潮福蒸氣石鍋 (已結業)

蒸海鮮大家都一定食過，潮福就有個任飲任食套餐，難得有時間，就去試下佢先套餐包6道海鮮同可以任叫肉呀 丸呀 菜呀之類既 最底下會有個粥 咁你就係上面蒸 確保精華滲入粥一開始 佢會有螺頭湯同乳鴿俾你食下先個湯又幾足料 好啦，之後開始上海鮮首先，上既係貝殻 ，蒸既梗係新鮮龍蝦黎啦！ 上面有蒜去一齊蒸 又啖啖肉 爽呀！扇貝係下一道菜， 加埋粉絲一齊食係冇得彈呀由於無左象拔蚌 所以嗌左貴妃蚌頂數 好彩嗌左 鮮甜到不得了跟住係鮑魚哦！鮑魚上面有d 松茸 但淨係鮑魚已經好夠味最後一道就係龍等魚片啦！好似都冇咩機會食龍等 估唔到呢度有 果然好食到不得了 值回票價！之後就開始嗌 菜呀 肉呀之類值得一提 和牛粒好好食 完全係高水準 最後梗係食埋個粥先埋單啦…查看更多

海鮮食法呢幾年愈黎愈多 粥底海鮮 九層塔都有 今日我地食既 類似係粥底海鮮+ 九層塔 👍 潮福有一個任飲任食套餐，388$/位，可以揀6款海鮮，之後任嗌菜/肉等食物同任飲，所以趁新年一於試下服務都幾貼心 係上菜前 俾d 乳鴿你食下先 最估唔到係又幾好食wor 😂 俾個like 佢先！任飲任食套餐既第一道海鮮就係貝殻 蒸左5分鐘度就食得啦好快就已經可以食龍蝦啦！ 唔錯唔錯 新鮮新鮮下一道送就係扇貝啦扇貝配粉絲 永遠既絕配 正呀下一道送係鮑魚呀鮑魚本身已經夠哂正，清蒸就已經可以將鮮味帶出黎貴妃蚌又係好食既海鮮 加左粉絲仲正呀黎到呢到已經食到好飽啦 但梗係未完啦 仲有龍等呀食到呢度 已經好滿足，之後嗌左肉丸 菜 就埋單嗌…查看更多

新年拜左幾日，食年糕都食厭，所以去左潮福食左蒸海鮮一黎我地嗌左個任飲任食套餐，好快就上野食係蒸緊既過程中，佢俾左個乳鴿我地熱下身個乳鴿其實幾好食 估你唔到之黎到正餐啦個套餐第一個上係貝殻，好鮮甜，好正之後黎左個龍蝦睇住佢生蝦咁熱 加埋蒜容 味道鮮甜唔錯之後到本人幾喜愛既扇貝啦！ 好大隻呀，扇貝既鮮甜出哂黎，蒸得好好鮑魚黎啦！佢係上面鋪左姬松茸，令到味道更多層次之後係貴妃蚌！本身個蚌已經好新鮮，加埋粉絲係面，令我食到唔停口呢個係任飲任食餐既最後一道海鮮 ，嗌左龍躉 魚肉好嫩滑，鮮味！唔好以為食完海鮮就無，其實可以叫其他野嫁，我地都係忍唔住叫左牛肉同肉丸唔係講笑，牛肉真係幾好笑 令我好驚喜 順帶一提 佢地既豬肉丸都出名 所以最好叫埋…查看更多

今晚得10度真係凍到暈咁~所以要係要食啲暖笠笠嘅嘢~但係今日老婆又話唔想食打邊爐話熱氣煲仔飯又唔啱口味,真係諗到我頭都大埋終於俾我搵到間正嘢！就係"潮福蒸氣石鍋"一次過滿足晒所有願望！ 就係呢個蒸氣海鮮餐海鮮餐第一炮就係燉湯！我揀咗個淮杞龍躉骨燉湯~一飲落口感覺到冇加味精之餘，湯味濃厚,凍天飲真係成身暖返唔少再嚟三小碟做前菜，餐入面仲包埋乳鴿，乳鴿炸到啲皮脆卜卜一口咬落去啲肉汁咇晒出嚟！我嚟食蒸氣鍋竟然可以食到呢啲嘢...真係感到驚喜師傅將一粒粒肥啫啫嘅珍珠米放落煲底... 好想知一陣個粥會有幾好食蒸蒸第一擊~龍蝦~超彈牙勁新鮮蒸大蜆！鮮甜度十足蜆肉一粒沙都冇帶子爽滑加埋蒜蓉粉絲蒸只可以講好好味~大聖子加象拔蚌仔新鮮度又係爆燈食完海鮮就食下啲蔬菜類，啲菇吸收晒海鮮嘅香氣因為蒸嘅關係蔬菜味完全冇流失到！大家仲可以任飲韓國果汁或者氣水就咁食海鮮都已經好飽，但係佢個蟲草花滑雞太吸引忍唔住叫咗一份，雞肉好滑喔~最後就緊係要食埋個粥底啦吸晒啲食物精華各位大食皇如果都仲唔覺飽嘅話可以考慮勁叫任食單入面嘅食物喔～…查看更多

愛食海鮮的我, 早前便去了位於西灣河的潮福蒸氣火鍋食飯.坐低後, 就可以去揀想食的海鮮.海鮮好新鮮,樣樣都想食, 不知怎樣揀.牆上也貼出各款海鮮的價錢, 這樣就一目了然.食海鮮也需要點醬, 出面放滿了各款醬汁, 食客可以因應自己的喜好而混醬.這是我的混醬.餐牌上每款菜式也列明蒸所需要的時間, 這個設計非常好, 只需要跟着便可以.最後, 我地海鮮揀了龍蝦, 象拔蚌, 聖子皇. 另外, 也點了蟲草花蒸新鮮雞, 南瓜排骨粥.店員先放下南瓜, 排骨和米. 到最後便可以食.海鮮中, 我地先食聖子皇.Size好大隻.肉質夠彈牙, 又鮮美. 而粉絲吸收晒所有精華, 只需要加少許醬汁便可.再來是我最期待的龍蝦.龍蝦好大隻呀, 自己食晒全隻龍蝦, 感覺特別爽.蝦肉不但彈牙, 由於蒸的時間剛好, 所以肉質不會出現硬和乾的情況. 再來是象拔蚌.平日我好少食連瞉的象拔蚌. 肉質幾爽身, 這個相對聖子來講, 較為有口感.只要海鮮夠新鮮, 即使只用簡單蒸的方法, 已經能夠帶出鮮味. 食完海鮮, 我地就食雞.雞幾嫩滑, 但略為不夠多肉, 蟲草花吸收了雞的精華, 幾入味, 仲帶點清香添.最後, 就是食南瓜排骨粥. 這個粥是食前放入鍋底煮, 粥吸收晒剛才我地所食的海鮮和雞的精華, 所以非常鮮甜.而粥底夠綿身, 非常好味. …查看更多