尚素

依家都市人都講究養生，講素食，減少炭排放，呢間觀塘既尚素就真係岩曬大家喇，佢午市仲有148點心放題，超級抵，岩一家大細嘆茶咁食😋黃金蝦多士香煎芋頭糕呢兩樣煎炸既素食好香口，黃金蝦多士個芥末醬超級正超級好食，特別過街外多士既傳統醬汁～松露扇貝黑松露糯米燒賣黑松露鋪係面令d點心更加惹味，燒賣係由好幾種菜而成，口感豐富！臺式三杯猴頭菇三色菜令賣相更吸引，味道亦到不錯，令菇好似肉類小炒咁好食～四川擔擔湯麵佢用左麻醬、花生醬自家調既湯底，拉麵亦都唔霖夠彈牙，唔算辣，辣度係盈合大眾口味～甜品時間紅豆椰絲大福大福同椰絲永遠都咁夾，仲有紅豆，太滿足了！桂花桃膠雪耳桂圓紅棗水$22雪耳好爽口，我地將桂圓紅棗水溝埋桃膠一齊食有意外驚喜！大家不妨試試呢個combination!…查看更多

又是去接太太放工，她帶我去的食店就在附近，說她去過食午飯。食店在駿業街，原來是一間素食店，近來吃得多，清清腸胃也好。由於來到時大約是6時半，時間還早，店內客人不算多，但陸續人客多了，而且都已訂了位置，好在我們來得早。店內裝潢簡約優雅，飾物架上擺放著一些茶具及傳統的工藝品如鳥籠等，大門玻璃及店內的字畫都題著“尚道彌行‧素來已久”，相當清雅，想亦是店名“尚素”的由來。餐廳亦標榜“尚以健康天然，素造簡樸味美”，甚有雅興。打開餐牌見有套餐，與在大門上張貼的一樣，也就免得費神，索性點了二人套餐($388)，包括有前菜的五味人生(涼盤)、椒鹽素魷片及黑松露糯米燒賣，湯品就選了紅棗黃耳山藥羹，主菜就要了古法乳香蒸蚌片及大棗金耳羅漢上素煲，還有自家糖水(紅豆沙)及白飯，菜色有別於傳統的齋菜館。先來的是涼盤的五味人生，標誌著甜、酸、苦、辣及平淡五味，也就是中醫所說的五味，樣子就有點是模仿刺身拼盤，裡面代表甜的有爽滑的雲耳；酸的有大大朶的白木耳；苦的有苦瓜，但已經出透水，苦味不重；辣的是浸了辣椒醋的芋絲，而平淡的是爽脆如象拔蚌片的白靈菇，佐以山葵及豉油。此外還有杞子、甘筍及青瓜，菜色頗具創意及特色。椒鹽素魷片主要材料是長長的滷水豆腐，以串燒的形態上碟，但模仿味道與像真度不高，也沒有像魷魚的切花。太太最喜歡這個黑松露糯米燒賣，燒賣內的糯米煮得腍軟，還有菜及甘筍，上面的黑松露散發著香味。紅棗黃耳山藥羹以開邊紅棗、爽口的黃耳及切粒的山藥埋獻做成羹，餐廳標榜不加味精，那麼這個羹的素上湯就做得出色味美了。主菜之一的大棗金耳羅漢上素煲材料豐富，計有冬菇、草菇、蘑菇、雞肶菇、雪耳、雲耳、黃耳、珍珠筍、紅棗、甘筍及紹菜等十多種食材，味道亦很濃郁，份量也不少。另一主菜古法乳香蒸蚌片，用另一種白靈菇以椒絲腐乳及蔥花炒到一點捲曲似生腸，十分爽口，下面是金針菇及粉絲，做法也很特別。最後是日甜品是自家製的紅豆沙，看似較為稀，但食落又覺得是煲出來而並非開的那種，也不太甜。整體感覺良好，食得舒適。…查看更多

朋友一年一度回港探親，唯一條件就係想搵間方便湊小朋友既餐廳，於是帶左佢去距離地鐵站唔太遠既素食中菜試試。二人餐 ($388)五味人生可以話係我見過份量最足既冷盤，本來預期味道清淡以食材原味為主，估唔到雪耳、木耳同山藥都用上湯煮過，夠味又爽口。 蒟蒻切成魷魚狀，辣辣地幾惹味。 店員介紹中間'鮑片'要點芥辣豉油，食落索索聲有彈性，整體幾款冷盤都好滿意。椒鹽素魷魚如預期般食落似魚片，彈牙惹味。黑松露糯米燒賣黑松露醬味道濃郁，可惜食開肉餡燒賣，唔太習慣糯米燒賣粉粉地既質感，但見夾左幾款菜都幾健康。尚品素湯第一次飲素湯，湯料唔多，只撈到少少蘿蔔所以開頭冇咩期望。 估唔到用豆黎代替豬骨熬湯原來好鮮甜，同平時飲到既老火湯一樣咁香濃，朋友都大讚有驚喜。咕嚕甜酸素肉一直對扮肉既假齋有少少反感，因為唔健康又味道麻麻。 呢味咕嚕肉竟然一改我印象，麵筋炸到外脆內嫩又乾爽，似偏腍既豬肉，重點係甜酸調味恰到好處，配埋新鮮多汁既菠蘿完全食唔停口。川式龍口粉絲原煲上既炒粉絲熱辣辣香噴噴就無可厚非，最欣賞既係調味辣辣地好惹味，仲隱約食到少少肉碎，其實我直到呢刻先醒起我係食緊齋，大概素菜最高境界就是如此。一行三人驚唔夠分，所以叫多左兩款。牛肝菌香煎芙蓉鮮竹($138)現實與圖片一模一樣，除左腐竹既豆香同煎餅既香氣，牛肝菌獨有既濃郁菌香亦令人一試難忘，物有所值。黑松露松子仁炒飯 ($98)炒飯粒粒分明，每粒都沾滿香濃既黑松露醬，一啖咬埋面頭脆口既松子仁，完全令香味更上一層樓。 單單只有黑松露味難免會有少少膩，值得一讚炒飯加左蔬菜同雞脾菇粒，感覺清新。本來見二人餐菜式數目唔多，預期唔太飽肚，估唔到樣樣份量都好足，散叫多兩款實在太貪心喇，最後未食甜品就飽到要打包走人，十分抵食。第一次帶埋BB用膳，BB肚餓扭計就難免。 值得一讚由安排僻靜座位、準備BB椅去到盡快上白飯俾BB醫肚，店員都盡善盡美，態度友善，大家都稱心滿意。…查看更多

近日食得多了，今晚好想食得清淡一些，所以決定去食素。上網找到附近的一間尚素，評價不差，就去試一下吧。位置不算方便，裝修簡單，但座位闊落舒適，侍應有禮，安排座位後，立即倒茶並介紹食物。見到二人餐有75折，所以不用煩，就來一個二人餐吧。頭盤先來一個五味人生，我覺得個菜名好有意思，代表你人生中的甜，酸，苦，辣及平淡。甜的有山藥、酸的有醋青瓜和木耳、苦的有苦瓜、辣的有魷魚蒟蒻、平淡的有雪耳。是一個很開胃的頭盤。椒鹽素魷魚 素魷魚以豆腐做成，但外貌同口感跟炸魚旦相似，跟魚旦般彈牙的，再配上炸蒜粒同食，更香口。黑松露糯米燒賣, 用糯米代替了豬肉來做燒賣，賣相跟平時食開的無異，口感比較綿及軟糯，再配上黑松露醬，整體很配合。湯品可以二揀一，我們2 個人就一人一款吧。 紅棗黃耳山藥羹 & 尚品素湯。湯料很足，尚品素湯, 很清甜, 有青紅蘿蔔, 雪耳 & 少許豆，飲得出不是味精湯。而紅棗黃耳山藥羹就比較濃稠，配上黃耳, 紅棗，蔬菜粒等材料, 感覺養身。因為鍾意食咕嚕肉，所以主菜我選了咕嚕甜酸素肉，醬汁味道真是跟咕嚕肉的一樣，夠酸，一樣配上三色椒及菠蘿。而用麵筋扮作肉排的外表都幾可亂真，外皮帶微脆，肉身比較淋身。淋上甜酸醬後，更惹味。另外清清地要了一個原條竹笙百合蘆筍苗，現在市面賣竹笙比較貴，蘆筍苗又比較特別，所以這道菜值得試一下。蘆筍苗很幼嫩，幼苗沒有渣，炒得脆綠。最後還有甜品-紅豆露作結，紅豆大大粒，很淋身，還下了紅米一齊煲，所以好有咬口，又不太甜。現在的素食菜式因為手工精緻，工序多，所以明白價錢貴一些都是合理的，最緊要食得健康食得開心吧!…查看更多

今晚同老婆兩個人去了食素，素又不同齋，可以有辣、蒜等作調味，所以味道就比齋吸引。二人餐樣樣都有，而且有75折。尚品素湯：以牛蒡及紅蘿蔔等配料煲成，湯清且甜，平時自己都可以在屋企煲。黑松露糯米燒賣：燒賣裏面有些芋頭、菇及糯米，比較腍身，表面舖上黑松露。五味人生：有甜、酸、苦、辣及平淡，其實酸味就食唔到，甜味的淮山、苦味的苦瓜等，多數都是雜菌，十分爽脆。椒鹽素魷片：外面有點似腐皮，裏面質感煙韌彈牙，表面有椒鹽香咀。咕嚕甜酸素肉：同平時的咕嚕肉味道近似，只不過一個是素，但卻不比肉的味道遜色，無論質感及味道都有90%相似度，甜甜酸酸送飯一流。古法乳香蒸蚌片：腐乳味比較濃，咸味較重，蚌片即是白木耳，下面以粉絲墊底，吸收了虦乳味道。椰汁西米露：芋頭及西米都煲都很腍，椰汁味香且甜。…查看更多

這一輪經常大魚大肉，食到肚滿腸肥，是時候食些素食調理一下。這間位於觀塘的尚素，得閒無事就會過尼幫襯一下。我們點了一個二人餐，有前菜、湯、主菜及甜品，三百幾蚊算幾抵食。五味人生五味即甜、酸、苦、辣及平淡，甜當然是每個人最喜歡，但未嘗過其他幾味又點會珍惜甜味的好呢！有淮山、苦瓜、素海蜇、雲耳及雪耳等。椒鹽素魷片魷片以麵筋做成，煙煙韌韌有點似魚蛋質感，帶點咸味。黑松露糯米燒賣黑松露味道濃郁，糯米及芋頭蒸到很腍。紅棗黃耳山藥羹黃耳味道突出，而且比較濃稠，有淡淡的紅棗甜味。豆乳湯棗皇百福袋百福袋是以腐皮為袋，裏面包上些素蔬，有咬口之餘還有些豆漿香味，清新好味。牛肝菌麻婆豆腐像真度極高，豆腐嫩滑帶點微辣，還有些牛肝的香味。椰汁西米露椰汁味濃，粒粒軟綿綿的芋頭及西米，不會太甜。…查看更多

這陣子吃太多肉類，心想不如go green 一下，減少脂肪吸收，又可響應下環保。今天晚上約了人吃飯，不如就吃素吧。中海日升中心，地點不算好就腳，但就有不少食肆，任君選擇。走到「尚素」，見它曾獲新假期必食入圍食店和openrice 開飯熱店優異獎的標誌，就吸引進去了。我倆點了二人晚市套餐，菜式頗為豐富，包括前菜三款、湯品、兩款小菜、飯和甜品。五味人生這道前菜包含甜、酸、苦、辣和平淡五款代表的配菜，以比喻五味人生。配菜有甜甜的山藥、酸味的醋青瓜和木耳、苦瓜、辣味的蒟蒻、平平淡淡的雪耳和菇。椒鹽素魷魚素魷魚以豆腐造成，豆腐的口感有點像海鮮豆腐那種，帶點彈牙的。外皮脆，內裡彈牙，口感一流。黑松露糯米燒賣以糯米造燒賣，口感又綿又軟糯，配合黑松露的清香，著實不錯。湯品湯品可選紅棗黃耳山藥羹和紅蘿蔔山藥雜豆湯。紅棗黃耳山藥羹味道好清甜，黃耳有豐富膠質，而紅棗又有補血功效，這湯羹女士必試。紅蘿蔔山藥雜豆湯這素湯不加味精，成份全天然，清甜度不比肉湯遜色，加上有少少薑味，令湯品更提鮮。川式龍口粉絲粉絲辣味中帶少少酸，食落好開胃，粉絲質感好滑，味道不錯。家鄉梅菜炒菜心甜甜的梅菜預先經爆香，本已非常惹味，用來炒菜心，甜味滲透菜心之中，令菜更可口。紅棗雪耳百合糖水此為套餐包含的是晚糖水，糖水清甜而不膩，紅棗雪耳百合養生又養顏，老少咸宜。…查看更多

觀塘的工廠大廈越來越多既特別又精緻的餐廳,今次我同朋友放工約在觀塘食飯,我們都想食得健康,所以這間專食素食的餐廳係我們的首選, 餐廳裝修得明亮典雅, 地方寬敞,每張枱之間的空間都很大,坐得很舒適,入座後打開菜單,見到各式各樣的素食都很吸引,最後我們決定選擇二人套餐,因為套餐有前菜,餐湯,主食和甜品,每類素食都可以試一下都唔錯,落單後前菜首先來到,五味人生好特別,整碟小食包含甜酸苦辣平淡的味道,當中有一味好似海蜇,但其實是麻辣味的蒟蒻,不太辣但很開胃,另一味是苦瓜,咬落去很爽口,苦瓜只帶微微的苦味,容易入口,素菇好似鮑魚片煙煙韌韌,雲耳和雪耳質感柔軟,口感順滑,淮山有粉粉的口感,略略帶有甜味,整體不錯!!椒鹽素魷片係一條好闊好長的魚片,魚片上放左很多椒鹽同小小的辣椒,蒜粒和蔥粒,令簡單的魚片變得香口有味,黑松露糯米燒買內裡藏著爽脆的素菜粒,加上糯米煙煙韌韌,還配合了黑松露的味道,令燒買惹味可口!尚品素湯是一碗雜豆湯,有黑豆,紅豆,白豆,紅蘿蔔等湯料煲出來,清淡得來帶點點甜,真的很好味,紅棗黃耳山藥羹用很多湯料包括,黃耳,紅棗,山藥,爽口蘿蔔粒等煲出來,湯比較濃秱,滋補的湯最適合秋天飲,是一個唔錯的保健湯水,咕嚕甜酸素肉口感好似真肉,酸甜醬調得唔會太酸或者太甜,加埋彩椒,菠蘿一齊食真係好開胃,送飯不錯!!大棗金耳羅漢上素煲有雲耳,草菇,粟米仔,黃耳,娃娃菜,紅棗,煮得清淡突顯素菜的鮮味,唔會太咸,絕對係一味健康素食!!飯後甜品紫米露係自家製糖水,好足料啖啖都係紫米,唔會太甜,味道剛剛好,今餐食得好滿足,我們都覺得餐廳的環境同食物都十分好,下次我們會再來食過!!…查看更多

近年觀塘區開左好多講求質素及造型的素食店, 連素食法國 fine dinner 都有, 今日唔係食 fine dinner, 係同朋友黎呢間為食友界口碑唔錯的尚素。尚素裝潢典雅, 商務晚宴也不失禮。素菜賣相都唔錯, 以齋菜嚟講, 尚素價錢算係中上價。散叫價錢都唔平, 佢哋剛剛出咗個秋季套餐, 呢個秋嚐二人/四人套餐幾抵食, 樣樣有啲, 可以試多啲唔同款式素食, 二人套餐包三個小食、二個湯品、兩個主菜、兩個白飯及兩個甜品, 折實$388。 秋嚐二人套餐 （$388/75折後）小食 ~ 五味人生*百靈菇刺身 ~ 外型幾似鮑片, 拈芥末豉油食, 口感有啲似鮑片。*麻辣海蜇 ~ 麻辣醬撈蒟蒻條, 蒟蒻條香辣彈牙。*涼拌杞子苦瓜 ~ 苦瓜片爽脆, 不經調味, 微苦, 夠fresh。*鮮淮山片 ~ 鮮淮山健康又爽口, 口感食味皆好。*黃耳/雲耳~ 加咗少量許柚子醋撈, 夠清淡又有益。小食 ~ 椒鹽素魷片呢個似韓式魚片, 尚素就用走油嘅方法, 再撒上椒鹽及椒絲香蒜粒, 好香口。小食 ~ 黑松露糯米燒賣黑松露即時令素燒賣味道提昇不少, 糯米軟滑, 配上爽口沙葛粒及素菜粒, 口感豐富, 味道輕盈, 好食。尚品素湯（冇味精）素湯標榜冇味精, 今日係猴頭菇煲黑豆湯, 湯附黑豆、白豆、桂圓及紅蘿蔔等,  湯頭清甜, 素湯應該係咁, 唔使太多嘅調味料, 紅蘿蔔、桂圓及猴頭菇絕對可以令湯清香而甜美。咕嚕甜酸素肉食味比真的豬肉咕咾肉爽酸, 令齋咕嚕肉更惹味, 甜酸汁伴素肉及菠蘿, 好送飯。豆乳湯棗皇百福袋兩個福袋浸在白湯上, 造型別緻。白湯有啲似魚湯, 實質是豆腐湯底, 福袋有豆香, 餡料清新爽口, 加咗黑松露醬撈過的香菇蔬菜粒, 清而香。是日甜品 : 腐竹薏米糖水腐竹煲到溶曬, 令糖水充滿腐香, 仲有巧多薏米, 薏米煲到開曬花, 未食過咁滑口嘅薏米, 糖水也不太甜。尚素素菜有別於其他斎館, 味道比較清純, 冇咁油膩, 主張食材原味, 咁先似食齋嘛。…查看更多