富山麵家

營業中

休息中

\ 𝑴𝒐𝒔𝒖𝒔𝒂𝒏𝒅 拉麵 / 最近行銅鑼灣，發現有間店舖門貼滿Mofusand貓貓🐈原來係一間拉麵店，Mofusand係期間限定，鍾意貓貓的我就入左去食。店內大量Mofusand佈置，枱同牆甚至連筷子套同紙杯都係Mofusand😆😆，好開心 （店員都着住件Mofusand衫)拉麵都係Mofusand碗（唔知係咪Mofusand限定拉麵先係）✿ 黑醬油拉麵，$98拉麵包括Mofusand魚片、糖心蛋、叉燒？ （好大嚿肉）、炸蝦，足料👍🏻湯底似甜豉油，不錯，唔會好鹹。✿ 牛奶湯底拉麵，$98同樣配料，牛奶湯底味濃，比較鍾意依款🤭-

🐈 期間限定好kawaii 嘅Mofusand美食，我期待咗好耐。各位貓奴更加不容錯過！🤍🍜 特製牛奶拉麵SPECIAL MILK FLAVOR RAMEN 上次試過呢度嘅PC狗黑松露忌廉烏冬，今次終於有機會試埋佢哋嘅牛奶拉麵。好鍾意呢個以北海道3.7牛奶做主打嘅湯底。濃郁順滑，配料豐富：Mofusand貓貓造型魚餅、日式叉燒、天婦羅、豬軟骨、溏心蛋同心心造型玉子，賣相同味道都超級吸引！🤎🍜 特製黑醬油拉麵TOYAMA BLACK SOY SAUCE RAMEN 朋友點嘅黑醬油拉麵，湯底濃厚鮮甜，貓咪造型依然萌爆，味道同樣令人回味無窮。🐙 特製章魚燒SPECIAL TAKOYAKI 外層脆口，內裡軟嫩，章魚粒新鮮彈牙，係我食過嘅章魚燒入面數一數二！🍑 特製白桃烏龍奶茶SPECIAL HAKUTO OOLONG MILK TEA 白桃香甜清新，配合烏龍奶茶嘅茶香，甜度適中，仲有超可愛Mofusand貓貓棉花糖點綴。🍓 特製士多啤梨椰果梳打SPECIAL STRAWBERRY COCONUT SODA 草莓果肉配椰果同星星糖果鮮忌廉，口感豐富又清新，超解渴。🩷🧡💚 三色芭菲SPE

又嚟到每隔一段時間都轉theme嘅富山麵家🍜今次係中華風嘅PC狗主題，成間店以橙紅色為主調，門口仲掛住啲中式燈籠，仲有一系列嘅PC狗精品，成件事勁吸睛勁可愛😍黑醬油拉麵 ⭐️⭐️⭐️⭐️⭐️黑醬油湯底勁濃郁，熱辣辣嘅湯底配埋拉麵，簡直係冬日之選！配菜有大大塊日式叉燒、豬軟骨同埋糖心蛋，另外仲用魚蛋砌咗個PC狗屁屁🤣真係好cute好可愛🩷黑松露忌廉烏冬 ⭐️⭐️⭐️⭐️呢個PC狗烏冬打卡真係冇得輸‼️第1次食忌廉烏冬，滑捋捋嘅冷忌廉撈埋冷烏冬，配埋黑松露感覺好特別～另外配菜有天婦羅、炸雞同埋鵪鶉蛋，一場嚟到值得一試😎特製蝦餃 ⭐️⭐️⭐️⭐️⭐️PC狗造型蝦餃，估唔到味道咁高質，蝦餃皮彈牙唔會太厚，內餡嘅蝦雖然唔大但係調味剛剛好，真係可以媲美酒樓嘅蝦餃👍🏻北海道牛奶芭菲 ⭐️⭐️⭐️⭐️⭐️食完熱辣辣嘅拉麵當然要再嚟一個冰凍嘅甜品！杯中有勁Q彈嘅啫喱同埋我最愛嘅芋圓，而白色嘅雪糕就變成PC狗造型，又可愛又好食😋

去中央圖書館睇完畫展，特意到「富山麵家」打卡兼品嘗期間限定美食。期間限定的肖像是大口仔，大口仔用了大面積的朋藍色，也是我喜歡的顏色。我們的午餐：黑醬油拉麵~牛奶拉麵~，拉麵麵質爽滑，有些兒咀嚼口感，麵量也多，牛奶高湯幾特色，是可接受的，有軟豬骨、日式叉燒、紫菜及魚片，魚片印上大口仔肖像，十分可愛。特製章魚燒~魚片也有印上大口仔肖像，並插著大口仔肖像旗幟，筷子套也有大口仔肖像，小小店鋪裝潢滿滿是大口仔肖像海報和餐牌，我們用餐也沉浸在大口仔的擁抱，一個很愉悅的用餐環境，棒呀！巨峰可爾必思梳打~蜜桃可爾必思梳打~ 造型可觀和好飲，我們都很喜歡架！ 

富山麵家近年都有crossover卡通人物，今次竟然係我最愛嘅鬆弛熊身為多年鬆弛熊忠粉要帶埋屋企嘅熊熊嚟啦🥰舖頭門面、餐枱、牆壁都充滿鬆弛熊圖案，而且走少女風粉紅色，超可愛！✨特製黑醬油拉麵黑醬油湯底雖然深色但唔會太重口味，配料唔係叉燒而係豬軟骨，炆得夠腍好入味✨特製沾麵 (魚介醬油湯)沾麵配料有齊啡熊、白熊同小雞魚蛋湯底有四款選擇，分別係熱牛奶湯、魚介醬油湯、胡麻醬同味噌湯揀咗比較清淡嘅魚介醬油，湯魚介味突出唔太油膩✨炸雞拼章魚燒炸雞新鮮炸起，配埋士多啤梨醬幾特別仲有一塊熊熊曲奇，靚到唔捨得食呀😆✨特製百香果梳打 & 特製士多啤梨梳打水果梳打夠晒解渴啱晒夏天飲同店員講暗號「棉花糖」就有棉花糖送鬆弛熊期間限定主題店做到31/10想食就快啲去喇！

我以為My Melody 主題未完，仲諗住去朝勝下添，去到先發現早係今年2月就完左。就算全店冇My melody粉紅色，都打擾唔到我想食拉麵的心。因為尼間餐廳連續拎左5年冠軍，心諗應該唔差得去邊！😬 拉麵類⦁冠軍黑醬油拉麵 $85⦁北海道牛奶拉麵 $90兩碗湯底濃郁惹味，湯汁掛滿每條麵條，麵質不軟不硬。每碗麵仲有兩大塊叉燒，肥瘦適中，沒有乾柴的感覺。基本上每次日式料理，我都會留意碗中的味卵是否溏心，溏心的話，完全加分！個人推薦黑醬油味。 小食飲品類⦁富山雞翼 $48⦁肉汁滿滿餃子 $42 ⦁冷泡蜂蜜綠茶 $15⦁波子汽水 $25⦁布甸（士多啤梨/抹茶）雞翼肉質嫩滑，醬汁濃，但對我黎講偏咸。日式餃子正常發揮，外脆內軟仲有少少肉汁。冷泡茶的蜂蜜好滋潤，配上綠茶，感覺清新同解暑。最後提一提，揀晒兩隻味的布甸，抹茶味道會有層次D，而士多啤梨亦唔會好甜同好假，就算係餐廳送的都有一定質素！👍🏻 ✨餐廳推出的優惠⤷2人同行（每人）沖繩入口豬軟骨 或 士多啤梨/抹茶布甸 （2選1）⤷4人同行（每人）沖繩入口豬軟骨 ＋ 士多啤梨/抹茶布甸

用openrice訂咗公司附近呢間日式拉麵舖裡裡外外都喺melody俾佢裝修咁特別嘅少女風吸引咗 就去試吓拉麵店喺希雲街 地鐵站行過去5-10分鐘坐低我哋叫咗好多嘢食😋1個拉麵、1個沾麵2個小食（餃子🥟、雞翼）2杯嘢飲（波子汽水、凍蜂蜜綠茶）黑醬油拉麵有幾片叉燒、半熟蛋等個湯底好濃郁、唔算喊、岩岩好黃金蟹糕牛奶沾麵好大份湯底又有大大嚿嘅牛油 攪拌後牛奶同牛油味道十分夾 奶油味香 伴上有口感嘅拉麵 值得一試叉燒厚切都好大舊 肉質實淨 值得一讚係雞翼雞肉嘅肉質好嫩滑 但喺外邊好脆口 口感1流餃子都煎到脆卜卜嘢飲方面波子汽水正常凍蜂蜜綠茶重蜂蜜味 甜甜的 唔錯店員仲送咗2個甜品俾我哋抹茶同埋士多啤梨布甸都好味價錢方面 用openrice訂位有85折 約$170/位銅鑼灣地區嚟講 真喺抵食之選環境舒服 質素唔錯 整體好好 值得試試

香港人一向鍾情和風料理，對日式拉麵的熱衷程度不下於日本人，這天就一訪來自日本中部沿海城市富山縣的過江龍拉麵店 - 富山麵家。這裡是小店格局，座位不多，裝修以東瀛風的木材元素為主。餐牌主打拉麵，另有沾麵、小食等供應。今次就來個麵食黑白配，分別點了一黑一白的拉麵和沾麵。冠軍黑醬油拉麵 $95曾在東京拉麵秀中勇奪多屆冠軍的黑醬油拉麵，烏卒卒濃湯以醬油為基底，再加入雞骨、豬骨、鮮魚等熬製而成，味道甘醇不死鹹，迸發出獨有鹹鮮味更具層次感。叉燒帶有一定的厚度，脂香滿瀉，肉質軟嫩不死實。粗麵條掛湯力特強，盡吸黑醬油湯汁精華，即使浸久了也未有變軟，選了大滿足195g麵量亦是超有飽足感。黃金蟹膏牛奶沾麵 $105沾麵是拉麵的變奏，上桌時會把麵跟湯分開，但食法、味道、風格均與傳統拉麵截然不同。乳白色的湯底以豬骨、雞骨及鰹魚加牛奶煮成，享用時可把黃金蟹膏拌入湯內，於陣陣奶香中增添海洋鹹香。粗身麵條質地緊緻彈牙，提升入口的嚼勁，令每一根麵條都容易沾上creamy湯汁。富山雞翼 $48雞翼大隻厚肉，沾滿甘甜醬汁份外開胃。一口咬開肉質嫩滑，肉汁豐富。肉汁滿滿餃子 $42拉麵配餃子可說是永垂不朽的經典配搭，薄薄的餃

晚上突然食拉麵 簡單完成晚餐 在eatigo發現在1930訂位有35%off既優惠就決定去了早左15分鐘左右到 職員都俾我地入來叫餐 服務態度唔錯 大概都過左晚餐最忙既時間 店內人唔多 環境都唔錯 坐位都寬落我叫左黑醬油拉麵 標準分量 個湯底比較清 叉燒肉就兩片有點唔夠食 不過都算厚切都夠口感 個麵身煙韌唔會太軟 吸左湯底 個麵就更有味道但又唔會太鹹 整體上來說不過不失 唔算太有驚喜但試左朋友既牛奶湯底既拉麵 湯底濃又甜 私心比較推薦食啦

放學行過見到舖面幾得意，咁啱又有位就入黎坐低快食碗拉麵，睇到隔離枱碗野黑媽媽好似成碗豉油咁，唔知搞咩，好奇問問店員話係黑醬油拉麵，又話攞過幾多次獎咁好把閉，一於試下啦！醬油湯頭都幾濃郁下，心諗會唔會真係好似飲豉油咁咸架？！好在飲落去同睇落去唔同，仲飲到雞湯既甜味，清清地又香，唔試過真係會嚇死以為倒潟左成支豉油落碗麵度。麵身比較粗比較直，吸到唔少湯汁，面頭撒上好多蔥花，配上叉燒瘦肉部分比肥肉多，咬落軟嫩，份量都OK夠食，話攞獎都唔奇既！

真係不得不寫食評 免得你班傻瓜中伏 有朋友生日 佢好喜歡蠟筆小新 所以特登陪佢去食 如果唔係...銅鑼灣既拉麵店 幾時會到佢？？佢有4款麵你揀 我梗係揀最出名架啦！黑醬油拉麵～～～～一來到 好似自己係超市買一包包煮果d 再加d點綴裝飾.....一食 好濃既麵使味....再來是好濃既萬字醬油味.....即係即食拉麵啦？！失敗！再食隻蛋 咸到呢 都唔知係個湯浸到佢咁咸定佢本身浸果兜汁咸 失敗！我食完係果到飲左2杯水.....離開左1個鐘 我再飲晒1枝cc lemon....成肚水 但我個口仲好乾好kwok 大家 唔好去食 基本上呢碗係10幾蚊買到既即食麵！！