霞飛點心拉麵

因為考試肥髀放早！我又放假，約埋班師奶一齊飲茶，本來想食赤柱廣場另一間，點知有公司包場，攞唔到位，咪轉去呢間，去到剛剛開門，個場只有幾枱客，我哋坐中間圓枱，靠中間一個飾物架，地方闊落好坐，我們叫了嘢食，因為有朋友未到，所以同店員講「叫起」，只上住小食先！鎮江肴肉肉唔會好實，啫喱唔硬，但肉及啫喱唔係黏得好實，有兩件我一夾就分開！點醋好食！雞絲粉皮好簡單嘅小食，粉皮陣牙，雞絲無乜味！麻醬唔會杰到漿口，撈埋一齊好味！京式炸醬拌麵個醬過甜，麵太淋，撈埋一齊食變「甜醬撈麵」 雪菜肉絲炒年糕：雪菜絲咸香，年榚片煙韌，味道清爽！好味！招牌小籠包：點餐紙寫要兩籠，落單只落一籠，我們上枱先知，店員話幫我哋補單，我們拒絕了，又有其他嘢食，唔想等多20分鐘，味道幾好，一大啖湯汁，皮夠力無穿！招牌都出事就大件事！紅油抄手：完全唔掂，個雲吞應該好味的，皮薄又有肉汁，但個醬唔得，好咸，又無辣味（連完全唔食辣嘅朋友都話唔辣！改名叫「咸油抄手」算喇！ 老上海燻魚：魚塊炸得透，肉質煙韌，忟得入味，醬汁偏甜（但可接受）似食甜炸魚！蒜泥白肉：白肉片肥瘦相間，又薄又晶瑩，但醬汁又係唔辣，好咸！ 韮黃肉絲兩面黃：炸麵餅好脆，但個肉醬好好好咸，大家試咗都話好咸，6個人分都咸到食唔晒！ 三鮮鍋貼：三隻炸鍋貼，懶形格用一隻長方形碟反轉上枱，但又唔唸下自己又包得唔好，三隻有兩隻都爆口，湯汁流晒出來，而且好明顯睇到個底皮唔係煎，係成隻炸，無咗鍋貼底皮脆，上面煙韌嘅皮，結果外皮好硬，入面湯汁又流走，點會好味！ 凍豆漿：味道正常，好大杯！店員態度愛理不理咁，唔舉手唔會加水，兩個鐘無一次係自動加！叫到先做！ …查看更多

星期六行著沒事做， 見幾年未入過赤柱去赤柱走走， 兩個人兩點半去到赤柱看見有 導盲犬做推廣看了一会，唔好掛住睇狗狗， 應該是食咗嘢先慢慢行， 因為比較熱， 唔想食露天茶座等的， 第一時間上電梯入商場，就見到霞飛， 見到係上海野我地又o岩口味～睇睇錶3點左右，因門口玻璃反光，我看看裡面有人，便進去了， 可能因為是下午三點的時候， 只有有兩枱客人，但週六都咁少人， 會唔會唔好食架， 但好多店人多未必好食既， 所以唔好人多人少來定。坐下來的時候，給了一壺茶， 不像酒樓茶沒有得選擇要什麼茶， 一飲無味既，唔好飲， 飲清水好過， 在超市買最平既茶包到好人過佢， 打開茶壺的蓋一看真的是茶包 ， 可能係用最cheap cheap嘅貨色 ，7蚊一位茶， 普通價， 以食品及裝修格局 ，但用茶包有點兒那個叫左三樣野～ 雞絲粉皮，涼拌木耳，雪裏紅蓮藕炒年糕两個女仔剛剛好唔洗太飽上菜勁快17分入單粉皮雲耳在3分鐘內到應該係呢两樣嘢只需在雪櫃攞出嚟就得涼拌雲耳 ～以為他在雪櫃拿出來因為好快就到， 成落口唔凍的， 味道夠入味，因為夠濃，但好好好甜，愛甜的人就一流了， 我本人認為涼拌應該要有少少酸或辣， 這一個涼拌木耳不酸不辣的雞絲粉皮～ 因為好細碟， 有少少唔夠食， 三樣野呢樣最啱我口味，麻醬稀咗dd但都夠味雪裡紅蓮藕炒年糕～ 因為係第三樣嚟，都係等咗7分鐘左右 ，都係好快到，因為 粉皮和雲耳都好細碟 所以比 想像中大碟蓮藕片 砌得好簿但得幾片味道算適中，唔算太淡，加點醋食，仲好味 另外點解話服務不佳呢！ 因為待應有幾個人的， 而計埋我地只有3枱客人，之後好似再嚟2枱，應該共5枱 客人，但呢度係食中式嘢， 茶壺雖然算大， 我們坐著卡位， 客人唔多又容易看到我地， 茶壺蓋拿起也沒有人來添水， 我們掛住吃東西和傾計， 所以也沒有留意他多久沒有幫我們添水…查看更多