小曼谷海鮮燒烤屋

營業中

休息中

同朋友慶祝生日， 三個人就試下小曼谷海鮮燒烤屋，位於九龍城太子道西398號御太子地下1-3號舖。 其實九龍城好多泰國菜館， 要突圍而出真係要有口碑， 店內環境非常熱鬧，有Live show， 仲好熱情唱生日歌🥳。 三人晚餐 ～ 海鮮孖寶$258(牛油蒜蓉燒蟶子三隻+ 香煎扇貝兩隻)、風味燒豬頸肉$128、 明爐香檸汁蒸桂花魚$268、 冬陰功湯$148、 豬肉碎生菜包$118、 泰式生蝦刺身$128、 泰式炸蝦餅$98、 泰式鮮蝦炒金邊粉$108、 小曼谷原隻芒果糯米飯$88、 芒果沙冰$42、 椰皇$42、 泰式青檸梳打$42、珍多冰$42。 ✨牛油蒜蓉燒蟶子 ～ 蟶子都幾大隻， 但鮮嫩的味道被牛油蒜蓉遮蓋了。 ✨香煎扇貝 ～ 扇貝有兩隻，味道不過不失，但海鮮孖寶性價比不算高。 ✨風味燒豬頸肉 ～ 口感偏硬，沒有一般豬頸肉的爽口。 ✨明爐香檸汁蒸桂花魚 ～ 桂花魚肉質嫩滑，香檸汁酸酸地，幾開胃，不過桂花魚比較多幼骨，食的時候要小心。 ✨冬陰功湯 ～ 辣度剛好，有兩隻爽口大蝦。 ✨豬肉碎生菜包 ～ 正常發揮。 ✨泰式生蝦刺身 ～ 爽甜的肉質，好味道。 ✨泰式炸蝦餅 ～ 蝦餅做型似don

天氣時熱時落雨，最好就係叫外賣舒舒服服宅在家慢慢歎。呢間泰菜外賣都可保持到水準，忍唔住食完再食👍🏻黃咖喱🐓雞肉咖喱唔會太辣，稍嫌香料味唔夠濃，反而配上既鮮雞件夠嫩滑鮮味，眾有加左唔少蔬菜。風味燒🐽豬頸肉 豬頸肉燒得焦香惹味，肉質爽口彈牙，肥瘦剛好唔會食完成口油，而且份量超多放左兩層。豬肉生菜🥬包免治豬肉肥瘦肉適中，醃得夠入味，調味香辣合適，酸辣醒胃。馬拉盞炒椰菜苗爆香既馬拉盞加上椰菜苗爽脆，香辣惹味，底層既菜因為浸住汁稍咸。鮮菠蘿🍍雞肉炒飯用上鮮菠蘿+雞肉等炒香，稍認為炒飯底味道較淡，可加多咖喱和薑黃既調味。泰式鮮蝦🦐炒金邊粉金邊粉用羅望子醬、椰糖、魚露等炒香，咸香中帶酸甜好開胃，炒得夠乾身鬆身，唔會油淋淋。泰式原味烤酥餅酥餅外賣黎到都keep到香酥脆，好香奶香味，但如果鍾意較酥軟質感既就未必覺得岩口味啦，因為真係好脆😆泰式蒜蓉包蒜蓉包同樣出色，入口依然外層脆卜卜、內裡軟熟，蒜香牛油香味兼備。💕歡迎FOLLOW IG📳na.foodie_tour

雖然小曼谷不同分店都已經多次光顧，但依然是我心目中首選的泰國菜之一，多年來質素都比較穩定而且款式夠多元化。牛油蒜蓉燒大蜆 ($115) 上舖滿炸蒜香口惹味，但蒜蓉再加上牛油始終味道比較濃重，蓋過蜆肉本身的鮮味。風味燒豬頸肉 ($111) 保持一貫水準，外層燒至焦脆並帶陣陣炭燒香氣，肉質爽嫩不至過乾。青咖哩海鮮 ($101) 當中包括魷魚、大蝦、青口等，辣味溫和帶淡淡椰香，惟質感較稀未算相當濃稠，配上泰式風味烤酥餅 ($32) 品嚐酥脆可口並富牛油香。鮮芒海鮮炒飯 ($92) 可能由於加入芒果果肉水份較高，飯底偏濕不夠乾爽分明且鑊氣欠奉，加上當中太多三色豆略嫌影響口感。另外我倆再追加了半隻小曼谷五星燒雞 ($148)、泰式炸蝦餅 ($76)及泰式乾炒米粉 ($86)，質素與價格均屬正常範圍，可以接受。

九龍城最出名就係泰國餐廳, 唔想行去食, 唯有出動外賣送遞, 安坐家中享受泰國美食。🥢黃咖哩海鮮黃咖哩比較重椰奶味道, 偏甜, 稀杰適中, 同泰式蒜蓉包真係好夾。配上不同海鮮, 包括帶子, 蝦, 魷魚, 青口。海鮮雖然是冰鮮, 但唔會有重重嘅雪味, 煮得剛好, 所以軟硬適中。🥢泰式蒜蓉包大大塊嘅蒜蓉包, 面層舖滿新鮮蒜蓉粒, 香脆可口, 用嚟蘸咖哩汁, 真係好好食! 相信現場食應該更脆。🥢風味燒豬頸肉豬頸肉燒得好香, 肉質軟腍, 充滿肉香。份量亦十分之大份。🥢香葉辣椒豬肉炒飯呢個炒飯絕對適合鍾意食辣嘅人食, 因為真係好辣! 炒飯炒得好香, 粒粒分明, 放入口每啖都會有豬肉碎同豆粒, 好食!整體食物都好出色, 不過價錢偏貴, 一定會再食, 不過就唔可以食得太密。

講到泰國菜，第一時間諗起九龍城，餐廳附近有咪錶可以泊車(6:40pm)，如果早的話可以碰碰運氣。泰式冰奶茶 ($28)珍多冰 ($36)泰茶非常普通，像香港普通的奶茶，跟泰國相差很遠。珍多冰偏甜，但很有咬口，不錯。泰式鮮蝦炒金邊粉 ($85)金邊粉很好吃，不會太濕太油，很夠味，料也足夠。泰式鹹肉炒椰菜苗 ($78)這茶咸了少許，油也多，但很夠味，菜新鮮。風味燒豬頸肉 ($98)燒得很乾身，肥瘦剛好。泰式炸芝士蝦丸 ($88)比想像中大粒好多！！！啖啖蝦肉，很彈牙👍👍燒雞全翼($18x2)超好食！！！因為有太多餸想食，但只有2個人😂😂😂最後要打包。