呢排大家都話攪夜市，夜市梗係要有好嘢食! 正所謂為何深夜總是餓，以前7、80年代老香港好多人都會去避風塘食宵夜，嗌碗泥鯭粥、飲支啤酒好有風味。
勁抵食! 即日起「喜記避風塘炒辣蟹」推出推重2大優惠:
- 招牌避風塘炒辣蟹 半價!
-每晚8:30起「生滾泥鯭粥+蟹油炒麵」組合即享半價共$78!
【招牌避風塘炒辣蟹 半價 + 宵夜半價優惠】
Open Rice 訂坐獨家優惠 - 招牌避風塘炒辣蟹 半價! (即日至9月27日) 中蟹原價 $980 半價 $490 大蟹原價 $1180 半價$590 特大蟹原價 $1380 半價 $690 每日數量有限，尊請預約 -每晚8:30起，「生滾泥鯭粥+蟹油炒麵」組合即享半價共$78
「所有優惠不能同時使用」 |
「喜記」於60年代香港開業，迄今已經50年歷史，由避風塘艇家煮到上岸，佢哋首創嘅避風塘炒蟹直到而家都好高人氣㗎！今次優惠嘅生滾泥鯭粥+蟹油炒麵，同避風塘炒蟹一樣都係沿用古祖秘方，好難搵到個地方可以食返老香港味道啦。
老香港鮮味 生滾泥鯭粥
泥鯭粥以前係平民美食，但而家好少地方食到喇，泥鯭身價仲越嚟越高，今次$78可以食晒2款嘢食好抵。唔好睇小煲粥呀，其實好講師傅手工。「喜記」真係花2至3個鐘生滾，煲到粥底太稠就加雞湯繼續滾。完全無添加沾米粉，所以粥底真係綿滑又香，加埋泥鯭魚鮮好正。
泥鯭粥粥底特別鮮甜㗎。
蟹油炒麵
宵夜$78組合價可以食埋蟹油炒麵～「喜記」作為元祖級蟹店，蟹油質素真心高。炒麵望落普普通通用豉椒、蒜、芽菜香炒，但加咗蟹油真係好惹味，乾身得嚟又辣又香，飲啤酒一流呀。
「喜記」用新鮮蟹油炒麵，炒到乾身入味，又辣又香。
【祖傳秘製】始創避風塘炒蟹
「喜記」創始人喜叔研製出避風塘炒蟹，原來都有段故㗎。因為當時佢哋仲係水上人，濕氣重易倦特別鍾意食辣祛濕，所以正宗避風塘炒蟹會用大量辣椒、炸蒜爆炒，祛濕又逼出蟹肉鮮味～做到蟹肉有蒜香；乾蒜又有蟹鮮。
「喜記」創始人首創避風塘炒蟹，而家都食到古祖味秘方。睇吓蟹鉗幾大隻！
【夏天必食酸辣嘢】老檀酸菜魚
除咗一系列老香港招牌菜，「喜記」特別為夏天推出酸辣菜式開開胃。老檀酸菜魚就用咗客家酸菜+四川辣椒，撞出酸中帶甜辣。鰈魚肉質嫩滑，配料都好豐富有萵筍、大豆芽、薯粉等，爽口Q彈。
酸菜魚以客家酸菜+四川辣椒，撞出酸中帶甜辣。
【辣迷召喚】
「喜記」辣嘢一向出色，想食水煮就有成都水煮牛肉；乾炒就有秘製辣子雞丁。成都水煮牛肉係正宗四川水煮，用紅油、花椒、八角煮製，麻辣恰到好處、香口不嗆，佐飯一流呀。唔食牛都可以揀豬肉／魚肉㗎。
正宗四川水煮牛肉，辣得啱啱好。
鍾意辣啲嘅可以揀辣子雞丁，乾炒雞肉勁香口～出面乾身焦脆，咬開肉質又夠嫩，估唔到雞丁都可以做到雙重口感。
一口雞丁外脆內嫩，辣得快好過癮。
【經典必食】一個價錢食2款椒鹽海鮮！
食海鮮小菜特別想食啲炸嘢，成日唔知揀椒鹽魷魚定椒鹽九肚魚好，所以「喜記」索性整個椒鹽雙拼(鮮魷魚、九肚魚)，一個價錢食晒2款椒鹽海鮮，CP值高。好鍾意佢哋炸漿做到好薄脆，最重要魷魚同九肚魚都好新鮮呀。
炸漿好薄脆，特別鍾意Q彈魷魚。
真正BB乳鴿
自家炸嘅乳鴿真係用BB鴿㗎，所以肉質好夠嫩。傳統淋油炸法做到外皮好香脆，一咬開仲會滲啲鴿油出嚟好香。
自家炸BB鴿，新鮮出爐香脆又有鴿油。
店內由香港藝術家畫上招牌大蟹插畫。
店內樓高2層，2樓有VIP房、卡位坐得舒服。
喜記避風塘炒辣蟹
地址: 銅鑼灣謝斐道477-481號肇明大廈地下及1樓A室
電話: 24886665 / 6844 3072
