Eggslut

營業中

休息中

在美國加州洛杉磯創立的Eggslut由街頭美食車起家，憑招牌炒滑蛋三文治打響名堂後，已於倫敦、新加坡、日本、韓國等地設有分店，香港首家Eggslut分店則是位於銅鑼灣Fashion Walk。樓高兩層，以洛杉磯街頭文化為裝修主題，營造出時尚型格的氣氛。餐牌與美國總店相若，主打6款經典三文治，還有小食及飲品，最近推出香港店期間限定新款式，例如櫻花蝦滑蛋三文治及櫻花芝士蛋糕。Eggslut主打自家研發的鬆軟布里歐麵包作為包體，包身夠挺，入口帶有微甜的牛油香，烘焙出外層輕脆的口感，內裡鬆軟有彈性，食物都是即叫即製， 保證熱辣辣。招牌炒滑蛋三文治 $78雖然菜式名字為三文治，但真身原來是burger造型，因為三文治的意思是麵包夾着不同配料，而漢堡主要是夾着肉餅，店內最受歡迎的人氣款式必數Fairfax，Brioche 中間夾着炒滑蛋、焦糖化的洋葱、車打芝士和是拉差蛋黃醬等，濕潤的炒蛋餡料多得快要滿瀉，賣相金黃飽滿，令人食慾大開。芝士漢堡 $92最傳統的基本款漢堡，自家製奶油麵包夾著安格斯漢堡扒、半熟蛋、醃青瓜、焦糖洋蔥、車打芝士和第戒芥末醬，安格斯漢堡扒口感扎實，半熟煎蛋流出豐盈蛋汁，入口滑溜

餐廳整體環境幾舒服、乾淨，味道好香！以後係銅鑼灣鬧市行過可以多一間快餐但高質之選，而且地點好近地鐵站，係出口隔離上樓梯就到，大家記得食飽再去shopping😆今次試咗2款包，分別係Fairfax同Bacon, Egg & Cheese。小編兩隻味都鐘意，但如果二選一我會揀Fairfax，感覺比較健康。不過以份量同性價比嚟講就一般，飲品同小食要額外買，如果淨包做正餐就應該唔係好夠飽。每款包既詳情可以參考圖片😋

容易受人影響嘅人類，見到咁多ig post，冇理由唔試吓架。揀咗日平日去，唔洗等又冇乜人。叫咗個招牌Fairfax Sandwich，炒滑蛋加咗啲蔥，滿滿嘅蛋白質，畫龍點睛嘅係個醬，少少辣，令個就算得蛋嘅包感覺都冇咁膩。另外好值得一試嘅就係Slut，薯蓉加蛋依個醬原來可以咁夾，放落法包又得，薯餅都得。松露薯餅就一般，唔好期望係好濃嘅松露味，佢係好脆，好熱辣辣嘅薯餅黎架。唯一缺點就係飲品選擇有啲少，同埋可樂要$23罐，行過去隔離買啦～