶祝生日我覺得自己冇揀錯地方，餐廳背景會不停轉畫面，當食生日甜品時更會顯示Happy Birtday 確係有驚喜同啱晒影相。食物嘅味道亦很不錯！個人推介飛天炒麵，打卡一流之餘味道都很出色生蝦夠新鮮爽口炒通菜惹咪，菜不會老另外個係甜品嘅糯米飯，我哋當生日蛋糕咁切！ 唔會太甜，有啲椰味！之於個香蕉pancakes 有有啲失望，因為食落有啲膠味整體食物味道不錯環境氣氛都好好適合慶祝飯局
繼續閱讀