花羨沐嵐 (已結業)

又一間台式飲品店開係加連威老道，之前聽朋友講話呢間的黑糖奶茶幾好飲。但因為今晚食完飯已經好飽了，所以就揀選了其他飲品試下。店舖位於近尖東果邊的加連威老道，舖面裝修睇落都幾靚，仲要有個位俾你擺飲品影相呃like!鳳梨青茶，淨係睇佢個樣以為係普通加左茶既菠蘿汁，但飲落去原來係有菠蘿肉的，菠蘿整得細細粒，方便用飲管啜黎飲。個茶本身唔係好甜，不過菠蘿就有糖水的甜味，所以兩者加埋一齊飲就有種酸酸甜甜的感覺。口感亦不錯!下次未食飯之前要再黎呢間店舖試下朋友話好好飲的黑糖波霸奶茶!

尖沙咀D茶飲店同銅鑼灣一樣咁多~早2日同朋友食完飯經過見到裝潢幾靚就想試~雖然佢主打都係黑糖珍珠乜乜乜,但我依然走我路,我要飲水果茶!既然鳳梨青茶好似特別推介,身為波蘿控嘅我梗係叫,仲叫佢少糖~~鳳梨青茶$30茶杯size係細款色,加左菠蘿肉之後成杯野超吸引~~~佢有1/3都係菠蘿肉,都幾足料~我最欣賞佢D菠蘿肉唔會死甜,而且幾好咬~至於茶底因為係青茶所以味道唔會好濃郁,但係好fresh,咁樣菠蘿味就更加突出~~呢度最貼心係為左廣大打卡人士特別正左個燈響度,放上去杯野就會發光,正丫~overall黎講我覺得店主好有心製作飲品,材料都係靚料,我對水果茶的評分係中上的,下次可以try try奶茶~~

曾經呻過成日黎尖沙咀搵唔到飲品店，如今一條街可以有三五七間，近花甜果室前面嘅街口除左開左丸茶手作，仲有呢間台灣過江龍花羨沐嵐，唔知係我好彩、定已經有少少飽和、定位置問題，週末兩日經過人流都唔多，小貓幾隻。唔需要排隊嘅情況下點左兩杯試試，實在普通。全店三位店員，非常生手，例如冰量控制唔到，花時間逐粒夾起；冚杯蓋揦手唔成勢，成杯倒瀉埋，效率較低。感覺上未準備好，就匆匆開店。餐牌分原茶、果茶、醇奶、鮮奶、奶茶、奶蓋等，定價$18-36，甜度、冰度自選。點單注意，招牌奶系列雖然名字叫「黑龍波霸奶」、「火龍波霸奶」等，但按店員所講，呢幾款都係茶底。而鮮奶類只有兩款，分別係「黑龍波霸奶蓋」、「青龍波霸奶蓋」，一律$35。黑龍波霸奶蓋 $35杯底熱到辣手，係香港飲過煮得最熱嘅珍珠，姐也hold不住。撞奶後於面頭加入奶蓋，再灑上少許糖粒，但又唔炙燒，令人不明所以。(炙燒嘅要點奶茶底先有)奶蓋並非很厚，但打至企身，有點膩口。照舊直接飲用一口，黑糖極甜但欠香氣，甜度跟大卡司有過之而無不及，飲黑糖飲料又怕甜嘅朋友慎點。鮮奶都係用明治，但味道很淡，相信係冰量太多，從珍珠降溫嘅迅速亦反映得到。珍珠溫度高，口感亦