C2 Lab

我同老婆都鍾意食油封鴨髀曾經食過好多間餐廳只有偶爾一兩間係滿意。呢間餐廳嘅油封鴨髀網上流傳係世一，幾年嚟都未有機會試，今日趁住結婚周年，預早訂枱日常呢個傳說中嘅名菜。由於見到前菜都好精美，而且餐廳做優惠，叫一個主菜可以用優惠價$88叫一個前菜，忍唔住叫咗四個嚟試吓。意式薄切油甘魚配橘子甜醋$108一般去食日本嘢都會叫油甘魚刺身，但係配上特製嘅西餐醬汁，令魚嘅鮮味提升咗，層次豐富咗，最神來之筆就係配上法國柑橘仔，唔酸之餘非常清新，如果夾埋一齊食令人非常回味。法式香煎鵝肝配柚子珍珠$88香煎鵝肝好多餐廳都會賣，但有時做得唔好，鵝肝會有筋又或者帶一種腥味，又或者煎得唔夠透，食唔到鬆化嘅口感。但係呢個鵝肝可以話係超水準入口鬆化油分充足而且餘韻悠長，配麵包食，一啲都唔覺得膩口。同樣嗰粒法國桔仔又發揮解膩嘅作用。香煎北海道帶子黑魚子配黑松露忌廉汁$88一般香煎帶子都係會跟白酒忌廉汁，呢度都唔例外，但酒量控制得非常好唔會喧賓奪主，帶子煎得兩面金黃椒香，加上黑松露嘅獨特香味，呢個前菜令人胃口大開。燒法國鵪鶉髀配紅桑子陳醋汁$88除咗去米芝蓮法國餐廳之外，我好少會見到餐廳提供呢個菜式，而且仲係當前菜食。鵪鶉髀燒得啱啱好皮脆肉嫩。蘸上意大利陳醋食，一啲都唔油膩，令人印象深刻。油封鴨髀配杏脯乳酪汁$238期待已久，主角終於出場！外皮煎得非常香脆，一啲都唔油膩。鴨肉本身已經醃過，烤焗得比較乾身，但食落一啲都唔柴，蘸上杏脯乳酪汁，微酸而帶清新嘅味道同呢個鴨髀，可謂絕配，難怪咁多客人慕名而來。低溫慢煮美國和牛面頰配薯蓉$278其他西餐廳比較少出呢道菜，因為牛面頰一般都做得比較嚡口。經過慢煮同埋用紅酒去醃製之後，牛臉頰濃郁嘅牛肉香味進一步提升，而且呢個汁，配埋薯蓉嚟食，真係天衣無縫。香煎南極橙魚配紅桑子果蓉$268食咗咁多嘢之後對呢間餐廳出品好有信心，於是試埋呢一個期間限定嘅南極橙魚。其實本人對於紅桑子汁一直都反感唔鍾意佢嗰種酸味，但不得不讚廚師嘅功力，將紅桑子清新嘅口味調校得啱啱好，再配埋呢個魚真係越食越開胃。橙魚我之前都未食過，所以冇期待，但係個魚皮煎得好香脆，魚肉實淨，魚味都係一般。主要都係靠個紅桑子汁。焗蘋果批伴雪糕$62由於慶祝結婚周年，點都要叫個甜品增加儀式感。蘋果批焗得好香脆，不過啲蘋果就唔覺有特別處理，所以食落都係蘋果還蘋果，批還批，不過如果以呢個價錢都已經冇投訴。整體嚟講，呢間餐廳前菜同主菜都處理得非常好，難怪當日6點半侍應已經話冇吉位，未夠7點已經全院滿座。傳說中嘅油封鴨髀亦都令我喜出望外。另外侍應服務非常專業態度親切。令用餐嘅感受非常良好。不過奉勸各位，如果嚟食真係要訂位。…查看更多

今次第一次寫食評，真的滿足感恩，好有質素，環境舒適，價格超合理，性價比極高，一定會再去回味👍🏻👍🏻👍🏻👍🏻👍🏻完全在食物中可以看出廚師用心製作🥰🥰…查看更多

疫情期間已經去過幾次，因為同事既舊同乾開既，咁... 難得又好食又經濟，why not？因為去親都係一班同事，一人點一樣加餐咁... 我地都差唔多試哂個menu,但sorry... 真係懶去掘... 同埋最緊要係最多只係放10張,所以呢…意式薄切油甘魚配橘子甜醋佢個汁又係調得酸酸甜甜而又match到個油甘魚白汁蒜蓉鑽石蜆呢個蜆好食啊～ 加埋我喜歡食海鮮由其係甲殼類佢個汁係可以當湯飲，絕對值得點香煎北海道帶子黑魚子配黑松露忌廉汁呢個個帶子又係大大粒，個汁又係好好食，我對魚子都係無太大興趣，所以我既target都係帶子鮮蟹肉牛油果蝦凍批就算我唔太鍾意牛油果，又唔係話好難搵到既菜式，但就唔係話間間都做得好食，可以係牛油果唔夠新鮮，可以係唔夠蟹肉（可能因為佢呢到係蝦肉，所以唔會一絲絲食唔到散哂咁）等... 都覺得呢個好好食，佢呢個combination好好意式薄切生牛肉配芝士麻菜沙律呢個又係好正～ 個意大利黑醋好香濃唔係99的個種佢地就我唔鵝肝，但之前都有撩過下，我唔識俾分，但佢地係食得好開心既黑松露忌廉湯 ／ 牛尾湯我至愛既蘑菇湯，所以我都係仲未試到佢個牛尾湯又... 自從男人導左我黑松露就再唔係gas味🤣雙蝦微辣茄蓉意粉呢個唔會太辣太嗆，香口微微既辣度，大蝦新鮮彈牙燒美國熟成豬鞍配燒烤汁小妹見識少，係呢間前，我未食過咁嫩口，唔柴仲要好juicy既豬肉，呢個真係我地次次都即刻話要叫既，呢個真心推介M唔記得幾既牛扒對唔住，因為呢個係黑板上既，所以唔記得係M幾，我唔好肉就大家都知，呢個牛好食，不過呢… 牛就周圍都有得食，相比之下，係呢到... 豬同牛,我會揀豬鞍，因為真係唔係周圍都食到既level魚又係黑板上既，咩魚唔記得，只記得個汁配埋煎香左既魚好夾好好食魷魚海蜆配墨汁意大利飯我記得第一次接觸墨魚汁，以為只係食到黑哂，但其實我個胃唔係好受到，所以要知佢係色素定真材實料，只要等一陣睇下我有冇唔舒服（好似係好涼個種）就知，而呢個我有，所以佢係真墨黎既🤣呢次我地無叫甜品，因為大部份人都唔好甜，而我印象中，試過兩啖係唔錯既…查看更多

我生日梗係有好姊妹同我一齊食飯啦，啲咁重要日子點可以少得佢哋呀？今次為咗就我，揀咗喺深水埗食，其實深水埗真係好多嘢食㗎！呢間舖頭其實我一早已經想去㗎喇，佢門口有好大隻嘅Iron Man🤣，我哋四個人叫咗三個頭盤，有我最鍾意嘅北海道帶子，我唔食牛油果㗎，但係蟹肉牛油果蝦凍批，竟然比到驚喜我，好好食喎😋😋😋，我以為嗰個薄切油甘魚會好腥啦！配個橘子甜醋啱啱中和左，完全冇腥味，讚👍。黑松露忌廉湯，松露味好濃郁啊！麵包都好好食呀！可以媲美嗰個黑糖麵包。主菜要咗個油封鴨髀同埋豬鞍，佢哋都係配滿滿嘅薯蓉陪襯，豬鞍肉好嫩口，加咗個雙蝦微辣意粉同啡菇黑松露飯，我自己就覺得嗰個雙蝦意粉有驚喜，啡菇松露返就普通啦！唔知係咪因為飲得太多湯，所以覺得個飯好似冇個湯咁好咁，叫左杯C2 Punch，當個波波爆咗就煙消雲散㗎喇！其實係我最鍾意嘅菠蘿汁溝橙汁冇酒精😝😝…查看更多

之前有日路經此地，見到lunch set好抵食，食過亦都非常出色，所以決定晚市黎試一試佢由於我哋好鍾意飲酒，所以Booking都約咗響六點，諗住一邊飲一邊食,坐低二話不說一定要開支白酒先，頭盤唔使講一定要食生蠔，當日日本生蠔屬於海水味重啲，爽身，但鮮甜嘅樓面服務異常地出色😛響佢介紹之下，我哋叫咗以下嘅食物（當日其實飲咗六支酒，一杯啤酒，兩杯Cocktail，中間仲有幾shot Lemon cello，所以醒咗之後仲可以憑記憶寫到咁多嘢，我已經覺得自己好叻)最黐線嘅地方係，佢真係每一樣嘢都咁好食，所以就算之後醒返，都記得一定要寫返呢篇食評威威chef 同Billy 都真係用心制作同工作，真係要多啲幫襯呢類型嘅小店，物超所值…查看更多

朋友生日在C2 Lab 慶祝🥳， 位於深水埗福榮街 。當晚我們叫左很多美食😊，生蠔、 意式薄切生牛肉配芝麻菜沙律、 香煎北海道帶子黑魚子配黑松露忌廉汁、法式香煎鵝肝配柚子珍珠、 鮮蟹肉牛油果蝦凍批、 牛尾湯、黑松露忌廉湯、雙蝦微辣茄蓉意粉、 魷魚海蜆配墨魚意大利飯、 燒美國熟成豬鞍配燒烤汁、 松子青醬焗澳洲羊扒配煎羊血腸、燒美國頂級腹腔柳、 黑松露薯條、自家製心太軟、 香濃咖啡焦糖布甸煙燻杯、C2 Punch、 Tutti Fruitti、 Virgin Mojito。 🔸生蠔 ～ 點了一打生蠔🦪， 睇相都知肥味新鮮。 🔶前菜 ： 🔸意式薄切生牛肉配芝麻菜沙律🥗 ～ 薄薄一片生牛肉，口感柔軟。 🔸香煎北海道帶子黑魚子配黑松露忌廉汁🧆 ～ 帶子鮮甜美味😋。 🔸法式香煎鵝肝配柚子珍珠🫓 ～ 鵝肝入口即溶，好邪惡呀🤭！ 🔸鮮蟹肉牛油果蝦凍批🥑 ～ 啖啖蟹肉和牛油果好夾， 香滑鮮味。 🔸黑松露薯條🍟～ 粗薯條配上黑松露，好味。 🔶湯 ： 🔸牛尾湯🥣 ～ 足料牛尾湯， 牛尾大大嚿好軟腍。 🔸黑松露忌廉湯🥣 ～ 口感香滑的忌廉湯， 配餐包特別好味。 🔶主菜 ： 🔸雙蝦微辣茄蓉意粉🍝 ～ 少少辣好開胃， 蝦肉爽甜。 🔸魷魚海蜆配墨魚意大利飯🍛 ～ 味道濃厚的墨魚汁， 意大利飯煙韌有口感。 🔸燒美國熟成豬鞍配燒烤汁🥓 ～ 豬鞍口感爽嫩， 值得推介。 🔸松子青醬焗澳洲羊扒配煎羊血腸🍖 ～ 羊扒嫩滑， 而我最喜歡的是羊血腸， 又香又嫩😋，喜歡吃羊的千祈不要錯過。 🔸燒美國頂級腹腔柳🥩 ～ 肉質新鮮細緻， 牛味香濃。 🔶甜品 ： 🔸自家製心太軟🧁 ～ 刀切下去時，內裏的朱古力漿流出， 令人滿足的甜品。 🔸香濃咖啡焦糖布甸煙燻杯🍮 ～ 好睇又好味，濃濃的咖啡香， 配上軟綿的口感。 🔶飲品 ：🔸C2 Punch ＆ Tutti Fruitti🍹 ～ 兩款mocktail的味道都不會太甜。 🔸Virgin Mojito🍸 ～ 清爽酸甜的味道，去膩之選。 整體食物和飲品的質素都不錯😉。…查看更多