和氣食堂 (河畔花園)

疫情下都勁多人，惟有買外賣。就睇下有幾好食。1.黑豚肩燒丼其實冇咩概念豚肩係點。食落口塊肉超大塊，有4大塊！肉質非常好，因為切得厚薄適中，肉味既香又唔會太韌。而重點係果種燒烤而成嘅味道非常出，肉烤完更香，相輔相成，絕配。配上燒汁相當惹味。燒得恰到好處又唔會燒焦。濃味配白飯簡單好食。2.雜錦刺身丼刺身肥美，每件都大塊，並且厚切。蝦尤其鮮甜。蛋出奇好食，蛋香濃。刺身整體質素也不錯。芥末唔會太刺鼻，幾好。地上最強燒丼...又真係幾強…Read More

今日放工約咗個friend喺沙田圍食飯，因為河畔花園呢度都幾多嘢食。我哋兩個都好想食日本野，係 OpenRice搵到呢間餐廳就決定試下。黎到嘅時候已經係八點半，但都仲係要等位，睇落真係幾受歡迎。一坐低侍應已經幫我地斟左兩杯熱茶因為真係好肚餓，所以我哋都叫咗幾多嘢食上面嘅肉係黑豚肉，佢應該用咗燒汁去煮，食落鹹鹹地，一啲都唔乾，幾嫩個飯配左一兜泡菜，小小酸同埋唔太辣，都幾開胃本身以為係焗蠔，但原來蒜頭下面係生蠔。啲燒蒜都幾鹹，配隻生蠔食唔係好食得出蠔味呢個芝士軟殼蟹手卷超級好食軟殼蟹好脆，而且份量都幾多，配埋啲芝士同蟹子一齊食簡直一流！燒雞翼我真係幾鍾意食，佢燒得幾入味，同埋唔老，所以入面都幾滑吱啲檸檬汁食仲好味呢個烏冬係我最鍾意嘅嘢食！佢配料有隻蛋、蔥、薑、Wasabi、同埋一d好似天婦羅碎嘅嘢，撈埋一齊再點個冷麵汁，味道非常之好嗰個烏冬煮得唔淋有咬口，加埋啲脆脆，口感好豐富好好食！刺身食物都超級新鮮，特別係油甘魚好香口…Read More

依次嚟到沙田圍站附近依個日式店食晚餐🥢去到門口見到擺番嘅餐牌，食物相好吸引雖然係平日但係都幾多人等位，如果六點幾嚟可能好點。另外依度嘅店員一見到客人水杯唔夠茶，就好主動去添茶，服務態度值得一讚！非常鍾意食鰻魚呢個鰻魚卷好足料，芝士同埋鰻魚其實味道好夾，加埋鰻魚汁、飯裏面爽脆嘅青瓜及配料，口感好有層次！豚肉煎得好香口，泡菜及豚肉配合埋珍珠米一齊食，味道一流，食唔停口！炒菜好香，佢用熱辣辣嘅盤上菜可以保存菜嘅溫度。天婦羅盛盒可以俾我哋試到唔同嘅食材天婦羅嘅好拍檔醬汁當然唔少得啦我比較鍾意炸蝦天婦羅，蝦夠彈牙，配合埋天婦羅汁，好味😊燒雞翼好入味，外皮有焦香，加埋檸檬汁食中和肥膩嘅感覺😊依晚食得好滿足，下次會再幫襯！…Read More

話說之前黎過呢間食完之後，男朋友成日都話又想黎食~好啦，見佢都幾乖，就同佢又黎呢度食晚飯啦。黑豚肩燒丼男朋友最念念不忘既飯..同之前食都無咩分別，一樣係噤好食~個豬肩肉肥瘦適中，燒汁味濃，又有大量既葱同洋葱，撈埋一齊食個味道岩岩好！真心推介！三文魚牛油果沙律哈哈哈，呢個沙律男朋友唔鐘意食，佢話唔鐘意個汁既味，不過我又覺得ok wor~辣三文魚腐皮壽司呢個有d普通，食落無好叮一聲既感覺~不過佢d三文魚新鮮！好食！三文魚海鮮沙律脆脆卷唔好睇呢個壽司噤其貌不揚，其實佢好好食d脆脆簡直係精粹~…Read More

一直住在樓上都無食呢間成日要排隊的日式餐廳!炸三文魚皮超級脆口，我連條脷到界傷了！大家要小心！黑豚肩燒丼附泡菜四色魚生丼火焰黑松露左口魚邊壽司美味厚切三文魚刺身…Read More

尋晚同媽媽去沙田買野，經過河畔花園見到間日本餐廳好多人食就入去試下，試左覺得非常喜出望外，特登寫篇食記記錄一下! 呢間和氣食堂真是本區的性價比之王!! 食材超靚超新鮮~~估佢唔到~首先點左個沙律，想試下火焰左口魚邊，上菜好靚呀~~上面仲有D黑松露醬，沙律個酸汁超開胃呀!燒過的左口魚油脂熔化了，伴上黑松露醬酥香無比，口感卻爽口彈牙，魚味濃郁鮮美，連埋酸汁沙律菜同牛油果一齊食真的很MATCH，是我近期食過最好食的沙律，值得再ENCORE!!滿分!!仲要勁平，只係68蚊!!!!!唔客氣喇~~~超級好食~~魚肉又多~勁正!另外叫左個黑豚肩燒丼，賣相一流，仲配送一小碟泡菜，別小看簡單一碟配菜，我看得出廚師巧妙的食材配搭，他應該是一個味道配搭極度有天份的人，吃過一兩道菜，烹飪技巧是肯定了，但我非常欣賞這家店的美味ＦＯＭＵＬＡ，　就是說其運用食材天然味道和口感的技巧，這絕對是無可取代的ＴＡＬＥＮＴ！單吃黑豚肩燒丼是ＤＲＹ的，混入泡菜後真的令人食多左飯都唔自覺，太夾了，難怪我見隔離枱都有人入黎單點呢個都一面滿足咁食～～除了美味，呢間餐廳的食物的ＰＲＥＳＥＮＴＡＴＩＯＮ都好好，餐具靚不在話下，睇下醬汁配搭同餐具的顏色配搭真的令人視覺也有很好的享受，更能投入美食世界的誘惑！這個明太子醬蝦天婦羅外脆內軟，肉質鮮美，好正呀！仲有一定要點的是４點刺身盛，真係新鮮到無與輪比！！！！特別係個蠔，勁勁勁甜！好似在海上活捉即食咁，肉又白雪雪～一定會再黎食多次！！！油甘魚薄切配上自家製酸汁，又係一個ＰＥＲＦＥＣＴ　ＭＡＴＣＨ，配白肉魚是一流，點左口魚同樣超正！好食過就咁點ＷＡＳＡＢＩ！　廚師你真的好好野！！然後意猶未盡，仲想叫多樣野食，見個名叫＂千迴火鳥＂覺得幾過癮，就叫一碟來試試，反正都是３８蚊～～原來就是燒雞翼～～看似平平無奇，一食真的皆大歡喜～～皮燒到油脂都冇了，唔怕肥，只是香脆的感覺，肉汁卻仍然保留到，皮好薄～～真的很好食，可以一試～…Read More

今日去左沙田圍河畔附近探朋友， 順便食埋飯， 呢度附近開左好多唔同餐廳， 有台灣 越南 泰國 西餐 雞煲， 乜都有。今日就試呢間日本野， 門口有Food Gulu app可以拎定飛，不過我地早，6:30去到，唔洗點等位。入到去都坐滿左大半， 本menu 好厚， 好多選擇， 有沙律，有丼飯， 有壽司， 有刺身，有串燒。呢個茄子好特別， 加左麵豉去燒， 好香， 本身茄子冇乜味， 所以好吸味， 好香口， 可以食幾舊。個沙律叫沖繩風， 上面加左啲海葡萄， 第一次試海葡萄，冇乜味， 好似海帶咁， 配埋啲生菜， 感覺好新奇。呢個天婦羅盛合， 份量都幾多， 3隻蝦 再加幾舊蔬菜， 有南瓜， 有茄子等等， 炸得幾好， 夠香口。個黑豚飯幾好味，啲汁好濃， 啲肉吸曬， 啲肉夠淋， 配飯好好。 好開胃。 仲有啲配菜泡菜跟埋。芝士玉子燒夠厚， 入口啖啖肉， 唔會太甜。 偏實。唔會散。三文魚5味， 一款係正常乜都冇加，一款加左牛油果， 一款加左海膽， 一款加左咖哩鹽再燒，一款加左芝士再燒。 全部都好特別， 有新意。…Read More

在平日放工後，相約了一位朋友在沙田附近吃飯:)因為在平日大多數都留在新城市廣場逛街，但今次有機會嘗一嘗商場以外的餐廳了我們選擇了位於沙田圍的和氣食堂，位置方便，大約離鐵路站只有5分鐘路程。在openrice沙田區美食都有相當高的排名，我們都抱著期待的心情我們大概7:45到了餐廳，門外有大約6-8人正在等候，可見餐廳熱門程度頗高門外燈光光猛，有幾塊餐牌顯示推薦的菜色，十分清晰大概等了15mins我們便被安排入座員工清理手腳快，桌子餐具都十分衛生在進食其門，侍應也十分積極幫我們加水和清理食物，服務質素十分好，值得一讚我們點了一個沖繩風沙律🥗沙律的份量大，兩個人分享剛剛好沙律菜配合一些海藻和車厘茄味道十分清新怡人，口感也有很多層，十分有趣和開胃另外，我們點了一客呑拿魚刺身雖然只有四件刺身，但餐廳為了確保刺身的新鮮和質素，仍然在刺身下加了十分足夠的冰塊，以保持冷凍温度，誠意十分呑拿魚的鮮味十足，加上師傅每一塊都是厚切，十分滿足這個珍寶赤蝦海鮮丼的份量十足，有赤蝦、三文魚和帶子各兩件外，還有很多的蟹籽和幾片玉子蝦味十足，肉質嫩滑，三文魚和帶子都十分新鮮沒有雪味白飯與配料比例恰當，每一啖都能吃到魚生:)這個千迴鳥是出乎預料之好吃首先價錢十分合宜，份量也是十足雞翼皮燒得香脆可口，肉質鮮美多汁，有輕微辣但絕大部分一定拿接受得到我們還點了一個黑豚肩燒丼黑豚燒得十分出色，肉質鮮美，容易咬開，入口時充滿可口美味的肉汁，配合日式的秘制醬汁更加美味整體而言，和氣食堂是一間性價比十分高的隱世日式小店，餐廳小小，但食物質素比某些連鎖餐廳更高，更重要的是誠意十足，侍應服務態度十分好，必定成為我的回頭餐廳…Read More

星期二既晚上, 約男朋友去食我最愛既日本菜...今晚就選定去沙田河畔呢間和氣食堂食個晚飯去到睇落個門面, 心諗應該同其他日本餐廳D野食差不多..但原來唔係......!!!!!  D野食食落每樣都有驚喜,每樣都好好食..仲要價錢公道..平靚正! 又新鮮而且仲好欣賞佢地每個店員都好有禮貌讚!讚!讚!!!店仔細細, 但都幾有日本風味~~(平日夜晚黎講都算幾多人...)..............................~~~~~野食環節~~~~~件件三文魚都好厚，食落每種刺身都好新鮮，個赤貝食落去一d腥味都無刺身新鮮! 蝦三味壽司: 甜蝦，虎蝦，牡丹蝦一次滿足三個願望~~ 可以試到三種唔同種類既蝦壽司，good good黑松露鵝肝凡立貝卷超級推介呢個..如果鐘意食鵝肝、帶子既必定要點呢個黎食黑松露既味唔算太勁，唔會蓋過鵝肝既味道，加上飯卷入面加左青瓜絲，整體食落唔會太油膩，岩岩好沖繩和風沙律呢個沙律睇落好普通，但佢d醋酸汁岩岩好唔會太酸亦又唔會啖而無味。 加上食完個帶子鵝肝卷再食呢個，噤樣配搭埋一齊好清新。推介點帶子鵝肝卷果時點埋呢個一齊食黑豚肩燒丼呢個飯既豬肩肉瘦而爽口，燒汁味濃但又唔會太鹹.. 個飯加左大量既葱同洋蔥，撈埋一齊既味道真係令我地係不知不覺秒殺左呢碗飯推介~~~千迴火鳥最愛食雞翼既我見到呢3隻燒雞翼真係忍唔住口要食哂佢，睇落佢好似3隻普通既燒雞翼，但咬落口真係皮脆肉嫩，仲有少少辣辣地，好開胃~~~總括黎講，呢間餐廳可以話我地叫既所有野都好食，仲要無伏又唔算貴下次一定會再黎幫襯~雖然食到好飽, 但唯一覺得美中不足既地方就係....呢度無甜品食....…Read More

多年未認真的在沙田閒逛了，這天跟朋友來到河畔花園附近，發覺食肆林立，跟印象中完全不同了，轉變真的很大。偶然來到一間日式料理小店，店舖不算大，座位排列整齊，裝潢佈置應該經過一番用心配搭，舒適整潔；加上店員的服務很熱情，又見到場中食客枱上的菜式賣相亦頗吸引，頓時泛起了入去一試的念頭。入座後打開厚厚的紅色餐牌，圖文並茂頗為精彩，雖是小店經營，想不到這裡的食物種類繁多，刺身、壽司、卷物、沙津、炸物、拉麵和丼飯等等都有供應，當中很多菜式都是廚師自家創作設計，有些更是將中西不同食材混合使用的Fusion菜，看來頗有驚喜。首先點了開胃前菜，溫泉玉子牛油果凱撒沙律，清爽的羅馬生菜配上牛油果，還有蕃茄和酥脆麵包粒，撈上凱撒沙律醬，加上面頭的流心滑溜的溫泉蛋，賣相吸引。將溫泉蛋弄穿讓蛋汁流進沙律內一同進食，清新中帶點蛋香，加上軟滑的牛油果，爽脆鮮甜的菜蔬，開胃好味，感覺健康。接著來點壽司，三文魚腩壽司，三文魚腩厚切大件，刀功感覺一般，但勝在肉質細嫩鮮美，入口脂香滿腔；而飯粒富米香有彈性，飯糰黏糯結實度亦剛好，師傅握壽司的功架尚算不錯。火炙海膽左口魚裙邊壽司，海膽質素一般，經火炙後鮮甜味更濃縮；而火炙後的左口魚裙邊，魚油徐徐溶化滲出，入口軟嫩油潤，魚味濃香鮮甜，兩者配合鮮甜脂香，滿有海洋氣息。北海卷，一端上來，賣相顏色鮮豔，十分吸睛，海膽，吞拿魚腩蓉，三文魚子，堆滿在紫菜包著的飯糰上，將幾款這麽鮮美的食材放在一起，入口鮮甜鹹香兼備，設計配搭很不錯。冷盤之後終於到熱食，明太子醬天婦羅炸蝦，天婦羅炸蝦是筆者最愛的日食之一，平時一向都是蘸天婦羅汁來吃，口感軟中有脆；而這店的天婦羅蝦大大隻外脆內嫩，份量十足，較特別的是以明太子醬搭配，味道酸甜中帶點點鹹香，口感有點像食炸魚沾他他醬一般，感覺頗有驚喜，唯個人還是偏好傳統食法多點。黑豚肩燒丼，薄薄的黑豚肩肉不會太肥，燒得微焦，肉質鬆軟，油潤甘香，面頭灑上大量香蔥和芝麻，配上軟糯飽滿的珍珠米，以甜甜的日式燒汁調味，濃香惹味；佐上隨丼附上的泡菜，香辣醒胃，酸辣亦中和了黑豚的油膩感，不錯。這是用心創新的一間日本菜，將不同食材融合成自家的創意料理，不甚花巧擺盤一般，味道亦不算很突出，但勝在夠貼地人情味濃，招呼貼心，以價論貨已算不俗，難怪目測除了餐廳內差不多滿座之外，前來買外賣的街坊亦為數不少，相信定是區內街坊的其中一處飯堂吧？！住在附近的朋友閒來不妨一試。…Read More

入黎沙田睇下樓，係附近醫醫肚。揀左#和氣食堂，用APP拎定飛，行個圈就入得。叫左個#黑豚肩燒丼。肉質、口感ok，飯底就dry左些少。服務唔錯，斟水幾密，環境舒適。下次黎再試下其他。…Read More

呀Dee呢D成日中港兩地跑既人，係大陸有幾樣野係淆淆地，例如酸奶、好奇怪色飲品、雪糕、串燒同埋日本野。始終大陸去廁所郁Ｄ就坐無影凳，所以番到黎香港梗係食番上面個Ｄ野。去沙田來來去去都係新城市同隔黎幾個商場，今日女朋友就提議去吓沙田圍個頭，因為河畔樓下都好多野食好多野揀，好似有間都幾有名既沙田雞粥、乳豬飯等。但係女朋友話食日本野，行下行下畀佢個門口吸引左，見又唔係貴就去食下。一坐底佢本menu 堅厚，呢間野簡單黎講就係:你想食咩就有咩!好多日本野有既佢都有！人地冇既佢都有！沙津、串燒、炸物、剌身、手卷、壽司、拉面、飯(真心佢淨係魚生飯都成三頁，仲要有晒圖)，所以日本野黎講呢到真係齊同埋滿足晒每個人既需要，唔止三個願望，我諗多幾個都得。夜晚黎講都好好彩唔洗點等位就有，不過坐左陣都已經滿晒。溫泉玉子牛油果凱撒沙律　55元好想試下呢d fusion 野，西式牛油果搭埋溫泉玉子，究竟會點!我一開始就將沙津汁撈埋蛋漿，真係好入味!牛油果都唔兒戲真係有一片片架，用黎開胃真係一流。但如果腸胃唔好係始終食溫泉蛋有一定風險。三文魚海鮮沙律脆脆卷 55元呢D特色卷物我覺得係每一間店最應該食既野，除左魚生新鮮分野，就係睇創新卷物分野。依家好多都係加下芒果呀三文魚代紫菜咁。所以就嗌左個三文魚海鮮沙律脆脆卷，55蚊有3舊，我覺得唔算貴，因為真係好足料，佢上面就係三文魚、魚籽同埋天婦羅脆脆，下面就係加州卷，口感好夠好rich。我都一口食唔晒，同埋個味都夾得好好，食二件都已經好飽。三文魚五味　68元佢有五件(海膽、牛油果、三文魚、咖哩鹽同芝士)，我覺得最好食係咖哩鹽，係外面好似冇見過，佢咖哩味好重，加埋三文魚既甜，我覺得個口味好特別，下次黎我應該都淨係嗌咖哩鹽三文魚。但係我覺得都係偏貴芝士厚燒玉子　38元佢真係整得好厚，但係我覺得芝士味唔夠，但係佢足料，裏面冇飯黎塞滿佢，真係啖啖都係玉子。黑豚肩燒丼　68元如果大家都係68元，我覺得食個飯既性價比係最高。我成日都好唔明，飯就飯，叫咩丼物（就好似綠茶同抹茶分別），後黎發現原來唔係飯就叫丼，其實丼就係同蓋飯既意思好近似，原來係當地人好地道既一種快餐(最出名梗係吉野_但係佢都本土化出埋打邊爐)，原來丼:飯係底，之後配料（多數都係雞牛豬）擺係上面再淋埋汁，原來碗既大細都有講究，所以食之餘都要了解下飲食文化。講番個飯，我覺得佢個口感好特別，佢唔似豬，冇個種鞋口感，反而真係似牛口感，真係豬價錢牛口味。其實以前讀書都成日去沙田個邊食野，但係你去新城市上面個幾間真係貴價又唔飽，選擇真係唔算多，所以有時倒不如行遠Ｄ，去試下唔同餐廳，有時選擇仲多。…Read More