夜梟

朋友見我食咁多唔同國家嘅地道菜，今次介紹咗間有新意嘅，一間食中西合壁嘅fushion菜，每一款菜都充滿玩味距離尖沙咀站幾分鐘路程，同一幢大廈有好多餐廳，而呢間夜裊除咗餐廳之外，佢仲有飲嘢嘅地方，好似gaming bar咁可以玩table games三樓係飲嘢嘅地方同大門，五樓就靜係餐廳，三樓有個open area唔係好望得清楚，但見到有啲梳化坐下，係到飲嘢應該幾chill（幢大廈無四樓嘅)有好大嘅玻璃窗可以望到街景，而且裝修都好入型入格，充滿住中國氣息燒雞軟骨見到個份量之後嚇親！因為無諗過都幾多，仲有好大盆沙律醬可以點，一啲都唔孤寒。啲雞軟骨全部都新鮮熱辣爽口，叫埋啤酒真係fit到漏🍻慢煮牛面肉配焗日本飯團自己私心見到日本飯團就想叫呢個，特別鍾意食澱粉質嘢。個牛面肉煮得腍身同超級入味，一啲都唔乾身個飯團真係好掂，外面煎得超脆超好食，入面個飯粒就好有咬口，點埋啲汁真係不得了🤤橫行無忌炒飯上到枱先發現自己叫個兩碟飯😂 但完全無問題，呢碟都超高水準，佢入面用咗四樣同蟹有關嘅材料去整，有蟹子、蟹肉、蟹膏同蟹味菇個飯本身已經有少少蟹味，之後你會見到有個白色嘅部分，食落去質地係cream cream地，但係有蟹味嘅cream! 每啖飯加少少真係好正！😋 上面有啲蟹子，食落去個口感可以豐富啲。旁邊仲加上紫菜，令你食落無咁膩仲有兩塊煎咗嘅帶子，都係水準之作，咬落無過韌同埋唔乾身鬼馬油炸鬼好似食朱古力火鍋咁，佢有一堆炸起咗嘅油條，上面灑咗糖粒同埋有肉桂嘅味道，之後可以點旁邊嘅辣朱古力漿，食落好特別好刺激，又甜又辣🤪我覺得呢類餐廳除咗好啱同朋友聚會之外，亦都好啱同啲無咁熟嘅朋友仔或者啱啱識嘅朋友嚟食，啲嘢食咁特別，唔洗怕dead air嘅時候無嘢講🤪…查看更多

一直都好中意食Fushion菜，星期二晚黎到呢間餐廳都差啲Full House，應該都好受歡迎～一入到去就望到有好多鳥籠嘅燈，而且燈光偏暗，都有啲似酒吧，幾適合把酒談心嘅地方。呢度分兩層，上層係餐廳，下層主要係飲酒同食水煙嘅地方～先寫覺得最新奇同好食嘅嘢！Dessert-鬼馬油炸鬼 $58 |見到個名就已經好想叫，其實佢係Churros，炸得好脆而且玉桂味都好香～重點係個朱古力醬，原本以為係甜嘅，但原來係辣味朱古力，感覺好新鮮，食到唔想停～光輝歲月 $78 | 呢個薯條並唔係一般薯條，佢係用白薯（即係平時食開個啲）、日本紫心薯同埋蕃薯去整，全部都炸得好香脆。我個人就中意食蕃薯條，咬落好實淨，但又唔會有太甜嘅蕃薯味，仲有配埋黑松露醬，每一啖都好香～慢煮叉燒配咸蛋意大利飯 $158 | 個叉燒因為係慢煮所以都好香淋，而且咬落無肉絲或者渣，蜜糖味都好足，但唯獨個飯嘅咸蛋味同意大利飯就唔係特別鹹香，但都算好食。份量方面，覺得一個人食就會有啲濟，兩個人食份量又有點少，所以就叫多左啲頭先介紹嘅小食。Cinnamon Lover $128 |呢度嘅Signature Cocktail，味如其名，玉桂味好重，飲落都不錯～野菌松露忌廉湯 $98 |因為朋友每去一間餐廳都會飲忌廉湯，所以就叫咗啦。個湯松露味係好出，質感都好夠Creamy，但下次會想試花膠響螺龍蝦湯～綜觀黎講覺得 Fushion 菜而言佢價錢都算合理，小食同甜品暫時出色過主菜，所有菜式都做得幾精緻，下次會再黎試～…查看更多

經朋友介紹來到這間中西fusion 的餐廳。一進餐廳時以為自己去錯地方🙈，因為感覺像酒吧！原這裏有幾層，我們上到4樓就是用餐的地方。餐廳燈偏暗，有一些中式設計，而且環境舒適，位置寬躺。餐廳有頭盤、湯、主菜、飯麵及甜品等，配搭十分創新手撕雞配青瓜啫喱我們是被「青瓜啫喱」這四字吸引。上菜時賣相比我想像中好，因為已將麻醬拌勻。這個菜式的味道不錯，麻醬份量剛好，而且有超多蟹子！值得一讚的是這個青瓜啫喱，帶有淡淡的青瓜味，同時質地軟林林，與整個手撕雞的配搭很相襯。橫行無忌炒飯這個炒飯的名字很特別，因為它用了很多蟹的精髓：蟹子、蟹肉、蟹膏、蟹味菇以及牛奶炒蛋白，沒想到這個配搭不錯！這個飯是先炒後焗，上菜時香味撲鼻，而且炒飯夠乾身，吃下去的感覺不錯，再加上各個蟹精髓的不同口感，錦上添花燒乳豬配芥末汁這個是我最期待的菜色！果然沒有令我失望！上菜時賣相吸引，乳豬被香烤過的味道香味撲鼻，令人垂涎欲滴！乳豬燒恰到好處，外皮十分鬆脆，肉質鮮嫩，肥瘦適中。這個芥末汁比較特別，不是平時我們吃到美式黃色芥末汁味，而是帶有酒醋香的味道，配搭不錯鬼馬油炸鬼我是被餐牌上的名字及印着而點甜品！這是香辣朱古力油炸鬼，其實是玉桂條！十分欣賞這個菜式，上這個甜品是已聞到陣陣肉桂的香味，這個朱古力是哄着的，「朱古力+肉桂+辣」這個配搭剛好，甜度適中，再加上玉桂條外脆內軟，有點像莎翁的感覺，值得一試整體來說，餐廳的環境及食物質素也不錯，而且菜式特別，下次可以試試其他fusion 菜！…查看更多

今日同好姊妹黎左一間特別GE餐廳位於尖沙咀金巴利道-夜梟, 餐廳係3-5樓, 3樓係酒吧 , 好有氣氛 , 一入去黑色裝修,很有型, 而且佈置得好有香港味道, 並設有室外, 可以比客人係對街位置飲下酒, 傾下計, 在繁忙工作中得到放鬆.到了餐廳的5樓, 餐廳怖置是以中國風, 環境清靜.至於講到我地今晚點了,黑松露湯係最好飲,松露好香, 飯方面-橫行無忌炒飯, 飯上有蟹子,蟹肉及蟹膏 外面脆似飯焦咁 , 好香, 重有係牛小排, 咕嚕汁酸酸甜甜, 肉質嫩, 好好好好好味, 好味的食物要講5次, 還有乳豬仔, 皮薄肉嫩, 超正, 甜品鬼馬油炸鬼真係好好食, 微辣朱古力火鍋 , 沾上油炸鬼, 好香肉桂味, 值得一試!輕輕鬆鬆的過了開心的晚上, 期待下一次再試…查看更多

家姐生日,冇理由唔請佢老人家食飯呀嘛(?!)中西日韓意泰菜我哋都差唔多食過哂,要搵一間比較特別嘅餐廳都真係有小小難度,好彩家姐喺尖沙咀區番工,搜索嘅範圍可以縮窄勁多喇只要佢收工行幾步過三幾條街,就可以搵到呢間喺金巴利道叫做<夜梟>嘅貓頭鷹餐廳食fusion特色菜,咁啱得咁橋,家姐仲要係好鍾意貓頭鷹公仔嘅添!!!今次我真係做到嘢呀~初初冇為意,搭𨋢上到三樓,原來三樓係<遊戲人間>嘅酒吧區域,要醫肚就麻煩行多幾級樓梯,上到五樓雅座喇。餐廳嘅裝修別具風格,有古色古香嘅木條裝置,又有鳥籠吊燈,微暗嘅燈光整體感覺都好grand咁,環境靜局慶祝生日真係一流。睇埋個餐牌之後,樣樣嘢都好想叫,款款都新穎有趣令人想試。花膠,響螺,龍蝦湯($128蚊)：呢款湯淨係聽個名就已經夠氣勢啦係咪先(?!)三款最上等嘅食材,中西合璧嘅融合製作煲出嚟嘅湯,味道的確冇令人失望,龍蝦味超級濃郁,希望家姐唔好介意我哋兩個人只share一碗啦~慢煮叉燒配咸蛋意大利飯($158蚊)：叉燒原來係黑毛豬嚟,感覺頓時高級了不小,叉燒用慢煮嘅方法令到肉質更為入味,甜甜嘅烤醬加上軟腍嘅口感,叉燒香味盡出,而忌廉意大利飯一向都係我大愛嘅項目之一,白飯粒粒分明嘅軟硬度creamy之餘另外仲夾雜埋鹹蛋碎嘅味道。感覺錯綜複雜但又出奇地相襯,份量適中所以唔覺得膩,兩個人share嚟食啱啱好。咸蛋真係近期大熱呢!燒乳豬配芥末汁($238蚊)：兩樣嘢都經常見到,但合埋一齊又會係乜嘢味道(?!)本身已經令人非常期待,食物送來嘅時候更加令人驚喜燒乳豬同一般認識嘅完全不同,中式嘅名稱然後實物就如西式嘅德國咸豬手般一樣,size龐大之餘,切開發現又跟中式一樣了!!!脆皮乳豬非常好食,肥瘦均稱入口有油花之餘肉味又香。反而芥末汁我就食唔出有芥末嘅味道,但係竟然有啤酒嘅香氣喺口中滲出呢!鬼馬油炸鬼($58蚊)：貪新鮮又鍾意試新嘢嘅我,又點會錯過一碟咁特別嘅甜品?餐牌已經清楚介紹佢係香辣朱古力味嘅油炸鬼食物送嚟嘅時候就同聖誕氣氛非常貼切,一個蠟燭小爐上面有個玻璃瓶盛載住朱古力溶漿,油炸鬼原來就係西方嘅糖沾肉桂條。呢款甜品真係正中我下懷,深得我心嘅喜愛有辣味嘅朱古力非常特別,原來味道一流,配上我平時成日都鍾意食嘅肉桂條...冇嘢講啦,100分與其話幫家姐慶祝生日,我覺得自己好似又食咗一餐好特別嘅聖誕大餐呢…查看更多