卅二公館

打完風食咗幾日住家飯想食餐好嘅中餐kekeke嚟到中環試咗卅二公館(≧v≦)見到門口有個招牌跟住走入stan chart個building🏦然後有staff會幫你對booking跟住要再落扶手電梯，欣賞住旁邊嘅瀑布再之後見到燈光好暗嘅樓梯但冇staff/箭嘴指引再落多兩層樓梯終於再有staff但又要由頭對多次booking本豬仲以為第一堆staff會叫mic落下面啲staff溝通呢度稍稍扣咗啲分(╯3╰)✧ 黑豚肉松露鵪鶉蛋燒賣（$80兩粒）鐘意食truffle嘅本豬第一次試，覺得好特別鵪鶉蛋黃仲要係流心🥚（但覺得咁樣反而水水地喺條脷上散開咗，食唔出平時熟鵪鶉蛋黃嘅香味）✧ 野菌素春卷（$75 六小件）雖然朋友話出面嘅春卷都會包蘿蔔/紅蘿蔔絲外嘅各種材料🍄但本豬第一次食菇春卷覺得好特別呀Presentation方面都好靚醬料方面係豉油加醋，幾開胃～✧ 蜜汁頂級西班牙黑毛豬叉燒（$380）成餐飯最喜歡嘅咸點⁽⁽٩(๑˃̶͈̀ ᗨ ˂̶͈́)۶⁾⁾雖然冇預訂到叉燒🐖，但menu寫住每日限定所以我哋膽粗粗問下好彩真係仲有！半肥瘦叉燒入口唔油膩但又唔會鞋熠熠外層好甜亦都唔會燒到黑晒絕對係會想食完一嚿再食一嚿✧ 羊肚菌素燒豆腐（$200）豆腐烹調略嫌普通，但份量多補返數冇記錯大概有8-10嚿架羊肚菌好重菇味好爽另外伴碟仲有4個西蘭花🥦✧ 42天飼養北京片皮鴨（$980）是靚晚嘅主角！🦆喺book枱嘅時候會提你預訂片皮鴨入座後要起碼30分鐘先會上但佢嚟嘅timing係當我哋已經有叉燒同豆腐啱啱上咗兩個人對住呢3道菜同時食真係有啲呆呢個位唔會怪餐廳做錯但覺得可以再細心啲首先講下個好靚好fancy嘅醬一路都好奇究竟個漩渦形係點整出嚟🌀原來係喺碟甜醬上面，用花生醬同芝麻醬畫十字🍽️然後好快咁打圈chok但有啲sad嘅係侍應姐姐完全冇介紹就直接整完再放隻羹上去🥣令我哋拎得部機出嚟想拍片/影個完整pattern都冇機會lu另一個好fancy嘅係用嚟抹手嘅熱毛巾🧻首先俾隻細碟我哋然後放粒好似薄荷糖咁嘅白色圓柱體然後侍應哥哥就倒咗啲熱水落隻碟🚰本豬之前睇過youtube啲片知係咩就好敏捷咁拎電話想拍低白毛巾漲高嘅過程啦但又已經完咗ヽ(。>д<)ｐ勁sad..明明其他高級餐廳會介紹下做咩仲會提你準備影相拍片講返正題 — duck duck 先俾我地見完佢全相之後就拎返入廚房片第一碟拎嚟嘅係最脆嘅淨鴨皮雖然有黃糖解膩但本豬同朋友較覺得冇咩用( ･᷄ὢ･᷅ )第二三碟就係鴨胸同鴨脾老實說佢切得都幾厚比起片皮更加似係燒味飯presentation朋友以前喺北京附近生活食過最正宗嘅填鴨我哋一致認為佢燒嘅時間唔夠長導致一嚟佢肥膏仲剩得太多冇流失到二嚟個皮燒得唔夠耐就唔夠脆包完幾塊之後真係覺得好肥好滯索性就咁再食堆啲鴨就算餅皮方面就冇批評🫓好簿亦都喺蒸籠入面keep 到warm提下大家雖然望落好似有三層但其實得兩層，最下層係warmer嚟題外話嚟之前有望過openrice menu原來佢唔經唔覺由600幾加到900幾唔知再下次食會唔會變4位數呢💸✧ 上湯杞子浸時菜（$140）食完以上嘅嘢朋友仲覺得可以食下菜🥬於是我哋就揀咗呢個冇配菜/肉嘅淨莧菜好味但係同時都好普通，覺得同茶樓食到嘅唔差幾遠✧ 雪糕龍鬚糖（$130）好特別嘅甜點！~\(≧▽≦)/~字面上係咪以為佢係幾粒龍鬚糖加一殼雪糕呢？但其實係心思嘢嚟～切開俾大家望下其實係龍鬚糖🍬包住朱古力外殼🍫再包住雪糕🍨，仲有啲開心果碎🌰簡直係一次滿足4個願望💓✧ 冰花燉官燕（$360）話說menu上面有好幾款燕窩🪹呢款係唯一一個甜嘅而冰花其實係融咗嘅冰糖呢方面要讚下餐廳單獨上冰花🍶客人可以自己調節想幾甜/走甜燕窩份量都好足料個碗都係滿嘅✧ 白毫銀針（$128）嚟到高級中餐館決定要試啲平時飲唔到嘅茶🍵學術豬：白毫呢個名係因為好多茸毛披喺葉上面，銀針就係因為茶葉形狀細長如針；味道方面就係清嘅白茶類講人話嘅豬：類似茉莉味但偏苦同普通茶樓唔同，餐廳會俾一壺熱水、一個杯裝住茶葉、一個杯for沖好嘅茶當你要添茶嘅時候佢會俾過一壺熱水嚟而唔係一壺泡好嘅茶所以本豬食呢餐飯都幾忙(´ε｀ )總結返卅二公館服務認真麻麻仲要主角鴨仔唔係好啱我但係啲餐點又好特別值得一試所以建議大家諗下鐘唔鐘認食肥嘅鴨同埋介唔介意影唔切相～…查看更多

環境：我地兩個人餐廳安排左入面梳化位比我地😊 空間都幾大，食得幾舒服，加上嗰位置比較靜，好適合情侶過黎食👍🏿食物質素：👉🏿原味鮮肉小籠包評分：9/10小籠包皮薄多汁，咬落後非常Juicy😽 餡料都好滑嘟嘟，十分推薦比大家😍👉🏿蜜汁頂級西班牙黑毛豬叉燒評分：10/10呢款叉燒要預先訂先有得食😊 價錢不菲，但係因為好多人推介，我地抱住一試既心態去食🤣一咬落後簡直驚為天人，肉質軟嫩又因為厚切唔會無左叉燒既咬口。半肥瘦部位掌握得好好，脂肪位同瘦肉一齊咬時非常正，呈現到肥瘦達到最適合位置既感覺😍 醬汁係正常蜜汁既味道，我好奇如果外皮可以燒到脆脆地會唔會更加正🤣但係所有嘢加埋一齊就啱啱好👍🏿 雖然睇落好似得幾舊，但係因為厚切既關係，其實份量我都覺得足夠，3-4人食都夠食😊 👉🏿42天飼養北京片皮鴨評分：8/10片皮鴨都需要預先訂，我地早兩個禮拜book已經book唔到星期六日食🥲 所以想食既朋友記得早d book喇～師傅分左三部份比我地，一開始黎比左一碟鴨皮我地沾住砂糖食😊 鴨皮非常酥脆，入口即溶，口腔內圍繞住鴨香既味道👍🏿之後就比左鴨胸連皮同鴨髀連皮既位置，兩樣味道都唔錯，我十分欣賞係即叫即整，所以上菜時都仲係熱👍🏿 餅皮比左兩籠我地，份量十足😊 仲有一個發熱包keep住餅皮既溫度，非常貼心👍🏿 只係可能因為餅皮蒸得耐左，個邊邊位有少少硬，少少影響左個口感🤔 隻鴨我認為偏瘦dd，如果肥d再好食d😋 醬汁有提供青瓜條，京蔥，砂糖同特製既醬汁（含有花生醬）。總括黎講我覺得嗰片皮鴨味道中上，但係價錢偏貴，味道好食但係未至於驚為天人，可能間中食就ok😊我地另外再用$160加左嗰鴨鬆炒飯，本身無特別期待，但係味道就十分驚喜😍嗰炒飯一黎到就好香，色澤鮮明。一咬就不得了，嗰飯炒到粒粒分明，佈滿住鴨油香既味道，中間仲有d脆脆地鴨皮係度，成個飯好有層次😋❤️❤️真係非常推介大家加$160食👍🏿服務💕服務貼心，就算坐係入面都唔會驚搵唔到人🤣上片皮鴨時都好認真介紹👍🏿推介指數：9/10✨食物好食有驚喜，環境同服務一流，但價錢偏貴，特別日子慶祝係一個唔錯既選擇😊…查看更多

適逢屋企人生日 揀左中環呢間mott32 慶祝🫶🏻其中兩款招牌菜片皮鴨同叉燒，職員話要預早reserve，而片皮鴨須要一小時比廚部去烤製，我地當然各留一份試下！入到去門口位置同餐廳裡面環境都好靚❤️職員都好貼心介紹餐牌hot items👩🏻‍💼🐥招牌菜 - 42天飼養北京片皮鴨 $750✨店員會先擺放好食用片皮鴨配料，呈上原隻烤鴨比我地影相🌟職員好詳細講述烤鴨食法。✨會先片好最靚皮部份，可點黃糖食用減少油膩感✨再切其餘鴨肉部份，加上醬料配料用皮包住食✨淨低嘅鴨肉可以加$160比廚師烹製做生菜包/炒飯/帶走食用🌟因為職員會即席表演切割原隻烤鴨，多種食法，令片皮鴨對成個用餐體驗提升左。但烤鴨剛烤好即食用，油脂略為偏多，建議擺放一陣等收一收油脂再食會好啲。🐖必食招牌菜 - 蜜汁頂級西班牙黑毛豬叉燒 $350原先對叉燒係無咩期望值，因為到處都食到，但呢到嘅叉燒充滿驚喜感！可以話係咁多道菜，最好食嘅，係一定要必點！肥瘦比例剛好，口感一流，難以形容有幾咁好食！❤️超級推介！🥟原味鮮肉小籠包$95皮好薄，口咬係掛滿湯汁，幾唔錯！所以我地連續叫左兩籠食！🐖化皮乳豬 $380乳豬皮非常薄脆，數量略為小，只有六片唔夠喉😂🌟最驚喜係甜品環節，叫左楊枝金露豆腐花同雪糕龍鬚糖。係龍鬚糖碟上寫上祝福字樣外，職員仲員生日歌，仲主動話幫我地影大合照，好有驚喜！雪糕龍鬚糖幾好食，食落幾特別，有啲似麥提沙既味道🤭…查看更多

見張AE白金卡有$1000 dining credit 回贈，咁就book咗《卅二公館》去同朋友慶祝生日，夠晒特別，終於唔駛食西餐😆。1️⃣滷水花膠凍 $240初時會以為係好重嘅滷水味，到食落口有淡淡清香，加上有唐芹增加香味都幾特別。2️⃣原味鮮肉小籠包 $95真正嘅皮薄餡靚，小籠包個汁濃而不濁。3️⃣陳年黑醋海蜇頭 $180做前菜一流，黑醋令到大家食慾大開，海蜇頭又脆又爽口。4️⃣42天飼養北京片皮鴨 $750果然係Signature Dish 👍😋，鴨肉鬆軟可口，油而不膩，即場表演混醬，都幾得意。5️⃣化皮乳豬 $380有驚喜，雖然豬肉比較厚身，但個乳豬皮好脆口，配埋厚肉一齊食，香脆酥鬆。6️⃣蜜汁頂級西班牙黑毛豬叉燒 $350又係Signature Dish，叉燒係唔錯嘅，如果可以燶邊嘅話就更perfect喇。7️⃣羊肚菌素燒豆腐 $200芡汁好特別，並唔係普通蠔油芡汁，食得出有精煉過好有心思，燒豆腐外脆內嫩。8️⃣香芋臘味糯米飯 $250好足料折炒得好香口，但太多油，有小小扣分。9️⃣綠茶青檸乳酪蛋糕 $125食飽飽再食呢個甜品，酸酸嘅青檸乳酪加綠茶，即刻消曬滯，好fresh嘅味道。1️⃣0️⃣綠茶朱古力心太軟 $125又係綠茶甜品…佢係綠茶流心而唔係普通朱古力流心，入口甜而不漏。訂位嘅時候服務員都會問要唔要預留佢地嘅signature dish : 片皮鴨同埋叉燒，因為呢兩款都係每天限量。而鴨殼就好似平時食片皮鴨一樣，可以打包攞走架😆唔好諗住以為中式餐廳就唔會有生日甜點呀，佢地都會幫手係甜品到寫《Happy Birthday》仲會有幾個服務員圍圈一齊唱生日歌，都真係好amazing, 一啲都唔hea。…查看更多

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻👍🏻 /5除夕前與好友相約共聚，食神老友推介到中環卅二公館飲茶品茗，西餐吃得多，改吃中餐敘舊倒也不錯～餐廳位於中環渣打銀行地庫，要經過一輪扶手電梯下走，才到達像極秘密基地的大廳。餐廳走型格風黑色主調，裝潢華麗中又帶點工業風，角落更設有獨立酒吧位置，因餐廳佔地很廣，座位亦很寬敞舒適。餐廳現任主廚李文星曾為文華廳摘過星，擅長將西式烹調方法融入傳統粵菜，就像我們吃的午餐午餐，可以吃到創意菜式以及新派風格的點心，不單具噱頭，菜式更是色香味俱全呢 👍🏻《茗茶》$28-120/位，豐儉由人《點心》個人最喜愛叉燒包和春卷，前者皮脆鬆化，餡料滿滿，叉燒的肥瘦比例均勻，醬汁鹹度剛好，香氣四溢；後者炸得金黃香脆，不油膩，內裡滿滿的韮黃、鴨絲，配上特製醬汁，好吃到停不了口～💋 原味鮮肉小籠包 ($95)💋 水晶蝦餃皇 ($80)💋 紅油抄手 ($80)💋 脆皮西班牙黑毛豬叉燒包 ($80)💋 韮黃北京鴨絲春卷 ($80)《燒味》來到卅二公館，又怎能錯過皇牌叉燒和片皮鴨呢？叉燒微微焦香，肉質超級軟腍鬆化，油脂香濃而不羶，醬汁味道稍甜；至於片皮鴨，皮薄香脆，沒有多餘肥膏卻有鴨油香，肉質非常嫰滑，潤餅皮也做得薄身帶嚼勁，跟甜醬和芝麻醬，還有傳統京蔥絲配襯起來，口感爽脆，味道濃郁，水準很不錯👍🏻💋 蜜汁頂級西班牙黑毛豬叉燒 (限量) ($350)💋 42天飼養北京片皮鴨 (需預訂) ($750)《甜品》點了兩款甜品都表現出功架，蛋撻酥皮鬆化有牛油香，蛋液部分既滑溜又呈半熟狀態，蛋味濃濃；南乳蓮蓉酥味道、質感非常新穎，感覺有點像吃添加了南乳味的白蓮蓉月餅餡料，而且質感相當鬆脆～💋 即焗酥皮蛋撻 ($75)💋 南乳白蓮蓉酥 ($60)✨ 整體：創意摩登高格調水準中菜 ✨✅ 提供精緻點心、有功架燒味、特色甜品✅ 特色環境配上美食❎ 員工服務還好，但大多沒有表情…查看更多

朋友介紹話呢到既片皮鴨係佢食過最好食既,所以帶左我地去食~去到果然係無介紹錯!餐廳環境好好,好闊落而且裝飾好用心.服務更係比得上酒店既中餐廳.♦ 42天飼養北京片皮鴨 ⋆ $750片皮鴨不意外地原隻上,比你影完相就係旁邊切片,一共有三碟,其中兩碟係半肉半皮for包住食;另外一碟係淨皮,就咁蘸少少黃糖食.片皮鴨香脆,燒得岩岩好,鴨味濃而唔羶.餅皮好細心地加左個熱水包係最底所以可以keep住保暖唔洗凍冰冰咁食(超級加分位).♦ 燈影牛肉 ⋆ $125佢係一款係餐廳好熱門但我完全未聽過既菜式. 牛肉好薄身,大概就係好juicy既牛肉薄脆.食落有少少麻辣香味.係一款唔錯既前菜. 起初大家都好好奇佢個名咩意思,直到係蠟燭前面夾起佢..嗯,我明白了!💖.♦ 西班牙黑毛豬叉燒 ⋆ $325來到Mott 32 又點可以唔叫佢既叉燒呢😍黑毛豬肥瘦好均勻，食落又腍又爽口。表面既蜜糖燒得好脆，暖笠笠咁。超級推介！.除此之外，仲叫咗一款炒飯同一款豆類，中規中矩啦.♦ 阿拉斯加蟹肉飛魚籽炒飯 ⋆ $230♦ 乾煸和牛四季豆 ⋆ $180…查看更多

今日黎到mott32 樓梯一路落 落到好底下環境好有情調 暗暗的 空間感好大好多位但同隔離保持一段距離首先要讚一讚服務態度100分☺️椒鹽鮑魚仔用呢個煮法整既鮑魚真係第一次食好濃味 鮑魚好彈牙 有少少鹹 同飯一齊食就啱啱好蜜汁頂級西班牙黑毛豬叉燒呢個可能係我食過最好味既叉燒叉燒肉質 好稔 好soft 但又唔會無曬口感蜜汁好夠 食落 好juicy 真係好好味啊馬拉盞蝦乾黑豚肉碎介蘭煲份量好多 好有鑊氣 食唔曬要打包🤣阿拉斯加蟹肉飛魚子炒飯炒飯粒粒分明 蟹肉都好多差唔多啖啖都會食倒！最後主角終於出場即場烤製既42天飼養北京片皮鴨用蘋果木燒服務員首先表演混醬🤣碟醬整到好靚🤣師傅係你面前即場切片皮片鴨分左三碟一碟皮 兩碟皮連肉塊皮真係真係好酥脆油脂比例都好好因為一定要叫一隻 所以當然食唔曬第二日焗番黎食 一樣咁好味！…查看更多

*✲ﾟ*。🦆THE BEST CHA SIU IN HK 😍💯之前介紹過ᴍᴏᴛᴛ 𝟹𝟸 嘅特式甜品 今次講下主菜啦😛🐷 蜜汁頂級西班牙黑毛豬叉燒
呢個叉燒係ᴍᴏᴛᴛ 𝟹𝟸 嘅招牌菜 
果然好好味😭 係我食過最好食嘅叉燒👏🏻💯
叉燒表面燒得好香 唔會太燶 蜜汁味perfect🤤
肉質一流 可能係用黑毛豬關係 非常之腍🤤‼️ 記得要預先預訂

🦆 42天飼養北京片皮鴨片皮鴨係佢地另一個招牌菜 
用蘋果木即燒 有種特別嘅香味😋
隻鴨超級肥美 脹卜卜🤣 師傅會喺附近即場切片😆塊皮真係好酥脆！！
油脂比例幾好😛‼️ 記得要預先預訂💁🏻‍♀️ 椒鹽鮮鮑魚仔
呢個鮑魚都勁好食🤤
十分有咬口
鮑魚嘅鮮味唔會比椒鹽蓋過👏🏻
🦞 南非龍蝦配麻婆豆腐
個龍蝦勁厚肉😆
不過加麻婆豆腐呢個配搭對我黎講唔算太match🙈
黑豚肉松露鵪鶉蛋燒賣我唔記得咗影🙈不過都好值得推介！
鵪鶉蛋係流心架😍
成個配搭好match 有驚喜🤤雖然價錢比較貴 但食物質素同服務真係好好
不過唔明點解佢個環境要咁黑🤣 
-✨ 蜜汁頂級西班牙黑毛豬叉燒 ($325)✨ 42天飼養北京片皮鴨 ($720)✨ 椒鹽鮮鮑魚仔($280）✨ 南非龍蝦配麻婆豆腐 ($700)✨ 黑豚肉松露鵪鶉蛋燒賣 (2粒) ($70）-📍卅二公館 Mott 32  @mott32hk中環德輔道中4-4A號渣打銀行大廈地庫Basement, Standard Chartered Bank Building, 4-4A Des Voeux Road Central, Central-…查看更多

相識多年的同事升職加薪了，實在要吃一頓飯好好慶祝一下。當然，升職者請客。晚飯地點交由肯恩安排。由於其中一位同事比較偏愛中餐，另一位同事亦對飲食要求甚高，肯恩立時想到卅二公館這間早已想拜會的中菜館。訂了常日晚上七點半一張四人檯。接線生無論在訂位之際或晚餐當日的確認電話當中，都跟肯恩一再強調我們九時半要還枱。九時半還會有第二輪客人光顧？感覺委實有點誇張。若果想吃卅二公館的招牌菜: 北京片皮鴨及黑毛豬叉燒，便需要在訂座時事先說明。由於黑毛豬叉燒一客只得七件四人不能均分，肯恩只預訂了北京片皮鴨。食店位於渣打銀行大厦地庫，需要走進渣打銀行大厦內部再乘扶手電梯才能到達。乘搭扶手電梯前先跟旁邊接待處的接待員確認訂座，兩位接待員竟都是以英語溝通的金髮女郎。"還是第一次吃中菜時遇上金髮女知客。" 肯恩頓變鮮見世面的大鄉里。經扶手電梯到達地庫後還要在沿樓梯拾級而下到達更底下的一層。說是到來晚飯，肯思更覺似是去了夜店clubbing。地庫是一個很寬廣的空間，燈光設定幽暗，裝潢中西合壁，每個角落都用上與别不同的設計與裝置，很富實驗與藝術性，值得走訪全場每個角落逐一發掘欣賞。水泥牆隨意配襯手繪彩畫作，自由隨性也很摩登。這是男洗手間內牆上的繪畫，特意拍攝給女性讀者觀賞。女仕們有所不知，男洗手間的小解企位有一個很巧妙的設計。底部位置加了一道防濺的屏風，對紳士門的名貴皮鞋呵護備至！一行四人被安排到有四set卡座位的房間就座。房間內籠的裝潢出色得沒話說，不過卡座位的設計略嫌擠逼，臃腫的咕𠱸已經佔去了座位三份之一的空間。食店尤以坐頭較大的西方人仕為服務對象，感覺應會更擠擁。觀乎鄰桌的食客，都是外藉人仕，外文英語此起彼落，好不熱鬧，就連侍者起初也是會用英語跟肯恩溝通，明顯英語才是這裡的預設語言。幸好餐牌上以文字都是以先中後英的排版設計，不致於全盤西化。餐牌的設計袖珍簡單。官方網站其實也有online餐牌可供下載，不過沒有列出菜式價錢。肯恩在等候同事途中把餐牌作了快拍，可以方便讀者參考。來吃中菜當然要茗茶。茶葉有普通、特級以至極品三個級數，價錢分别為每位$25，$80及$120，亦即最小的茶錢收費是每位$25，算是公道價。事先預訂了片皮鴨二食，晚飯另外再點了四道頭盤，兩道主菜，與及兩道甜品。陳年黑醋雲耳海蜇頭 菜式以如此高價錢定位，海蜇頭應是用上舟山級別的高級海蜇。海蜇頭件數不多，但都是大件頭的size。海蜇頭外表晶瑩飽滿，以陳年黑醋調味，入口爽嫩無渣，連伴碟的青瓜與雲耳也都腌得入味爽口，吃得開胃痛快。燈影牛肉 燈影牛肉以薄見稱，可惜食店現場環境較昏暗，微弱燈光不能印證牛肉的通透感。用上安格斯牛肉，烤乾後口感變得像薯片那樣香脆。牛肉片雖然只像紙張那樣薄，但肉香依然突出，甜中隱帶麻辣香，令人吃不噤口。糖脆柚皮 柚皮用油炸後外層沾上蜜糖與白芝麻，外脆內軟，甜而不漏。不過肯恩覺得吃柚皮菜式的神髓是吃柚皮吸收盡煮汁後的精華味道，以油炸的煮法去處理柚皮只能吃到較淡的柚皮味道，未能好好發揮柚皮食材本身的特質。辣子田雞腿 選用的是較大隻的田雞腿，肉味香濃。炸過的田雞腿再以蒜粒、青紅辣椒爆香，份外香口惹味。煙燻黑鱈魚 菜式上桌時蓋上一個透明的罩子。當店員把罩子拿開時，一陣煙燻木香撲鼻而來，芳香四溢。黑鱈魚以甜醬油調味，外脆內嫩，且滲入陣陣木燻氣息，香味濃厚且富層次，令人回味。乾葱豆豉雞煲 雞肉新鮮沒有雪味，以大葱及豆豉爆香，令雞塊味道更見可口。雖是較尋常的菜式，但味道一點不會給之前的小菜遜色。一口氣嚐過數道頭盤與小菜，發覺厨師的調味功夫了得，令菜式的味道更為提昇，令人印象深刻。42天飼養北京片皮鴨 烤鴨先會送來給客人過目。只飼養了42天的烤鴨，體型已很飽實。由於房間空間不算太大，烤鴨會送到房間外邊切片。此時服務員會先送上吃片皮鴨的配料，包括青瓜條與大葱條，碎黃糖及片皮鴨蘸醬。片皮鴨的蘸醬由服務員即席調校出來，做法有點像手藝表演。服務員先在甜醬上用花生醬及麻醬一縱一横畫出一道十字。之後，服務員拿起盛醬的碟子，然後向順時針方向急速旋轉.....不用等多久，花生醬與麻醬便作旋渦狀均勻地分佈在甜醬上，變成一碟賣相獨特的風味蘸醬。當風味蘸醬做好後不久，薄餅與片皮鴨也預備好可以送上桌。片皮鴨分三碟上。第一碟只有鴨皮的部份，沒黏上半點肉，直接沾黄砂糖就可食用。直按享用鴨皮，是為了享受鴨皮入口即化的口感。這種做法源自北京大董烤鴨店，現在很多新派烤鴨店都已經把這種做法發揚光大。皮片鴨烤得十分到位，負責為鴨切皮的師博的手功也應記一功。鴨皮薄如蟬翼，烤得乾身而沒有黏上半點多餘油脂，放入口中即時融化，酥脆香口，水準之作。至於其餘兩碟鴨肉，是常見那種半皮半肉的片皮鴨肉，伴薄餅同吃。半皮半肉的鴨肉，肥瘦恰到好處，以柔軟的軟熱薄餅包着油汁豐腴的鴨肉、青瓜香葱與蘸醬，味道出色可口，鴨香令人回味無窮。鴨鬆醬油炒飯 片皮鴨二食需要另加$160。由於沒有另點主食，鴨二食便從京式鴨件及炒飯中選取了炒飯。把鴨鬆、葱粒與醬油混入飯中去炒，炒出的炒飯很夠乾身，一粒一粒飯粒分明，一點也不含糊。飯粒吸滿醬油及鴨肉的香氣，簡單配料成品卻十分出色。綠茶青檸乳酪蛋糕 選擇了兩款較為西式的甜品。帶點中式盆景的賣相，像竹幹的部份以白朱古力製成，成品很是精緻。雖然是中式的賣相，但甜品是西式做法。草披是綠茶海綿蛋糕，不過當中的綠茶回甘味不算很強烈。較突出的是底下的青檸雪葩乳酪，酸香突出，令人開胃。配合crunch碎粒口感變化甚豐，整體效果不錯。草莓醬油雪糕 略帶鹹味的醬油味雪糕，配上雲呢嗱布甸與士多啤梨，賣相及不上綠茶蛋糕，但一口氣吃盡甜酸鹹的滋味，感覺新鮮。晚飯吃至差不多11時，沒有因為超時而被催趕離場，始終9時半後還有大量客人到來用膳的機會不多。觀乎到場的客人，以外藉人仕或ABC居多。無可置疑，食店走的是高端新派的飲食風格，與一般中菜館的光猛環境截然不同。一直覺得像這類風格的食店，是以高消費抬身價的噱頭吸引外藉人仕光臨為主，食物為次。用膳過後發覺食店食物水準絕對可以跟香港其他的高級中菜食府看齊。有裝修，有時尚，有食物，食店的定位頗為獨特，難怪成為城中飲食界的朝聖地。據知食店集團已經在加拿大開第一間港外分店了。若果水準得以保持，絕對有資格在海外擴大版圖。…查看更多

這食肆“卅二公館”，是朋友極力推介的，她語氣堅定說“一定要試下”，在座幾位都異口同聲“快點訂位吧！” 我當然立刻動手，但得知當日被人包場，只可放在waiting list名單上，個心不禁往下沉，真的失望！在徘徊是否放棄的心情中，等待了差不多一個月，心血來潮致電問問情況，原來今日是包塲的客人，付款的最後日期，時間已過，但仍未付款，Yeah! 失而復得的感覺多麼美好啊!在電話中店員也提醒，北京片皮鴨是需要一天前預訂和黑毛豬义燒也是每天限量的，最好提早預留，否則吃不到他們的招牌菜了！自從沒有在中環工作後，已經一段很長時間沒到中環了，街道一如以住，人潮湧湧，並沒有因為少了我，有什麼特別的改變，人就是這樣渺小呢 !渺小的我只好從享受美食中，令平凡的人生中加點色彩 !看見卅二公館招牌，感受到大宅的壯嚴、氣勢，再望着長長電梯，真是深不可測，加上鐵鏈的裝飾，嘩..帶著神秘，再沿著樓梯往下走，深入虎穴 ?踏入餐廳中，光線昏暗，配上特別設計，營造了羅曼蒂克的氣氛 !跟隨侍應生帶領中，我心想只靠枱上的小小的燭光，怎樣看菜單呢？確實有難度。當晚一行六人，在微弱的燈光中，揀選了七道菜式加三款甜品。42天飼養北京片皮鴨蜜汁頂級西班牙黑毛豬义燒公館鱈魚煲銀杏馬蹄炒蘆筍櫻花蝦XO醬嫩豆炒津菜陳年黑醋咕嚕肉台灣臘味生炒糯米飯草莓醬油雪糕玫瑰花白朱古力奶涷配荔枝雪葩及紅莓椰汁馬蹄卷打響頭炮當然是~42天飼養北京片皮鴨這店選了蘋果木燒，令鴨在烤過程中帶有果香味，美味片皮鴨的祕密除了烤法，關鍵在於片鴨人的即席刀。看見原隻鴨在面前，眨下眼已經砌好一碟碟呈上枱上，廚師果然快手，每件都砌到大小差不多。第一食~鴨皮，是配上黃糖一起吃，鴨皮跟黃糖一樣有溶化的感覺，鴨皮入口鬆化，帶點油香，但不覺肥膩，感覺超棒!第二食~皮肉相連，是片皮鴨最傳統的切法，配自製海鮮醬、青瓜和京葱，包上餅皮一起吃。令我驚訝的是薄薄的餅皮，煙韌度高，不易弄破，入口十分軟熟，還帶點米香味，化解鴨的肥膩。第三食~鴨肉，是將鴨胸肉蘸點蒜泥一起吃，蒜泥味道較濃烈，有點蓋過鴨的味道!蜜汁頂級西班牙黑毛豬义燒黑毛豬真是豬嬌肉貴，值錢的原因當然是多吃橡果，令豬肉帶獨特榛子芳香，脂肪滲透肉內，入口鬆化。這义燒味道不錯，如表面帶點燶的話，會更加惹味。但用黑毛豬做义燒，並沒有突出黑毛豬獨特的肉味，及過份淋身而失去了肉質的口感! 公館鱈魚煲脆脆表面包住嫩滑的魚肉，欣賞這強烈對比，只是醬汁較甜，多吃的話會有點膩 。銀杏馬蹄炒蘆筍這是十分健康的菜式，蘆筍所含的甘露聚糖有提高人體免疫力的功效，排除毒素，幫助消化，能有效地控制癌細胞的生長，防癌的作用。蘆筍沒有苦澀味，炒得十分爽口，配上銀杏、木耳和馬蹄，口感十足，沒有濃濃醬汁，用了清清地的烹調方式，反而十分喜歡這份清新，食得滋味，食得健康。櫻花蝦XO醬嫩豆炒津菜我認為樱花蝦是一種特別調味劑，脆脆的蝦乾，帶濃濃的蝦乾味，加上XO醬，但不覺辣，當中吃到XO醬的乾瑤柱，醬汁creamy，令我吃到不停口呢!陳年黑醋咕嚕肉在座有兩位很喜歡吃咕嚕肉的客人，其中一位是我，醬汁酸甜味夠，平均地掛上咕嚕肉表面，也沒有令脆漿變淋，但豬肉太薄，有點只吃炸粉的感覺，大為失望。台灣臘味生炒糯米飯糯米飯不夠煙靭、黏口，但炒得乾身，配上臘腸和潤腸，十分惹味。草莓醬油雪糕做得十分出色的一道甜品 !他們揀選了日本的醬油，從甜品中帶出咸味，真的功力深厚，雪糕入口時慢慢地溶化，溶化後咸味才出現，甜味中帶點咸味，產生了化學作用，配上mousse和脆脆的餅碎一起吃，口感和味道複雜，但又能將所有味道混和，真的了解“和味”的意思了 !玫瑰花白朱古力奶涷配荔枝雪葩及紅莓奶涷帶淡淡的玫瑰花香味，味道馥郁，口感香滑，雪葩入口即溶，口中徘徊濃濃的荔枝味，估不到玫瑰和茘枝也是最佳拍檔。椰汁馬蹄卷前兩個甜品做得太過出色了，這個甜品有點比下去，馬蹄卷口感實實地帶點椰汁味，配上甜甜地蘸醬，味道一般。以往的我只懂食物的好味和不好味，自從寫了食評後，令我更加留意每個感覺，認真享受每口的味道，也算是一種得着，雖然不是每餐都是美食，但總算口福不少呢！後記，當晚有位叔叔年紀的侍應生很細心，講解菜式的食法，推介甜品，也按我們人數推介份量，我們的問題也耐心地回答，真是經驗豐富。讚!…查看更多