Yo Roll (新文華中心) (已結業)

我喺尖東行完街之後打算行去紅磡搭車返屋企，路程途中見到呢個壽司外賣店－Yo Roll。門口同歌舞伎町入口招牌一模一樣，令人有少少去咗東京嘅感覺。由於屋企冇煮飯，我決定買壽司返屋企享受🥰，我揀左壽司set C同一款卷物。- 壽司set C 🍣 餐廳壽司飯加上赤醋，令壽司飯增添一份酸甜味道。壽司一共有八款，包括海膽、赤身、三文魚子、油甘魚腩、北海道帶子、燒三文魚腩、蛋同牡丹蝦。另外仲有蔥吞拿魚腩卷。每款身都好新鮮，尤其係海膽同北海道帶子，前者鮮甜十足，後者肉厚甜美👍🏻- 風林火山卷最外層係蟹子，中間係赤醋飯，入面係辣味三文魚。賣相同餐牌上有少少出入，蟹子份量少得多。味道方面，口感非常豐富，加上沙律醬非常惹味。Yo Roll開到凌晨三點，食物味道不錯，性價比高，下次經過Yo Roll一定再encore！

就喺新文華中心嗰條好熟悉嘅美食街以前喺紅館睇完演唱會 好多時都會喺度食埋野先走試過今次之後 日後又有新選擇啦💓💓💓不得不提佢啲飯係用醋飯 令成件事昇華咗😋仲要即叫即整 所以都要預少少時間等雙撲手卷 $78 🙆🏿‍♀️火焰芝士上面有蟹子同蟹膏再加埋卷入邊有滿滿嘅蟹肉淨係睇樣已經好吸引🤤一入口 個芝士超香 加咗好多分其他亦超足料 無可挑剔 令人想一嚿接一嚿 💯風林火山卷 $68 🙆🏿‍♀️繼續用好似唔使錢嘅方式捲着啲辣味三文魚出面再碌咗一轉蟹子大家請放心 佢嘅辣味三文魚唔係好辣😂相信所有食三文魚嘅人都handle到 都幾好味👍🏿雜錦魚生丼 $78 🙆🏿‍♀️唔知點解小妹同小馬都好鍾意食呢啲角切魚生丼飯可能因為鍾意每一啖都可以食到魚生🤣🤣但估唔到佢用三文魚子呢啲貴食材加上有三款魚生同青瓜 口感十足樣樣都好新鮮 加上佢揀嘅魚生完全冇腥味果然店長冇推介錯呀吓😆❎ 加一服務費