星海．譽宴 (鱷魚恤中心)

營業中

休息中

👧🏻😋👅🍽✨靚酒樓抵食下午茶點心🫖-星海‧星海薈 The Starview🇭🇰 觀塘開源道79號鱷魚恤中心2樓 🇭🇰-🌌 鱷魚恤中心位置超方便, 幾個大商場連埋接通APM同地鐵站, 下午茶時間已超多人係門口等夠鐘😎🌌 除左點心同小菜, 臨近新年當然唔少得團年同春茗圍餐; 食食下見員工已間開個場已經準備緊夜晚設宴, 個場四四方方係幾啱擺酒, 仲有戶外位置-❤️‍🔥嚐新推介💯春風得意腸: 脆卜卜油炸鬼包住足料蝦膠, 仲有蟹籽係面好鮮味💯金莎蓮香煎軟餅: 煎到金黃色既軟餅唔會太油, 入面蓮蓉溝左鹹蛋黃, 一齊食唔會太甜好特別-🥧特色點心✨點心拼盤有齊蜂巢黃金糕、菜苗餃、野菌餃及蟹籽燒賣皇各兩件✨鬆化脆麻花: 超大碟, 桂花糖漿淋係脆脆蛋香麻花上超香甜✨惹味牛仔骨: 好少用點心形式上牛仔骨, 豉椒惹味啖啖肉✨仲叫左蟲草花棉花雞, 蒜茸蝦春卷, 香煎蘿蔔糕, 蜜汁叉燒腸都好好食!-🍲明爐燒味湯粉💯假期下午茶只需$29.8, 叫左油雞檬粉大大碗; 肉同粉都好滑, 仲有生菜墊住D雞等佢唔會浸到冇晒味腍晒-

同屋企人喺附近買完廚具之後，啱啱好係下午茶時間，想飲茶食點心，於是嚟到鱷魚恤中心嘅星海．星海薈。職員都好貼心，見到我哋帶埋小朋友，安排咗係窗邊嘅位置。店內環境開揚，落地玻璃出面仲有户外嘅婚禮場地，中間有大舞台位置，適合大型宴會同酒席。我哋食飽飽之後充滿滿足感呀！😋😋✨點心拼盤每款點心都有兩件，有蜂巢黃金糕、菜苗餃、燒賣等，一次過試齊四款 😚✨春風得意腸傳統腸粉皮包住入面脆卜卜嘅蝦肉，超正呀～✨蜂巢脆芋盒以芋頭做餡料嘅蜂巢脆芋盒，即叫即炸，外皮香脆，內餡包滿住芋泥，美味可口。✨蜜燒黑豚肉黑豚叉燒燒得啱啱好，保留到本身既肉汁，肉質嫩滑。✨鮮蝦帶子鳳眼餃好似小船咁嘅鳳眼餃，包住鮮蝦同帶子，再以蟹子點綴，食落煙韌爽口。✨瑤柱花膠灌湯灌湯餃飽滿多汁，餃皮厚薄適中，仲有鮮甜嘅肉餡，味道鮮甜。✨蒜茸蝦春卷✨燒味湯粉

平時都係媽咪跟我去食我食過認為好味嘅餐廳，估唔到有朝一日竟然會掉番轉。🤷🏻‍♀️🤷🏻‍♀️上星期佢同某auntie食過呢間酒樓之後，就話搵日同我食，咁啱今日攞咗假陪老豆去拎回鄉卡，我就話不如拎完卡搭車過嚟食啦，反正都咁近。通常主打做婚宴嘅酒樓都唔會太難食，呢間都唔例外，食物中規中矩，味道ok但未至於有驚喜，不過點心款式選擇算多，有懷舊系列亦有新派造型系列。當中最得我歡心嘅係竟然有鵪鶉蛋燒賣，而且味道唔錯。媽咪極力推薦呢個春風得意腸，入面包咗釀咗蝦膠同粟米嘅油炸鬼，口感豐富，而且油炸鬼唔會太腍，仲保持到少少脆度，但搭配嘅豉油太鹹。呢個點心拼盤每款各有2件，啱晒2個細食嘅女仔嗌嚟Share，不過媽咪同老豆都話個黃金糕好硬好難食，我冇食唔知，但個燒賣同菜苗餃係正常嘅，不過個潮州粉果一夾就散，個皮嘅澄麵同水嘅比例應該出咗問題……🤔🤔星洲炒米係下午茶時段供應嘅，呢個分量賣58蚊好抵食，而且炒得好乾身，唔會太油，味道貼近茶記口味，配料有叉燒、蝦仁、韭黃、雞蛋、洋蔥等，算幾足料。最差係呢個五香牛雜，除咗牛腸炆得算入味，其餘牛肚、牛肺都超韌，仲要下面墊勁多蘿蔔，有渣又唔入味，失敗！因為呢間酒樓係婚宴集團旗

🥢我真係好鐘意飲茶，每星期總要飲一次，過下點心癮🙈1️⃣🦢燒鵝檬粉 燒鵝個皮好薄好脆，亦唔會好肥，湯底正常唔會好咸好重味精，唯一扣分位係檬粉太碎，要用匙羹先食到2️⃣🥕香煎蘿蔔糕 蘿蔔糕切得比較薄身，但煎到兩個金黃色，食落外脆內軟，入面有蘿蔔粒，有口感3️⃣🍯蜜汁叉燒包 由細都大都好鐘意食叉燒包🫣包好鬆軟唔會乾身，唔會黏牙，入面啲餡料都好多，係咸左少少4️⃣🐥醬皇蒸鳳爪 蒸得多腍，容易咬，不過不失，係有啲過咸🙈5️⃣🐮山竹牛肉球 食牛肉球目的有時時係為左個底既腐皮，但尼間牛肉球係無腐皮🥲牛肉球好軟滑，有肉汁6️⃣點心拼盤有4隻點心（燕麥糕，蝦餃，潮州粉果，蟹籽燒賣）每樣各2件，岩哂2個人又想食多幾款既人，因為無哂燕麥糕，所以轉左黃金糕俾我地🌟酒樓設有室外位置🫶🏻想睇更多食評，記得留意IG __imfoodieb

同個客食中式午餐，當然要豐富啲，點心小菜炒飯就唔失禮。燒味拼盤有脆皮燒腩仔，海蜇，叉燒，燒肉，燒肉個皮認真卜卜脆，海蜇又爽又香有麻油味。脆皮咕嚕肉配菜用上鮮甜菠蘿，焦糖脆皮咕嚕肉加上啖啖肉，咬落有豬油香同焦糖香但唔會有肥膩感。呢個餐仲包有埋點心拼盤，蝦餃、燒賣、菜苗餃、白糖糕，蝦餃同燒賣呢啲貴價點心做得幾好，蝦鮮而且大隻，每樣點心有2粒，夠哂過點心癮。咬落無渣夠嫩口嘅欖菜肉鬆四季豆，咸香好味，唔油有少少鍋氣，唔錯。乾隆石鍋炒飯可以自己炒到鍾意嘅乾濕度，有帶子、瑤柱、蝦粒、脆肉瓜粒，有海鮮味有石鍋焦香味，好得體。

觀塘搵到間酒樓有室內同室外嘅枱可以比茶客選擇，我地個日陰陰天小小風唔太曬更係選擇座室外啦。脆皮燒腩仔真係我嘅至愛，個皮燒到脆卜卜一口一啖.正點心拼盤真係啱晒我地兩個人飲茶嘅人叫，每款兩粒樣樣試吓蝦餃、燒賣就更有，最特別係件白糖糕師傅整得好好味😋豐料老火湯用足料去煲一d味精都冇唔錯。杭州香醋一口骨酸酸甜甜咬落去脆脆的好開胃，值得推介。福建炒飯用足材料去炒，大大碟。甜品有紅豆沙大大粒紅豆好香陳皮味唔太甜正。

好耐無出去同同事飲茶12點幾到左譽宴拎位，等一陣先有得入座lunch 有優惠點心小菜個d燒味拼盤d 叉燒係熱辣辣，夠味又夠嫩身，一d 都唔柴，好食，只係肥左d燒腩仔夠脆口，肥同瘦都幾均勻海蜇就正常啦～～點心拼盤包左四款點心蝦餃食到蝦味幾出，皮唔算太厚燒賣正常水準粉果皮厚左dd, 但入面粉葛同花生比例都ok仲有燕麥糕口感都算軟熟咕嚕肉大大碟，完全夠四人份量肉肥瘦都均勻，唔會全肥膏甘，而且炸得夠脆，又掛到d 咕嚕汁，好食！！四季豆炒得乾身又夠香，超好送飯～～真係估唔到連d 小炒都甘有水準石鍋炒飯又係勁大兜上個陣仲勁熱，我地等左陣先撈，就有飯焦啦有飯焦既石鍋飯真係搶住食最後食埋碗紅豆沙，起沙得黎仲有d 粒粒紅豆食下，唔算太甜，簡直係完美句號午市全場爆哂甘滯，但姐姐上菜，收碟都好快手，仲問我地d 野好無食～服務真係唔錯

好耐沒有去譽宴飲茶， 今次去位於觀塘開源道的分店， 之前去過好多次環境和服務質素都滿意。 差不多三點才到達， 點心有叉燒包、山竹牛肉、鹹水角、棉花雞、點心拼盤、 蜜汁叉燒腸和椰汁糕。😁這類的點心即叫即蒸， 喜歡點心拼盤有蝦餃、燒賣、粉果和燕麥糕。蝦餃皮薄餡靚， 燒賣更是啖啖肉。 叉燒包一啖咬落去好香呀， 山竹牛肉軟腍入味， 棉花雞蓬鬆雪白的魚肚，吸收了鮮美的雞汁， 雞肉嫩滑， 美味。 蜜汁叉燒腸的腸粉皮薄好味， 甜品椰汁糕香滑，糕身唔易散，唯獨是鹹水角唔夠香脆。😋譽宴 • 星海午市和晚市都唔錯， 價錢相宜， 值得推介。😉

之前食過呢間酒樓尖沙咀分店晚市 覺得環境裝修好好 坐得好舒服 店員有禮招呼很好👍🏻 今次就去左觀塘分店食午市 中午時段入座率有成8 9成🤩 果然受歡迎😆我地分別試左點心 燒味 小菜 老火湯 炒飯 甜品 全部都無令我失望 好有水準👍🏻1. 點心拼盤 有4款點心 分別係蝦餃 燒賣 粉果同糙米糕🤤 蝦餃係我地最愛 皮夠薄 餡料既蝦又大隻又爽口😚 糙米糕都比較少食 甜甜地 口感比蛋糕彈牙 好特別幾好食😋2. 脆皮燒腩仔 午市都好鐘意揀既燒味 絕對試得出一間酒樓既水準🤩 呢碟燒腩仔皮超脆 挑選既腩肉唔會好肥 又唔會過鹹👍🏻3. 老火湯 非常大壺足料 紅青蘿蔔煲豬肉 可以裝到6-8碗😍 火候十足 岩哂呢個天氣飲🤩4. 杭州香醋一口骨 排骨炸得酥脆 甜甜酸醋 非常開胃推薦大家一試👅5. 福建炒飯 驚喜之作 炒飯炒得粒粒分別 調味得宜 加上用料上乘 食到既乾瑤柱 蝦 冬菇等 味道一流😍6. 甜品 最後以一碗香甜起哂沙既紅豆沙作為呢餐午餐既終結 好滿足🌟

我地平時都好鍾意飲茶，今日lunch hour 去左譽宴試吓呢個午市套餐，果然係唔錯嘅選擇！一坐低黎返壺茶先！我鍾意飲鐵觀音，啖啖回甘味，呢到嘅茶落足茶葉，飲落好夠味👍🏻豐料老火湯，今日應該係老黃瓜湯，一個瓦煲有成5-6碗，味道濃郁，飲得出無落味精。點心拼盤，4款點各兩年，燒賣、蝦餃、潮州粉果、穀物糕，即叫即驚熱辣辣送到，味道唔錯。燒味拼盤，叉燒、燒肉、海蜇。叉燒甜蜜，燒肉香脆不肥膩，海蜇爽口彈牙，呢3寶無得頂。杭州香醋一口骨，炸得夠鬆脆，每一口都佈滿杰撻撻嘅香醋汁，再加啲香薑絲伴碟，開胃醒胃。乾隆石窩炒飯，上到枱時仲喳喳聲，拎鐵羹再炒兩炒，香氣撲鼻。加了帶子粒、瑤柱、翠玉瓜，令分明嘅米粒不會太乾。今日嘅精選甜品係紅豆沙，食入口啖啖紅豆溶，非常有誠意。限聚令下無損茶腳心情，午市依然座無虛席，可見食物質素有返咁上下吸引。

觀塘午市座無虛席，等了10幾分鐘，可能因為2人又可搭檯，都算快~ 一坐低即點了一人一籠點心拼盤，有粉果、蝦餃、燒賣、燕麥糕，粉果最好吃，外皮煙韌，餡料又豐富又好吃😋 蝦餃燒賣的蝦也很多，很足料！燕麥糕以為會不太好吃，原來味道不錯，很特別，有點像饅頭的鬆軟口感，又有燕麥味。這個燒味拼盤也很好吃，燒肉皮脆肉嫩，鹹香的味道很好吃😋 叉燒和海蜇也是不錯👍🏻杭州香醋一口骨拔絲的外皮十分香脆可口，醬汁夠入味👍🏻這個石鍋飯原來暗藏了不少帶子，份量很多，飽肚之選👍🏻這個湯二人分也能分到每人四碗🤭 喜歡飲湯的我表示太正了🤤

呢間酒樓主攻中西式婚宴市場👰所以食物定價為中上水平。今次悲傷小姐就揀咗$318/位嘅午市行政套餐，既可以每樣試到少少，又可以慳番時間諗食咩😁💗點心拼盤4款點心包括：🦐蝦餃嘅水晶皮都算薄，裡面啖啖蝦肉，配上爽脆筍粒，食落彈牙鮮甜。🍄燒賣包咗偏瘦嘅豬肉，冇咁肥淋淋，仲有彈牙嘅蝦仁同冬菇粒，咬落爽口鮮滑。🥟潮州粉果內餡有豬肉碎、蝦米、沙葛、菜脯等，非常有口感，而外皮亦口感煙韌🍰穀麥糕口感有d似白糖糕，軟糯得嚟好有彈性，食落帶微微白糖嘅清甜，但燕麥味就較淡。💗燒味拼盤🥓明爐叉燒肥瘦適中，入口軟腍，食落肉味香濃，帶蜜汁香甜。🐷燒腩仔，外皮香脆，三層肉肥瘦分明，唔會肥膩，味道鹹香d就更好。🌶涼拌海蜇，口感夠哂爽口彈牙， 帶淡淡嘅麻油同香辣。💗豐料老火湯猴頭菇雪耳紅蘿蔔豬骨湯🍲性平味甘，有健脾養胃功效，適合所有人士飲。湯料非常充足，所以飲落特別清甜唔燥熱，完全冇味精，而且清澈唔油，連湯渣都好好食🥕💗杭州香醋一口骨排骨炸至外皮香脆，內裡肉質少油脂但唔會硬，鮮嫩肉味濃🍖掛上濃稠嘅香醋汁，拉起有拔絲嘅感覺，香醋汁唔會過份嗆口，帶醇香嘅甘味，酸甜比例平均，食落非常開胃，仲伴有炸薑絲減低油膩感😋💗乾隆石鍋炒飯

同媽咪去飲茶，呢個午市套餐包哂茶芥，點心小菜炒飯老火湯甜品乜都有，媽咪好鍾意，Yeah!環境舒服，天氣涼d坐室外好開揚，一定好正。燒味拼盤有半肥瘦叉燒、脆皮燒腩仔、彈牙海蜇，水準幾高。豐料老火湯，乜東東湯呢？有藥材味，好多湯料，似媽媽靚湯，媽咪都話好飲。點心拼盤有蝦餃、燒賣、粉果、燕麥糕，料足，尤其是蝦餃，好大隻蝦，燕麥糕味道似似地白糖糕，煙韌口感，好味！乾隆石鍋炒飯，材料有乾瑤柱、貝柱、脆肉瓜等等，石鍋保溫之餘，令到炒飯乾身又有少少飯焦，唔錯。不可錯過呢味杭州香醋一口骨，外皮脆糖口感包圍住排骨肉香，size適中，上碟精美，超級勁飽又好味。及後先醒起唔記得叫人上甜品就埋單走左，佢d甜品好精緻架，蝕哂😭！

疫情期間去酒樓食，其實都令人安心的，因為每木台之間的距離好大。今次同客人來官塘譽宴，兩個人坐了在台前的2人枱，真係好好的安排。午餐時間都唔少食客，不過空間足夠，所以空氣流通而且坐得舒服。午市套餐$318/位全包，見都幾多野食，就費時傷腦筋了~先來一個點心拼盤，都幾精緻，而且都有四個款式。熱騰騰都好好食，特別蝦餃做得唔錯，皮薄蝦好爽。之後來個燒味拼盤，好似西餐咁分了兩份，有燒腩仔、海哲及叉燒，我最愛燒腩仔，個皮好脆。而且唔太肥，好食。再來一個豐料老火湯，哇有花旗參味呢，另外有大雪耳，好滑而且湯又唔油，午餐有個湯飲，即刻升格左好多。杭州香醋一口骨，酸酸的好好送飯，排骨香脆可口，而且味道好開胃，配上乾隆石鍋炒飯，令人好滿足呢~呢個就是乾隆石鍋炒飯，好大鍋~而且都好多料，炒得好干身，飯好爽口，而且元貝又多又甜，高質的炒飯~!實在太大份，為免浪費我地打包了~~~甜點有椰汁糕，輕輕的剛好中和了之前食的炒飯。捧住肚子，呢到好坐食物質素都高，是午餐宴客好地方。

之前吃過銅鑼灣的譽宴，很是喜歡他們的食物。這次來到觀塘這家，感覺裝潢沒那麼堂皇但有室外空間很舒適呢！我們點了套餐，食物都分開上的，比較衛生！點心拼盤點心拼盤適合兩位，有時分開叫三件四件試不了太多。燕麥糕、蝦餃、潮州粉果及蟹籽燒賣皇各兩件。第一次吃燕麥糕原來有點煙韌，微甜。另外幾款都夠足料，不錯。 燒味拼盤海蜇微辣，爽脆，好開胃！腩仔皮夠脆，肉質夠嫩夠厚身。叉燒蜜糖味香，夠腍身。豐料老火湯一份例牌湯份量也不少，大概有七碗。猴頭菇及雪耳滋潤，較清淡，不錯。杭州香醋一口骨一口骨夠脆，香醋入味酸酸的，很香口，又不會太多骨，不錯！乾隆石鍋炒飯炒飯夠粒粒分明，味道不錯，還有很多貝柱。放在石鍋內真的吃到最後也是暖暖的呢！椰汁糕最後再來椰汁糕，上面的啫喱夠彈牙，甜甜的，完美！