Dan Ryan's Chicago Grill (海運大廈)

營業中

休息中

平日下午去，叫咗一個假日拼盤，超失望，每一樣都係超燶，燶到苦。當中肉眼係最差，又燶又冇肉味又韌。雞就雖然話係慢煮，但係雞胸都係鞋同埋乾。Ribs係肉質比較好，但係都燒燶左，破壞晒。I visited Dan Ryan at a weekday afternoon and felt disappointed. As you can see, all the BBQ food were over cooked. They tasted so bitter.

見到某APP做Dan Ryan75折喎，咁耐冇食過就當然要book佢嚟食下啦！預約嘅時間一到，一去到餐廳就即時有位俾我哋！我哋一行三個人，佢就俾咗卡位我哋坐！但佢啲卡位其實都好窄，唔郁都OK嘅，但要行嚟行去就會比較迫。望返個裝修，真係十年如一日，十幾年前嚟過一次又係咁嘅樣，而家又係咁嘅樣，一啲都無變！首先上個麵包籃，入面有三個包同埋muffin，佢個合桃muffin真係好好食！唔太甜但又好甘香！仲有其餘d包配埋佢個特製粉紅色牛油真心好食！我哋嗌左三樣嘢，第一係係唔知乜嘢海鮮冷盤，話就話有龍蝦蟹同哈再加啲菜牛油果蕃茄之類，但上到菜就其實係一堆撈咗好多沙律醬嘅海鮮沙律，入邊真係有龍蝦蝦同蟹嘅，但係全部都係剁碎晒嗰隻，再放喺啲生菜上面，感覺好空虛，空虛都唔係一個問題，但收我$258就係一個問題！我哋當時呆到連相都冇影到！之後叫咗個Ribs，一貫都係好淋，好入味同埋好有BBQ味，冇退步到！好食！連我阿爸冇牙都食咗四條骨！另外個carbonara，勁多芝士同cream，水準之作！買單有埋個七五折，耐唔耐食一次都OK 㗎！

最後衝刺用海港城Coupon，一早Book 定呢間餐廳打算試下。1:15pm入座，侍應提醒用餐時間為90分鐘，不過佢地話如果唔多人等位，係可以繼續坐的。餐廳門口好吸引，好多小朋友見到氣球已經拉住爸爸媽媽走過嚟，係一間適合一家大細嚟既餐廳。店內環境幾好，座位闊落，佈置亦好有氣氛，如果聖誕節嚟食大餐，相信小朋友會好開心。我地兩個大人食，一共叫了５樣野食。首先上枱的係餐前麵包。我見食評多人話好味，不過個人覺得一般，唔算好熱，配既士多啤梨醬亦偏甜。下面的Muffin幾好味，不過都幾飽肚，兩個人share一個已經好足夠，亦唔會有好食到想再食既感覺。第一樣嗌既菜式：煙肉芝士釀薯仔配忌廉。味道唔錯，不過略嫌唔夠熱同偏淡味，作為前菜就無乜開胃作用。第二樣菜式：水牛城雞翼。個人覺得雞翼偏硬同乾身，要咬開都唔用易，同埋都係唔夠熱。跟住係：芝士洋蔥湯。因為我唔算好中意芝士，所以同朋友Share一碗就夠。淺嚐的我覺得味道還好，但朋友飲得較多就覺得偏咸，飲唔晒就放棄了。重點菜式：Ribs 配薯條。Ribs 稍為偏乾身，不過味道幾好，近骨的部位都幾有咬口。薯條就強差人意，太乾而且薄身，食落無滿足感，呢點係失望既，

公眾假期, 要陪爸爸食晏, 但因為遲遲未決定到去邊到飲茶, 搞到決定到之後度度都冇晒位我就提議去好耐冇去嘅dan ryan. 爸爸唔多鍾意, 但最後都無奈要去去到好多外國人係bar到飲嘢, 香港人就多數帶埋小朋友坐枱, 但係啲小朋友好噪, 係咁喊同叫, 實在係有啲煩我哋企咗係等位度五分鐘都冇人理...最後都有一將六人枱(近門口)俾我哋. 仲記得細個好鍾意黎dan ryan, 因為佢嘅擺設好得意, 好似天花板度裝咗條小路軌, 有架火車係度行又有好巨大個嘅公牛頭標本, 仲有我最鍾意嘅美式懷舊poster我一見到今日有brunch, 就已經決定要blueberry pancakes($55)! 我好鍾意brunch同breakfast!爸爸同細佬要洋葱湯, 一個肉醬意粉我哋仲另一方面散叫大ceasar salad($105), 一份ribs ($238), potato skin($88)其實我最鍾意dan ryan嘅原因同好多人一樣, 就係佢嘅muffin!muffin據講係有nuts同青瓜, 同carrot cake有幾分相似, 而我係CARROT CAKE FANS, 所以呢個muff