六本木日本料理

營業中

休息中

嚟長沙灣食呢間居酒屋，係朋友介紹，朋友話佢屋企人食過好食，所以嚟試吓。喺OpenRice訂咗位， 7:00嚟到唔使等就入座，不過餐廳都唔滿座，唔使等。除咗餐牌入面有嘅嘢食，黑板上面亦都會有啲推介，一坐低，經理就會攞個黑板過嚟介紹今日有咩推介，最好笑係佢會話有一啲係好難食唔好食千祈唔好叫，有啲就話好好食叫我哋一定要叫。花蜜年糕$88黑板推介之一，成舊年糕出面沾滿蜜糖，味道幾特別甜甜地，不過一定要趁熱食，凍咗嘅話啲蜜糖就會硬晒，年糕煙煙韌韌都唔錯。明太子玉子燒$88成個鏟擺喺下面，需要自己切將個玉子燒分件，問題係個玉子燒會黐住個鐵板，黐咗勁多蛋皮喺個鐵板度。玉子燒好香，入面都幾多明太子。伊左木$430係黑板推介之一，經理介紹話呢個好食，就試吓，同埋聽到佢話係成條魚上，諗住應該份量都OK，另外佢話係當日下午先空運嚟到香港。魚肉都幾有口感，唔會腍啤啤，都幾鮮甜有鮮味，點佢個汁酸酸地會好食啲。蒲燒魚腩壽司 $48一件都係黑板推介之一，話好食，所以我哋就試吓，真係幾好食，魚腩夠肥燒得夠香，入口即溶，壽司飯亦唔會太硬。鵝肝帶子卷$168個帶子都算大粒，口感OK，鵝肝唔算特別多，不過都食到有香味雞皮餃

呢間居酒屋，入到去會覺得日式風好濃厚，因為好多日式裝飾加插左除左有好多唔同既酒放置係牆身，仲加貼了好多日式貼紙﹑海報等等所以整體都好有氣氛今次呢個食評先講服務，因為呢方面做得特別好，很有溫馨感一入到黎，有一位女侍應好快咁笑住行埋黎歡迎你上菜時，侍應都會略略講下菜式既用料或做法，整體笑容可掬另外，侍應們加茶都超積極，會主動密密地加茶而且會特意望一望你飲晒未，先過黎呢D 位真係好好，好細心此外,聽一位侍應分享,建議下次可星期5﹑6 黎,氣氛會更濃厚因為佢地老闆會係度唱歌,同大家一齊飲酒,聽佢咁講真係想下次特登揀時間過黎而且我見附近D食客都係常客,聽佢地對話間應該係成日黎,同侍應都好熟絡人情味重重的一環,相信係呢間小店增加溫馨既原因之一吧講返食物,幾有質素!尤其佢地自家秘製既,都好食,令我印象好深刻!整體說,氣候濃厚﹑有人情味既溫馨小店再配合有質素有心做既食物,確實值得再來!➽唐揚池魚BB $68少少咸咸地既口味一條兩啖可食完食食下好滋味,好快就食完➽玉子燒明太子 $88因為係鐵板上,所以仲聽到「炸炸」聲,同埋熱度都keep 到呢個玉子燒特別位係內層加了明太子,而且係漬過黎,所以唔腥,而且帶

係深水埗區比較少見呢一類嘅日式居酒屋，餐廳位置都比較偏僻，人流唔算太多！印象比較深刻嘅係老闆非常熱情，落單之前會向客人講解一下餐廳有咩食物推介😂**********<明太子玉子燒> $88玉子燒裏面包左好厚嘅明太子，明太子集中嘅位置會有點太鹹，但連埋玉子燒食就啱啱好😍**********<香芒軟殼蟹卷> $98軟殼蟹炸得好鬆脆，層炸粉唔會好厚，加埋芒果同埋沙律醬味道酸酸甜甜，一啖食曬好滿足😋********** <磯燒榮螺> $98磯燒榮螺係是日推薦嘅menu上揀嘅，應該唔係每次去都有得食！榮螺切左粒之後再放返個殼，食落會有少少酒，上枱嘅時候仲會點火比客人影相嫁😂**********<板燒牛舌> $108依份牛舌唔太抵食，牛舌唔係厚切個種，感覺有啲似食緊無咁爽嘅雞腎，味道正正常常無咩特別🧐

喺深水埗出沒多時嘅我，對「六本木日本料理」並不陌生，我應該有幫襯過十次以上，但每次都係午餐，好多時仲係一班同事連埋老闆一齊食嘅聚會。而喺度食晚飯，今晚真係第一次😜！我以為晚市食到九點會無乜人幫襯，始終居酒屋🏮食到夜、飲到夜先有氣氛㗎嘛。不過我嘅推斷並不正確，餐廳已經坐滿人(正常嘅一半)，好熱鬧。一入到餐廳，唎酒師Vincent(同時係老闆？)第一句就問我哋飲唔飲酒🤣。未睇菜牌前，先飲啖清酒Sake🍶，氣氛超好。Vincent勁識做生意同氹客，佢倒酒俾我飲時問我夠唔夠十八歲，哇哈哈哈，真係識講笑。佢成晚全場飛，又獻唱🎤，令日頭忙碌工作完嘅大家都能放鬆一下。我哋叫到成枱都係嘢食，不過份量啱啱好，輕鬆食得哂😌。價格唔算平，人均要$350，但成個用餐體驗都值回票價嘅。因為就如我之前嘅食評所講，午餐消費要成百蚊，好食但性價比唔高。反而晚餐仲貴，但我又食得開心啲。牛肉他他燒($178)，我哋想食牛🐮，但又唔想食牛扒咁普通，所以就叫咗呢個他他燒。呢道菜嘅造型完全係我意料之外，因為一上枱嘅時候，佢係好似保鮮花咁有個透明玻璃盞住。嚟到要焗幾分鐘先揭開，唔知有咩作用呢🤔。打開後，見到他他燒一片片咁鋪得好靚

一直知道呢間餐廳嘅存在，出名人氣極旺，超級爆場，好幾次同朋友嚟到都冇位，full booking到剩低bar枱位，今次索性天未黑就嚟朝聖。除咗木屋仔咁嘅外觀十足十日式居酒屋，內牆都貼滿各式各樣日本酒嘅標籤，別有風味。食物選擇豐富，小食、刺身、壽司、燒物、天婦羅同一品料理一應俱全。一向鍾意食玉子燒，明太子同鰻魚同樣吸引，一輪內心戰之後決定揀明太子玉子燒，完全冇令人失望，一上菜已經聞到濃濃嘅蛋香。明太子香辣惹味，蛋味香濃嘅玉子燒口感鬆軟，一拍即合，令人回味。芒果軟殼蟹卷份量頗多，而且軟殼蟹嘅比重好平均，賣相亦唔錯。軟殼蟹炸得香脆，加入生菜同紫菜包成卷狀，表面鋪上新鮮芒果同蟹籽，入口鮮味爆發，而且口感層次豐富。油甘魚鮫係全晚最有驚喜嘅一道，表面劃上十字紋再燒，色澤金黃，帶有少少焦香，賣相吸引。油甘魚燒到表皮香脆，肉質軟滑，而且一啲都唔乾，加上少少檸檬汁令鮮味更突出。最後當然要嗌返個主食，鯛魚濃湯用石頭鍋上，上枱時依然保持滾熱辣，奶白色嘅魚湯又香又濃，非常吸引。稻庭烏冬煙韌彈牙，而且份量亦唔少，唔大食嘅話兩個人分享剛剛好。今晚嘅每一道菜都令人非常滿意，熱鬧嘅氣氛加上有水準嘅食物，實在非常適合三

三文魚壽司🍣 (2貫) $38帆立貝壽司🍣 (2貫) $68肉質好好，都幾大舊香芒軟殼蟹卷 🥭🦀 $98份量都幾多，芒果🥭夠甜，上面仲有蟹子同沙律醬，軟殼蟹亦都炸得啱啱好Ps壽司🍣類既食品都會俾埋酸姜鰻魚玉子燒 🍳 $78舊玉子好大，鰻魚汁好食芝士年糕🧀夠煙韌同夠軟綿綿，芝士味都足夠海老天婦羅🍤入面原來有蝦之外仲有海膽，好驚喜，而隻蝦🦐亦都好大舊，仲有d鹽俾你點環境幾好，成間都係酒樽既招紙，好特別

我地好耐無黎深水埗啦，深水埗有好多平民嘢食，不過返工咁攰點都要慰勞下自己！黎到六本木居酒屋，今晚我地都好肚餓，所以主要食sushi😆食過覺得幾好味，推介比大家：吞拿魚赤身壽司$68雖然我鍾意食嘅中拖羅呢排無貨，赤身都收貨啦都好味🥰帆立貝壽司$68帆立貝夠新鮮，算幾厚亦大塊～加州卷壽司$78比起連鎖店嘅加州卷佢更加好食，沙律醬比較多，味道更豐富香芒軟殼蟹卷$98偷偷地夾咗塊芒果黎食，芒果好甜呀😝軟殼蟹都好熱好脆燒飯團$58我哋第一次食，佢係乾身有焦香，我個人就比較鐘意濕潤嘅普通飯團汽水$18

又係搵食朋友帶我黎我先識黎的一間隱世小店，聽說老闆的Sake超級精彩，可惜今晚老闆不在所以無得向佢請教。今晚點了四樣食物，分別有燒牛脷、燒飯團、鰻魚飯同埋香芒軟殼蟹卷。四樣之中我覺得最好食係個鰻魚飯，除咗件鰻魚好Juicy之外，個賣照仲要好正好震撼。另外其實三樣都唔錯，個燒牛脷火候控制得好好，唔會太硬煙韌。燒飯團的味道還可以，如果唔係非食不可呢個可以Skip。香芒軟殼蟹卷好味，芒果的炸軟殼蟹好夾，就算食多件都唔會好滯。

經常看到網媒的深水埗美食簡介，今晚就過來尋寶。微雨下，在對面馬路看到這家「六本木日本料理」，如同鬧巿中出現的海巿蜃樓。就這樣被餐廳吸引著，便和友人入來探索。想不到內裡裝潢如此漂亮，活生生把日本當地的居酒屋展現眼前。筆者向來對有水果入饌的食品不太感興趣，今次本著一試無妨的心態放入口。豚肉燒得惹味香口，包著清甜荔枝肉，感覺又幾新鮮。友人所點的香芒軟殼蟹卷，大件足料。芒果香甜，配合脆身軟殼蟹，起了美味的化學作用。豆腐外脆內嫩滑，輕輕浸在天婦羅汁中，伴以白蘿蔔蓉和葱花。清淡天然的豆腐味道，中和了炸物的膩感。天婦羅即叫即炸，新鮮上碟。入口十分脆身，完全沒有油膱味，看來「六本木」並沒有使用萬年油翻炸。脆皮內是煙韌的雞泡魚乾，兩者反差口感相映成趣。這個是最吸睛的，上枱時店員點起了火，熊熊烈火燒著鮑魚，立刻拿出手機打卡。熱烘烘的鮑魚預先已切開了4份，入口是淡淡清酒香，反而沒有火燒過的焦味。打開飯盒蓋後，一大股鰻魚香味撲鼻而來。鰻魚飯盒有點淺，飯量不算多；粒粒分明的珍珠飯伴了鰻魚汁後更加滋味。鰻魚鮮甜肥美，入口juicy，燒汁塗得不多，不會蓋去鰻魚本來的味美。

妹妹放工經常經過長沙灣，留意到有一間裝修豐日本味道的餐廳，這夜相約放工一試。餐廳不論是室外還是室內的裝修都富有濃厚日本味道，晚上7:30到達人流不算很多。打開餐牌會發現食物選擇不算少，最後選了五款菜式一同分享。香芒軟殼蟹卷（$98）Mango & Soft Shell Crab Roll軟殼蟹炸得香脆不油膩🦀，上面加有一片薄薄的芒果🥭，賣相吸引之餘整體亦很好吃。明太子玉子燒（$88）Mentaiko Egg Roll玉子燒厚身鬆軟但未夠嫰滑🐣，中間夾有鹹香的明太子，屬正常水準。鰻魚班戟（$68）Eel Pancake微甜的班戟皮內包有肥美的鰻魚、香甜的芒果🥭和青瓜絲🥒，表面再加上美乃滋醬，味道新奇不錯啊👍🏻。磯煮和風鮑魚（$68）Simmered Abalone with Japanese Sauce 鮑魚軟嫰，味道鮮甜好吃。鰻魚飯（$148）Grilled Eel Rice鰻魚肥美入味，有兩大片🐟，下面鋪有加上鰻魚汁的白飯🍚，飯量不算多，多吃幾口會覺得鰻魚汁有點鹹，但整體上味道仍然不錯😋。食物味道不錯，服務員的態度亦很好，看見老闆當晚也會主動跟顧客閒談，感覺友善🥰，在深水埗區而言食物

🔅🔅🔅早排母親節的慶祝活動當然要帶媽媽食餐好係我倆愛的日本菜～🔸位於深水步夠晒近很有日式風情的裝修環境好warm氣氛不錯🔹<香芒軟殼蟹卷>每次見呢款卷物必點入口先是鮮甜芒果後是香脆軟殼蟹雙重美味口感🤩🔸 <玉子燒鰻魚>玉子超級厚身蛋味濃郁又嫩滑鰻魚甜甜的帶焦香👍🏻🔹<磯煮和風鮑魚>火灸下鮑魚非常吸睛口感香軟磯煮十分入味😋🔸<荔枝豚肉串>燒荔枝真的是第一次吃豚肉的鹹和荔枝的甜互相配合得宜好吃🤩🔹<安格斯牛肉串>牛肉味不是特別的濃質感帶點硬很一般😞🔸<牛舌> 肉質偏軟容易入口表面帶焦香味很好吃😍🔹<串燒雞中翼>外脆內嫩不覺油膩不過味道偏淡些～🔸<稠魚濃湯稻庭烏冬>用上新鮮的稠魚肉整個湯頭好鮮甜😋還有些蔬菜菇類可惜烏冬份量太少兩人只有半小碗份～🔹<總結>性價比確實很高推薦磯煮和風鮑魚～真的好好好吃呀～🔅🔅🔅

其實我本身都麻麻哋深水埗呢個地方，覺得太混雜太多人！如非必要都唔會嚟！好朋友極力推介呢到有間好出色嘅日本餐廳！話唔食會後悔咁！盛情難卻下就嚟咗呢間店！牆上貼滿咗一堆海報同埋酒嘅label，真係好似日本嘅居酒屋！枱同枱之間都唔會話太逼，呢晚六點幾左右嚟到仲可以坐卡位！三文魚刺身凍得嚟唔係未溶晒雪啲，入口油香十足，夠晒肥美！由左數起係燒雞中翼、荔枝豚肉串、雞心，雞翼燒到外脆內juicy；荔枝豚肉串口感好特別，荔枝嘅果甜中和咗豚肉嘅油膩；雞心係選用咗醬燒，彈牙得嚟幾有口感！我冇試到朋友至愛嘅燒雞皮，聽佢講話燒得都夠香脆，但略嫌淡味咗少少！卷物方面叫咗香芒軟殼蟹卷，原來都有成六件，都幾大份！第一次試呢個配搭，頂層嘅芒果夠香甜，卷入面仲有啲菜包住香脆嘅軟殼蟹，醬夠多，兩個字嚟講：好味！晚餐點都要食返啲主食，所叫左個日式炒烏冬，入面材料好簡單，肉片、菇、菜！每條烏冬都沾滿啲日式醬汁，好入味！

放工同朋友相約喺屋企附近覓食，發現左呢間新開嘅日本居酒屋， 其實佢位於深水埗同長沙灣之間, 我自己就覺得長沙灣站行過去方便啲la , 裏裏外外都非常日本風，未入都已經俾佢吸引。七點半入去，唔算特別多人，成個環境好精美同乾淨，真係好似去咗日本。食物全部都好靚，仲要比想像中大份，忍唔住影咗好多靚相。特別要提下，我地特登試左平時冇見過嘅鰻魚pancake，同員工推薦既豚肉荔枝串燒同芝士玉子燒，真係值得一試！鰻魚pancake聽落去好似好奇怪，但食落去係估唔到咁夾。豚肉荔枝串，啱啱燒起，熱辣辣放入口，咬落去荔枝嘅果汁會爆出來。鍾意芝士嘅一定要嗌芝士玉子燒，一路食都有芝士拔絲嘅效果！甜甜地，好好味。另外有叫 鯛魚龍湯石頭鍋稻庭烏冬、 六本木秘製牛骨肉、 香芒軟殼蟹卷、 磯燒日式魚, 其實全部都好出色!! 值得一讚係，老闆好細心，見到我哋頭髮飛下飛下，即刻主動提供頭髮用嘅橡筋俾我哋，好warm！