Dream Cafe (已結業)

上次上朗晴坊食米線, 見到原來成幢都係餐廳黎, 係樓下就見到依間cafe個menu, 見到個二人餐好似唔錯所以就黎左食晚餐啦~餐廳燈光昏暗有格調, 坐低後仲發現天花既燈係由酒杯砌成, 幾特別~依度有一人set dinner同二人set dinner, 二人set dinner有兩款, business set就係貴d當然食既野都唔同啦, 我地兩位就揀番平d個個二人set。南瓜湯個湯唔會過稀又唔會傑得濟, 不錯! 啖啖湯都有南瓜蓉, 好濃郁下沙律正常新鮮沙律菜加左橄欖油同醋, 餐前fresh一fresh香煎大蝦配墨西哥香辣蕃茄意大利麵賣相唔錯, 大蝦同menu上面既圖一樣咁大隻, 無用假相而個意粉我自己就好中意, 辣辣地又沾滿蕃茄汁香煎紐西蘭鮮肉眼扒配什菌燒汁我地叫左5成熟, 出到黎效果都好好, 切開個下就知佢肉質軟腍, 口感好好呀牛扒好大塊, 牛味頗重, 底下有薯條墊底, 如果燒汁可以另上會更好叫飲品既時候見到佢menu上面連花茶既功效都寫埋落去, 真係有心思~女仔見到實會揀到一款, 而我地就揀左茉莉花茶同埋芒果綠茶。第1次飲花茶會跟埋蜜糖, 成個感覺優越哂, 飲花茶最中意就係用蠟燭一

頭盆係甘荀南瓜湯，甘荀味清甜，湯料打得好幼滑。田園沙律d火箭菜幾清新，黑醋汁酸酸甜甜幾開胃。香煎澳洲羊架配牛肝菌燒汁，配菜有甘荀仔、炸薯角同西蘭花。羊架煎到五成熟啱啱好，鮮嫩多汁。香煎大蝦配墨西哥香辣蕃茄意大利麵，大蝦開邊煎到好香脆，蝦腸都挑得好乾淨。意粉有d墨西哥辣椒幾惹味，辣味到中段開始變強。玫瑰柑桔柚子梳打，入面放左玫瑰花乾，散發出淡淡玫瑰花香。柑桔柚子加上氣泡豐富嘅梳打水，口感清爽又唔會過甜。薄荷朱古力咖啡沙冰，朱古力咖啡味幾香濃，但蓋過左薄荷味，如果加一兩片薄荷葉會更好。

朗豪坊就去得多，原來喺朗豪坊cinema City隔離有一棟叫朗睛坊😆，原來都好多餐廳，一層一間！今次就去左5樓嘅Dream Cafe，雖然鋪頭面積唔算大，但係都坐得舒服同乾淨。我同朋友就叫咗個二人套餐，價錢相當合理都係$308加一佢係A+B噤配，加兩杯飲品🍹。我哋叫咗一個香煎大蝦🦐配墨西哥香辣蕃茄🍅意大利麵🍝同香煎紐西蘭鮮肉眼扒🐂配什菌汁🍄。另外仲有時日餐湯(羅宋雜菜湯)同沙律🥗。塊肉眼扒又煎得好香，超級juicy 仲有個什汁又整得幾好食，不過邊位就有少少肥，有啲人就鍾意食因為嗰啲肥位好重牛香，但我就一般般，所以都係切走佢無食！配菜佢就用咗幾條薯角同西蘭花，好食！另外個大蝦意大利麵，比預期更加好食，佢個意粉比較幼身，類似天使面，唔會太𣺉，幾彈牙。佢醬汁仲好好食，酸甜有鮮蕃茄碎同粟米，愈食愈開胃，搞到我哋食完都好似唔夠，大蝦已經係開邊煎，唔使剝殼，一址就食得勁方便！飲品我哋就叫咗榛子朱古力同薄荷朱古力，朱古力味相當濃郁，又唔會太甜，不錯！

朗晴軒不嬲多野食，今次試5樓既Dream Cafe，餐廳啲櫈全部係厚墊，好多卡位，坐得幾舒服食物方面，要咗個$288二人餐，跟餐既湯或沙律都ok，另外要咗個香煎大蝦意大利麵同肉眼扒當然啦，$288兩個前菜、兩個主菜、兩杯飲品，其中一個主菜仲係肉類（包括牛扒或羊架），真係唔好期望有好高質素，出面一個靚牛扒既價錢，已經可以貴過成個餐綜合黎講，食物都ok呀，個意粉幾香辣味，隻蝦夠大隻；個牛扒都ok，入到口餐廳坐得舒服又唔趕人走，係旺角黎講算唔錯