Nisugu (雙子匯1期)

營業中

休息中

啟德sogo開張都有一段時間，上層仲有唔少好吸引嘅餐廳，好多間都想試下。呢間餐廳都幾多人，平日7pm都幾乎坐滿客，好奇心下就walk in嚟試一下。紅蝦牛油果他他 - 超有驚喜嘅頭盤，紅蝦非常鮮甜，配埋牛油果同三文魚籽，仲有旁邊嘅百香果醬一齊食，味道非常夾，酸酸甜甜嘅味道好開胃。壽喜燒牛肉炒烏冬 - 味道甜甜地，都幾似食緊壽喜燒牛肉鍋，唔錯！銀鱈魚西京燒 - 賣相幾好，不過我更喜愛食佢嘅秋葵同埋薯粒配菜。西班牙油炸鬼配雪糕 - 第一次食呢種甜品，熱焫焫嘅油炸鬼沾滿肉桂糖、雪糕同朱古力醬，呢個配搭都幾新奇，值得一試。另外，叫左2杯飲品，坐喺窗邊望住啟德嘅夜景，同朋友傾下偈，實在幾好情調。呢間餐仲可以坐戶外，景觀應該更加開揚。

這間西班牙餐廳位於啟德的雙子匯1期，主打「朝啡夕酒」概念，早上為咖啡店、晚上則為酒吧，提供各式西班牙美點。店內設有室內外座位，環境寬敞舒適，裝潢以歐陸式為主，戶外座位能飽覽附近高樓及維港海景。火腿可樂餅 - $58金黃酥脆的西班牙可樂餅，咬開有牛奶和火腿煮成香滑餡料，有一小片伊比利火腿帶獨特的油脂香。西班牙燒乳豬配蘋果蓉 - $268即叫即烤的乳豬有著香酥的外皮帶點煙韌，豐富的油脂融化入肉中，柔軟細嫩的豬肉散發濃郁的香味，還有蔬菜及綿密的蘋果蓉平衡膩感。壽喜燒牛肉炒烏冬(含生蛋) - $158煙韌滑順的烏冬吸飽濃郁的壽喜燒汁，拌上生日本蛋增添順滑感，令鹹甜更平衡，還有很多片肥瘦相間的牛肉嫩滑多汁。開心果法式西多士配海鹽開心果忌廉芝士 - $108金黃焦脆的法式吐司，散發陣陣雞蛋與牛奶香氣，切開質地蓬鬆濕潤，塗上一層濃稠的開心果醬，有獨特的堅果香氣，還有士多啤梨及合桃增添口感。HOJI - $138以焙茶琴酒作基底，茶香十足，保留琴酒獨特的風味，再加入香草、芒果泥、檸檬汁、柚子蜂蜜及牛奶，入口好溫和。AKI - $72 焙茶有着的誘人的煙薰香氣，又有荔枝的香甜果香，加上梳打水的碳酸氣泡很

今日嚟啟德sogo行完街上樓上餐廳食飯，呢間西日fusion菜主打西班牙菜及日式菜式，朝早係Cafe，夜晚搖身一變酒吧餐廳。有室外同室內座位，坐戶外座位比較舒適寫意，仲可以俯瞰啟德夜景。Hoji $138Signature Cocktail之一，Gin酒底配上焙茶粉，加入檸檬汁及柚子蜂蜜酸甜可口，仲有淡淡嘅雲呢拿香，好易入口。NATSU $68熱情果酸甜開胃，配上烏龍茶底，味道清新檸檬鹽麴雞翼 $88有四隻雞翼，幾大隻，烤得好香，加咗檸檬鹽麴鹹鹹酸酸好惹味開胃。雞翼外皮焦香，裏面肉質非常鮮嫩，仲有好多肉汁好Juicy。西班牙燒乳豬配蘋果蓉 $268即叫即烤，所以等待時間比較耐，不過係值得等待，乳豬外皮非常香脆，油香味濃郁，配上清新蘋果蓉，可以平衡肉嘅油膩感軟殼蟹蟹膏西班牙飯 $198呢度有傳統嘅Pallea同呢款軟殼蟹既，當然要試吓啲與別不同嘅。軟殼蟹炸得幾香脆，配上蟹膏蟹肉、芝士忌廉汁同西班牙飯幾夾。焦糖蕃薯蒙布朗巴斯克蛋糕$68賣相好吸引，巴斯克蛋糕上面加咗焦糖番薯布朗，香甜細滑，巴斯克蛋糕底軟心效果滿分，有香甜嘅雲呢拿香味，口感creamy而不膩，甜度恰到好處