Sip & Slide

想吃漢堡包除了大型連鎖快餐店之外，其實也有不少高質隱世小店，今次就來到坐落於中環SOHO區樓上舖的Sip & Slide。小店面積雖不大，但裝修得甚有型格，營造活力新潮的氛圍。12:00 至2:30 有午餐供應，共有六款不同口味的迷你美式漢堡包可供選擇，還有供應素食及純素款式。今次就點了兩份Triple Set $128，再另加一份沙律。有別於傳統漢堡店，餐廳將正常漢堡的尺寸縮小，主打mini burger，可以一次過試齊多款口味。Classic最傳統的基本款漢堡，夾著生菜、美國車打芝士、新鮮番茄片、洋蔥、酸瓜及和牛漢堡扒，包身鬆軟有彈性，漢堡扒口感扎實爽彈，牛味濃郁，保留著飽滿肉汁。Texas Blu's 手撕豬肉鹹中帶甜，肉質腴潤細嫩，配合輕盈清爽的涼拌椰菜蘋果沙律份外醒胃。Peking Quack 以傳統中式名菜北京填鴨為藍本，將鴨肉拆絲並以鹹鮮香甜的海鮮醬調味，伴以鵪鶉蛋、爽脆的青瓜及京葱，中西合璧卻完全不帶半點違和感。Mr Porter夾雜肥美厚肉的烤大啡菇、海量青瓜紅蘿蔔切絲、是拉差辣椒醬和牛油果醬，讓vegan burger變得微辣惹味。Fantastic Mr Fungi以厚切蘑菇絲混合原片菠蘿、牛油果、菠菜和酸瓜，Guilt Free素漢堡打破漢堡包一貫junk food的形象。沙律及小食同樣份量十足，足夠二至三人share。Rosemary Fries漢堡包配薯條可說是永垂不朽的經典配搭，一點點迷迭香營造出獨特的香氣靈魂。薯條雖然是薄切，但炸得金黃酥脆，保持乾爽不油膩，薯味十足，肉心軟綿細密。Sweet Potato Fries蕃薯條脆口而不膩，內裡質地粉糯密度高。甜薯味道如蜜糖般溢出來天然香甜，呈現豐滿蕃薯的原汁原味。Beetroot & Goats Cheese $68賣相色彩繽紛提起食慾，配上紅菜頭及香橙，綻放酸甜清新果香，喚醒沉睡的味蕾。沙律拌以乳白色的山羊奶芝士，質感軟滑無比，帶有溫和獨特的羊奶膻香。餐飲則選了Peach, Apple & Lemon Tea $15 及 Cranberry Juice $20。…查看更多

平時面對眾多口味的漢堡，也會有選擇困難症的出現，因為份量比較多，每次只能選擇一款。中環這間新開的餐廳主打迷你漢堡，可以品嚐更加多的口味，而且款式好創新，充滿特色。除了單點外，還可以選擇二人或四人套餐，跟女朋友就選擇了Tasting menu for 2 - $178/pp1 Salad, 4 Slider, 2 Side Dishes & 1 Dessert。Salad:Yuba Yuza Fettuccine以冰凍的豆腐皮製成的意大利寬麵條，中間有些肉厚多汁的大啡菇，加上酸酸甜甜的柚子醬汁，好清新開胃。Slider:Triple B漢堡扒以和牛打成，特別有牛肉味及鬆軟的口感，加上半溶化的芝士、煙肉及Parma Ham的脂香，特別惹味。最特別的地方是底層麵包塗滿紅菜頭Jam好香甜。South East有幾片爽口香口的燒豬頸肉，重點是那辣中帶點酸甜的拉差辣椒醬，充滿東亞亞風，辣度還頗辛辣呢！還夾有一條條的木瓜和肉醬平衡一下。Miso Sakana香脆多汁的炸魚柳特別以蘋果味噌調味，味道特別清甜；加上椰菜絲、酸瓜、火箭菜和芥末蛋黃醬，充滿和風。Peking Quack中間一條條的手撕鴨，煙韌感較重，夾著鵪鶉蛋韭菜、酸瓜和大蔥，與蛋黃醬幾配合。Side Dishesopcorn Chicken一粒粒的酥炸雞塊份量很多，外皮炸得完全沒有油膩感，咬開熱騰騰雪白的雞肉不乾柴，還有醬汁降低熱氣感。Truffle Mac & Cheese焗通心粉表面鋪滿松露和芝士粉，略帶焦脆，中空的通心粉吸收多餘醬汁，好邪惡。Dessert:Triple Chocolate Hazelnut Cake多得滿溢的朱古力醬，認真看橫切面分為數層，夾著綿密香口的榛子，底層鬆軟的朱古力蛋糕，入口真的有點像金莎朱古力。Drinks:Rosemary & Passion fruit Gin Rickey - $90酒底是Beefeater Gin，是烈酒之一，不過配合迷迭香和百香果，入口變得溫和帶點水果微酸味。Avocado Matcha - $85奶昔打得綿密細滑，完全沒有冰塊感，入口好絲滑。牛奶和雲呢嗱味比較重，抹茶和牛油果剛好不會互相奪味，還有些微微香蕉味。…查看更多

Burger Tasting@中環在 社交平台專頁看到 Sip & Slide員工穿上 Squid Game costume宣傳 Halloween event，非常有玩味，而這裡的食物亦是具創意又美味。Tasting Menu for 2有 1 Salad + 4 Sliders + 2 Sides + 1 Dessert，可以試到很多 items呢！ Bell Pepper Salad colorful 的樣子相當 eye-catching，燈籠椒中都有數顆鮮甜車厘茄，水牛芝士上添加青醬和黑醋平衡味道，惹味之餘不失清新 Sliders的口味別出心裁，看似迷你，但其實十分足料South East以是拉差甜辣醬配豬頸肉，搭上酸辣的青木瓜絲和薑絲，有種東南亞風味。 和牛漢堡加上煙肉和 Parma Ham，再用 Beetroot Jam 減卻膩感，在傳統漢堡中增添一點 twist 鴨肉漢堡鴨絲多肉汁，帶有海鮮醬的鹹甜味，當然也不少得京蔥、青瓜和蔥絲，彷如將北京烤鴨濃縮到漢堡中呢～ 最後一款是魚漢堡，魚柳煎香夾著爽脆 Coleslaw，豬牛鴨魚的漢堡都全試勻了～第一個 side 是 Popcorn Chicken，炸得香口，雞皮特別脆。Homemade Pom Poms 口感似粒狀薯餅，脆口卻不油膩，沾醬略酸開胃。 甜品轉成金莎 Milkshake，Nutella 掛杯的視覺效果一流，甜度適中…查看更多

早排朋友轉左工, 而公司係中環果頭, 所以佢經常都會係附近食飯。最近佢同我講話搵到一間隱世Burger店超好食, 非常推薦我去試下(因為我好中意食burger 😂 )。於是我就順便約埋佢放工一齊上去食Dinner。餐廳係轉角位既樓上鋪，如果唔係朋友帶我黎，都真係搵唔到🤭 入到餐廳都有少少surprise, 因為裡面放左最近好hit既「魷魚遊戲」的擺設 (配合番黎緊既Halloween👻🎃), D staff仲俾左Halloween既invitation card 我地, 後面真係有電話號碼 😆 有好心思既安排👍🏻 Menu入面有12種唔同既小漢堡🍔選擇 (包括唔同既風味), 好多款都好吸引, 心大心細唔知揀咩好就問下店員有咩recommendation 😅。佢地都好friendly, 介紹左幾款口味, 同埋講左2個小漢堡大概就等於一個正常burger既份量, 但係叫2個burgers 就可以一次過試到2種唔同味道既burger! 呢個concept 幾好, 所以我同朋友決定一人叫2款唔同味, 即係4個小漢堡。準備落單既時候發現原來有得叫Tasting Menu for 2, 每人$178就可以有1個salad🥗, 4個小漢堡🍔, 2個sides仲有一個甜品🍰, 超豐富, 價錢都好合理, 不過飲品唔包。但難得約到朋友出街食飯, 我地都有叫一杯飲品一齊share。 Salad:Roasted Pepper Mozzarella呢個salad好好食!!! 首先佢個紅黃椒處理過, 軟硬適中, 甜甜地而且無果浸草青味。佢同Mozzarella🧀 & 蘿勒醬 & 蕃茄🍅仔好夾, 整體感覺好fresh。而我最欣賞既係佢個意大利黑醋, 醋既酸甜香味好出, 質地稠身, 好似焦糖咁厚身, 好醒胃🤩🤩🤩 Sliders:Classic呢個係最經典既口味, 係用牛肉 (和牛), 芝士🧀, 生菜🥬, 蕃茄🍅, 洋蔥🧅同酸瓜🥒。味道係中規中矩, 但和牛既size比我想像中大, 而且都幾香幾juicy, 所以食落唔會乾。不過我自己就覺得個牛肉有少少偏咸, 但朋友覺得無問題。 Miso SakanaMiso 即係味噌, 而sakana即係魚🐟, 所以一睇個名就知道係用左日本製既方法去整呢道菜。製過既魚柳好軟滑, 而且啖啖肉。加左生菜絲, 紅蘿蔔絲🥕同埋火箭菜令成個burger多左D咬口, 多番D口感就唔會只係得軟淋淋既魚肉同麵包咁單調。整體唔錯, 不過始終魚肉比較淋, 而且蔬菜都係切成絲狀, 切開burger時就好易切到好論盡。 Peking Quack黎到第3個burger, 不得不提呢度既burger真係幾多元化, 岩岩食左美式🇺🇸同日式🇯🇵burger, 跟住就到中式🇨🇳既北京填鴨burger。一開頭仲諗緊點解個burger上面塊包歪左, 原來下面有隻鵪鶉蛋😂 切開隻太陽蛋, D蛋汁流哂出黎, 同D鴨肉絲融合埋一齊, 正! 鴨肉上碟前已經撕到變成條狀, 而且肉質細嫩, 配埋青瓜條, 京蔥, 京醬&蘿蔔絲, 濃味得黎又唔會覺得油膩! Fantastic Mr. Fungi (VV)最後呢款係素食漢堡, burger中間係用左磨菇🍄, 生菜絲🥬, 牛油果🥑同埋菠蘿🍍mix 埋BBQ醬整成, 簡單得黎都幾好味。不過同魚burger一樣, 將配料係軟身既絲狀食材, 要切開既時候就比較麻煩。 Side dishes:Cauliflower Pops外面炸到好似炸雞塊咁，但其實係椰菜花，炸蔬菜應該健康過炸雞既😆😆😆 佢個醬有少少似糖醋魚塊果種味，但又無咁稠身，感覺fresh少少。朋友係咁話呢個好好食，而的確佢係幾香口又唔heavy，食食下就會不自覺食左好多😂Truffle Mac & Cheese 呢碟通心粉比我想像中乾身，唔似坊間果d芝士通心粉，d芝士多到拉絲咁。第一啖既感覺係松露味好出，村機迷應該會好中意，但相對之下芝士味就淡好多。不過如果呢個菜式既濕潤度可以高少少，應該會更好。  Dessert:New York Yuzu Cheesecake呢個蛋糕唔係果種好實心既cheesecake🍰，係中間仲好似食到雪葩既感覺，味道酸酸甜甜，解膩一流。不過我略嫌佢個柚子醬太濃稠，開稀番少少會無咁死甜。另外值得一提既係佢地作為裝飾既士多啤梨🍓比我想像中甜!!! 係有點surprised既。  Drinks:Ferrero Rocher ($85)呢杯飲品係另外加的, 一場黎到就食好少少! 因為我好中意食Nutella, 所以係menu一見到就揀左呢個。呢個奶昔好濃郁! 奶香好到位, 加埋榛子醬, 雲呢拿雪糕🍦同埋上面既cream, 真係好正! (當然都好heavy, 飲完又要努力做運動🤣) 好好笑既係佢地係飲管既頂部篤左一粒金莎, 要飲就要食左粒金莎先🤣 不過我好欣賞佢地用環保飲管, 為地球出一分力! 🌍…查看更多

得知Wingman樓下開姊妹店，今次主打mini burger。除a la carte外，有個tasting menu for 2，睇過幾抵食～Salad揀一款🥗Roasted pepper mozzarella好有色彩既開胃菜～橙黃色燈籠椒盛住車厘茄、mozzarella cheese，加埋薄荷葉、青醬，好清新、清甜，最正係紅酒醋，質地好似蜜芽糖咁好厚身，甜甜地帶醋香！ Slides揀4款mini burger🍔Triple B Parma ham為和牛增添一份咸香，底層既紅菜頭醬中和一下油膩感，整體juicy! 🍔Nash 件炸雞大過個包，炸得好脆口有奶油香，辣味慢慢散出，好惹味！🍔Peking Quack 鴨肉手撕到一條條，加埋煎到太陽蛋咁既鵪鶉蛋，切開蛋汁流落鴨絲，入口有質感又香滑。再配上大蔥、青瓜，好有片皮鴨風味！🍔Miso Sakana 唔好睇佢mini size，入面好足料！ 兩件魚柳用左蘋果汁、味噌醃製，味道唔太濃，魚肉厚身。仲有青瓜、火箭菜、包心菜沙律，整體口感豐富不膩！Truffle Mac & cheese 係松露通心粉吖😍最中意係唔會好多芝士，比較爽身食返通心粉既彈性，唔拉絲恰到好處。相對松露味好自然好香，仲有橄欖油嘅芳香。Homemade Pom poms 即係炸薯粒，一口一粒配埋蜜糖芥末醬，真係食唔停口💕 餐廳新開店未有酒牌，暫時只能order無酒精飲品。Peach & Apple & Lemon tea 蘋果水蜜桃味道清甜，配上檸檬茶，濃濃既果香茶香、甜度適中。Ferraro Rocher係金莎milkshake吖😻真係打咭必點！榛子醬、榛子糖漿加埋雲呢拿雪糕，質地濃厚，奶香幼滑，唔太甜。鮮忌廉上面仲放左粒金莎，呷一口食一啖，透心涼～ 最後dessert time 揀左New York Yuzu cheesecake。 柚子既香味帶出cream cheese既味道層次，口感綿密細滑，好滿足！…查看更多