台風。R (已搬遷)

🦀濃厚蟹蝦豚骨拉麵（額外加咗溏心蛋+紫菜）💰$88🍜魚介豚骨沾麵（額外加咗溏心蛋+紫菜）💰$83.⚡️大學個陣食過旺角嘅漁場台風 ，一直都覺得佢哋嘅沾麵係食過最出色，前排先知原來🎏灣仔開咗分店，所以就去try try～.⚡🍜魚介豚骨沾麵沾汁湯偏稀，唔係印象中嘅濃稠，味道有豐富嘅豚骨、魚介、醬油同大蒜香味，不知不覺就一口接一口咁吸麵🤣味道確係會上癮.⚡🦀濃厚蟹蝦豚骨拉麵湯底濃厚，有滿滿蟹蝦嘅鮮味✨，可以話每一啖都係海洋嘅精華🌊🥰…查看更多

由台風喺荃灣開店以來我一直係忠實粉絲，雖然拉麵店越開越多，但一諗起想食拉麵都只會去台風拉麵。灣仔店提供三款拉麵同兩款沾麵，無分日夜全日供應。魚介豚骨拉麵嘅湯底同荃灣店嘅好相似，同樣魚介味突出非常濃厚。濃厚湯底配搭粗麵條好夾配料方面有半熟蛋半隻、切至幼身嘅筍、紫菜、白葱絲同埋灣仔店獨有嘅低溫慢煮叉燒。低溫慢煮叉燒喺香港屬少見，但其實喺日本拉麵界已經興咗好耐。叉燒切到好薄呈粉紅色，賣相好靚，睇樣都知好食。食落肉嫩無肉渣，豬肉味濃。浸一浸熱拉麵湯食個溫度就啱啱好魚介豚骨沾麵嘅沾湯都同荃灣店好相似，但就少咗另加嘅魚介粉，食落反而覺得湯底更加滑。沾湯同樣濃厚，但唔會過鹹。麵條煙韌而且掛湯力一流墨汁黑松露拉麵呢個配搭好新奇，墨汁意粉就好常見，墨汁拉麵真係第一次食。墨汁嘅鮮味同黑松露味好balance, 係個好配搭。墨汁包住晒麵條，食到成嘴都黑晒海蝦味噌沾麵嘅沾湯表面有層蝦油，有少量櫻花蝦。食落濃蝦味，但唔會過鹹或者過份油膩。沾麵配料有新鮮檸檬，可根據自己口味唧啲落沾湯，食落微酸就更加清新。我就習慣唧完檸檬汁之後將檸檬放埋落沾麵湯，因為檸檬香味喺檸檬皮度。呢間台風R嘅質素同荃灣店一樣高質，魚介豚骨拉麵同沾麵都做得好好，而新口味拉麵都好出色。低溫慢煮叉燒可以話係香港最好味，下次再去食加$25增量叉燒。…查看更多

呢間良心拉麵店由旺角開到去港島，人氣不減，我地食完8點出返黎已經大排長龍。店内不停播放動漫音樂， bar枱則放滿figures，見店員同師傅用日文溝通先知拉麵由日本師傅主理，難怪咁多人話味道正宗。🍽濃厚蟹蝦豚骨拉麵 $88 追加紫菜 +10湯底呈橙黃色，蝦蟹味都好濃郁，拉麵嘅麵條較粗身夠彈牙。麵嘅軟硬度同份量可自己揀，提提大家呢度嘅份量係一般拉麵店嘅1.5倍，建議女士揀少麵。叉燒同平時食開嘅火炙叉燒唔同，望落好似未熟粉紅色咁，原來係為鎖緊肉汁而用真空低溫法製成，口感比較嫩滑軟淋。我地追加左份紫菜，無諗過有咁多塊，兩個人分都夠！ 🍽魚介豚骨沾麵 $83沾麵比拉麵嘅湯更濃厚，魚香好重，唔算太鹹，麵底粗特別掛湯，夾埋葱絲食會無咁膩。個湯底凍得比較快，可以請店員放熱石落碗湯度。我地呢碗多左隻蛋因為一開始師傅搞錯左order，但店員都好有禮貌同好快上返碗麵，半熟蛋流心，筍絲唔靭有調過味，整體黎講唔錯。…查看更多

🦀濃厚蟹蝦豚骨拉麵🦐 $88 （8/10）⁣蝦蟹嘅配搭就係鮮🥸！⁣拉麵上到枱就聞到好香嘅蟹味🦀，湯底嘅分工好明確，魚介豚骨湯負責主味同尾韻，蝦蟹油則負責提鮮🤞🏻🤞🏻。⁣叉燒方面，佢地用左慢煮方法令叉燒又嫩又滑😛。然後將叉燒搓成一團粉紅色嘅肉球放係碗到，感覺幾特別💕。⁣麵嘅份量好多，加上碗身比較深，顯得好似好少湯咁，食之前要翻一翻啲麵先可以試到個湯👀👀。⁣⁣🐠魚介豚骨沾麵🐷（凍）$83 （8.5/10）⁣配料同拉麵一樣，有蛋有叉燒球🥚。⁣凍麵口感彈牙，沾麵汁咸淡剛好🤞🏻🤞🏻，魚介味夠哂香😎，入口一樣順滑唔會好重顆粒感，比「漁場」的更順口🤪。⁣…查看更多

平時拉麵食得比較多 好少食沾麵 決定黎試下呢間好多好評&朋友都推介既既沾麵店😚🦐海蝦味噌沾麵🍜 $88個湯唔杰而且唔會過鹹👍🏻岩我口味 真係有好多櫻花蝦仔好濃蝦味😳因為呢度講明麵既份量係比正常拉麵店既1.5倍 所以叫左少麵 份量岩岩好✨沾麵口感偏硬身彈牙 粗拉麵始終冇幼既咁掛湯🙈豬肉以低溫慢煮所以係粉紅色🐷好嫩滑 薄薄幾塊入口即溶😍如果再多d就好😂食食下個湯唔夠熱仲可以叫佢地加熱石落碗湯度🔥我中意食熱辣辣既湯沾麵😚🐟魚介豚骨沾麵🍜 $78呢個朋友叫既 但我反而中意呢個湯多d 我覺得同拉麵夾d💗🙈…查看更多

我好鍾意食日本拉麵，而沾麵更加鍾意食，係今日咁凍嘅日子黎到【台風。R】食拉麵就令我更有驚喜😍 室內裝修以紫色為主，周圍擺放日本動漫figures，而且有日本拉麵店風格，每個位下面有個格俾我哋放自己個袋 我哋叫左一個沾麵，另一個湯拉麵。呢度啲麵好彈牙，煙煙靭靭👍，而個叉燒好特別，卷成一個球狀， 由於用真空低溫慢煮出來，所以特別幼滑😋 🍜🐟🐖魚介豚骨沾麵魚介湯底好濃厚，而麵的普通份量已好大碗🤩，入面有紫菜、叉燒、筍同溏心蛋，我再添加多一隻蛋😋仲有更窩心嘅就係如果沾麵湯凍咗，可以加個熱石保持熱度😍 🍜🦀🦐濃厚蟹蝦豚骨拉麵湯底有非常濃郁蝦蟹味，而且好creamy，同樣有紫菜、叉燒、筍同溏心蛋，再添加多一份紫菜，湯麵熱辣辣非常好味😋…查看更多

我諗喺灣仔地區（唔計銅鑼灣）「台風。R」都應該係我心目中數一數二嘅沾麵，除咗份量十足之外，就算平時Lunch 時間去都唔洗點排隊（可能咁啱夾喺銅鑼灣同灣仔中間）！呢間沾麵我覺得其中一個貼心賣點就係可以轉啲配料，每次我都會將荀轉做紫菜，轉完好似有大約有5、6塊紫菜，大滿足！今日我就揀咗「魚介豚骨沾麵」，沾麵湯底由豚骨湯底加入鰹魚乾磨成粉末製作而成，其濃厚程度足已將彈牙粗麵條掛湯。另外，值得一提就係豚肉片，其顏色粉嫩，一問之下原來係經低溫慢煮烹飪而成，口感淋而嫩、入口即融！如果你係大食又對食物質素有要求嘅話，經過真心可以一戰，佢普通麵嘅份量係其他拉麵店嘅1.5倍！…查看更多

今日行過銅鑼灣少少事呢一間開咗冇耐嘅台風R， 係漁場台風嘅灣仔分店！！相信好多人都聽過佢嘅拉麵同沾麵啦😼·間店舖有好多日本嘅動漫做主題，有figure又有海報～同旺角分店比呢一間就冇左客人嘅comment癡晒喺牆🤪·好耐冇食沾麵嘅關係就叫咗佢哋餐牌上僅有嘅兩個沾麵～仲有得揀熱定凍添·個汁一上真係熱辣辣，配埋粉粉紅紅嘅叉燒肉，相機打完卡之後即刻滾一滾佢先，都幾滑㗎～🥓·個麵呢就算係粗麵嚟嘅，有埋啲勁聰、半隻溏心蛋、叉燒、筍一齊食，都幾飽肚～·至於最重要個湯底，魚介豚骨比我想像中出色，特別係個魚嘅味道濃郁🐟，但又唔會濃郁都要特登飲水！！😎海蝦味增反而就相對失色左少少🦐，可能係味增搶咗少少海蝦嘅鮮甜風頭～如果海蝦味再出少少會好啲，不過而家都中上水平😛·不過講係咁講，以前成日食三x製麵所嗰啲質素，會覺得呢兩碗都比嗰啲出色😗行幾步路過嚟都係值得嘅·題外話，附近既橋底辣蟹sss其實係咁消費條鵝頸橋都有啲好笑（藍店好多）🤦🏻‍♀️喺碼頭開店會唔會叫自己做碼頭小食呢⛵️🤣-魚介豚骨沾麵｜$83海蝦味增沾麵｜$88-台風。R (灣仔)灣仔駱克道389號地下-…查看更多