Amis

🥰 早前喺 “宇宙大廈” 食完飯, 落到地下留意到地舖餐廳 Amis, 梗係去 Openrice 硏究下, 食評太多, 反而卻步. 咁啱 “美女讀者” 私信推介呢間餐廳, 決定一戰.🤗 餐廳入口位於馬路旁, 裝修時尚, 燈光昏暗, 樓底甚高, 長方間隔, 設半開放式廚房, 一眼睇晒, 大約8-10張四人枱, 格局少少似大埔 L’Amour.🥢 今日選擇五道菜套餐, $1,380+10% (另外八道菜就 $1,680). 再加 Wine Pairing, 五杯, $720+10%. 服務員用實物嚟介紹食材, 十個讚! 呢個環節令我諗起高級越南菜 SEP.🤗 Amuse Bouche🐚 Hokkaido Uni Cup🐟 Red Amadai🦞 Remy Martin Lobster Soup🐂 Kagoshima Wagyu Beef🍸 Dessert Du Chef 🍪 Petit Fours🥖 麵包. 皮脆, 軟熟, 好食.🤗 Amuse Bouche, 一體感表現出色. 🐂 (1) 牛肉他他撻, 打爛哂牛肉, 魚子醬味道帶領. 🍈 (2) 哈蜜瓜汁配帕馬火腿, 個粒好似蛋黃嘅其實係哈蜜瓜汁, 心思設計, 抵讚. 🧀 (3) 煙肉薯蓉波, 我鍾意.🐚 Hokkaido Uni Cup, Lily Blossom Mousse. 上菜時刻煙霧加花香, 添加視覺味覺享受, 讚! 講番食物, 面層係海膽, 中層係百合花蓉, 底層係龍蝦湯啫喱. 海膽味道略淡, 溝埋百合花蓉就淡上加淡, 食落舒服, 但冇驚喜.🐟 Red Amadai, Shungiku. 金鯛魚配皇帝菜. 油炸金鯛魚, 皮脆肉滑, 配上皇帝菜嘅湯汁, 平衡番炸魚嘅油膩, 一流!🦞 Remy Martin Lobster Soup. 龍蝦湯, 服務員上菜後用噴霧噴上干邑, 效果唔錯喎, 龍蝦湯味道鮮濃, 龍蝦肉十分彈牙, 仲有白飯墊底.🐂 Kagoshima Wagyu Beef. 鹿兒島和牛, 建議四成熟, 皮香肉嫩, 表現理想. 當然同米芝蓮意大利餐廳 Octavium 不能相提並論.🪿 French Duck Breast. 要讚一讚呢個煙燻, 上菜前仲要攞俾你睇. 法國菜食鴨冇得輸, 但我覺得生咗少少.🍸 Dessert Du Chef. 楊枝甘露, 主要材料係芒果同埋西栖, 正常.🍪 Petit Fours. 食唒!🥂 配酒全玩法國酒: 香檳, 勃艮第白酒, 加烈葡萄酒, 紅酒, 甜酒, 誠意十足.🤗 總結: 座位舒適, 服務到位, 食物真係唔夠震撼, 但用餐體驗舒服. 無星法國菜競爭激烈, Amis 表現突出, 值得再戰.…查看更多

小編好耐無食過fine dining啦，見到呢排幾多人黎試呢間就黎試下😜 自從個人老左就食唔到咁多，開始慢慢捨棄自助餐，反而覺得小巧精緻既fine dining 同 omakase更加吸引🤩 呢到既fine dining行日法fusion路線，每到菜同細節都有驚喜😌 精緻得黎突出到每種食材既鮮味，做左唔同既mix & match真係相得益彰👍🏻 而呢到既裝修行摩登藝術風🎨，以白色、灰色同綠色為主，運用左雲石🪨同吊燈，暗暗地咁幾舒服～ 而且店員亦會細心咁解釋每到菜既特色，可以了解到每到菜既特別之處，可以更加好咁享受美食😎P.S. AMIS係法文嚟，意思係friend😉 不過 to all of my fd~ fine dining 真係有太多野寫，所以小編唯有分上下兩篇😂(5 😍 係滿分，🤩係半分）8-course tasting menu - $1680自家製牛油配餐包 🧈🥯 (好味指數：😍😍😍😍🤩)首先有兩款自家製牛油🧈同麵包🍞，一個係法包🥖配煙燻香草同rosemary牛油 🌿🧈 ，另一個係sourdough配焦糖牛油🧈～ 法包🥖唔會好似平時食嗰啲咁硬，幾軟熟同埋有麥香🌾，配埋個有煙燻香味同鹹香軟滑既牛油🧈都唔錯～不得不提既係個焦糖牛油🧈有驚喜😍 有幾濃郁醇厚既焦香味，唔會覺得苦澀，味道甘甜又帶有牛油🧈既鹹味，口感一樣軟滑creamy～ 配埋口感酥脆煙韌又帶有啲微酸既sourdough，層次更加豐富😍Amuse Bouche (好味指數：😍😍😍😍)魚子醬芝士撻 🐟⚫️🧀️🥧 個waitress有建議要由呢個tart🥧食起，今次既魚子醬用左法國Kaviari Kristal 魚子醬🇫🇷🐟⚫️，採用Acipenser Schrenkii X Huso Dauricus 鱘魚既魚子製成，係好多米芝連廚師👨🏻‍🍳既選擇～ 有喺法國進行過幾個月既鹽漬🧂先整到呢個味道豐盈,帶有杏仁味既經典魚子醬～ 配埋個煙燻sour cream，嗰種煙燻味有提鮮既效果~ 配埋個有牛油🧈香味既酥脆tart🥧都幾好～北海道哈密瓜球啫喱配24個月意大利巴馬火腿🍈🇮🇹🥓 (好味指數：😍😍😍😍)哈密瓜🍈同巴馬火腿🥓向來都係經典配搭😜 今次比較特別既係用左分子料理既方法，令到個匙羹🥄既哈密瓜汁🍈出面有層超薄既薄膜，感覺有啲食緊jelly🍮咁幾得意～ 而用既哈密瓜🍈係黎自北海道，帶有豐富既香氣同有濃醇既甜味～ 配埋24個月熟成既火腿🥓，口感細緻，鹹鹹地又有甘香既餘韻～ 上面仲有少少酸酸甜甜既紅莓jam🍓，感覺更加清新～日本吞拿魚他他🍣 (好味指數：😍😍😍😍)呢個吞拿魚他他🍣幾香口，落左日本豉油同麻油，口感豐富啲同埋有啲刺身feel，比較較清爽唔油膩～ 啲吞拿魚粒🍣入口即化，口感綿密又有啲咬口，亦都幾鮮味🤤 入面加左少少茗荷薑蓉🫚去闢腥，食落都清香啲，一樣配埋有牛油🧈香味既酥脆tart🥧～Beetroot tartare | Lime sorbet (好味指數：😍😍😍😍)平時食開牛🐮或者魚🐟既他他，今次係第一次食蔬果他他😜 呢個係紅菜頭他他mix左醃過既青蘋果🍏，上面綠色既係九層塔青檸雪葩🌿🟢🍋🍧，旁邊嗰幾點醬係牛油果醬🥑，整體感覺有唔同層次既酸酸甜甜，唔會有紅菜頭嗰種草青味，感覺幾refreshing同開胃🤤Wild Saba | Dashi Jelly 🐟🥣🍮 (好味指數：😍😍😍😍😍)魚🐟方面用既係醋漬鯖魚，係日本內陸地區自古以來的名產，係以前為左喺經過長時間運輸都依然保持到魚🐟既鮮味既產物～ 有用鹽🧂同埋帶有果香既醋醃過，所以鮮味之餘唔會腥，仲有啲酸酸地既芳香果味～ 而且個魚🐟有再輕輕燒一燒🔥，會更加香口同油香會出啲～ 配埋個鮮甜既昆布柴魚高湯🐟🥣jelly、少少茗荷薑🫚同紫菜，層次更加豐富同好食😋Hokkaido Hanasaki | Chawanmushi 🥚🦀️🟠 (好味指數：😍😍😍😍🤩)跟住就到呢個茶碗蒸🥚，口感細緻嫩滑之餘keep到有幾香濃既蛋味🥚上面有好多梳北海道花咲蟹蟹肉🦀️，係5-8月先有既同埋產量比較稀有，望落有好似花🌹咁鮮豔既紅色，味道鮮甜多汁，口感綿密～ 個🥚仲落左鮮味既昆布柴魚高湯🐟🥣做底，配埋一咬開就鮮香四溢又甘甜既三文魚籽🟠、闢腥既茗荷薑蓉🫚、幽香淡雅既紫蘇花🪻，夠晒鮮甜😋Red Amadai | Chawanmushi 🐟🔥 (好味指數：😍😍😍😍😍)呢個甘鯛立麟燒🐟🔥真係幾驚喜🤩 麟之所以會豎起係因為首先用熱油不斷淋喺魚🐟上面，之後再去烤熟，係考技術既功夫菜👍🏻 魚鱗炸到好似朵盛開既菊花🌼咁，脆卜卜又唔會𠝹喉，口感酥脆，皮脂有咬口，魚肉鮮嫩清甜，再配埋鮮味十足既昆布柴魚高湯🐟🥣、清新香口既春菊 (皇帝菜)蓉🥬、幽香淡雅既紫蘇花🪻，感覺非常正😍“Remy Martin” Lobster Soup 🦞🥣 (好味指數：😍😍😍😍🤩)估唔到龍蝦湯🦞🥣都可以玩到新花樣😜 開頭以為個龍蝦湯🦞🥣一倒出黎就ok, 點知原來個waiter喺倒完湯🥣之後攞左個樽，將人頭馬干邑(酒)噴喺湯🥣上面，夠晒特別🤤 令到個湯🥣多左種清新既杏仁同柑橘🍊香味～ 個湯🥣既味道香濃醇厚，質感creamy～ 仲有完整既龍蝦肉🦞tim😜 用左波士頓緬因龍蝦🦞，肉質彈牙，細嫩鮮甜～ 入面仲有夢美人米做飯底🍚，有啲黏性又有咬口，浸埋湯🥣一齊食一流👍🏻Kagoshima Wagyu Beef (好味指數：😍😍😍😍🤩)跟住到主菜🤤 小編揀左黎自鹿兒島既A4和牛🐮分別有兩個部位，包括係牛小排🥩同埋慢煮左8個鐘⏰既紅酒🍷牛面頰🐮～ 小編叫左medium, 個牛小排🥩入面係粉紅色既🤩 表皮焦香微脆，肉質甘香軟嫩又juicy，牛味🐮濃郁，油香豐腴，真係無牛好得過和牛🐮😍 至於牛面頰🐮煮到軟腍嫩滑，味道香甜再帶有少少膠質tim~ 旁邊就配左個黑醋同紅酒🍷煮過既洋蔥🧅，酸甜可口又可以解左和牛🐮既油膩😜 旁邊仲配左個用牛骨髓🦴同蘑菇🍄蓉整既醬，creamy又有濃郁既菇菌🍄香味，令到個感覺更加rich～Refreshment (好味指數：😍😍😍😍)呢一杯係mocktail🍹嚟，店員會即時係面前手沖～ 主要係mix左Earl gray☕️同橙汁🍊，味道清新，芳香馥郁，酸酸甜甜咁，配埋最後放喺上面既椰子泡泡🥥🫧，口感會豐富啲同香口啲～Dessert du Chef (好味指數：😍😍😍😍🤩)跟住黎到甜品，就係白桃乳酪餅🍑🫓，最上面有一塊用白桃汁🍑整既分子料理薄脆，所以有啲透明，帶少少膠質又香脆，整到似朵玫瑰🌹咁🤩 中間配左好大舊和歌山白桃🍑，桃味濃郁，果肉雪白軟腍，清甜多汁🤤 旁邊配左幼滑香甜既雲呢拿雪糕🍦，而下面就係微酸既乳酪餅🫓，可以配埋旁邊既杏仁粉一齊食，滿足😌Petit Four (好味指數：😍😍😍😍🤩)最後仲有甜品小點～ 分別係瑪德蓮蛋糕🐚🍰、海鹽焦糖朱古力🍫同埋白朱古力⚪️🍫～ 個貝殼蛋糕🐚🍰味道香甜，鬆軟可口，無牛油蛋糕🧈🍰咁漏，比起海綿蛋糕🍰實在～ 而兩款朱古力🍫都口感絲滑，唔會過甜，有幾香濃既可可味，前者鹹鹹甜甜幾過癮，後者幾香奶味～ 為呢餐fine dining畫上完美既句號😎好味指數：😍😍😍😍🤩推介指數：😍😍😍😍🤩…查看更多

餐廳：Amis地點：銅鑼灣告士打道菜式：法日Fusion菜Fine Dining餐牌：Tasting Menu June 6道菜每人$1380，8道菜每人$1680。另加一。麵包分別有Basil sour dough同French Baquette。兩款麵包都好脆皮，入面鬆軟，而且暖笠笠，配有兩款牛油，牛油無介紹，啡色個款好味d，唔會太鹹。Amuse Bouche有三樣。第一樣係魚籽醬面頭加上銀箔，下底係厚身酸忌廉，最下底用一個炸脆兜裝住。食落係炸脆片中帶冰凍酸忌廉口感。第二款係24個月風乾parma ham卷配好似整到好似蛋黃既哈密瓜，呢款都幾特別。其實下底d豆食唔食得架？第三款係吞拿魚粒加蕃茄粒，用醋同豉油調味，面頭加少少洋葱絲，一樣用炸脆兜裝住。呢款就普通少少，不過味道都好食。Beetroot Tartare Lime SorbetBeetroot Tartare Lime Sorbet用紅菜頭粒同蘋果粒做底，上面加上少少沙律菜，然後有一球冰凍酸咪咪青檸雪芭，伴有綠色牛油果醬。撈埋一齊食，味道偏酸，口感少少爽口，食完好開胃。Wild Saba Dashi Jelly呢道係日本野生鯖魚，面頭加上一片清湯啫喱，再加上洋蔥片，蔥花同薑。鯖魚酸酸地，係typical漬鯖魚味，清湯啫喱入口就融，本身鯖魚唔太特別，不過質素係可以，清湯啫喱就幾特別。Hokkaido Hanasaki Chawanmushi 加北海道海膽 加$100呢道菜係日式蒸蛋做底，加上唔少咲蟹肉，三文魚籽同日本紫薑。蟹味鹹香，好味道，送蒸蛋食味道剛好。加$100就有海膽。不過海膽好似有少少腥，口感就creamy，一共有四片。以上呢個就無加海膽。Red Amadai Shungiku金鯛燒到可以連魚鱗一齊食，伴有紫蘇花，面頭灑上花瓣，個汁係用昆布，紫菜同高湯整，服務員係我地面前加。魚整得超脆皮，而魚肉嫩滑，個湯少少鹹，味道好清好味。"Remy Martin" Lobster Soup龍蝦湯入面有兩件已起肉龍蝦肉，有肉有鉗，墊有少量黏口米飯，然後服務員加用左美國Main Lobster整既龍蝦湯，伴有米通比你自己加可以加添香脆口感，最後服務員噴兩下Remy Martin可以加香氣。個龍蝦湯味道好好，龍蝦肉都唔錯。加上飯就好似泡飯。主菜選左兩款唔洗加錢既肉，都可以選擇加$350要紅蝦意粉。Kagoshima Wagyu Beef鹿兒島和牛一客兩件，伴有一件牛面頰，配有一條酸菜，洋蔥圈同菜葉，仲有南瓜蓉同燒汁，另上黑椒醬同日式芥末。廚師係用A4和牛，肥瘦適中，慢煮完好淋，牛味都唔錯。牛面頰更加淋。呢碟牛肉夠高質。Sovereign Lamb Rack羊架一客兩支，慢煮然後再烤烤，羊架好粉嫩，整得肉質好嫩，又無酥味，好味道，伴有甘筍汁同燒汁。配有一件甜甜地既類似粟米蛋糕。RefreshmentRefreshment係服務員擺一張枱仔係我地隔離，即場用雞尾酒造法加Earl grey tea同菠蘿汁，再加上椰子味道泡沫，味道清淡，飲完成嘴泡沫。Dessert Du Chef 廚師精選甜品味道清新唔會膩，係檸檬雪芭配堅果碎，伴有鬆軟蛋糕粒同檸檬慕斯醬，加上花瓣裝飾，因為係慶祝生日，廚師仲幫忙用朱古力醬寫上祝福字句，再加支蠟燭。Petit FourPetit Four用個靚靚木箱上枱，每人有三樣野，分別係脆皮內軟法式瑪德蓮蛋糕仔，黑朱古力同內有脆餅既白色朱古力，黑朱古力好膩。另外兩款都幾好。服務員仲幫手影張即影即有相放落張卡度留紀念，服務一流。總括而言，餐廳環境不錯，雖然得十張枱左右，今日係平日夜晚就得兩枱客，所以好靜，可以靜靜食一餐飯。服務快捷貼心，兩個鐘食完成餐飯。食物質素算幾好，主菜尤其出色，唔少前菜例如個烤魚同龍蝦湯都唔錯，比上不足比下有餘，作為生日飯或者慶祝飯都幾好。仲要唔收切餅費。…查看更多

一向對法日Fusion菜都好有興趣，朋友介紹我嚟呢間試下！餐廳門面以白色外墙及半弧形磨沙玻璃門作設計，簡約而帶點神秘。一入餐廳，現代感嘅設計，配搭柔和嘅燈光，優雅又有情調！餐廳每月都會轉換Menu，採用時令食材，研究新菜式，令食客可以食到最好味而又有新鮮感嘅菜式! 我同朋友都係order咗5 Courses，即係每樣都食到🤤點餐後，先送上🧈自家製牛油及餐前麵包，分別係長法包及核桃朱古力酸種麵包！上枱要趁熱食，香脆嘅長法包配上煙燻香草牛油，煙燻香草味非常突出！核桃朱古力酸種麵包配搭低溫慢煮焦糖牛油，慢慢滲透焦糖味突出朱古力嘅香味，十分出色！🔸Amuse Bouche三款開胃菜擺碟十分精緻😍先食螢光魷魚，其次係鵝肝慕絲多士，最後係日本里芋！螢光魷魚：質地爽脆，黑白芝麻配搭柚子汁可以帶出螢光魷魚嘅鮮味，仲有少少爆膏嘅感覺，出色！鵝肝慕絲多士：口感幼滑濃郁嘅鵝肝慕絲，配上無花果醬，味道層次豐富日本里芋：質地綿滑嘅里芋配上白松露油，香氣四溢🔸Appetizer ▫️Hokkaido Uni Cup +$120打卡一流又好味嘅海膽杯😍上枱時，充滿仙氣，把握時機影相📸️馬糞海膽配上百合慕絲及龍蝦啫喱，三樣要一齊食，非常鮮甜，口感又滑溜，好夾🫶🏻▫️Abalone | Scallop +$60煎至金黃色嘅北海道帶子食落非常鮮甜，口感一流！濃郁嘅鮑肝醬可以帶出鮑魚嘅鮮味，口感爽彈🔸Soup▫️Kinmedai Consomme先上金目鯛刺身，然後即場加入清湯，金目鯛嘅魚香味好突出，清澈得嚟濃郁又鮮甜，十分回味🔸Entree▫️Kagoshima Wagyu Beef +$120賣相一流嘅A4和牛西冷，油脂豐富，入口即溶，加少少wasabi, 十分好食😋鹿兒島牛面頰，經過8小時慢煮，入口軟腍，牛味濃郁，配菜有薯蓉和汁煮洋蔥，整體十分出色！▫️Carabineros Red Prawn Pasta +$350紅蝦兩食，十分花心思嘅一道菜💯紅蝦他他配上三文魚籽，十分鮮甜！自家製手工意粉沾滿由蝦頭及蝦膏製而成嘅醬汁，每一啖都充滿香濃嘅蝦味，蝦肉爽彈又鮮甜，食完十分滿足法式同日式甜品我都咁鐘意😍鬆化嘅蝴蝶酥配上紅莓雪糕、吉士醬及士多啤梨，好食！最後食埋火龍果、香印提子及蜜瓜，結束完美的一餐🥰整體嚟講，性價比好高，環境優雅，食物好有質素，服務又貼心，每上一道菜都好清楚咁介紹，感覺舒服，令人難忘的一餐！…查看更多