煮茶

數數手指，原來這股黑糖珍珠鮮奶熱都已經吹了兩年多，由最初台灣過江龍的老店，到現在冒起的本土小店，單是要試不同店的黑糖珍珠鮮奶，都可以讓你換數星期的餐單了。反而長沙灣、荔枝角一帶，進駐的台式飲品店/茶飲店並不多。這天經過松記糖水（天悅廣場），看到這間裝潢以黑色為主的煮茶飲品店，更以「香港首創」黑糖珍珠椰汁為招來( ´ ▽ ` )ﾉ 那就當然要試一下嚕。 黑糖珍珠椰汁（固定冰、固定甜）想不到椰汁與黑糖珍珠挺夾的，椰汁甜度調得剛好，珍珠則帶淡淡的黑糖味，有咬口，整個感覺挺特別，大家不妨試試(◐‿◑)…查看更多

去開長沙灣戲院睇戲，想飲杯野，黎到煮茶，今次我叫左一杯黑糖珍珠椰汁，名字雖然叫椰汁，飲落似係椰奶多d，將牛奶轉為椰奶以為會怪怪地，點知一d都唔會wor!係出奇地幾夾。我叫野飲通常叫少甜同少冰，不過今日唔記得左，甜甜地好好飲，但係飲到一半個陣要停一停因為飲唔慣太甜，等冰溶化左之後就更加岩我口味喇! 要讚下既係佢既珍珠，我鍾意呢款好有咬口，又夠哂煙UN, 夠擔講佢拍得住好多連鎖鋪，美中不足既係佢個蓋太厚，有Ｄ難吉穿，吉個陣會必左Ｄ椰奶出黎。價錢$27，雖然比起連鎖鋪會貴左少少，但我行開呢頭都會再揀飲返佢，因為佢值呢個價錢。…查看更多

一向飲開嘅台式飲品都係珍珠奶茶或者清茶，見到呢間飲品店，推介嘅係椰汁珍珠，覺得好特別，好奇地，所以要試一下。黑糖珍珠椰汁 $27一般台式黑糖珍珠奶茶係茶+奶，而黑糖珍珠椰汁就係用椰汁取代奶。椰汁本身帶有甜味，如果加埋黑糖，原本都諗可能會好甜，但入口竟然出奇地唔太甜喎~~~雖然用椰汁取代左奶，但入口仍然香滑，而且無奶咁膩咁飽滯，大熱天時，飲用左椰汁代替嘅茶，多左一份涼快感。只是略嫌椰汁味唔夠重，如果椰汁味可以特出D會更好。…查看更多

收工後行去深水埗經過呢間茶飲店。Menu都幾多選擇，有鮮奶、冰沙、奶蓋、水果茶等系列。而其中一項比較特別既就係椰汁系列。黑糖珍珠奶茶，黑糖珍珠鮮奶就見得多，黑糖珍珠椰汁就好少見，所以就抱住試新野同不怕伏既心態試一試。我好怕好甜既野，所以都諗左一陣好唔好試下，因為怕椰汁會太甜。不過有驚喜喎，飲落唔甜，問一問店員，原來d椰汁係自己調較過味道，所以唔會好甜。杯野虎紋效果好靚，椰奶香滑，珍珠不會過硬，好快就飲哂成杯！唔錯唔錯。推薦。…查看更多

近長沙灣的元州街，餐廳都好多嘅，但台式飲品店真心唔多。.每次行過，想買杯珍奶咬下都無飲品店。不過最後發現了這間「煮茶」，在長沙灣雲雲舊樓中別樹一幟的新式店。..黑白色的裝修很突出，與周圍的舊樓成一大對比。.飲品方面都有很多選擇，應有盡有。有classic 黑糖珍奶、水果茶，亦有抹茶、芋香珍奶等等。.但最特別的，當然是「椰汁」系列。有黑糖珍珠椰汁、椰香紅豆等。連宣傳紙都大力promote 「黑糖珍珠椰汁」，無理由不試這個吧。.香濃椰奶味，同黑糖珍珠好夾，好飲🤤而且無鮮奶咁膩，入口更清新，好適合夏天飲。黑糖與椰汁都做出「虎紋」。珍珠都煮到好有咬口。學生仲有3蚊優惠。…查看更多

今日去李鄭屋博物館參觀做偽文青，估唔到唔多嘢睇勁快行完，於是就搵下嘢食，見呢間飲品店主打黑糖+珍珠+椰汁，咁新穎一於試下。黑糖珍珠椰汁$27價錢正常，有潮流興緊嘅黑糖，仲有我至愛飲嘅椰汁同食嘅珍珠，完全為我度身訂造咁。外表都好靚，白色嘅椰汁混合咗黑色嘅黑糖造出黑白紋理。椰汁好香滑，有佢獨特嘅甜味，加上黑糖又唔會甜過頭，珍珠有咬口夠煙韌，飲到好滿足呀！呢間小店有gimmick又好飲真心推薦，必飲椰汁飲品…查看更多

🔅🔅🔅每日氣溫接近三十度行街一定要飲番杯清涼消暑既飲品～🔸第一次幫襯呢間店賣點係奶茶混搭椰汁而且係他們首創的口味🔥🔹<黑糖珍珠椰汁>奶茶底有別有台灣的用的是地道的港式奶茶🤤茶味香濃奶香也非常突出椰汁和黑糖是每天新鮮製作黑糖帶煮過的焦香不太甜椰汁卻有濃郁的椰香味兩者很搭配不搶風頭～珍珠口感Q彈煙韌🤩🔸 <黑糖珍珠鮮奶>採用新鮮牛奶製做配上港式奶茶底奶香味超濃郁😃加上黑糖的味道喝起來有點甜膩了不過味道還是不錯的😋🔹<總結>初次嘗試味道很好黑糖珍珠椰汁係必試！😝🔅🔅🔅…查看更多

👁‍🗨 黑糖珍珠椰汁 💲27坊間四圍都係黑糖珍珠配鮮奶或者奶茶，但係見到人地話呢間配椰汁，咁樣既組合都幾特別😛店家仲會每日將椰子拆肉再磨變椰汁，成件事都幾花心機時間，真係夠曬真材實料😱所以呢日去開附近整野，就順便買左杯黎一試🤗飲落有啲炒黑糖嘅焦香味，但係又唔會話太過甜，亦帶有陣陣椰香味，勝在夠新鮮同埋天然，至於珍珠都煙韌，不過珍珠就冇我預期中既黑糖味🤔呢個價錢一試無妨🔛 整體評分（7/10）…查看更多

今次因為工作需要嚟到長沙灣天悅廣場 天氣又熱 見到嗰度開咗一間台式飲品舖頭 而招牌上嘅黑糖珍珠椰汁 ($27) 同我平時飲開嘅黑糖珍珠鮮奶唔同 呢一個新產品深深咁引起我的興趣所以我就叫咗一杯黑糖珍珠椰汁 黑糖炒得好香濃 有一種好香嘅焦香嘅感覺 本身以為椰汁黑糖配搭一定好甜 但係飲落去先發現 椰汁嘅味道 唔會過甜 啱啱好 兩隻配搭起來 我覺得好好飲再望望舖頭入面 發現堆上一個又一個嘅椰子 唔怪得知啦原來用新鮮椰子下次經過長沙灣 一定會再嚟買番杯 唔使次次都飲黑糖珍珠奶茶 咁悶喇…查看更多

飲黑糖珍珠鮮奶飲到悶悶地，見到呢間煮茶有首創既黑糖珍珠椰汁，當然要飲下有幾特別啦﹗黑糖同新鮮椰汁的配搭真係幾新穎，適合有乳糖不耐症唔飲得奶既朋友，而且味道仲幾夾添﹗ 杯黑糖珍珠椰汁$27收到既時候仲係暖暖地，飲之前要搖一搖勻黑糖同椰汁。黑糖味唔會過甜，更可以突出香濃既椰汁味，椰汁飲落仲有些許椰絲。珍珠粒粒分明，Q彈有咬口﹗另外，好鐘意百香果既朋友就叫左百香果雙喜茶$25，雙喜應該係指入面既珍珠同椰果，夠晒咬口﹗加埋仲有細細粒既百香果，酸酸甜甜，飲完好開胃﹗著校服既學生仲可以優惠$3…查看更多

黑糖珍珠鮮奶熱賣左咁耐，開到成行成市，今日俾我發現黑糖珍珠飲品有新配搭！！長沙灣呢間煮茶，大大個廣告牌寫住 首創黑糖珍珠椰汁，黑糖同新鮮椰汁的配搭，真係未試過！另外黑糖珍珠奶茶都未試過，外面好多飲品店多數都係賣黑糖珍珠鮮奶。黑糖珍珠奶茶 $ 26店員將黑糖醬倒係杯邊之後先加珍珠和奶茶，雖然無班紋咁leng，但打卡一樣好睇！上下搖晃後黑糖味好濃郁，慢慢滲出奶茶的味道，吾錯😋黑糖珍珠椰汁 $ 27珍珠趙落幾煙韌 ，暖暖的黑糖與椰汁融合後，椰汁味更加香，值得一試！整體黎講煮茶真係幾好，有時吾一定要去網紅店先有正野，有時發掘下新野，好飲又可以介紹俾朋友！…查看更多

探舊同事經過長沙灣青山道，見龍寶對面新開咗間台式飲品店，所以特登試下😋呢期愛上黑糖珍珠，見鋪頭入面擺咗好多椰子，所以就決定買黑糖珍珠椰汁（＄27）試下。飲之前既指定動作就係大力搖🤣搖完之後用飲管篤落去，一篤就聞到陣陣椰子味，忍唔住飲一大啖，椰子既香味同黑糖珍珠好夾，黑糖唔會過甜，而珍珠就粒粒分明，煙煙韌韌好有咬口，正呀！舊同事就鍾意飲鮮奶，平時喺公司係攞住家庭裝既鮮奶飲，唔係細細盒屋仔型嗰種😆所以佢揀咗黑糖珍珠鮮奶（都係＄27），飲完之後讚杯飲品奶味鮮得嚟唔係死甜👍👍鋪頭係家庭式經營，下次探同事都會幫襯😊…查看更多