鮨 央泰

.尖沙咀·東京星級過江龍職人江戶前Omakase.鮨 央泰·Sushi Hisayoshi📍尖沙咀廣東道3-27號海港城港威大廈地下G111號舖.➰今日到訪的「鮨 央泰」位於尖沙咀海港城中心地段，位置一流，秉承至東京銀座一星米芝蓮「銀座いわ」的手藝，承存壽司大師岩央泰職人匠心的宗旨，嚴選日本時令魚獲食材空運到港，保證新鮮。.餐廳裝潢以木系為主調，燈光柔和，以木系壽司吧枱貫穿整個餐室，每個位置均可欣賞到師傅的手藝。晚餐供應Omakase為主，以江戶前壽司的獨特風味為食客帶來最佳體驗。.➰ 皇·Sumeragi  💲1880/1.❀  先付け - 三点 ✥軟煮八爪魚 ⭐️4.4/5⭐️ ✥北海道毛蟹  ⭐️4.3/5⭐️ ✥香魚甘露煮 ⭐️4.2/5⭐️先付部分已經非常有驚喜，師傅首先展示餐廳的招牌名物，將北海道八爪魚呈現於我們眼前，非常震撼，經過蒸煮4小時後，醬汁已充分浸入八爪魚之中，入口軟嫩多汁，非常出色。另外還有北海道毛蟹及香魚甘露煮，前者佐以柚子酸汁啫喱，令毛蟹的鮮味更為昇華，後者將魚骨煮至軟化，入口層次豐富。.❀  さしみ - 二点   ✥ 九州深海池魚·象拔蚌 ⭐️4.3/5⭐️ ✥ 燒平貝 ⭐️4.3/5⭐️刺身部分有來自九州的深海池魚及象拔蚌，深海池魚肉質細膩濃郁，象拔蚌鮮甜爽彈，兩者都非常出色 ; 師傅將平貝燒至表面稍稍焦身，保持內裹肉質鮮嫩，兩種口感令層次更為提昇。.❀ 燒物 ✥ 燒鷹鯧魚 ⭐️4.3/5⭐️鷹鯧魚選料上乘，並無養殖，經灸燒處理過後令魚味更為香濃，突出豐富魚油，入口肉質結實 ，搭配蘿蔔唐辛子，更為順滑入口。.❀ 握壽司 - 八貫 ✥ 左口魚 ⭐️4.3/5⭐️將裙邊炙燒處理迫出濃香魚油，入口滿足滋味。 ✥ 秋刀魚 ⭐️4.4/5⭐️正是秋刀魚豐收的季節，肥美肉鮮，味道濃郁豐厚。 ✥ 北海道北寄貝⭐️4.3/5⭐️北海道北寄貝選料優質不在話下，經灸燒處墜更散發出海洋咸鮮調味，出色。 ✥ 春子鯛 ⭐️4.2/5⭐️清淡雅致，細膩柔和。 ✥ 長崎縣赤鯥 ⭐️4.3/5⭐️赤鯥味道濃郁，口感爽彈中帶出魚油魚香。 ✥ 鹿兒島車海老 ⭐️4.4/5⭐️車海老色澤鮮紅亮麗，品質上乘，入口爽彈愉悅。 ✥ 燒拖羅 ⭐️4.4/5⭐️將肥美的拖羅炙燒處理，魚油魚香滋味倍增，入口幸福感滿滿。 ✥ 穴子 ⭐️4.3/5⭐️細嫩柔軟，入口稍為咀嚼已然吞嚥回味。 ✥ 海膽 ⭐️4.4/5⭐️重頭戲主角選用北海道馬糞海膽，鮮甜濃郁回味，配搭爽彈紫菜一同入口，層次感一流。.❀ 玉子燒 ⭐️4.3/5⭐️師傅親自烹煮，蝦肉、魚肉、蛋調配而成，不含麵粉，口感輕盈鬆彈，一試難忘.❀ 椀物 ⭐️4.2/5⭐️❀ 甜品 ⭐️4.3/5⭐️最後奉上碗物及甜品作結，時令蜜瓜非常清甜。.➰總結餐廳以江戶前Omakase作主打，師傅功架十足，對每道菜色掌握純熟無比，令每位客人都體現到師傅日積月累對江戶前壽司的職人匠心，菜單亦會隨會四季不同而變更，推薦與親朋好友到訪這個令人難忘的江戶前壽司之旅。…查看更多

表妹近年申請咗張「滙豐卓越理財信用卡」，其中最具吸引力嘅就係全年可於指定食肆享用買一送一嘅餐飲優惠，好多仲要有星星架，所以半價絕對抵玩！嘻嘻，小肥表哥同表妹感情咁好，不時都有機會做「送一」，舊年暑假就過咗海一試由銀座開到黎香港嘅壽司店「鮨 央泰」。位於尖沙咀嘅餐廳傍晚準六時開門。落地玻璃窗同室內以木為主嘅間格時尚簡樸得黎自然地流露出日系和風。店子中央為師傅嘅大舞台，光鮮企理，衛生非常。當晚為兩口子備製魚生嘅係Raymond師傅。每位席上擺有自用嘅筷子，埋位即有熱茶及熱毛巾。由於信用咭優惠只適用於指定嘅「忍冬」廚師發辦晚餐（$2,380/位），所以不用費神點菜。兩隻酒鬼只需從電子酒牌揀選佳釀。應推介開咗樽「釀し人九平次 纯米大吟醸」（$1,080/樽）。季節限定嘅日本清酒芳香馥鬱，配上妹妹仔預先雪凍咗嘅白酒杯，炎炎夏日尤其清爽！先付け – 五點：晚餐正式由前菜拼盤作序，右手邊隻杯仔內有味淡腍身嘅昆布水茄子、左邊嘅磯粒貝則煙韌有嚼勁、上方件門鱔南蠻漬就最唔啱細佬口味，勁酸且有幾條細骨。接著嘅九州黑鯛刺身用黑色嘅碟盤上，唔知係咪要專登襯返個名呢？！應建議用魚肉捲入頂面啲薑蓉同木之芽葉仔，再黏上秘製嘅蕃茄紅椒醬一啖過食，效果酸甜甘香，但感覺似食汁多啲，魚魚只能淪為配角。小碟中嘅鰹魚二重奏就似乎重口味咗少少，除咗兩件都偏咸之外，左手邊輕輕燒過嗰件帶有一陣強烈嘅煙燻味，幸好連同白雪雪嘅日本嘅新洋蔥絲食可以略為中和返；個人反而比較鍾意右手邊以醬油醃過嗰件，起碼質感柔滑得多。轉入壽司環節前，先有爽脆嘅淮山、蕎頭、薑粒，三款漬物均無限添加。握り寿司 – 十二貫：Raymond師傅講明所有壽司都已調好哂味，如果覺得唔夠咸都歡迎食客加點醬油。為方便貴客用手進食壽司，每人都派多條濕巾抹手指。第一件呈橋形嘅北海道帆立貝壽司爽脆得黎滲出青檸香，醒神又醒胃。師傅好神秘地介紹第二件為一種好特別嘅「鯛魚」，叫XO仔食後品評過感想佢先加以說明。真係冇諗到外表最平庸嘅「鯛魚」油潤得黎散發出陣陣果香，兩老表就懶醒咁估魚身上搽咗層果汁啦，師傅即開故此魚為源自愛嬡縣嘅蜜柑鯛，得此其名全因其飼料內含蜜柑，如果魚魚夠肥，當中嘅油脂就會洋溢著芬芳嘅蜜柑香，堅有驚喜，實屬整晚之最！黑邊白肉嘅深海池魚壽司厚潤肥美。呈半生熟狀態嘅牡丹蝦壽司Q彈潤澤，頂面以炒香咗嘅蝦膏點綴，組合契合惹味，蝦身爽脆尤甚。油光亮澤嘅北海道櫻鱒壽司魚味清香，肉質柔潤細緻。不經不覺已經食到中間位，跟住嗰兩件壽司都係由同一條熟成咗嘅沖繩吞拿魚度切出黎嘅，只係不同部位及不同調味。第一件赤身壽司厚潤得黎柔韌度較高，當中夾咗片紫菜令魚味明顯濃郁突出過平時。第二件唔講真係食唔出佢係中拖羅，因為絕冇溶喺口，雖則唔可以話佢嚡，之但係好似食得到啲魚紋咁，其魚味濃郁得黎係咸咗，而並非鮮咗，甚為失色！擺盤好似成幅畫咁靚嘅汁煮北海道水八爪魚厚肉爽彈，吸盤位置尤其脆嫩幼細，就咁食最食得出八爪魚本身嘅鮮甜，點上附配嘅山葵會香啲，但加點柚子胡椒就太搶。銀光閃閃嘅手釣池魚壽司鮮爽肥美，莫非一定要手釣先咁油潤？！凹凸不平嘅北海道北寄貝壽司爽就夠爽口，唯一當中嘅椒香味似乎蓋過咗北寄貝嘅鮮味。鹿兒島車海老成隻手掌咁長，睇頭十足！壽司握好後好型咁掛於碟邊。橙白紋理鮮明嘅靚蝦肉肥爽厚，超強呀！熱辣辣嘅茶椀蒸內含菠菜及高野豆腐，蛋蛋香滑得黎好夠湯汁，因為上面加咗肥嘟嘟嘅節令芝海老肉及其打造咗嘅芡汁，倍添爽甜與鮮濃。焼物：兩片厚厚嘅鮫碟魚西京燒魚油豐沛，不用咀嚼已滑嫩得絲絲入扣，細膩得很！直接從師傅手接獲嘅北海道馬糞海膽壽司卷一啖放入口，脆薄嘅紫菜皮層即化於舌上，海膽嘅細滑濃甜直迫齒頰間嘅縫隙，爆！由於之前食頭盤時食鱔鱔已經差啲哽骨，酒精影響下陰影更難消，所以壓軸上陣嘅長崎海鰻壽司就轉贈咗俾鱔后表妹。玉子焼き：貌似海綿蛋糕嘅玉子燒完全冇麵粉嘅成份，除咗蛋蛋同蜂蜜之外，竟然混入咗個用海鮮淆製嘅鰹魚高湯焗出。平心而論，玉子燒鬆就幾鬆軟，不過自己食唔出任何蛋味，唔咸唔甜怪怪地咁，或許個高湯有啲喧賓奪主？！椀物：赤麵豉湯味道偏咸且唔夠熱，未能暖胃實為大忌也！デザート：可能喺雪櫃放得太耐，日式蕨餅微微偏乾同開始有啲硬化，唔得柔韌黏潤。日本過江龍壽司專門店「鮨 央泰」環境雅緻，服務生專業周到，師傅仲一啲架子都冇。壽司高質味佳，可惜非壽司類菜式嘅質素卻頗為遜色，包括前菜、湯湯、甜品等，廚房失手難免會殃及池魚，直令廚師發辦晚餐整體分數下降，如果唔係有信用卡嘅買一送一優惠的話，$2,380/位依個價位實無說服力！…查看更多

由日本東京米芝蓮一星餐廳「銀座いわ」創辦人岩央泰及其弟子金子司主理的過江龍鮨店「鮨 央泰」，選址在尖沙咀的海港城落戶，開業已有一段時間。主打最正宗、最優質的老日本風格江戶前壽司美食。江戶前風格是指師傅保留了日本傳統的壽司做法，於食材上不會添加太多調味或花巧性點綴，簡樸直接地帶出本味。.餐廳裝修秉承日本人一絲不苟的傳統，落足心思。地方闊落光猛，希望能為食客帶來愉快的氣氛。用餐區的吧檯位選用了高質、由日本直運到港的原條大檜木，用料相當矜貴。餐廳表示日常會以牛奶、米糠等熱敷，為餐檯作保養。.今日有幸得到主廚金子先生親自招待，不諳日語的我們全程得到職員翻譯，所以不用擔心溝通問題。職員告訴我們，金子先生的工作經驗非常豐富，來港前有在澳門、泰國、西雅圖等地工作，希望能助食客們了解日本傳統的飲食文化。.➰ᴏᴍᴀᴋᴀꜱᴇ ʜɪꜱᴀʏᴏꜱʜɪ 央泰➰ 💲2680✿ 前菜 五點✿ 刺身 三點✿ 燒物✿ 季節性食材料理✿ 壽司 八貫✿ 卷物✿ 玉子燒✿ 湯✿ 季節性水果.—-✿ 真鯛白子白子配上燒汁醋和日本大蔥。忌廉感重，質感肥美柔滑。.✿ 鰤魚✿ 鳥貝北海道的「天上鰤」魚刺身，油脂豐富。配上豉油及芥末，香氣風味濃郁；鳥貝則清新爽口，可配青檸、亦可紫蘇花、醬油一起享用。.✿ 北海道毛蟹✿ 北海道鹽水海膽賣相精緻的毛蟹加鹽水海膽杯，爆量的蟹肉相當鮮甜。.✿ 子持魷魚子持魷魚是季節性食材，一般只在三到五月期間出現。雌性魷魚肚內有大量魷魚籽。師傅將魷魚觸鬚釀於魷魚肚內再慢煮。魷魚籽口感黏糯，配搭鮮芥末及柚子胡椒享用，柚子胡椒味道較強滿刺激。.✿ 紅酒慢煮鮟鱇魚肝整個的鮟鱇魚肝，加以紅酒釀製，以約六十多度滾的湯來慢煮。面配搭了一點奈良西瓜漬物。奈良著名以瓜、果作漬。這款漬物是用了初生的西瓜配製，味道較濃重，伴著鮟鱇魚肝及一點芥末一起享用，效果最佳。.✿ 螢光魷魚天婦羅魷魚天婦羅配以菜之花碎，加上自家的高湯作芡汁。.✿ 蝦夷鮑魚北海道蝦夷鮑魚，加上鮑魚肝醬來伴壽司飯。蝦夷鮑魚滿彈牙，加上濃郁的鮑魚肝醬，是邪惡的美味。.✿ 金鯛立鱗燒燒物是金鯛立鱗燒。師傅保留金鯛上的魚鱗，以滾油一片片的將魚鱗加熱。魚鱗受熱後造成捲起的效果，魚肉滑嫩魚鱗口感香脆。.手握壽司包括：✿ 真鯛 - 鮮度十足，肉質一流；✿ 剝皮魚 - 加了點魚肝於中間；✿ 針魚 - 屬於銀身魚，中間加了紫蘇及薑蓉平衝味道；✿ 宮城縣鹽釜 中拖羅 - 鹽釜是日本知名的鮪魚產地。中拖羅做了兩星期的熟成，外層色質帶暗啞，是熟成的效果；✿ 宮城縣鹽釜 大拖羅 - 同樣是做了兩星期的熟成。赤身魚需要經過熟成處理的原因主要是想等脂肪轉化為優質的胺基酸，使魚的味道更突出，肉質更軟腍；✿ 赤鯥魚 - 屬深海魚、脂肪較豐富魚種。主廚金子先生先輕炙魚的表皮，使皮下脂肪融化後更香口；✿ 鮮北寄貝 - 北寄貝表層經過輕炙，再加上一點海藻鹽，帶出層次鮮味；✿ 鹿兒島車海老 - 鹿兒島的大蝦壽司，鮮橙黃色的車海老，肉質鮮甜爽脆；✿ 北海道赤海膽 - 色質如黃金般的橙黃。味道鮮甜，口感豐富。對比鹽水海膽，少了海鹽的鹹香感，味道更柔滑；✿ 汁煮海鰻 - 最後的是海鰻壽司，海鰻的味道相對較清淡軟熟。配上以海鰻主骨，再加上醬油調製的醬汁，鮮甜度高。.✿ 捲物吞拿魚蓉捲物 - 加上黃蘿蔔粒及紫蘇，增加口感。.✿ 玉子燒這款玉子燒以一整板切件，是傳統江戶時期的玉子燒版本。玉子蛋漿內加入了蝦、帶子及白身魚等海鮮調味。熱時有豐富的蛋香味，放涼後滲出了淡淡的海鮮味道。.✿ 大蜆清湯.✿ 靜岡縣皇冠蜜瓜時令的頂級皇冠蜜瓜，甜度爆錶。.…查看更多