簡越

夏天成日都想食越南野，因為啲香料夠清新，仲有凍檬粉加魚露真係消暑良伴！不過依家越開越多越南菜既鋪頭，要搵一間又好食又抵既其實都唔容易，好彩都比我搵到尼間野！

素菜米紙卷

$38

越南野既小食都係好深得我心既，尼個素菜米紙卷就係其中之一，唔單只睇落好足料，食落仲有好多層口感，米紙既煙韌，生菜、蘿蔔、青瓜既爽口同埋花生既脆卜卜，真係好正﹐配埋個甜酸醬就更加開胃。

香茅豬排2塊

$48

第2個小食就係香茅豬排，$48蚊一大碟真係好抵，又脆又香口，仲要好juicy，最重要就係---佢會切成一舊舊比你阿！岩晒我尼啲懶人哈哈。

香燒豬頸肉撈檬

$50

然後就係主菜啦，緊係唔少得檬粉啦！開頭先講完想食，就當然要叫番一碗嘆下。今次就叫左香燒豬頸肉撈檬，睇張圖都知佢又係極多菜，生菜、青瓜、蘿蔔，成件事好健康，可以中和番食豬排同豬頸肉既罪惡感哈哈。成碗野加埋魚露，又涼又酸甜咁，真係好消暑！

火車頭河粉

$65

消完暑就食番啲熱野，去得食越南菜就緊係要叫埋火車頭河粉啦。唔好睇佢好似好多湯，佢啲河粉同啲餸比你想像中仲要多好多好多，應該一碗係要2個人share先至唔會晒野。

金邊田園蛋白炒飯

$52

紅豆冰，凍青檸梳打，凍鹹檸七喜

最後就仲有個金邊田園蛋白炒飯，食完咁多濕既野食埋個飯就perfect啦。佢個炒飯夠乾身，唔會一舊舊，個味好清好舒服。食咁多野就緊係要叫埋野飲啦，我地就叫左紅豆冰，凍青檸梳打同埋凍鹹檸七，佢地都係食越南野一定要配既野飲。

最後幫佢地大合照埋就開餐哈哈。