鍋心粥底火鍋 (德成街)

營業中

休息中

呢間餐廳將傳統粥文化提升，搭配是日時令海鮮、家禽、肉類同蔬菜等新鮮食材， 突顯「原味」、「鮮味」同「真味」🍲 堅持「以客為先，絕無海鮮價」，所有套餐免收加一，性價極高👍🏼🦀肉蟹+龍蝦+ 沙白蜆 ($278)1️⃣店員先上送上鴛鴦鍋，建議海鮮同蔬菜放入粥水鍋，而肉類、丸類同麵食就放入日本昆布鰹魚湯2️⃣品嚐7款自選生猛海鮮💗肉蟹：口感肉多有蟹膏💗龍蝦：肉質厚實Q彈💗沙白蜆：蜆肉鮮甜而且完全無沙💗鮑魚：口感肉厚爽滑💗海蝦：肉質爽口彈牙💗大尾魷：肉質爽脆彈牙💗蟶子：肉質爽口鮮味3️⃣加入3款蔬菜 (南瓜粒、芋頭粒、粟米件) 準備「海鮮粥」4️⃣加入8款自選配料「打邊爐」💗日本A5黑毛和牛（+$39）：和牛柔嫩細滑，帶豐富油香💗特級牛脷芯片（+$19）：薄切牛脷芯脆嫩且肉味濃💗自家製手打牛肉滑：爽滑彈牙嘅牛肉滑加入爽脆嘅馬蹄粒，味道有少少似山竹牛肉💗日本手打烏冬：烏冬煙韌順滑，吸收哂湯底精華💗萵筍：萵筍爽脆清甜💗芝心獅子狗：竹輪爆出香濃嘅芝士醬💗爽口鵝腸（+$3）：鵝腸口感爽脆，清洗得好乾淨💗蟹粉包：爽彈魚丸包住流沙甘香嘅蟹粉醬5️⃣店員幫忙壓蓉南瓜粒、芋頭粒，放入粥膽熬成「海鮮粥」💗No.1精華海鮮粥：選用東北

老婆逢星期五嘅興趣班卒之完結咗，所以，今晚專登同佢出嚟食餐好嘅，無麩質，又要少肉，就想起早前食友推介嘅「鍋心」，因為佢哋以海鮮粥鍋打響名堂。餐廳好近佐敦站，兩分鐘步程就到，甫入到去，雖然只喺平日晚上，已近乎座無虛席，非常熱鬧。全部位都喺卡位，目測所見，分4人座、6人座，而啲卡座都幾闊落，舒服好坐。正所謂工欲善其事，必先利其器，枱上一早已放齊各類「架生」，鉸剪、鉗、鋼夾……一應俱全，食蟹都變得無難度。此外，向來食火鍋，另一大配角就喺醬料，除咗醬油，店家就另外配備一整碟紅椒粒、蔥花、蒜蓉及沙薑供客人使用，唔夠可以再問。顧名思義，呢度主打就喺粥底火鍋及其海鮮靚料，玩法以套餐形式，揀鍋底，再揀基本海鮮組合，共4款由$208-$278（以每人計），之後自選時令海鮮及各人再揀4款火鍋料。當然，唔夠可以再額外追加，但小弟就覺得基本套餐已好夠食，因為，臨尾仲可以熬個精華海鮮粥。順便講埋有咩飲啦，汽水、啤酒呢啲基本嘢都有，特別啲嘅仲有土耳其汽水、自家製冷泡茶，此外，更供應Movenpick雪糕，定價都相宜。平常食火鍋，嗌汽水喺指定動作，不過，一來老婆晌度，佢向來講健康，飲汽水就唔好喇，二來店家有啲自家製

唔使$300就可以食到龍蝦、肉蟹、鮑魚、聖子、沙白蜆同埋多寶魚！Total六種海鮮‼️每人仲可以揀四款火鍋配料～我哋今次兩個人去total就揀咗八款火鍋配料！佢另外有一個套餐，係揀龍蝦或者肉蟹二揀一，揀肉蟹配其他五款海鮮嘅話套餐價錢就係$210，龍蝦配其他五款海鮮，價錢就係$230，小朋友先做選擇，我就梗係兩樣都要龍蝦加肉蟹兩樣都揀晒啦，龍蝦肉蟹再配另外四款海鮮嘅價錢就係$260💓六款唔同嘅海鮮全部都好新鮮，🦞龍蝦啖啖肉好鮮甜，鮑魚上枱仲識郁，口感爽口彈牙！多寶魚肉質勁滑，不過就比較多骨，但係加少少豉油落去真係好有魚味，識得食魚嘅朋友值得嗌🐟 沙白蜆份量好多，一樣好鮮甜同埋好肥美，建議大家第一隻可以唔好加調味料試一試原汁原味先，之後再加少量豉油食下一隻，感受吓佢究竟有幾新鮮！🦀肉蟹今次我就覺得冇乜特別，新鮮嘅，但係就唔算係特別鮮甜（曾經試過喺度食過鮮甜又多膏）🦐雖然今次冇嗌蝦，但係之前有叫過，啲蝦真係生猛到識得跳，要用夾特登夾住先至可以落鑊架！仲有聖子，一樣係新鮮鮮甜，唔會話好韌，好食！順帶一提，餐枱嗰度有每一樣海鮮需要煮幾耐嘅教學同埋Timer，咁就唔怕大家Overcooked啦！食完