京林屋 (希慎廣場)

天口熱，今日勁口渴，好想食冰，只係諗到希慎既京林屋，星期六6點後到都要等位，好彩只係等咗20分鐘。咁耐無黎，餐牌好似同之前一樣。甜食有啫喱雪糕，餡蜜，雪山，芭菲，布丁，蕨餅，年糕甜湯，白玉甜湯，芝士蛋糕，法式聖馬克抹茶蛋糕，卷蛋，另外亦有鹹食如蕎麥麵，烏冬，稻庭麵，鰻魚飯，牛肉丼，牛肉烏冬，金目鯛魚定食，鯖魚定食，雞扒飯，其他定食等。茶有日本最好嘅抹茶玉露，焙茶，玄米茶，煎茶，紅茶，黑豆茶，沙冰，牛奶，沙冰雪糕等。雪糕口味主要係抹茶同焙茶。餐牌寫每人最低消費一樣野，用餐時間普通座位為90分鐘。雪山 $108 另加一林屋抹茶雪山特大特大雪山有勁多軟綿綿嘅雪花冰，上面最頂有半球抹茶硬雪糕，面頭灑上少少抹茶粉。雪花冰外面嗰層已經加左牛奶，味道微甜，味道調得好啱。入面好多雪花冰係冇味，等你自己加另上嘅抹茶醬或者煉奶食。抹茶醬好香濃而甜度適中，煉奶又香又甜，各有各好，個人覺得加邊樣都好味。雪花冰傍邊有兩粒白玉丸子，下底仲收埋左唔少抹茶蕨餅同紅豆蓉，同無味既雪花冰一齊食就唔覺甜。雖然抹茶硬雪糕唔係軟雪糕，但係都好滑同抹茶味香濃，配綿綿冰食都幾好。食完堅解渴。香港限定芭菲 $98 另加一香港限定芭菲一貫用高身玻璃杯裝住，有好多層嘅材料。首先抹茶軟雪糕喺頂，滑溜而抹茶味都唔錯，下面有三粒有嚼勁嘅白玉丸子同三件好滑嘅抹茶蕨餅。呢度嘅蕨餅係我暫時喺香港食過最好味嘅。下底就係我鍾意可以加添口感嘅脆米，呢度係用家樂氏，再下底就係抹茶嘅絕配紅豆蓉。仲有少許忌廉（原本想走忌廉，不過原來係唔得），同兩粒浸泡過嘅士多啤梨，令味覺清新少少。再下底就係爽滑啫喱同抹茶蕨餅。最下底一粒白玉丸子就完成成個香港限定芭菲。當然呢個香港限定芭菲口感勁豐富，集香滑，香脆，滑溜，煙韌，鮮甜於一身。今次我地三個人分享，食完唔覺太甜。黑糖珍珠焙茶雪糕 $58 另加一呢個黑糖珍珠焙茶雪糕上次食過又平又正，今次忍唔住要encore。焙茶雪糕超滑溜同香濃。杯邊超多黑糖珍珠，煙韌好有咬口但唔過甜。雪糕下底原來仲有脆米加添口感。不過仲有一小pat忌廉我就唔太欣賞，太膩同冇必要。今次另上左一細兜黑蜜，我覺得完全唔需要了。不過之後我地加落熱茶度飲原來好夾。京式鰻魚飯(原條) $128 另加一京式鰻魚飯暖笠笠上枱，原條鰻魚切開兩半，質素正常，彈牙又好味。鰻魚伴有蛋絲同紫菜絲。飯量好多，而粒粒飯都沾滿醬汁而唔過鹹。跟餐仲有四條好爽脆鮮甜嘅白蘿蔔漬物放到井字形，仲有一碗鹹香適中嘅熱辣辣麵豉湯，入面有少少豆腐皮同葱花。跟飯配自選茶，五揀一，可揀温或冷。温桃味焙茶 (跟飯)我哋揀左温桃味焙茶，係一個茶壺同一套茶杯連熱水壺咁上。將熱水倒入茶壺，沙漏漏完就可以飲得。茶色呈淺啡色，桃味好香濃，食住凍雪糕一邊飲就正啦。熱水壺保温做得好好，飲到尾都仲熱。跟飯包埋呢個飲品都幾抵。後尾我地加左黑蜜一齊飲真係有多一重飲法。今餐食物質素基本都保持一貫水準，食完甜品胃大滿足。服務都係一貫水平，可能太忙，服務員基本上都無好面口。因爲上次會溶嘅野食一次過上哂俾你，唔理你食唔食得切，所以今次我地逐樣逐樣叫，食完一樣先一樣，用餐體驗即時改善！…查看更多

早幾日已經想黎京林屋食甜品，不過勁多人等位就放棄左。見今日條人龍短少少就去食，但係都等左七個字，明明有客走左好耐都未清到枱俾人入，好彩舖頭出面有位坐。今次有幸坐到和式座位，私隱度稍微高少少，不過好難合照，用餐時間限時60分鐘，座位嘅皮都爛哂咁滯，係時候要換新。餐牌包羅萬有，甜食有啫喱雪糕，餡蜜，雪山，芭菲，布丁，蕨餅，年糕甜湯，白玉甜湯，芝士蛋糕，法式聖馬克抹茶蛋糕，卷蛋，另外亦有鹹食如蕎麥麵，烏冬，稻庭麵，鰻魚飯，牛肉丼，牛肉烏冬，金目鯛魚定食，鯖魚定食，雞扒飯，其他定食等。茶有日本最好嘅抹茶玉露，焙茶，玄米茶，煎茶，紅茶，黑豆茶，沙冰，牛奶，沙冰雪糕等。甜品口味主要係抹茶同焙茶。餐牌寫每人最低消費一樣野，用餐時間普通座位為90分鐘。今次叫左一個熱食同三份甜品。京式鰻魚飯(原條) $128 另加一記憶中好多年前都喺度食過同一樣野。京式鰻魚飯大大碗，當然真係原條鰻魚切開兩半。上面嗰半好肥，下面嗰半瘦啲，質素唔錯，彈牙又好味。鰻魚上面加左蛋絲同紫菜絲。飯量好多，而粒粒飯都沾滿醬汁而唔過鹹，好味道。跟餐仲有四條好爽脆鮮甜嘅白蘿蔔漬物同一碗鹹香適中嘅熱辣辣麵豉湯。跟飯配自選茶，五揀一，可揀温或冷。温桃味焙茶 (跟飯)我哋揀左温桃味焙茶，係一個茶壺同一套茶杯連熱水壺咁上。將熱水倒入茶壺，沙漏漏完就可以飲得。茶色呈淺啡色，桃味好香濃，食住凍甜品飲就正啦，至少冲到7杯。熱水壺保温做得好好，飲到尾都仲熱。跟飯包埋呢個飲品都幾抵。特濃焙茶雪山 $98 另加一Size上細過上次叫嘅特大雪山好多，而價錢只係平$10，我哋就係為左呢個焙茶味而叫。勁多軟綿綿嘅雪花冰，味道係焙茶，可惜味道好啖，絕對冇上次嘅牛奶味好食。另上有兩細兜黑蜜俾你加，係唔甜架，加左都唔係幾夠味，可能要加好多，所以俾兩兜一樣嘅你？不過個人唔想再加太多呢啲漿。雪花冰傍邊有兩粒白玉丸子，下底仲收埋左唔少焙茶蕨餅同紅豆蓉，紅豆蓉同啖味既雪花冰一齊食就唔覺過甜。上面最頂有半球焙茶硬雪糕，雖然唔係軟雪糕，但係都好滑同焙茶味香濃，配綿綿冰食都幾好。個人覺得上次食嘅特大雪山絕對係好食同抵食好多。就算明知服務麻麻哋都要等位黎食，本來就係為左雪山，下次要叫返特大雪山。香港限定芭菲 $98 另加一次次都係食香港限定芭菲，本來想食其他味，不過另外嗰三款都唔多吸引，所以再次encore。香港限定芭菲一貫用高身玻璃杯裝住，有好多層嘅材料。首先抹茶軟雪糕喺頂，香濃厚身抹茶味濃而超滑溜，下面有三粒有嚼勁嘅白玉丸子同三件好滑嘅抹茶蕨餅。呢度嘅蕨餅係我暫時喺香港食過最好味嘅。下底就係我鍾意可以加添口感嘅脆米，係用家樂氏，再下底就係抹茶嘅絕配紅豆蓉，不過我覺得太甜。仲有少許忌廉，同兩粒浸泡過嘅士多啤梨，令味覺清新少少。再下底就係爽滑啫喱同抹茶蕨餅。最下底一粒白玉丸子就完成成個香港限定芭菲。當然呢個香港限定芭菲口感勁豐富，集香滑，香脆，滑溜，煙韌，鮮甜於一身。不過食到最底主要係紅豆味，實在係太多紅豆，太甜啦。黑糖珍珠焙茶雪糕 $58 另加一呢個黑糖珍珠焙茶雪糕上次食過又平又正，今次忍唔住要encore，我見好多人都有試。焙茶雪糕好香濃厚身同超滑溜，正，個人覺得仲好食過抹茶味。杯邊超多黑糖珍珠，超煙韌好有咬口但唔過甜。雪糕下底原來仲有脆米加添口感。不過仲有一小pat忌廉我就唔太欣賞，太膩同冇必要，下次記得要叫走忌廉。今次另上左一細兜黑蜜，我完全冇用。今次嘅食物質素唔錯，可惜服務都係一貫水平，入座效率低，上食物速度就超快，甜品上得早過熱食，會溶嘅甜品一次過上哂俾你，唔理你食唔食得切，又冇提供紙巾或濕紙巾，又唔識俾多隻匙羹人share食物，全部要叫先有，服務貼心程度絕對係有待改善。今次食品有好有失望，平均比個OK。…查看更多

夏日炎炎，又熱又渴，想食雪糕。喺希慎嗰頭就醒起超耐冇黎過嘅京林屋。上次黎已經係兩年幾前。餐牌包羅萬有，甜食有啫喱雪糕，餡蜜，雪山，芭菲，布丁，蕨餅，年糕甜湯，白玉甜湯，芝士蛋糕，卷蛋，另外亦有鹹食如蕎麥麵，烏冬，稻庭麵，鰻魚飯，牛肉丼，其他定食等。茶有日本最好嘅抹茶玉露，焙茶，玄米茶，煎茶，紅茶，黑豆茶，沙冰，牛奶等。餐牌寫每人最低消費一樣野，用餐時間普通座位為90分鐘。香港限定芭菲 $98 另加一之前已經食過呢款香港限定芭菲兩次，我次次都要食。香港限定芭菲一貫用高身玻璃杯裝住，有好多層嘅材料。首先抹茶軟雪糕喺頂，香濃厚身抹茶味濃而超滑溜，下面有三粒有嚼勁嘅白玉丸子同三件好滑嘅抹茶蕨餅。呢度嘅蕨餅係我暫時喺香港食過最好味嘅。下底就係我鍾意可以加添口感嘅脆米，再下底就係抹茶嘅絕配紅豆蓉，不過我覺得太甜。仲有少許忌廉，同兩粒浸泡過嘅士多啤梨。再下底就係啫喱同抹茶蕨餅。最下底一粒白玉丸子就完成成個香港限定芭菲。當然呢個香港限定芭菲口感勁豐富，集香滑，香脆，滑溜，煙韌，鮮甜於一身。不過今次食完我覺得太甜，已經係同人分享左。雪山 $108 另加一特大雪山有勁多軟綿綿嘅雪花冰，外面嗰層已經加左牛奶，味道微甜，味道調得好啱。入面好多雪花冰係冇味，等你自己加另上嘅抹茶醬或者煉奶食。抹茶醬好香濃而煉奶好滑，各有各好。雪花冰傍邊有兩粒白玉丸子，下底仲收埋左唔少抹茶蕨餅同紅豆蓉，今次同無味既雪花冰一齊食就唔覺甜。上面最頂有半球抹茶硬雪糕，雖然唔係軟雪糕，但係都好滑同抹茶味香濃，配綿綿冰食都幾好。不過，個人覺得之前喺Ocio食過嘅雪山冰幫你調好味仲抵食啲。黑糖珍珠焙茶雪糕 $58 另加一呢款黑糖珍珠焙茶雪糕係期間限定，即刻試吓先。焙茶雪糕好香濃厚身同超滑溜，正，個人覺得仲好食過抹茶味。杯邊超多黑糖珍珠，超煙韌好有咬口但唔過甜。雪糕下底原來仲有脆米加添口感。不過仲有一小pat忌廉我就唔太欣賞，太膩同冇必要。平日4點入座唔洗等，座位正常。食物質素有保證，招牌抹茶雪糕同焙茶雪糕無令人失望。其他配料如抹茶蕨餅，黑糖珍珠同白玉丸子等都好好。不過服務就好一般，我哋坐普通座位明明限時90分鐘服務員又話60分鐘。明顯細過5歲嘅小朋友又提你要叫野俾佢，但餐牌寫明5歲小朋友唔計。話哂都收加一服務費架嘛。要改善改善。勉强比個笑臉啦。…查看更多

今日和朋友往京林屋食晚餐, 我點了林屋和食料理和香港限定芭菲。林屋和食料理好豐富, 好足料,有鯖魚, 帶子、鳴門卷、燒汁雞肉、魚蛋、沙律、味噌湯、酸蘿蔔和焙茶飯。鯖魚食落鮮甜, 啖啖肉冇骨、帶子食落彈牙鮮甜,醬汁惹味、鳴門卷食落惹味、汁燒雞肉醬汁惹味, 雞肉鮮嫩、魚蛋食落彈牙、沙律食落開胃、味噌湯鹹度適中, 湯夠熱、酸蘿蔔酸酸甜甜好醒胃和焙茶飯茶好香濃, 飯好軟綿配上紫菜食落口感十足, 整套林屋和食料理口感十足, 味道豐富, 好美味的林屋和食料理；香港限定芭菲綠茶軟雪糕味道甜度適中, 軟雪糕食落軟滑, 脆米香脆、忌廉軟滑、士多啤梨甜度適中、厥餅茶味香濃和Jelly食落香甜, 整杯香港限定芭菲甜度適中,食落美味。餐廳環境整潔光亮, 食物精緻有特色, 朋友也好滿意今晚的晚餐, 我們食了一頓美味和式晚餐。…查看更多

每次到訪也是為了雙茶而來，今次就有點不同……當知道新相識的朋友勁愛吃鰻魚時，馬上便打算帶她來這間餐店。咦！？這裏不是吃我最愛的抹茶和焙茶嗎？無錯！但上次吃過它的鰻魚飯，我就愛上了，必要推介給朋友。餐店裝潢並沒有大改變，仍是燈光柔和，設計簡樸優雅，總給人舒適自在的感覺。不知今晚能否有幸坐在滿載日本風情的仿榻榻米座椅嘆各款美食呢？好彩早來，今晚坐到啦！但限時一個鐘，快快下單吧！每次細閱這本設計精美的餐簿，看着每幅菜式的相片，總令人喜悅。分別有甜點、雪糕、雪山、芭菲、麵食、飯類、茶和飲品，另外還兩款期間限定的飯類和三款甜品，選擇比以前多。******************************話明今次是專誠帶新朋友來吃鰻魚，當然第一時間點一客京式鰻魚飯 (原條) Kyoto Unagi Don ($98)。除了一大碗鰻魚飯 外，還配一碗熱辣辣的麵豉湯 和一碟醃漬蘿蔔。看着那兩大件亮麗的鰻魚，的確令人喜悅，面頭還放了大量紫菜絲，周邊伴着幼身的蛋絲 舖在熱辣辣的焙茶飯 上，好豐富吸引，難怪新朋友如此興奮。兩件鰻魚 都挺厚身，燒得金黃，沾滿甜甜地的鰻魚醬汁，很入味。肥美的肉質帶微爽，跟滿有茶香的焙茶飯 同吃，吸收了魚油香，非常美味。繼而吃一條酸咪咪而爽口的醃漬蘿蔔，以中和魚油的油膩感，配搭一流。而友人覺得若多些鰻魚汁就更吸引。吃完美味的鰻魚飯，便喝熱辣辣麵豉湯。內有不少爽滑的昆布 和清香的蔥花，味道剛好，不會太鹹，不錯!******************************上兩次到訪時，這款林屋和食料理 Kyohayashiya Obanzai (單品$88）都售罄，令我失望而回，今晚總於吃到啦！果然「皇天負有心人」。一次過可品嚐四小碟，亦同樣附有一碗焙茶飯、麵豉湯 和一碟醃漬蘿蔔，滿足得很。四小碟的配搭也不同，分別有配了魷魚 和明太子 的八爪魚沙律，口感豐富，味道鹹鮮，不錯！另一小碟有富豆腐餅、雞肉和木耳絲。較喜歡那件豆腐餅，豆味突出，混入甘荀粒，多份口感，亦多份甜美，好吃！還有一小碟是配了魚仔乾、芝士卷和帆立貝。喜歡那粒帆立貝，肉質彈牙，沾上甜甜地的醬汁，也好吃！但最美味還是燒鯖魚，並不乾身，富有肉汁，肉質腍嫩且烹調入味，好喜歡！******************************輪到甜品出場，巧遇剛推出的期間限定竹炭焙茶卷蛋套餐 Bamboo Charcoal Hojicha Roll Set ($98），當然不能錯過。除一件竹炭焙茶卷蛋 外，還配上一球牛乳雪糕、兩粒白玉丸子 和一些紅豆，很滿足！先單單品嚐面頭灑了少少抺茶粉的牛乳雪糕，雖不是抹茶或焙茶雪糕而有點失望，但卻意料之外美味。入口幼滑，奶味香濃，不錯！又試試配上大粒圓潤的紅豆，味道更香甜。仔細看看那件竹炭焙茶卷蛋，原來中間還捲了粉綿的黑豆，多份口感。糕身鬆軟綿綿，淡淡的竹炭味拌着香濃幼滑的焙茶忌廉，還有甜甜地的黑豆，此配搭起來很夾，而且一點也不甜膩，很討我倆歡喜，推介!******************************在三款自選茶中揀了葡萄煎茶 Sencha Infused with Grape Flavour (甜品套餐$0)。一倒進杯子，陣陣葡萄的香氣，氛香撲鼻。色澤淡黃，清澈見底，清新甘甜的葡萄味，舒喉解膩，配甜品很適合。再沖到第二三杯也不失葡萄香, 好喝！******************************掙扎！掙扎！好掙扎！難得今日是星期天，有供應焙茶....，但掛着芭菲，兩款要齊又太多，點算呢？最終由朋友下決定，揀了配搭豐富的香港限定芭菲 Hong Kong Special Parfait ($98)。每次見到它就令人歡喜若狂，今次也不例外。吃前先仔細看看，頂層唧了三四個軟抹茶雪糕圈，周邊放了煙糯Q彈的白玉丸子 和滑嘟嘟的抹茶蕨餅。下一層就是脆卜卜的脆米，再來一層幼滑的抹茶雪糕，然後加入甜美腍綿的紅豆蓉，繼而是幼滑的甜忌廉。再豐富一點，配上軟身香甜的草莓肉，而最底層還有數粒加了香甜黑蜜 的蒟蒻。慢慢舀慢慢品嚐，一層又一層，配搭吸引，口感豐富，難怪令我倆百吃不厭。------------------------------雖然今次到訪是有另一目的，不是雙茶，而是鰻魚飯，但我總是要吃埋雙茶甜品才滿足，始終對它們情有獨鍾，既然來到，根本抵受不住誘惑，不得不吃，也不得不認承己愛上了，相信不久又會再來這個令我喜悅的地方。無錯！…查看更多

自問唔算抹茶控，都中意食抹茶，但冇果啲抹茶控咁誇張，其實香港真係有好多食抹茶既地方，係希慎比較高既樓屠都隱藏住一間，好少上到黎12樓，所以好似發現新大陸咁店內唔算好大，大約20:30左右到達，幸好還有位置而見到店內都有幾個座位比較特別(和座)，係比較有私隱度，好似個罩咁罩住客人個頭部，比出面啲人見唔到，唔通係設計比明星，哈哈！先睇下餐牌當然會點抹茶，但見到佢個MENU新出左櫻花系列，所以都點左黎試下，係4月份推出既「櫻花。抹茶卷蛋甜品」 $98 配煎茶，有三款選擇，揀左玫瑰蘋果煎茶。櫻花卷蛋配上抹茶忌廉，入口時卷蛋軟綿綿配上忌廉融融既口感，再呷一口冰凍既抹茶雪榚，口感好融洽，唯抹茶忌廉既味道會蓋過櫻花味，後者味道不突出。配既玫瑰蘋果煎茶好特別附上漏斗比你計時間以及教你如何飲佢地既煎茶，會附上一個保溫熱水壺同茶壺，上枱後，茶壺已有第一壺茶，翻轉漏斗計時三十秒，可從茶壺倒出第一杯茶，飲完之後，從保溫熱水壺倒熱水入茶壺，又翻轉漏斗計時三十秒，可從茶壺倒出第二杯茶，如是者，可以品嚐到三杯不同濃度既茶香。味道方面，較重蘋果味，不知是否因為是煎茶，會帶點苦澀味。到必點抹茶──香港限定芭菲　$98一個高杯示人，最高有抹茶雪糕，頗為濃郁，雪榚中蘊藏住「寶物」，分別係白玉丸子同抹茶蕨餅，仲有脆玄米粒，再下面有紅豆蓉，之後一層甜忌廉、蒟蒻，最後有草莓肉。整杯會帶比你驚喜，因為食落去層層唔同，層層都有變化，唔會悶。焙茶餡蜜　$78試過櫻花、抹茶，要試埋佢既焙茶先夠完整，自己比較中意焙茶，經過焙煎後既茶葉更顯香氣、清新，而呢到既焙茶亦冇令我失望，淡淡既茶香，同樣配上白玉丸子、蒟蒻，仲有黑糖醬，清淡既焙茶淋上黑糖又帶另一種風味焙茶沙冰　$48食左咁多甜點，飲方面就清淡了，唔會覺得膩。食完晚飯正餐，再過黎食甜品，真係好夠好飽…查看更多

We ordered 香港限定芭菲&林屋抹茶芭菲, which were no longer our first attempts. Our first attempt was around 2 years ago while second attempt was  about 8 months ago. I recall that we ordered exactly the same 2 parfaits for our previous attemptThe 2 parfaits arrived pretty soon after ordering as there weren't any other guests!香港限定芭菲From top to bottom: Matcha soft cream -> ~3丸子&matcha蕨餅-> crispy rice -> Matcha soft cream -> red bean paste -> cream -> jelly -> strawberries -> cream -> 丸子The matcha soft cream was very thick! I think it was pretty hard for soft cream like this. So inevitably it was less smooth than many other soft cream out there. Of course it was rich in matcha flavour too.The 丸子 were not so ok. One was of quite poor quality, that is, it was too hard and powdery...Matcha蕨餅were the best of all those I had tried, even better than those at 中村藤吉&Tsujiri. They were super super smooth and just slid down your throat!There was nothing special with the crispy rice.There was loads of matcha soft cream in this parfait!The red bean paste was good but seems like those at 中村藤吉&Tsujiri were better as they were slightly sweeter.The cream sucked. Preferred having none of it at all.The jelly was ok.The strawberries were ok.I remembered there was some cake in the middle for our first attempt, which made it taste even better. I asked the staff and they said they no longer added cake to the parfait anymore Actually I think this one tasted more or less like the 香港限定芭菲.From top to bottom: Matcha ice cream & cream -> 丸子&matcha蕨餅-> red bean paste -> Matcha soft cream -> cream -> pineapple -> matcha蕨餅 The matcha ice-cream tasted more or less like that matcha soft cream, just slightly harder. Again the cream had better just be skipped. The HK limited edition should be better due to more ingredients like crispy rice and less cream (my personal preference).…查看更多

「抹茶雙妹嘜」又係時候出動啦! 今次又是潛入港島區品嚐抹茶的美味, 就是帶她去我很喜歡的「京林屋」，其實一直都想推介給她, 今晚終於有機會啦! 雖然我倆的目標是抹茶, 但其實我也想推介這裏的焙茶烚友人, 不知她會否一嚐便愛上呢? 店子的裝潢保持着一貫的特色, 以木材設計, 友人就被門口和櫃枱擺放的產品模型吸引着, 看到目不轉睛, 哈! 走進內裏, 燈光柔和, 設計簡樸優雅, 中間設有一張長木枱, 可坐十多人, 周邊幾張四至六人枱. 另一邊還有數張二至四人枱連長沙發座。最想坐的是那兩張滿載日本風情的仿榻榻米座椅, 簡樸優雅, 感覺舒適自在, 可惜今晚來到已被客人坐了, 噢!安坐後, 店員隨即送上清水和餐簿, 友人急不及待馬上翻閱。餐簿設計精美, 每頁均附有菜式的相片, 分別有甜點、雪糕、雪山、芭菲、麵食、飯類、茶和飲品, 另外還兩款期間限定的飯類和一款甜品, 選擇不少。******************************甜品當然要吃, 但怎能晚餐只吃甜呢?  還是在嚐甜之前先吃些鹹食打打底。餐簿內多了五版鹹食, 飯和麵各五款。我倆都是抹茶控, ,第一時間便揀了冷抹茶蕎麥麵 Chasoba ($78), 配有一小杯冷麵汁、一碟酸咪咪的醃漬蘿蔔、一小碗清淡的秀真菇蘿蔔茸。墨綠色的抹茶蕎麥麵 加了一些紫菜絲, 入口微涼, 口感挺柔韌滑溜, 不錯! 但抹茶味較薄弱……又試試蘸上冷麵汁, 冷麵汁的味道完完全全蓋了蕎麥麵的抹茶味, 但其味道美味, 很討友人喜歡。******************************身為魚痴的我當然揀魚類定食, 雖有期間限定的鯖魚定食, 但還是抵抗不了鰻魚的誘惑,故最終都選了一客京式鰻魚飯 (原條) Kyoto Unagi Don ($98), 附有一碗熱辣辣的麵豉湯 和一碟醃漬蘿蔔。之前是將鰻魚切成粒狀, 但今次便改了整件鰻魚 上枱, 面頭放上紫菜絲, 周邊伴着蛋絲, 舖在熱辣辣的焙茶飯 上, 每睇落更豐富, 賣相吸引得多。兩大件鰻魚 都很厚身, 好有份量,   底面燒得金黃, 沾滿甜甜地的鰻魚醬汁, 烹調入味。嫰滑的肉質帶點微爽, 而且相當肥美, 伴着幼身的蛋絲 和啖啖茶香的焙茶飯 同吃, 吸收了魚油香, 滋味滿分。再吃一條酸咪咪而爽口的醃漬蘿蔔, 中和魚油的油膩感, 配搭一流。麵豉湯 熱辣辣, 內有不少爽滑的昆布 和清香的蔥花, 味道剛好, 不會太鹹, 不錯!******************************友人第一時間就話要吃香港限定芭菲 Hong Kong Exclusive Parfait ($98)，真識揀! 單看其賣相，已令友人滿心歡喜。用上一個高身的杯子盛載，集合多種食材炮製而成，越舀越驚喜。頂層唧了三四個抹茶軟雪糕圈，先單單品嚐，不單止質感極之幼滑，而且抹茶味相當濃郁, 很美味。周邊放了煙糯Q彈的白玉丸子 和滑嘟嘟的抹茶蕨餅，再下一層又是香滑的抹茶雪糕，內裏混入脆口的玄米粒，然後是一層甜美腍綿的紅豆蓉，以及一層幼滑的甜忌廉, 未完呀! 繼續數數看，還配上軟身香甜的草莓肉 和晶瑩微爽的蒟蒻，最底還加了甜美滋潤的黑蜜。一層又一層，配搭吸引，口感豐富，所有食材都很匹配，美味得很，的確令人愛不釋手，友人讚不絕口，而我就越來越愛它…..******************************除抹茶外, 我最想讓友人一嚐這裏焙茶的美味, 故挑選了一客焙茶焙茶卷蛋  Hojicha Roll Cake ($88)。除一件焙茶卷蛋 外，還配上一球焙茶雪糕，兩粒白玉丸子 和伴上一些紅豆蓉，挺豐富吸引。先單單品嚐焙茶雪糕 的味道，雖不是軟雪糕, 但入口亦很幼滑，滲出陣陣茶香，茶味越吃越甘香，只嚐它已覺滿足。又試試配上大粒圓潤的紅豆蓉，較為香甜的紅豆蓋過焙茶的茶香，還是跟淡淡地的白玉丸子 同吃較匹配。仔細看看那件焙茶卷蛋，外表好似有點乾硬，但吃落卻非常鬆軟, 糕身還能回彈, 而且充滿焙茶的甘香，再拌着幼滑的焙茶忌廉，焙茶味更加濃郁，還配了少許紅豆蓉, 添點香甜，配搭更美味，口感和味道都很吸引，教人回味。******************************最後來一壺熱茶一解甜膩, 友人選了一壺熱玖瑰蘋果煎茶 Sencha Infused with Apple and Rose Flavour ($42)一起共享。一上枱, 友人便聞到已預先泡好的第一杯茶，蘋果味 氛香撲鼻，很討友人歡喜。淡黃的色澤，清澈見底，啖啖充滿蘋果香味，清新怡人，舒喉解膩。第一杯過後便由自己再加熱水沖泡，以漏豆計時，待一會便可品嚐。依然陣陣蘋果香，即使沖到第三四杯也不失蘋果味道，真的不錯！------------------------------今次「抹茶雙妹嘜」不再只是吃抹茶甜品，亦吃了抹茶的鹹食，真係大滿足。不過，雙妹嘜還是較喜歡甜食，女生愛甜的確無錯架! 我倆會繼續出動，第三站又是在港島區，希望下一站會走遠一點, 向新界區出發。 各位抹茶控要密切留意。今次 吃了抹茶麵, 咁就順帶介紹由日本回來的綠茶麵啦! 抹茶食品推介 名稱: 讚岐綠茶麵重量: 220g 產地: 日本(日本手信)簡介: 一打開便聞到陣陣茶香,正! 試了凍食, 又試了熱湯食, 還是覺得凍食的抹茶味較突出, 口感又較好, 很好吃! 但一定要按指示煮約5分鐘就好, 煮耐了就失去麵條的嚼勁, 亦沒有了茶香。…查看更多

今日去咗銅鑼灣行街～行行吓肚餓就去覓食於是去咗出名多嘢食嘅希慎一路上去上到去12樓見到京林屋～係我最愛嘅抹茶啊開頭以為剩係得甜品後尾睇埋餐牌先知原來都有咸食就叫左一個鰻魚飯同一個和食料理飲品就揀左一杯焙茶牛奶開頭嚟㗎鰻魚飯外相非常吸引即時開動呀 鰻魚超厚肉 啲飯又充滿鰻魚汁超級好味而和食料理就一共有四個小菜樣樣都好好味好似真係置身於京都到咁樣而佢個飯都係混入左鰻魚汁 正食完咸食之後飲杯焙茶牛奶 即刻覺得好清新之後我哋叫埋甜品～叫咗個香港限定嘅芭菲杯呢個其實同出邊嗰啲日式嘅甜品店賣相差唔多不過就好好味 食得出啲抹茶味真係同日本嘅一樣食緊甜品之際男朋友竟然覺得唔飽就追加左一個稻庭麵麵比較扁身少少 啱晒佢口味啊而且熱辣辣食完唔怕凍啦第一次係香港食京林屋就喜出望外睇來以後去銅鑼灣都要再食京林屋啦！…查看更多

今日同好姊妹瘋狂行街shopping，行到夜晚攰攰地好姊妹話去銅鑼灣希慎食dinner :)好姊妹話想去12樓嘅京林屋，話要帶我去試下好姊妹話京林屋係綠茶粉絲嘅朝聖地好期待！開面和店內也是滿滿木色日系風格是的呢！店員十分有禮安排我們入座之後奉上menu和水飲品方面我們點了熱的桃味焙茶。桃茶一沖後滿滿香香桃味撲鼻！而且十分特別的是在托盤上有個漏斗店員十分有禮立即奉上品茶的步驟品茶的方法詳細，店員亦十分體貼地提醒我們於漏斗計時完要立即把茶倒出來飲用，要不茶會變得苦澀真是貼心呢！主食方面好姊妹點了讚岐烏冬讚岐烏冬的湯底採用鰹魚湯底，清甜而不漏。魚餅和鳴門卷很有咬感而且滿滿炸天婦羅碎，口感十足！而我就點了抹茶蕎麥麵湯底也是同樣的鰹魚湯底，但卻加入了蘿白蓉和滑子菇，適合愛素人士呢！而且同時配上醃蘿白，十分爽脆呢！我們兩碗麵看似細碗但原來份量頗多，所以不能少看我和好姊妹都是綠茶控所以今次點了兩款不同的綠茶甜食，兩款甜品也十分出色第一款甜品很特別，是香港限定的芭菲身為香港人當然要支持一下芭菲層次非常豐富！第一層是香濃的抹茶雪糕，醇厚香濃，十分香甜又不會苦澀！麻糬煙煙韌韌，充滿嚼勁綠茶啫喱和玄米等配料也十分出色！最特別的是最底部分有香香焦糖醬！多重口感和味道的香港特色芭菲，大讚是的！第二道甜品是特大的林屋抹茶雪山份量也頗大是的！有牛奶和綠茶醬可以配搭呢個特大雪山內裏十分特別！雪山中間內藏紅豆蓉和抹茶啫喱，而且配搭兩粒麻糬整個雪山十分出色而且充滿口感！是晚與好姊妹埋單共400元左右，每人也是大概二百元，但卻享受了兩個主食和兩個大甜品！也是十分回本是的！…查看更多

超級抹茶控, 國慶又要出去同肥仔搵野食！去左希慎食京林屋，又有甜品又有咸食。裝修以木為主，幾有和風感覺，晚上6點已經滿座。兩個人，一人一個飯同甜品抹茶蕎麥麵$78真係有抹茶味的蕎麥麵，爽口彈牙，配埋醬汁食一流京式鰻魚飯$98新推出的飯，鰻魚切成一片片，幾很厚身，沾滿鰻魚汁。有勁多紫菜絲同蛋絲香港限定芭菲$98有小丸子、紅豆、脆米、綠茶JELLY等，好足料！抹茶雪糕味道好濃，而且雪糕好滑，一個芭菲咩都可以試暈咁制。宇治茶冰$98打卡必點，真係好似雪山咁大個，勁重綠茶味！ 份量很大很吸睛！另外仲有綠茶醬唔夠可以自己落。抹茶牛奶$46和岀面既抹茶牛奶不同，唔係得個甜字，奶味和抹茶味都好香濃。OVERALL 好滿足今晚綠茶之夜。…查看更多

講開綠茶甜品大家都會諗起中村藤吉。但原來仲有一間比佢更老之號。就是京林園呀！以曰系簡潔裝裝吸引，最想食一定抹茶甜品！除了大枱外，仲有半開放式卡位，有獨立空間，自成一角。甜品非常精美，睇餐牌已口水流😜首先叫了杯飲品為抹茶牛奶，不太甜及冰塊適中不會沖走內綠茶香及濃郁。香港好小餐廰可以有人記得你。朋友驚我甜品不夠飽，叫了鰻魚飯，饅魚十分足料內有蛋絲，有味增湯及酸蘿蔔，非常滿足！這個套餐樣様有少少，適合心多的我，樣樣少少唔怕肥！這個真的一試難忘，綠茶牛奶軟雪糕幼滑又濃，每一層都不同食材，令你罝身高級亨受。在雪糕底下有士多啤梨，中和甜食，真的一試難忘。仲是香港限定。硬身嘅雪糕帶有小小粗粒冰沙，再加綠茶啫喱、厥餅、小丸子、啫喱、涼粉，配上少量嘅糖漿，真的無得頂。…查看更多

約朋友上希慎廣場午飯，經過此店看見無人龍，便立即轉軚在此進食。本身打算只吃甜品當午飯，但又怕不夠飽，結果一人一個咸食加一個甜品，滿足地離開。寫這食評時才發覺，原來我在京都也幫襯過此店，立時覺得很正宗。朋友點的京式鰻魚飯很多汁，與平常吃的鰻魚飯有點不同，鰻魚切件上，很彈牙。我則簡單地點了讚岐烏冬，烏冬很彈牙很滑，雖然看來碗仔細細，但原來份量頗大，加上兩件大大的魚餅，結果因為要留肚食甜品而沒有食完！😝重頭戲是抺茶甜品！朋友點了香港限定芭菲，她是被"香港限定"所吸引的，抺綠茶雪糕很多，她說有種像食了很多雪糕還未到下層的感覺。我則點了特製林屋抺茶餡蜜，最欣賞的是其綠茶蕨餅，軟熟得來有點Q彈的口感，加上抺茶粉配合綠茶雪糕及紅豆，超級好味!另外朋友點了的焙茶牛奶也不差，淡淡的焙茶味，是此店抺茶以外的選擇。…查看更多

希慎有間由京都來的百年老字號餐廳，京林屋。鋪頭外面人山人海，都要等位，入座還有時限，1.5小時，但鋪內依然客似雲來。先來京式鰻魚飯$98，鰻魚肉鮮味，肉質彈牙，有鰻魚燒汁味，切碎了一件件上，面鋪大量蛋絲同紫菜絲撈埋飯底一齊食，而珍珠米飯更有焙茶泡過，清香味濃，還有麵鼓湯，唔算好咸，配菜還有酸蘿蔔。如覺得飯味濃還可加wasabi 撈飯食。之後上金目鯛定食$88， 魚油香味濃，用了醬汁覆蓋全塊魚，非常入味，最佳餸飯，一匙焙茶飯配啲紫菜同魚食，味道剛好。食完飯當然口乾嘆返杯靚茶，跟餐多$20 可叫杯葡萄煎茶，店員一放下已聞到葡萄清香味，有漏斗，可泡三杯，很喜愛，飲完清一清口腔可以叫甜品同飲品，叫了香港限定既芭菲，賣相好吸引，一次過可以滿足好多願望，由頂至下，有抹茶軟雪糕，綠茶味香濃，有馳名既綠茶厥餅，質感像果凍但煙韌，還有再煙韌啲既小丸子，米通，焙茶厥餅，呍喱拿軟雪糕，大滿足的甜品。焙茶沙冰雪糕$58，相對清甜解渴，焙茶味雪糕滑溜，茶香夠清甜。綠茶還未夠喉，再叫了茶之戀，給人浪漫感覺，有綠茶豆蓉，裡面包了忌廉同海綿蛋糕，夾埋食比想像中冇咁甜。呍喱拿雪糕幼滑，沾啲紅豆粒同小丸子一齊食。唔怪得咁多人排隊，真係好滿足，而且限時個半鐘其實都夠時間，上菜好快手。下次要再品嚐其他茶種先得，還有好多選擇。…查看更多

好耐之前就想潮聖，今次搬左去新位先去左試，抹茶控恩物不解釋！芭菲分為6層左右雪糕 x 啫喱 x 米通 x 焦糖 x cream x 士多啤梨抹茶雪糕有足夠既抹茶味但吾會系苦，同埋一食已經feel到啲牛奶味，好正呀十分坦白地想講句食完雪糕戈層已經好飽然後其他戈啲就慢慢嘆～ 白玉十分煙韌，食芭菲永遠都好中意食脆脆既米通，最底兩三層好甜⋯⋯抹茶蕨餅也是一絕的，試咗一舊原味先，原先對於蕨餅嘅印象係諗住會好苦，但食落發覺抹茶同甜味係各佔一半加上黑糖漿同埋抹茶粉令蕨餅變得冇咁單調，煙煙韌韌咁好好食。相比起前面戈款食物，抹茶啫喱雪糕似乎就顯得單調，不過味道都系吾錯，香滑濃郁。P.s. 同隔離枱距離太近，傾計似乎都吾可以太舒心呢，食完出番去戈陣亦只系僅僅出到 (自問吾系超級肥戈隻😂)P.s 2 食物雖然好食但價錢真心進取。…查看更多