阿來泰式地道風味

出開深水埗買野，朋友話想食泰國野，喺唔熟路既情況下唯有問OPENRICE結果就決定食呢間位於長沙灣既泰國餐廳。七點去到都未算好多人，可能因為近屋邨做開街坊生意。餐牌都幾多選擇，而且價錢比起其他同類型餐廳親民好多！我地兩個女仔嗌左兩樣野：- 泰皇咖哩火山軟殼蟹法包 $128- 阿來海南雞飯 $52- 海南雞飯跟餐轉特飲既龍眼冰 +$5朋友話黎得泰國野梗係要試海南雞喎阿來海南雞飯一上枱已經聞到黃薑飯既薑味！顏色好吸引，色香味俱全，無論係聞定食都感受到濃郁既薑味，剩係個飯都值100分主角海南雞份量好多，肉質好滑好鮮嫩，雞皮一啲都唔肥，配埋泰式辣醬食別有一番風味。跟餐既龍眼冰勁足料，龍眼肉好多，粒粒都大大粒，味道好清甜，唔會好似糖水溝出黎咁。跟住重頭戲黎啦泰皇咖哩火山軟殼蟹法包正如佢個名一樣，咖哩多到好似火山爆發咁湧出黎，睇見都流哂口水睇相可見軟殼蟹有幾大隻，而且炸得恰到好處，外脆內嫩，好厚肉；浸喺咖哩既部份吸收左咖哩汁好JUICY黃咖哩味道偏甜，好香椰奶味，裡面仲有啲蛋花同蔥，有口感得黎又惹味。我最中意係個包，三種唔同層次既食法：包蓋好香脆，卜卜脆好似食餅乾咁，包外圍裡面索左咖哩汁，外脆內軟，包底吸引哂所有精華，好腍好飽滿，咬落去果時啲汁泌哂出黎，完完全全可以食哂所有咖哩，一滴都唔會哂！！！唔洗100蚊一個人就食到咁高質既泰菜，一定會再翻兜…查看更多

眾人都知深水埗多美食，但旁邊的長沙灣其實也卧虎藏龍。這天因為工作的緣故到了長沙灣，事辦完了肚子也餓了，便跟同事隨意進了這間泰國餐廳。位置挺近地鐵站，在A2出口出去直走約兩分鐘就能看見一條兩側都是食肆的街道，而且鄰近住宅區，食客不是很多，當然也不用等位。值得表揚的是職員的服務態度，友善熱情，一看到我們招手就立即過來了，同事有點完美主義，餐具上有些刮痕說要換，他們也親切有禮地說不好意思，給我們換過一只。餐牌上應有的泰國菜也有，比如說炒金邊粉、咖哩、炒海鮮等，也有套餐可供選擇困難的客人選擇。我和同事兩人吃不了多少就沒叫套餐，就點了三個菜：泰式海南雞飯、燒豬頸肉、泰皇咖哩火山軟殼蟹法包。上菜很快，下單後不到十分鐘就上菜了。第一樣是泰式海南雞飯，海南雞厚薄適中，肉質很嫩滑，雞皮與雞肉層次分明，沒多餘的脂肪，配上泰式辣醬更添惹味。旁邊的黃薑飯更是一絕，一上桌己能嗅到洋溢的薑香，雖混進了雞油，入口卻不油膩。第二樣是燒豬頸肉，肥瘦適中，豬頸肉上帶著適量油脂晶瑩亮澤，看到已讓我們垂涎欲滴。先試了一口原汁原味的，面頭燒成金黃微焦，有著肉的焦香，帶少許脂肪的豬頸肉入口細滑，再試一口醮了祕制醬汁的，為豬頸肉增添了點鹹香，各有千秋。第三樣是比較少見的泰皇咖哩火山軟殼蟹法包，一上菜旁邊的客人都紛紛看了過來，真的是個小火山啊！圓滾滾的法包盛著金黃濃稠的黃咖哩，和大大隻的炸軟殼蟹，咖哩滿得溢出，沿著包緣慢慢的流下來。我們先由軟殼蟹吃起，軟殼蟹剛好分成四等份，我倆一人兩件。表面炸漿很薄，一咬下去脆卜卜的，內裡的蟹肉厚又嫩巧，雖是炸的卻不會太油。黃咖哩微甜不辣，即使不吃辣的也能吃用。咖哩是偏濃稠的，裡面有蛋花、蔥、芹菜，味道濃厚順滑，難以形容的美味，沾著沾著輕而易舉就吃完整個法包了。我地叫了一杯龍眼冰一起喝，清甜解渴，桂圓的香味很舒服，龍眼肉很多很足料。這頓飯兩個人吃都只是兩百多，以泰國菜來說價錢相廉，而且食物質素很好，選擇也多，擇日必會再來試多幾款。…查看更多

最近有朋友生左BB去左長沙灣探佢，之後一齊吃晚飯朋友推介最近新開嘅泰國菜館，話上次食完番尋味餐廳門口好光猛，真係遠遠都見到。我地點左以下食物飯係油飯仲好香添，而個質感幾有咬口👍🏻雞都唔錯，唔會好多皮好多脂肪嚟到嘅時候香噴噴雜菜份量都唔少，不過咖哩方面我自己就覺得甜左少少大蝦都幾多喎，柚子都好甜，調味剛剛好呢碟算係成餐飯我最喜歡嘅一碟菜，因為自己本身好鍾意食魚，加埋佢真係做得好好，好香檸檬葉，肉質夠厚身去親食泰國菜我一定飲青檸梳打，因為唔會好甜，同好香青檸味，好refreshing朋友叫咗龍眼冰，佢表示龍眼肉夠多但係就甜咗啲。賣單兩個人食咗$253，都算抵食總結: 朋友今次真係好介紹，睇黎我又多個食飯好去處啦…查看更多

話說本來去龍寶飲茶，點知發現對面新開了間泰國餐廳，中午時份，全場爆滿，需要等位，不過流動量高，等了一陣就有得入座。餐廳有午餐連飲品都是$43起，價錢合理。另外還有單點。柚子沙律全部都是柚子及幾隻蝦肉，柚子甜中帶點酸，蝦肉爽口，還有點炸蒜片，味道配搭不錯，是一個幾開胃的沙律。黃咖哩牛肉飯午市套餐的咖哩牛肉飯，份量適中，有薯仔及牛肉，咖哩汁很多，撈飯最正，牛肉很腍，咖喱汁完全唔辣，而且椰汁味較重，比較甜。薄餅是酥油製成的薄餅，所以比較油膩，但很酥脆，醮上咖喱吃，味道一流。青檸梳打青檸味道比普通黃檸檬多了一陣清新感，酸味中等但甜度較淡，整杯飲品很清新及去油膩感，適合不太喜甜飲的朋友。龍眼冰是用龍眼乾煲成的，龍眼肉很甜，但甜度天然，有點似平時自己煲的紅棗龍眼水。海鮮雜錦喇沙配料款式很多，有青口、蝦肉、蟹柳、扎肉及豆卜，不過是用了米線而不是式河粉或檬粉，不過米線很爽口，不會太腍。喇沙湯底不辣，但香料味很濃郁，而且無味精，忍唔住飲了半碗湯。芒果糯米飯糯米飯又腍又煙韌，配上椰汁，甜度十足，椰香味濃，加上香甜的芒果肉，食幾啖已經很飽滯，建議3-4人分享一個會比較好。總括而言，食物味道不俗，但椰汁味頗重，所以咖哩等都比較甜，而辣味相對應比較輕，適合怕辣的朋友。…查看更多