為食仔海鮮火鍋專門店

營業中

休息中

🐈：好耐都冇食雞煲啦😍😍，仲要係好重麻辣味既雞煲！呢間既野食選擇都幾多，除左煲底既選擇多，牛既選擇都算多。整體黎講都高質既，全場都keep住爆滿。另外值得一提就係侍應生既服務態度超級好，又細心又有耐性亦都好主動咁照顧客人👍🏻。———————————————🌟煲底-麻辣雞煲(中辣) $𝟷𝟷𝟾配料同一般既雞煲差唔多，比較特別嘅係佢有原粒蒜頭😍，我最愛！雞件好滑好多肉好新鮮🥰，份量唔少，食到超飽🤣！中辣好刺激，正。無咩可以挑剔。𓂀推介度：10/10_🌟頂級安格斯肥牛(小) $𝟷𝟿𝟾本身想叫近江牛，但賣哂😢。但侍應生好好，主動問我地鍾意咩口味最後就推介我地食安格斯肥牛。雖然係(小)，但份量都幾多，好抵食。呢款牛唔錯，脂肪分布平均，如果你唔怕肥嘅話，推介你試！😆𓂀推介度：8/10_🌟黑松露鮮蝦餃 $𝟾𝟾一碟有六粒，蝦肉新鮮，黑松露味重，夠大粒，唔錯👍🏻。𓂀推介度：7.5/10_🌟手打牛丸 $𝟻𝟾淨係睇相都睇得出佢係新鮮手打牛丸，牛味重，淥熟左之後嘅肉質會似牛肉球，好食！𓂀推介度：8/10

今日約左朋友上屋企外賣 佢話想食卜卜蜆上openrice 見到呢間好似唔錯就去試試原來白布街係好多黃店 呢間都係第一次外賣打邊爐 唔知好唔好食呢雖然外賣 但店員都請入去座住點餐同等見到店內防疫設施都好充足每檯都有酒精消毒液 又有隔板 而且調味料架都係好乾淨 就算外賣同堂食都令人安心外賣包裝都pack得好好 分開湯同蜆同埋其他料 我番去都無倒瀉仲跟埋4款調味 幾精緻咸菜豬肚卜卜蜆煲$188拎個時都心知不妙 因為好重點知真係好大兜 超超足料我個大煲都滿哂豬肚完全無豬臭味 厚切得來又唔會太大塊 好好味卜卜蜆好大隻 無沙味道好鮮甜 自己去街市好少買到呢種咁鮮用埋湯底打邊爐 真係好好味 我地差唔多飲得哂d 湯好入味 胡椒的辛口味加蜆的鮮味 真係一食難忘特級牛肩胛$148原來呢到都有好多種牛食  全部都係靚野見餐牌有好多介紹我就擇左牛肩胛 細細塊好易熟牛味好濃 非常新鮮而且份量都唔少 食左幾round 都仲有黑松露鮮蝦餃$88我朋友最愛黑松露而且又見有推介就點左估唔到好有驚喜因為平時食開打邊爐水餃都無咩特別但呢個真係好正  黑松露獨特的香氣加上爽口彈牙的蝦一口充實滿足的味道珊瑚蚌$98好大舊爽口

這間火鍋店已bookmark了很久，而且也經過門口很多次，今次終於可以跟朋友來試試。由於疫情的關係，餐廳在接待處位置已做好措施，包括量體溫，有搓手液及在餐廳門口位置放有消毒地毯，十分衛生。而餐廳亦有提供一次性餐具或已消毒的餐具供選擇，十分貼心。看看餐牌，有多款卜卜蜆鍋湯底可以選擇，店員表示最多人食是招牌、18禁同埋咸菜豬肚，既然我同朋友都可以食少少辣，當然叫一個辣鍋會開心D!18禁卜卜蜆煲，我們點了小辣，湯底越食越辣，起初覺得少少辣味道幾惹味，之後就食到個嘴都好似覺得好熱啦!卜卜蜆份量都好多，而且唔係細細隻那款，係大蜆，所以食落更鮮甜。每粒蜆肉都脹卜卜又鮮甜，而且冇沙，食得很過癮!食完蜆就可以打邊爐，點了3款火鍋配料。至尊牛拼盤，這款拼盤共有5款牛肉，包括安格斯、牛肩胛、牛頸脊、吊龍和牛柳粒!這個拼盤份量都幾多，每片牛肉厚薄適中，當中牛肉味最濃是牛肩胛，而較鬆軟的是吊龍。牛柳粒肉汁很多很惹味!黑松露鮮蝦餃，餃子都幾大粒，黑松露味都幾濃，而且蝦肉彈牙，口感十足！手打蟹子墨魚滑，墨魚滑彈牙，還能夠食到粒粒墨魚！柚子冰、菠蘿冰，柚子冰不會很甜，有種清新的感覺！菠蘿冰味道新鮮，不會是死甜，是用

旺角內街一帶其實都好多好嘢食，白布街有間打邊爐平日都好多人，好彩我上網book定位啫。呢間為食仔最出名就係食卜卜蜆煲🍲，夜晚9點半後仲無限量加卜卜蜆添😱，唔怪之得咁多人啦😎！入到去全店滿座，我哋被安排坐咗喺2樓，一坐低當然先落個卜卜蜆煲先，原來卜卜蜆都有好多唔同嘅味道，有普通招牌式、18禁🔞、冬陰公🌶、喇沙、咸菜豬肚、藥膳、胡椒雞湯，第一次幫襯，先試下個普通招牌式先啦~卜卜蜆煲好快已經送到啦，嘩！真係好多蜆呀，有蒜、蔥、如果食得辣可以加辣椒🌶，我啲朋友因為唔係好食得辣，所以我哋選擇咗走辣，將啲蒜同蔥撈埋一齊，啲蜆特別香，過咗無耐已經食得，啲蜆都算幾大粒，最重要係無沙，而且好鮮甜🥰👍。食完卜卜蜆之後就正式打邊爐，我哋點咗餐牌上有兩個like嘅至尊牛拼盤，有安格斯、牛肩胛、牛頸脊、吊龍同埋牛柳粒，估唔到份量係咁多，有3層，可以試晒唔同嘅部位，安格斯雪花紋分佈均勻，牛味濃郁；牛肩胛、牛頸脊都比較爽口啲；吊龍平時好少食得到，入口甘香嫩滑；至於牛柳粒油脂就偏重左少少，但牛味一樣濃郁👍。美國黑豚肉，肉質都頗嫩，脂肪比例唔會太多。打邊爐又點可以唔叫響鈴呢，呢度嘅響鈴與別不同，佢哋特別自家製，包咗層紫