簡越

一向好鐘意食越南嘢撈檬啊火車頭啊依啲都係我最愛然後再share小食就perfect池今日咁啱有朋友嚟開附近，就約左佢地一齊食越南嘢餐牌成大本，實在有太多選擇素菜米紙卷 ($38)食素既朋友揀既，對我依啲食肉獸嚟講，無肉就硬係覺得寡左少少香茅豬扒 $48炸得好酥脆好香口蘸埋醬真係一個幾好既小食食完小食就到正餐嗌左三樣嘢再share香燒豬頸肉撈檬 $50係我最鐘意既豬頸肉撈檬撈埋個汁酸酸辣辣，夏天食真係好爽仲要咁大兜都只係$50大件夾抵食得嚟又好食啲豬頸肉切到好薄而且份量好多火車頭 $65鐘意火車頭就係因為佢好多配料，湯底又濃郁依碗都唔例外金邊田園蛋白炒飯  (素) $52好多料又炒得好香嘢飲方面我地都揀左越式特飲椰汁紅豆冰、凍青檸梳打、凍鹹檸七嗌左咁多嘢，每人$100都唔使…查看更多

夏天成日都想食越南野，因為啲香料夠清新，仲有凍檬粉加魚露真係消暑良伴！不過依家越開越多越南菜既鋪頭，要搵一間又好食又抵既其實都唔容易，好彩都比我搵到尼間野！越南野既小食都係好深得我心既，尼個素菜米紙卷就係其中之一，唔單只睇落好足料，食落仲有好多層口感，米紙既煙韌，生菜、蘿蔔、青瓜既爽口同埋花生既脆卜卜，真係好正﹐配埋個甜酸醬就更加開胃。第2個小食就係香茅豬排，$48蚊一大碟真係好抵，又脆又香口，仲要好juicy，最重要就係---佢會切成一舊舊比你阿！岩晒我尼啲懶人哈哈。然後就係主菜啦，緊係唔少得檬粉啦！開頭先講完想食，就當然要叫番一碗嘆下。今次就叫左香燒豬頸肉撈檬，睇張圖都知佢又係極多菜，生菜、青瓜、蘿蔔，成件事好健康，可以中和番食豬排同豬頸肉既罪惡感哈哈。成碗野加埋魚露，又涼又酸甜咁，真係好消暑！消完暑就食番啲熱野，去得食越南菜就緊係要叫埋火車頭河粉啦。唔好睇佢好似好多湯，佢啲河粉同啲餸比你想像中仲要多好多好多，應該一碗係要2個人share先至唔會晒野。最後就仲有個金邊田園蛋白炒飯，食完咁多濕既野食埋個飯就perfect啦。佢個炒飯夠乾身，唔會一舊舊，個味好清好舒服。食咁多野就緊係要叫埋野飲啦，我地就叫左紅豆冰，凍青檸梳打同埋凍鹹檸七，佢地都係食越南野一定要配既野飲。最後幫佢地大合照埋就開餐哈哈。…查看更多