「黑木亭」小店幾年前喺天后開業，主打和牛、龍蝦、刺身，創作料理吸引一眾fans。早前有尖沙咀分店後，最近元朗分店「黑木亭-お食事処」都新開業喇！而家元朗分店限定優惠，惠顧龍蝦刺身大滿貫套餐即送「龍蝦粥+龍蝦鉗蒸蛋」！時令生蠔大大隻更低至$88；連埋清酒啤酒買一送一，飲飽食醉勁划算，即睇詳情啦～
【必搶優惠】
龍蝦刺身大滿貫套餐 半價$1,399 (原價$2,798)
另送「龍蝦粥+蟹肉龍蝦鉗蒸蛋」價值$468
大滿貫龍蝦刺身套餐有壽司大滿貫+龍蝦刺身～超過6款波波壽司之外，加埋三文魚刺身、海膽魚籽、牡丹蝦刺身勁豐富。當然仲有主角龍蝦刺身，厚切龍蝦肉晶瑩Q彈。
一個價錢食晒龍蝦刺身+超過6款波波壽司+日本刺身，選擇困難症終於唔使諗到頭爆喇。
套餐免費送 | 龍蝦粥+龍蝦鉗蒸蛋
免費送嘅龍蝦2食都好有誠意，用龍蝦殼熬嘅龍蝦粥，精華滲晒入粥底，軟綿綿又鮮甜。
粥底綿密，每啖都勁有龍蝦味。
龍蝦鉗蒸蛋就好似日本茶碗蒸升級版，加咗高湯蒸到滑嘟嘟。
有原隻龍蝦鉗，完全係日本茶碗蒸升級版。
【指定料理低至半價】
原板海膽 半價優惠$298(原價$596)
日本直送原板海膽(50g) 份量好多，creamy又有海水味。
日本直送海膽5折就食到啦。
【時令刺身】
大大隻生蠔低至$88
優惠價生蠔好大隻，有令和怪物、南非Saldanha Bay蠔、日本山田灣風雅蠔等等選擇。
深海池魚王薄切
踏入春夏，正正係池魚盛產季節。肉質爽口又略帶油份，魚味鮮甜難怪有「王」之稱。
夏季時令池魚王刺身。
【Cosplay壽司師傅】DIY壽司刺身盒
超美壽司盒，木盒放滿刺身、醋飯、紫菜畀你cosplay壽司師傅自己整手握壽司，好玩好食，即刻整件足料壽司食吓先～刺身食材包括: 三文魚、海膽、拖羅、帶子、櫻花魷魚、芥辣八爪魚、三文魚籽
終於可以試吓自己整壽司啦。
整件足料壽司畀自己食先。
【人氣卷物】
常滿卷
「黑木亭」開業幾年就咁受歡迎，其中一個原因係啲嘢真係好足料。好似「常滿卷」嘅三文魚、油甘魚、帶子都好厚切，仲要鋪滿爆多海膽。
卷物都超爆料，順便挑戰吓一啖食唔食得晒咁多魚生!!
爆蔥吞拿魚蓉鮟鱇魚肝卷
鮟鱇魚肝一向係日本矜貴食材之一，味道淡雅、口感綿密，完全無鵝肝嘅膩感。今次連埋爆多吞拿魚蓉一齊食，完全唔會搶咗吞拿魚鮮味。
鮟鱇魚肝有獨特口感，又唔會遮咗吞拿魚鮮味。
【A5宮崎和牛推介】
A5宮崎和牛他他
A5宮崎和牛他他 6折$199(原價$332)
如果你鍾意食重肉味嘅和牛，可以揀和牛他他，將粉紅嘅半熟和牛肉，夾住洋蔥、酸汁一齊食好有層次～6折後200蚊有找CP值極高。
和牛他他好粉嫩，原始肉味勁香。
石板A5宮崎和牛厚切 7折$388(原價$554)
和牛最正就係入口化出油脂～呢道石板和牛燒兩燒已經見到啲油脂標出嚟啦，真係要趁熱食！
A5宮崎和牛極厚切，燒到熱辣辣即食好正。
A5宮崎和牛小熊泡泡浴壽喜燒 配棉花糖兔兔酒2杯
7折$398(原價$569)
A5宮崎和牛堆到成座山咁高!! 可以自行將壽喜燒湯倒入鍋中小熊，望住佢慢慢融化好得意又有啲唔捨得(?)。
壽喜燒鍋仲會送2杯台灣兔兔酒，係近期討論度極高嘅Spring Vodka，隨機口味有荔枝、蜂蜜、茉莉綠茶等。
小熊泡泡浴來了！快快自行將壽喜燒湯倒上熊仔身上啦。
A5宮崎和牛成座山咁多。
【晚市一人前套餐】
一人前燒肉套餐
星期一至四都有一人前套餐，送蒸蛋、刺身3點、沙律、前菜2點、 味噌湯。
左: 燒安格斯牛扒定食 中：雜錦燒肉定食 下：薄燒牛舌定食
石頭鍋
如果鍾意飯焦脆卜卜可以揀石頭鍋飯，全部有飯焦㗎。
松葉蟹石頭鍋飯
【兒童套餐】男女小朋友都鍾意
男仔女仔都有自己嘅尊屬套餐～Big Boy Set會有炸薯條、炸蝦、小壽司等，仲有小朋友鍾意嘅滑嘟嘟忌廉蝦烏冬，另配橙汁飲品1杯。
Big Boy Set
Little Girl Set
【兒童特選】可愛日本料理
電動兒童壽司轉盆
「黑木亭」係少有日本居酒屋咁有心思設計兒童餐，小朋友玩呢個迷你壽司轉盆一定好乖食晒啲健康壽司，大人又可以自己傾吓計爭取me time。
好食好玩嘅壽司轉盆，係小朋友尊享㗎。
【壽司外賣店】
趕時間想grab & go，元朗分店「黑木亭-お食事処」門口更係外賣專門店，有多款壽司、和食、關東煮即買即走。
「黑木亭-お食事処」元朗店限定優惠！
1) 凡惠顧「龍蝦刺身大滿貫套餐—壽司大滿貫+龍蝦刺身」，即送「龍蝦粥+蟹肉龍蝦鉗蒸蛋」*
2) 時令大隻生蠔低至$88 (包括: 令和怪物、南非Saldanha Bay蠔、日本山田灣風雅蠔等等)
3) 指定料理低至半價
4)全日單點餐牌88折(星期五、六及公眾假期前夕除外)
5) 限定版清酒及啤酒買一送一，價錢低至$58^ 包括: Asahi Super Dry 330ml (2支) $58 北鹿 北秋田 濁酒 720ml(2支) $378 本月特選 -限量版720ml(2支) $538 作 惠乃智 純米吟釀720ml(2支) $728
*限定每天5份 ^全日供應，星期五除外 |
黑木亭-お食事処(元朗店)
地址: 元朗裕景坊15-25號玉成大廈地舖
電話: 63653267
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下-1樓
電話: 23296669
黑木亭居酒屋 (天后店)
地址: 天后清風街10號清風大廈地舖
電話: 26606373