霞飛點心拉麵 (已結業)

Had heard of this before but never tried it!There are mostly western restaurants in Stanley, and this is one of the two I saw for Chinese food (p.s. and the only shanghainess one).It was super hot so we only ordered appetisers and soup.Crystal-pork (Jelly-O pork)It was a bit too salty, but overall was okay. The pork flicks were firmly sticked together by the jelly which was the collagen of the pork broth itself after hours of boiling.Drunken ChickenPut into the Chinese Yellow Wine for hours, or

家人生日飯，由中午到赤柱食飯開始，先來個上海菜，飲啖茶食個小籠包。先來小食，肴肉正常，好食的，配醋好夾，而燻魚就個人覺得鯹了一點，未夠濃味。灌湯牛肉餡餅，的確有好多牛肉汁，外脆內濃味，Ok。京蔥爆牛肉都算對眼，味道都可以。但蔥老了點。鱔糊炒拉麵就有點失望了，只有好少的鱔糊，以為自己食緊上海粗炒，但鱔有雪味，所以都係一般。小籠包睇圖都見皮厚，食落少肉少湯呢！ 平時一家四口都可以食2-3籠小籠包的，今次只食了一籠就知咩料啦！價錢唔算平，性價比就好一般般，在赤柱應有更好選擇

中午既時間先來到赤柱的芬蘭節，所以決定食個午餐先再慢慢行，左揀右揀都係決定去食下點心，地方乾淨，環境都好靚，就係霞飛點心拉麵啦～我地好快被安排到卡位坐，我地睇左餐牌好多上海美食...正呀～最後我地叫左3個麵+小籠包....小籠包皮厚，麵一般般，服務太度唔得只好期待芬蘭節的美食

今午初到赤柱飛霞一試，很失望！小籠包皮很厚！肉太實冇肉味！湯少！上海粗炒麫身稍硬！得色水唔入味！冇鑊氣！感覺似微波爐番叮！未食過燻魚會加微甜醬汁在魚上！燻魚冇味！煎牛肉餅夠熱，有肉汁但冇味！酸辣湯料少有如飲獻水！茶、茶包细小一個！水太大壼味淡！很失望！冇下次！拜拜！

由於和朋友們去完離島遊玩，已經十分疲倦，真的不想去任何餐廳排隊等候，或者去吃快餐連鎖店！所以第一時間想到赤柱廣場有中式料理「霞飛」，立即上一樓👀！到達時間已經15:30，服務員提醒我們16:00前要落order, 16:30前結賬，我們覺得如果我們每個人order一碗麵，然後再order一些小食share大家分享，應該可以準時交枱！每碗麵都用一個大大的碗盛裝，而且味道及肉質很好！菜肉餛飩配清湯，雖然簡單，但很好味！鮮肉小龍包，皮比較厚而且汁少，有點失色！

嗰日好凍, 好唔容易搵到間餐廳坐低。一諗起,就想食最愛嘅小籠包。一啖食落口, 最鮮味嘅唔係肉, 竟然系裏邊嘅湯汁。簡直好鮮甜, 淨係嗰個感覺已經滿分。嗯，塊皮做得好薄,但好口感。我不知道裏面是否豬肉, 但好美味。相反, 環境唔錯好大, 不過上菜比較慢。

霞飛而家只此一家喺赤柱， 價錢非常合理，仲要係赤柱呢個咁寫意既環境，我哋坐得好舒服，寬敞靚裝，啱我!鮮肉小籠包: 肉汁好夠，一咬落去流曬出嚟，而且味道係好香，唔新鮮做唔到咁多汁同咁甜既肉味! 唔怪得佢叫鮮肉小籠包啦😂 真係名副其實! 不過略嫌佢啲皮唔夠挺身，個外表爭咗少少。而醋同薑絲個窿度恰到好處 。雪裏蕻蓮藕炒年糕: 爽脆嘅蓮藕加雪菜再加火腿，鹹鹹哋炒出嚟效果好好。年糕又非常煙韌， 成個口感好得，因為又脆又煙韌撈埋一齊。灌湯牛肉餡餅: 佢係用蒸嘅方式跟住放牛肉喺裏面煎，一咬都係好嘢味。其實我都特別喜歡牛肉包用煎嘅方法去做，就係囉佢香上家香嘅味道同口感!

We ordered different dishes. most of them are okay but there are two dishes  were not up to standard. the 'braised tofu with brown sauce' (紅燒豆腐) is terrible and very disappointing... the tofu is not fried (in fact its the first non fried 紅燒豆腐  we've ever seen in HK!) and we could see the mark ' 百福 ' clearly when it was served ... the inside of the tofu is not hot at all. i guess the chef just poured the so called 'brown sauce' over the '  百福  ' tofu, which was taken out from the fridge. The othe

已經不是第一次光顧霞飛,只係今次一個人中午時份來吃, 感覺上還是早幾年前的霞飛 味道比較好吃,今日自己一個人,只係叫咗一籠小籠包 加 一個招牌大排擔擔麵, 先講講小籠包,味道只值 50分,已經沒有味覺上的驚喜 ,同時間亦沒有失望, 只是填飽個肚, 至於 大排擔擔麵都應該有 60分,排骨是新鮮即炸,湯底夠香濃、夠惹味,面身好滑溜,亦有少少彈牙,相比幾年前的霞飛,已經遜色了不少,分店亦已經買小見小,不過侍應服務是很有禮貌的, 希望此店能夠維持下去,因為始終曾經留著我的一點美好回憶。

周末我最鍾意行山洗滌心靈今日，走過犀牛角呢條路唔算難行不過算10分驚險我最近幾乎每星期都行山用嘅都係體力不過今日用嘅係膽量行路唔多、不過嚇餐飽膝頭瘀晒、指甲崩咗、手指又有小傷口我想問個冷氣地方食午飯我對中環人對於霞飛會館當然好熟悉行政午餐，每人三舊水不過來到赤柱有另一間霞飛地方企理、環境唔錯當然要一試大牌粗炒（豬扒烏冬）個豬扒好好食佢冇用到檸檬汁或者粉去「那」，但係肉質都好好味呢個砂鍋雲吞雞，我冇食到雞，雲吞可以呢個糖醋排骨好好食唔係好多肥肉夠酸又夠甜最重要係佢譴汁唔多醒胃得黎唔會太多味精楊州炒飯好正常呢度啲嘢味道唔算好特別正正常常冇驚喜可能行完山特別覺得肚餓食嘅時候覺得特別好食諗翻起佢最好嘅地方應該係佢上菜夠快而且每一道上嘅菜都好夠熱三男兩女一行五人人人食到捧住個肚每人150細細個成日覺得赤柱食嘢好貴香港通脹慢咗？定係人多所以抵食啲？

今日同肥髀去赤柱閒逛兼食午餐，星期日好多人，最後揀咗呢間，都要等5分鐘先可以入座，比咗張大卡位我哋兩個！圈好落單紙！食物好快到！鮮肉小籠包（4隻/$36）好多湯汁，熱辣辣，加咗啲黑醋仲好味！餡料豬肉滑身唔嚡！皮有力唔會穿！好味！紅燒牛肉麵（$62）第一次試呢款，上海幼麵滑，湯底太淡，牛肉炆得入味但太爛，大塊嘅幾嚡！肉塊纖維粗！醬汁味道濃！一般酸辣湯（1位）（$45）無唸過一碗湯要$45，湯酸酸地微辣，豬紅滑，荀絲及木耳爽，不過好多辣椒皮，一路食要一路揀出來！味道正常但唔值呢個價！鎮江肴肉（$62）肥髀最愛，今次有啲失望，啫喱滑但唔夠力，有幾件一夾散開咗，肉比較實！一般！凍豆漿（$14）夠凍濃味！唔過甜！店員爽手！上菜收碟爽手！不過唔細心，上鎮江肴肉時無比碟仔我哋！收銀姐姐有笑容！食物一般，價格唔值！

星期日同媽咪，家姐，老公喺赤柱，媽咪想食水煮牛肉就嚟咗霞飛砂鍋雲吞雞，我好少食到好食，出面食過好多都偏鹹，呢個味道啱啱好勸喻 唔食得辣嘅唔好點呢個餸，真係好堅同好足料，肉又多，芽菜又好多炒鱔糊，好好送飯

第一次食很難忘，山長水遠再次入到赤柱品嚐。食物即叫即整，上到枱上熱騰騰的。首推牛肉餡餅和紅油抄手，牛肉餡餅係我再次番去既原因。牛肉餡餅超多汁，一咬落去即刻咇曬出黎！外皮鬆軟，餡料味美，一試難忘。紅油抄手的紅油不太嗆喉不太辣，適合像我這樣不能食太辣的人仕，有些餐廳的抄手內的餡料可能有陣怪味，這裡的抄手並沒有怪味，而且皮不太硬，當中餡料亦新鮮足夠，紅油與抄手不謀而合地成為絕配。

假日肥髀赤柱閒逛，天氣好熱，佢想食上海菜，赤柱上海菜只有呢間在赤柱廣場內，唔使等位！店內光猛，中式設計！幸運坐到卡位，店員放低茶壺及餐牌！星期六無特價！全部散叫！食物好快到！蘿蔔絲海蜇皮（$65）紅撞黃，幾搶眼！海蜇幾多！有咬口煙韌！蘿蔔絲切得好幼細！無乜味，增加少許脆口口感！汁料微鹹清爽！好味！雞絲粉皮（$62）雞絲粗身無味，粉皮彈牙，加少許青瓜絲脆口，麻醬杰身麻香！好味！灌湯牛肉餡餅（$40/3隻）細細個，外皮好脆，無漏汁，已經等一陣先食，入口依舊好熱，餅內嘅湯可以倒滿一湯匙！好香濃，牛肉好清唔乾！好好味！老上海粗炒麵（$72）粗麵彈牙，汁料濃，但汁料入唔到粗麵內，所以唔夠味，又唔夠滑，咬鹹味麵粉咁！椰菜淋身唔爽，肉絲正常，但麵質太粉太乾！最失望呢個凍豆漿（$14）夠凍，豆味唔濃！正常！茶位（$7）夠熱幾香茶味！消膩幾好！店員比較cool,雖然有問有答，不過唔殷勤！上海菜嘅上海粗炒唔得！好難接受！

由它一開的時候, 已經有光顧了, 那時的用心制作, 人工手拉的拉面, 味道的用心, 現在已經變成過去, 拉面用來貨, 沒有咬口, 味道亦不香, 湯還ok, 小籠飽 : 一般, 肉汁不多, 生煎飽 : 好似油炸一樣, 肥肥的, 真的很懷念以前的手工拉面, 那吸引我的霞飛在哪裡??