十里潮香

好耐無食過潮州菜，掛住蠔餅同埋蠔仔粥，上網搵見到呢度都唔錯，又平又有我想食的食物，所以就訂左檯，等友人放學過黎食。其實都唔洗訂檯，人唔算多，以星期六晚銅鑼灣呢個地段黎講可以唔洗等位直入！天花板掛左紅燈籠，都幾別緻！而門口幅潮汕味道畫都有心思我地兩個初初坐二人位，但侍應見我地叫的食物比較多，所以安排四人位，呢方面都幾貼心！講返食物，鹵水兩拼係鵝片同腩肉，底係有豆腐！以價錢同份量黎講非常抵食！但味道就一般，鵝比較未索的曬汁的味道，有點偏淡，而腩肉就可以！欖菜四季豆本身係好惹味，係送飯的菜！但呢碟的欖菜都係淡左，食唔出個味，同埋油左少少！少左鑊氣！方魚蠔仔粥係非常的淡，肉碎、米、方魚同蠔仔幾樣的味道都好獨立，好似夾唔埋咁...蠔仔烙的樣子令我地有點疑惑係咪叫錯，個樣係蛋餅，但同其他食評甚至餐牌的樣都有落差，味道就蛋味好濃....🥺食唔到蠔仔味總括黎講呢度可以醫肚，但追求味道可能要考慮下…查看更多

星期六經過Sogo附近，見到金百利派傳單有間潮州菜，好似幾抵食就去試下🍴佢有d二人或四人套餐都幾抵，不過我地一行五人有好多野都想試，就叫左個二人套再散叫中意既菜式😍😋🍴先介紹個二人套餐🍴 $338潮州菜當然係滷水拼盤打頭陣先個滷水汁幾香😋，花椒八角味都幾突出，同淡淡酒香味，不過就略嫌唔夠汁拼盤有豬耳, 紅腸, 豬頭肉同鵝，都好入味鮑魚手撕焗雞，雞肉嫩口且咸香味夠，小食就岩哂鮑魚咬落爽口但就冇乜味胡椒豬肚湯較失望，胡椒味同咸酸菜味都較淡，而豬肚幾爽口不過份量幾多下，有成6碗到家鄉春菜煲亦係潮州菜特色之一味道較淡，而且春菜煮得太淋，不過就唔會好油膩，可以清淡一下食左咁多濃味既潮州菜套餐仲會包埋個炒河粉，炒得幾香同濃味，有鍋氣，份量有成6碗到，2人套餐3百幾蚊都好飽下由於我地成5個人，仲有散叫左幾樣菜:滷水拼盤唔夠喉，當然叫多個滷水鵝肉試下花椒八角十分香😋，仲有淡淡的酒香味鵝肉香郁且厚薄適中，不過肉質就有少少“鞋”口韮菜豬紅亦係打冷之一韮菜好新鮮爽口，不過豬紅就唔太嫩口薑蔥炒鮑魚，薑蔥味香不過蒜味更濃郁而鮑魚煮得火侯岩岩好，會好爽口，同炒得入味煎蠔烙呢個係重點推介，蠔仔十分肥美且多😋，又唔會好腥粉漿煎得香脆鬆軟，又唔會油膩，再點一點魚露更清爽蠔仔粥既蠔仔一樣十分肥美且多😋，木魚味幾香，但粥底味道就較淡仲叫左d小食同甜品: 香煎蔥油餅煎得外邊香脆內裡鬆軟😋，但又唔會油膩，只係香蔥味唔夠香糖醋麵煎得金黄香脆，內裡軟滑入芯，加上上老醋白糖一起吃，簡單卻食味特別反沙芋頭，比較少地方有，今次見到當然要試下芋頭炸得乾身，食落芋泥軟綿且香😋，外層加入脆糖，十分脆口又唔會太甜😍總括黎講: 食物質素中上，環境舒服，不過單點既份量就較細🍳🍴味道: 7.8/10👩👨服務: 6.5/10🏠💺環境: 7/10💰💸抵食: 7/10總消費: $945 (5人)…查看更多

十里潮香是一間中低價位的潮州菜館，店內裝潢像整潔版茶餐廳，實而不華，但因為食物不俗加上價錢大眾化，所以都幾多人幫趁。＊＊＊＊＊＊＊＊＊＊＊甫到時還未到七點，所以還未有其他食客，但之後就開始越來越多人。十里潮香的晚市有二人餐和四人餐，二人餐由百多元至三百多元不等，可謂豐儉由人。不過因為有部份想試的餸菜不在套餐內，所以我們就決定單點。左: 凍潮州金桔蜜(跟餐+$10)金桔蜜是綠色，顏色跟想像中有點出入，不過又真有金桔味。右: 凍桃花島黃皮蜜($19)黃皮蜜比較少見，所以點來試試，味道甜甜的都不錯。金牌滷水鵝片($88)滷水鵝片份量都可以，上片是切片鵝片，下面是豆腐乾。鵝片滷水味濃淡得宜，不會過鹹，鵝肉肥痩適中，皮下還帶點肥膏，口感軟嫩。豆腐乾很入味，帶點彈口，味道都不錯。香煎蠔仔烙($78)蠔仔酩入面有超多蠔仔，每隻都很飽滿多汁，蠔烙應用上傳統製法，口感較蠔餅濕軟。蘸上魚露佐食，鹹香令蠔仔的鮮味更突出，也稍減蠔烙的膩感。香煎黃花魚($88)黃花魚煎得夠乾身，絕無油膩感，食落很酥脆，做得非常出色！方魚蠔仔肉碎粥($58)蠔仔粥是午餐，但晚市也可以點，包油菜加錢加冷熱飲或特飲。蠔仔粥都幾足料，入面有很多蠔仔，隻隻都有有半隻拇指般大，非常飽滿。潮州糖醋麵($78)糖醋麵是潮州菜入面我最喜愛的菜式，糖醋麵雖然看似簡單，但要造得好吃都不容易，要做到外脆內軟而不至硬脆才為上品。這裡的糖醋麵中間夠軟，但外表卻略嫌不夠脆，只屬普通。福果竽泥($28)福果竽泥就是白果竽泥，香港不太多潮州菜館有，所以在十里潮香見到都幾意外。竽泥很滑，杰度適中，味道不錯。馬蹄綠豆爽($28)馬蹄綠豆爽都幾多馬蹄，馬蹄非常爽口，但糖水只有甜味，比較單薄。總結，不單套餐抵食，即使單點，大部份餸菜都是幾十元有交易，其中有蠔仔的菜式最好，因為蠔仔都非常飽滿。…查看更多

很久沒有吃潮州菜，屋企人話想食蠔仔粥。 在銅鑼灣金百利商場 有一間潮州菜館， 價錢相宜而且質素唔錯。 坊間大多數潮州菜都經過改良， 傳統又地道嘅已買少見少。餐廳空間唔算太大， 不過 裝修簡潔明亮，枱與枱之間唔算太迫。睇返餐牌， 普通晚餐五十幾蚊有交易， 真不可思議樓下間茶餐廳都要六，七十蚊。 細看還有二人餐四人餐可供選擇。精選二人餐 $298我們選了二人晚餐 因為已包括所有想食的菜式。鹹菜胡椒豬肚湯 先來是胡椒豬肚湯。 胡椒味很濃郁! 呷一啖已經非常醒神， 啱曬炎炎夏日。 豬肚已經煲到好林， 仲入曬味， 鹹酸菜唔係淨係得個鹹字， 仲帶少少酸和甜， 明顯經過處理的鹹酸菜。成個湯都好有誠意。仲有自選鹵水双拼。 我們選了滷水鵝肉和滷水掌翼。 鹵水鵝肉香嫩入味， 掌翼 比較細隻， 皮肉不多但滷水甘香濃郁。 最正係底部墊有鹵水豆腐， 盡吸精华， 相當貼心。因有些潮州菜館雙併下面只有芽菜， 要食豆腐就要再另外再點選。方魚肉碎蠔仔粥期待已久嘅蠔仔粥熱辣辣上枱。 很欣賞粥底清甜唔會過度咸， 亦冇過多嘅芫茜 芹菜碎充斥著蠔仔粥， 相反吃到有真正蠔味嘅粥。 蠔仔肉份量不少， 可以話啖啖都有蠔肉。香煎蠔仔烙嫌鹽蠔仔粥唔夠喉， 重有煎蠔餅。 煎炸得香口嘅蠔餅， 唔會感覺到好重麵粉薯粉嘅厚度， 相反鬆脆外皮內就是蠔仔肉和蛋， 蘸些鹹香的魚露更能帶出蠔仔肉嘅鮮味。方魚炒芥蘭 方魚塊有咬口又鹹香， 芥蘭嫩綠爽甜， 最重要夠鑊氣。 叫了一杯潮州特飲"潮州柑桔蜜"$19味道似咸柑桔， 有鹹柑桔碎 但顏色特別，呈深綠色。 清潤解渴，唔錯! 因為很喜歡吃炸豆腐， 我們亦叫了普寧炸豆腐。 質感有啲似炸臭豆腐， 外皮鬆脆， 香口。 用了硬身豆腐， 但口感極佳，裏面又帶有少少軟綿。 配上地道潮式韭菜鹽水作調味， 非常美味!鹽香凍烏頭$128食潮州菜真係唔少得一條凍烏頭。 真係要早啲order， 食到半路店員話已經售罄。烏頭魚肉肥美， 香濃嘅魚味， 魚肉帶有少許油脂和濕潤， 唔係攤到凍冰冰乾爭爭嘅魚肉， 配上經典嘅普寧豆醬， 好耐冇食過咁美味嘅凍烏頭。 再蘸一點普寧豆醬，豆醬唔會過鹹，有豆香， 魚肉鮮味唔腥!睇真啲條魚尾有個標籤--楊氏元朗烏頭。 果然係條正貨黃油烏頭， 手快有手慢冇。 汕頭小食拼盤$48每款一件的小食拼盤， 少少地可以品嘗多款。裸類有分咸和甜。 鹹的類別， 有韭菜餡料和粟米餡料。 各有特色。 韭菜切得幼細調味適中， 粟米粒超甜。 不過最正係個鄧麵做的外皮， 晶瑩通透超柔軟， 食落軟糯帶少少煙韌， 唔似得潮州粉果嘅外皮凍咗咁硬， 其實我們都已經吃到飽飽，但仍覺得小食拼盤超好味。 點心師傅手工唔錯。甜的餡料 味道唔錯， 外皮煎得很香。 二人晚餐還包括甘草果， 帶少少鹽的水果塊， 幾特別。今晚超滿足吃到所有潮州至愛菜式。…查看更多

潮州菜比人感覺就係一大班中佬係大排檔叫幾支啤酒食滷味，但事實上潮州越來越受歡迎，而餐廳亦由大排檔轉變了走中高檔路綫。今晚同老公兩個去了銅鑼灣的十里潮香食潮州菜。雖然位處銅鑼灣但價錢卻非常大眾化，二人餐都是$298，有多款特色的潮州菜，樣樣都可以試齊。青欖燉豬展淡淡欖香，湯既清且甜，青欖有止咳化痰作用。滷水雙拼:鵝翼及豬手兩者都炆到很入味，鵝翼更是入口溶化，豬手就比較鞋。香煎蠔仔烙啖啖蠔肉及蛋香，蠔肉完全唔腥，味道一流。方魚肉碎蠔仔粥必試的食物之一，方魚香味十足，蠔肉脹卜卜，湯底既香且鮮，完全無腥味。方魚炒芥蘭切段芥蘭，以炸脆的方魚作伴菜，香口又不油膩。黃金蝦棗炸得鬆脆但裏面蝦肉不多，不夠彈牙。…查看更多

潮州菜是中國南方傳統地道飲食文化之一，以選料考究、刀工精细，烹調方式多樣見稱，亦因潮汕地區鄰近沿海，其鹹鮮海產也頗知名。而潮州菜來到香港後亦逐漸演變加入了不少地道元素，此種平民化港式潮菜大眾又稱之為打冷。在銅鑼灣要覓得一所出色的地道潮州菜並不容易，而筆者最近就和家人來到金百利中心一間新開業的潮州菜用膳。店内空間不大，裝修簡約舒適，設計選用了金庸小說裡以饞嘴聞名的丐幫幫主洪七公為主題，牆上印有不少他的武功招式如神龍擺尾、飛龍在天等作裝飾，滿有新派玩味中國風，轉變了打冷店一般較街坊簡陋的形象。細閱餐牌，小店的菜式種類也頗多，從滷味湯品、前菜小炒到海鮮鮑翅、主食甜點皆有供應，另有2款優惠套餐，$600元左右已可享一個4人套餐，算甚抵食，實在豐儉由人。我們點了一個4人優惠套餐，另加了幾道傳統小菜。鹹菜胡椒豬肚湯，以胡椒、鹹酸菜和新鮮豬肚滾成靚湯，豬肚煙韌帶嚼勁，鹹酸菜鹹香爽口，湯色呈奶白狀甚濃郁，味道先是微微的鹹酸鮮甜，胡椒香不太突出，到後段胡椒味才徐徐散發開來，微微的辛辣為味蕾添上了刺激了，整體味道雖不很突出，但還算到位。青欖燉豬展，另一款老火燉湯， 湯色呈深褐色，入口甘甜，滲著淡淡青欖酸香，暖胃滋潤。滷水拼盤，有齊鵝件、五花腩、滷大腸、豬耳、紅腸和豆腐。鵝件肉質細嫩，五花腩爽口入味，但脂肪多得有點嚇人，不敢多吃；滷大腸偏瘦煙韌沒有臊味，鹵豬耳爽脆帶嚼勁，紅腸鹹香惹味，豆腐軟滑盡吸滷汁滋味。這裡的滷水汁香而不太濃不會死鹹，全都滷得剛好入味帶著香料清香，也吃得到食材原有滋味，層次尚算豐富。滷水鵝肝，鵝肝做得非常幼嫩，入口綿滑無筋，點上白醋添上酸香，清爽入味，沒有膩口的感覺，做得十分出色，頗有驚喜。香煎蠔仔烙，跟一般的蠔仔餅有點不同，沒有用上太多澄麵，煎得脆身色澤金黃，滿有蛋香，粒粒肥大的蠔仔份量亦不少，處理得乾淨無沙，咬落外脆內軟，蠔香濃郁，不太油膩，點上魚露添上鹹鮮，更顯潮味。荔芋香酥鴨，賣相雖與預期中有點出入，但仍算炸得香酥脆口，芋泥釀在薄薄的鴨肉上面，綿密幼滑，芋香十足，頗為搭配，佐上炸得酥化的珍珠菜，別具風味，如外層脆皮能做得鬆香一點口感應會更佳。鹽香涷烏頭，選用了本地元朗出產的黃油烏頭，魚肉結實嫩滑帶黃油香，啖啖肉沒有魚腥，鹽香油潤，不用點醬已很鮮味，蘸點普寧豆醬添上鹹鮮，更能帶出魚香。潮式春菜煲，春菜是潮汕獨有的特產，口感介乎芥菜與菜心之間，兼有菜心的清甜和芥菜的甘苦，大廚簡單以肉湯、冬菇和蘿蔔烹煮，春菜吸收了湯頭的鮮甜肉香，食落爽嫩香口，湯頭亦鮮甜味美，為之前的濃膩帶來了一點小清新。汕頭小食拼盤裡有五款粿件，是潮汕地區民間小食，菜脯粿爽脆鹹香，韭菜粿濃鮮香口，芋頭粿軟脆中帶芋香；紅豆粿軟綿香甜，玉米粿以粟米夾上鹹肉碎，清甜爽口。五款粿角各有特色，粿皮晶瑩軟糯，雖然感覺有點油膩，但風味特別，小試無妨。蛋包菜甫粒炒飯，蛋絲皮將半圓的炒飯團團包著，賣相精緻，炒飯炒得粒粒分明，加上菜甫粒的鹹香脆口，更覺清爽惹味。最後以馬蹄綠豆爽來一個完美結局，切成薄片的馬蹄，配上去皮綠豆，質感濃稠，清清的不會太甜， 爽脆帶咬口，唯一挑剔的是綠豆不夠酥化，如煮得鬆化一點，口感沒有違和，將會更好。整餐質素十分有驚喜，尤其是那滷水鵝肝實在讓筆者留下深刻的印象，而且店員招呼有禮，定價亦合理抵食，在銅鑼灣要找一處坐得舒適的潮州打冷，這店實屬不二之選，有機會來到此區，不妨可來試一下。…查看更多

十里潮香，就這樣看名字我一直以為是吃辣的，原來是典型的潮洲菜整個餐牌都是傳統潮洲菜，還有必叫的滷味。本也想吃蠔仔粥，但我跟友人只有兩人，有好多想吃都沒胃容量裝啦！滷味是不能不點的吧！選了五香牛展和豆腐，份量好多，都滷得好入味，鹹香的，豆腐都變色了。牛展的肉很嫩和軟身，味道又香，點酸醋吃別有一番味道！蒸三色餃有菜脯，粟米和紅豆餃各一，每隻都大大隻，塞了滿滿的餡料。潮式水晶餃皮有咬口，菜脯爽口又不會過鹹，紅豆香甜，粟米就如粉果的味道，大件又抵食。碧綠川椒雞球的碧綠就是底部的葉，炸得香又薄脆。雞肉大件肉質軟，每件沾滿醬汁，帶有一點麻香但一點也不辣。香煎蠔仔烙的外邊炸得酥脆，中心部份有大量蠔仔，又大大粒，每一口都咬到蠔肉鮮味，不加胡椒粉和魚露也可以。潮州糖醋麵原來是一個金黃色的煎麵餅，連兩樽糖和鎮江醋自己調味。麵餅脆份量又大，加多點醋感覺沒那麼飽。褔果即白果，芋泥超厚實，啖啖實在，喜歡芋頭的人要吃！如果沒有另外淋糖漿就perfect了！叫了好多，最後要打包回家…查看更多